((( بقلم الكاتبة رفل )))
( سولفلي على روحك يابعد هالروح )
رزان : اجيت شلت الغدا من يم مهيوب وصبيتله جاي ونطيته باوعت لهند تخزرني اوي هاي اشبيها .
كعدت يم بابا سمعت صوت تلفون خاله ام هند يدك
طلعته من الجنطه باوعت وتغيرت ملامحها بان الخوف ع وجها سدت التلفون وحجت يلا هند ماما هذا ابوج ينتضرنا برا .
هند : حجيت بكلبي اهووو هسه شجابه شوكت ارتاح ياربي .
مريم : ياا خيه بعد هسه جيتووا ضلوو ع العشا هاب اول مره زوريني .
ام هند : تسلمين حبيبتي بس والله ابو هند داينتظر برا .
مريم : وهي توصلها للباب خل اشوف ابو هند اسلم عليه .
ام هند : لالا حبيبه بغير مره هسه مستعجلين دفعت شهد لشارع وبوست اختها وطلعت .
ابو هند : معصب وعيونه تجدح نار بسيطه تكسرين
كلمتي موو شعندج جايه لهنا تفترين ابنتج العارر لج هاي المفروض اخلي طلقه براسها حته ارتاح .
ام هند : شدعوه ياعيني بعدين اني ردت اسلم على مريم واخذتها وياي شوي فك ياخه عن البنت هالكاعده بالبيت ٢٤ ساعه لاطالعه لافايته .
ابو هند : يطبها مرض لهسه منزل راسي كدام اخوي وماعرف شكله بسببها .
هند : اهووووو لو مطالعه احسن .
ابو هند : اول واخر مره خلسمع بيج طالعه .
مهيوب : يلا اني اترخص .
خالد : وين ابني اكعد بعد وكت .
مهيوب : لا عمي ماكو احد بالبيت بس امي والبنات .
خالد : هاا لعد روح وليدي الوضع مو أمان .
..مهيوب : اي والله عمي يلا اودعناكم .
مريم : الف هلا حبيبي سلم عالوالده .
مهيوب : يوصل أن شاء الله طلعت وتوجهت للبيت .
نزلت شفت امي بالحوش رحت بست راسها وسلمت عليها .
هديه : هلا وليدي الله يرضى عليك وهي تبوسه .
مهيوب : شلونج يمه .
هديه : بخير يوليدي أمل كلتلي رايح لبيت عمتك مريم .
مهيوب : أي والله يمه اجيت للبيت وشفت هند تعكر مزاجي كلت خلروح حته لا اتعارك شوو لحكتني لهناك ..
هديه : ياااا كون صدك شوو كالت احنه ومريم مانتحاجه .
مهيوب : والله يمه اجت عينك عينك فاتت وسلمت ولاكانو صاير شي .
هديه : ماعلينه بيهن يمه المهم كلي شصار من سالفة
احمد واختك عيب خوما يضلون ينتظرون الجماعة .
YOU ARE READING
سولفلي على روحك يابعد هالروح
ChickLitعائلة سعيده مكتونه من ام واب وثنين بنات وثنين ولد ليكتشفوو جايهم مولود جديد ياترا شحيصير تابعووا احداث مشوقه