سولفلي على روحك يابعد هالروح

بارت38

                 ((( بقلم الكاتبة رفل )))

        ( سولفلي على روحك يابعد هالروح )

شسولف وانت سالفتي شگلك غير أحبنك "

اطش روحي بشواطيك غيرگ  انا غريگ وما اضوگنك " ♥️

رزان : لتفت وراي شفت عمتي هدية موكعة العصير 
ومشمئزة منه حجت خالت مهيوب اشبيج خية هدية ..

ليش هيج دمرتي الفراش .

هدية : لج عيني الكلاص وصخ ماتحمل اني لعبت روحي منه .

باوعت لامي الي مصدومة من عمتي .

حجت فاطمة  على كيفج خية مايستوجب ضربين الكلاص ع الارض جان عفتي وماشربتي ..

هدية : اني هيج تكش روحي من الوصخ بعدين ماتحاسبين بنت اختج اذا كلاص ماتعرف تغسل شلون حتزوج .

رزان : كلش استحيت من وفشلت وخالاته يباوعن علية صرت بنص هدومي .

ودمعتي طفرت عرفت ماراح تعديها على خير عمتي .

طلعت للمطبخ وشهد لحكتني  .

شهد : ججج لا تضوجين حبيبتي محترگة منج لانو مهيوب يحبج وهي تحب بنت اختها قابل خالات مهيوب مايعرفوج شنو انتي اصلا دائما هم يحمدوج من يشوفوج تشتغلين بيت مهيوب ..

رزان : لجج اني ممقهورة علمود شراح يفكرون بس مقهورة لانو فشلتني هيج هاي البداية الله يستر .

شهد : وكفت يمها طبطبت على ضهرها وحجيت يلا رزونة امشي نكعد واقهريها لاتقهرين حالج .

شفت خالت مهيوب اجت للمطبخ هي  صغيرة بعدها ب الاربعيانات  وكفت يم رزان وحجت اشبيها عروستنا زعلانة ..

رزان : ابتسمت على كلامها هي كلش حبابة كل مره اشوفها ونحجي .

حجيت ماكو شي .

نهرين : حبيبتي لاتقهرين روحج هي هاي هدية دسوي هيج لانو مهيوب ما اخذ بنت اختنا وحالفة اجزعج عيشتج بس انتي صيري سباعية  ولاتهتمين للحجي اهم شي  مهيوب يحبج  ويحترمج وخلالج بيت وحدج عيشي حياتج وطنشي الراح والجاي ..

رزان : الله  كريم خالة هي من زمان ماتحبني   مامنتظرة محبتها هسه .

نهرين : سوي الكتلج عليه حبيبتي ولاتهتمين لاحد فقط مهيوب شاريج وحابج اكسبي واسكتي هي جاي سوي هيج حته تلغين العرس وتعوفين ابنها
بس ياعمه والله متلكين نفس مهيوب يحبج ويقدرج امشي بفالج واني  وياج اني عمتج اعتبريني .

رزان : حاضر خالة ابتسمت وحظنتني  بعدها بعدت عني باوعت شوي من فوك لجوا .

نهرين : شوو افتري بالله افتري .

رزان : لزمت بايدها وافتريت جنت لابسه فستان عادي اسود على شكل سمكة وشعري كيرلي وكحل اسود وحمرة طالعة كلش حلوة باوعتلي وحجت .