سولفلي على روحك يابعد هالروح

البارت السادس عشر

( ( ( بقلم الكاتبة رفل ) ) )

( سولفلي على روحك يابعد هالروح )

رزان : انسحبت للمطبخ باوعت هذا مهيوب شلت  ايده من حلكي حجيت اشبيك انت اشبيك صدك متستحي شلون تلزمني هيج ها ومنو سمحلك تجرجرني هنا احجي  وارجف وهذا صافن بوجهي ،،

مهيوب : شفت رزان جاي تنقل الاكل وكلها كعدت كلتهم بس اغسل واجي وكفت بلمطبخ انتضرها تطلع اريد اخذ خاتمي شلون تجرء تلزم خاتمي هذا الخاتم كلش غالي عليه ابويه الله يرحمه هداني ايا اني ابد ما انزعه من ايدي احسه يجلبلي الخير والامان ،،

شفتها طلعت من المطبخ سحبتها وسديت حلكها حته لاتصرخ بس ياريت ماسحبتها شهرتني ماجذبت من سميتها ضد حجيت خاااتمي شجابه على ايدج ليش ماخذته بلا علمي ومنو سمحلج اخر مره تمدين ايدج على غراضي ابتعدي كل البعد عني مفهووم وسحبت الخاتم من ايدها بعصبيه ،،

رزان : ضليت صافنه بوجها واحجي بداخلي واني اكول ليش هايج الثور طلع محبسه بس والله اني هم غبية هسه عباله كاتله روحي عليه حجيت ترا هذا الخاتم شفته ع طاوله وردت قاطعني وكلشي شوفي ع طاوله  تلبسي بالله شفتي عكالي ع طاوله هم تلبسي ها مو احاجيج رديت اي لمن نضفت الطاوله لبسته ونسيته باييدي اكيد مامتقصده اخذه ولا اعرف هوا الك  وهسه ماصار شي شوفه كامل لا اكلته ولاشربته خزرني  وطلع عاد اني اخذت ماي وطلعت رحت للحديقه وهوا راح غسل كعدنه نتعشا 

خالد : عاشت ايدكم عمي ليش كلفتو نفسكم ،،

عمر : بالعافيه عمي ماكو كل تكلفه الله شاهد فرحان بجيتكم هنا كل الهلا بيكم ،،

خالد : الله يسلمك وليدي احنه الفرحانين بلمت احبابنه الله يديم المحبه ونفرح بيكم انت ومهيوب واحمد وعلي ،،

علي : امين يابه ،،

خالد: ها عليوي جنك ناويها ،،

علي : هههه لايابه اشاقه كل عقلكم اورط روحي ،،

مريم : اعرفك مابيك حظ بس لسان اني داريد ازوج احمد هالسنه ان شاء الله ،،

احمد : ليش يمه شمسويلج اني ،،

هديه : اي حته نزفله سوا هوا ومهيوب ،،،

مريم : ان شاء الله بس خلي يدورولهم بنات حلال تريح بالهم ،،

هديه : والله خيه اني عندي بت حلال لوليدي ان شاء الله عن قريب اطك الفخه وتسمعون اخبار حلووة،

مهيوب : غصيت هاي امي اشبيها هسه شحجي شكول خاف افشلها اذا حجيت سكتت نرجع للبيت والله كريم لازم اني الموضوع اليوم قبل ما امي تورطني بيها باوعت طرزان كاعده كدامي وعاقده حواجبها رفعت راسها خزرتني رفعتلها حاجبي بمعنى شكو  شو هاي عوجت حلكها عفتها ناقصني زعاطيط ،،