سولفلي على روحك يابعد هالروح

البارت التاسع

بقلم ((( الكاتبة رفل )))

( سولفلي على روحك يابعد هالروح )

رزان : كعدت الصبح كلي نشاط لفيت شعري باوعت

على شهد نايمه ع جربايه ورجليها بالكاع ضحكت

لج شهدد كومي خلي نكمل شغل هسه تجي ماما

ماكو رد ، رحت سحبتها من ايدها وكعت ع الكاع

اجيبها منا تنام منا راشديات ماكو قافله بس كتلها

لج كومي اليوم عندج امتحان فزت وشعرها منفوش

شافت ساعه 8 ونص عفتها وطلعت صار بوجهي علي

صباح الخير ،، علي : صباح النور عمه صبيحه كاعده جوا صار ساعه

رزان : يااا تحجي صدك ليش ماكعدتني ،،

علي : مادري جننت ادرس شفتها كاعده ومشغله التلفزيون ،،

نزلت جوا سلمت عليها بوستني من ورا خشممها

صبيحه : كللليش واخيرا كعدت العروسه جان ضليتي نايمه بعد وكت ،،

رزان : عمه ساعه 8 ونص ترا ردت نجبي لج لتردين

يلا سوي ريوك جايه بلا ريوك وين اختج الشفيه ،،

نزلت شهد ها عمه حلمانه بينه ،،

رزان : خزرت شهد حته تسكت ورحت للمطبخ اسوي

ريوك خليت القوري وطلعت بيض وجبن ولبن

حظرت الكوابه والشكر وطلعت طاوه صغيره خليت

بيها زيت وطكيت البيض خبطته وخليته بطاوه

شفت علي جايب صمون خليت البيض واللبن والجبن

وخليت مرربه شلت الصينيه يم عمه خليتها عوجت

حلكها ،، كعدنه نتريك

صبيحه : بالله امج شكالت لروحها من حبلت بعد هالعمر ،
رزان : باوعتلها ومارديت اعرف تدور مشاكل

شهد : عمه هوا كله رزق من الله اذا عاجبج احبلي منو لازمج ،،

صبيحه : بعصبيه انجبي لج شو ماتحترمين ولا عليمن اطلعين منو امج ..

رزان : شهد كافي كومي عزلي الاستقبال واقري دروسج ..

ضلت عمه تباوعلي بحقد حجت شوكت تزوجين انتي شوو كاعده لا دراسه ولاشي شمنتظره ،،

باوعتلها كلت اعرف قصدج اطمني ما اخذ ابنج ،

صبيحه : ههههههه والله ورايحه بعيد بنت مريم

لج لو ضلين اخره وحده ما اخذج لابني شعدي ماخذه حيه ،،،

رزان : اريد اجاوب اجاني صوت شهد،،

شهد : جاي امسح الاثاث وكوه بالعه عمتي سمعتها

تكول لرزان حيه رديت عليمن تطلع غير على عمتها