امل : باوعتلها صفح كون يسمعج مهيوب يوكلج نعل بعدين شنو عجبج بي دشوفي يغزز خوب الحواجب احلا من حواجب كوثر
رحمه : هههههه اي والله لو اعرف وين حافهن ارتاح ،
امل : فتنه جوا وتلكتنا مرت عمو نجم مديحه سلمنه وكعدنه بالصاله وبعدها اجت مرت رحمن وبناتهم سلمن كاعدين نضحك ونسولف فجئا وطب رحيم ،
رحيم : السلام عليكم ودنك باس هديه
هديه : هلا وليدي هلا شلونك ماشاءالله كبران
رحيم : هههه الله يسلمج حجيه الحمدلله بخير انتي شلونج شون صحتج ها بنات شلونكم اشو ماتعرفن تسلمن ويبتسم ،
رحمه : لا والله نعرف نسلم ليش مانعرف هلا هلا شلونك شخبارك أن شاء الله بخير شخبار الدراسه وين وصلت ،
امل : اريد اسكت رحمه ماتسكت اباوعلها اغمز اكررص ماكوو نفتحت بسيطه اني اعلمج همست بأذنها نرجع للبيت لو مانرجع باوعتي واصلا مو يمها كعدت دك سوالف ويا رحيم تمنيت يشوفها مهيوب ،
هديه : يلا يمه امشينا
مديحه : لا والله ماطلعون الا تتعشون العشا صاير
رحيم : اي خاله اليوم تتعشون يمنه واني اوصلكم ،
امل: باوعت عليه حجيت بكلبي كون يسمعك مهيوب يوصلك للمستشفى وتكسي على حسابه ،
هديه : لا والله بيت عامر أن شاء الله هم مناك مهيوب يضل باله كتله ما نتاخر ،
مديحه : والله خيه ميصير هوا احنه بس بالمنسابات
نلتقي
هديه : الله كريم خيه الله يحنن الكلوب ،
امل : طلعنه وكل الطريق اني ورحمه نتعارك زمخت بينا ماما صوتجن منا السايق ادبسزيات سكتنه وحده تباوع ع ثانيه بحقد ،
رزان : بعد ماطلعو اهلي كمت لميت الريوك وعزلت المطبخ طلعت دجاج نكعته بمي حته اسوي غدا
رحت شغلت المكنسه الكهربائيه وبديت اكنس شفت شهد مبدله دتروح للمدرسه لاحضت شهد مو طبيعيه تنزل من غرفتنه تشوفني اكنس بصاله تباوعلي وترجع اباوعلها تسوي روحها تقرأ استغفرت ربي اشبيها هاي كملت وأخذت المكنسه لمكانها وصعدت فوك اشوف هاي شبيها اكيد مسويه جريمه وماتريدني أشوفها جاي اصعد ع درج غرفتنه مقابيل الدرج شفتها جاي تطلع اول ما اجت عيني ع رجلها لابسه حذائي فتحت عيوني ع وسعهن واني اباوع الحذاء مالتي جابه بابا من سافر لتركيا برجل شهد
عطتت حذذذذذاااائي وججج يومممم راح حذائي لحكولي حراميه طبعا بيه طبع موو حلو العياط ٢٤ ساعه اعيط ركضت الها ولزمتها من شعرها وهي لزمتني من شعري وبدينا نتصارع نزععييي يلا نززعي ادبسزز حراميه
شهد : لج مسمومه هديني جنج عمتج صبيحه
رزان : ماهددج كتلج نززعييي يلا ماماااااا ولازمه شعررها وهي كذالك جاي نصارع وجان اسمع صوت احمد فزينا ثنينا ؛
KAMU SEDANG MEMBACA
سولفلي على روحك يابعد هالروح
ChickLitعائلة سعيده مكتونه من ام واب وثنين بنات وثنين ولد ليكتشفوو جايهم مولود جديد ياترا شحيصير تابعووا احداث مشوقه
البارت الرابع
Mulai dari awal
