سولفلي على روحك يابعد هالروح

البارت الثاني

بقلم سولفلي على روحك يابعد هالروح

(((الكاتبة رفل )))

-اجتي اختي شهد شايله ماي بكاسه اخذها بابا ورش عليها فتحت عيونها والأزمة راسها

رزان - حمدت ربي وركضت حضنتها وابجي ماتوووقع يصير لامي شي اموت هيا كلشي حلوو بدنيتنا

-خالد كومي بابا رزان ساعدي امج اخذها لطبيب شوفي وجها اصفر
مريم - مابيه شي هيج دوخه خفيفه.

خالد - دكومي ياعيني شوفي وجها وضعج ماعاجبني

رزان - ساعدت ماما لبست عبايه
واني لبست صايه سوده وشال وردي وجنطه وحذاء وردي
وطلعنه لسياره

خالد ام علي من شنو تشكين بويه

مريم راسي ياذيني وما أشتهي

خالد خفيفه ان شاء. الله

رزان وصلنه وسوت ماما تحاليل وكعدنه ننتضر يطلع تحليل حته نفوت لدكتورة كاعدين بصالة الانتضار

صدفة فاتت بنيه شابه وشايله طفل وزوجها يمشي وياها هيا كلش حلوة جتي كعدت يمي حجت هلاو

رزان - هلا حبيبتي سالتني ع الدكتورة كتبها اول مره اجي لهنا ابتسمتلي وصاحاها زوجها اخذ ابنهم

سرحت بافكاري هم يجي يوم واحب وانحب واتزوج

كطعت افكاري ماما وهي تكلي راح ندخل .

دخلته وشافت التحليل الدكتورة حجت الف مبروك حامل وتباوعلي .
رزان- باوعت على ماما ومتت ضحك حجت ماما لا دكتوره متوهمه حمل ايش ؟

بعدين هاي تحاليل الي مو لبنتي.

- الدكتوره ها حسبالي للبنت
لعد انتي الحامل مبروك وصاير عندج فقر هسه اكتبلج علاج التزمي بي
واخذي مقويات ماما انتي حامل 5 وين جنتي

مريم -والله دكتوره مادري بس ماتوقعت احمل بعد هالعمر.

الدكتوره - كله رزق من الله هسه انطيج علاج وارتاحي ..

رزان- طلعته من الدكتوره وشفت بابا بشرته ها خلدون عيني حتصير اب للمرا الخامسه وكلش فرح عبالك اول طفل .

خالد - لج شنو خلدون ابنج الصغير اني وضحك حمد ربه ..

رزان- طلعته اشترا بابا علاج ورجعنه للبيت

كلت لشهد والولد وابوي يضحك اجت شهد باست ماما .

بعدها فاتت ماما ترتاح واني غيرت ملابسي وكعدت اتخيل البيبي صار فكري كله بطفل شكد شعور حلو

لمن تحس شخص جديد راح ينضم للعائله وخاصه طفل ..

دعيت ربي لايحرم احد من هالنعمة..

كطعت افكاري شهد وهي تدخل .

شهد - شو وحدج كاعده تعاي نطلع ويا الشله بالحديقة كاعدين يسمون الطفل بكيفهم