بقلم ((( الكاتبة رفل )))
( سولفلي على روحك يابعد هالروح )
رزان : اجا اليوم الي راح نترك بي ذكرياتنه وطفولتنه
وعركاتنه وضحكاتنه وكلشي حلوو عشنا بهذا البيت
اليوم راح نودعه ونطلع ،،
جنت واكفه يم الدرج ونزلت اتلمس الدرج والحياطين جاي انزل صار مقابيلي باب المطبخ
والمجمده بصاله يم باب المطبخ مره من المرات لمن
كنا صغار كان عمري 12 والكهرباء طافيه جنت جاي
اطلع من المطبخ وماحس الا بشي هجم عليه من
ورا المجمده ساحت روحي ضليت اصرخ وخاصه
اني جننت كللش اخاف لانو اتابع افلام رعب وكعت
بماكني رجليه ماحس بيها ودور لساني انكضب كل ضني هذا جنيي وراح ياكلني ،،
فجأة حسيت ع صووت احمد ،،،
احمد : اني ورزان مثل يكولون واحد ع راس الاخ
نضل نتعارك بيوم من الايام صبت جاي للكل وماصبتلي ، كتلها تعاي صبي عيبت وراحت بسيطه
اني اعلمج اصطبريلي ، فا لمن كامت ودت الجاي للمطبخ انطفت الكهرباء استغليت الفرصه حته اخوفها اعرفها تخاف من ضلمه اذا تطفى الكهرباء وهي بمكان تصيح ع ماما تجي تاخذها اجيت ختلت ورا المجمده الي صايره يم باب المطبخ والدنيه ضلمه وشتا حسيت بيها تريد تطلع جيطت
عليها واسوي صوت اشباح هههه اباوع عليها ماكوو
ساحت ع الارض حسيت من صدك خافت اضربها راشديات ماكو فاقده اخير شي كتلها ولج اني احمد
يمعوده لتخافين ،، وما احس الا البوكسيات من كل اتجاه بس دوكفي خل نتفاهم ولج طرزان انقلبت وعلي ،،
حسيت ع صوت ماما ،،،
مريم : يلا رزان شيلي غراض نازك وتعاي خوما نقفل
عليج ،،
رزان: جايه ماما .. لبست بنطرون اسود وقميص ابيض واسود وجنطه بيضه وحذاء ابيض وخليت مكياج خفيف طلعت وتوجهت للسياره وصعدت مشت السياره بينه شويه ونمت ماحسيت لانو كلش
تعبانه ،،
مهيوب : يممه حجيه وينج عشاكم جاهز شويه
ويصلون الجماعه ماريد شي ناقص ،،،
هديه : جاهز يمه جاهز هذا سمج بالفرن والتشريب
طفيت جوا وتمن كوثر طبخته وهاي البنات سون زلاطه نسوي شي بعد لو كافي ،
مهيو: مادري يمه الشوفووا بس لاتقصرون عيب
من الجماعة ،،
هديه : ماكو قصور انشالله يمه بس ريح حالك انت
خبصتنه روح اتحظر ماضل شي وليدي ،،
DU LIEST GERADE
سولفلي على روحك يابعد هالروح
ChickLitعائلة سعيده مكتونه من ام واب وثنين بنات وثنين ولد ليكتشفوو جايهم مولود جديد ياترا شحيصير تابعووا احداث مشوقه
