سولفلي على روحك يابعد هالروح

البارت الثالث

بقلم الكاتبة (((رفل)))

سولفلي على روحك يابعد هالروح

مهيوب: كاعد ورا المكتب اباوع لساعتي اريد بس يخلص الدوام اختنكت هسه اني شورطني بهالشغلة
جنت بشغلي ومرتاح اطلع شوكت ما اريد اخخخ منك يأبه هيج سوي بيه صارت ساعة 2م هففف واخيرا كمت لميت الاوراق وأخذت سويجي وجاكيت وطلعت كلت لسكرتير ينضم باقي المواعيد ..
توجهت لسيارتي دك تفلوني شفته صديقي لؤي ذكرت متواعدين ع غدا برا جاوبت جاني صوته تكول صوت بغل ..

لؤي: لك ها عار وينك متنه جوع ..

مهيوب : ماتسمم منو لازمك
لؤي : هوا صوجي حاسبك زلمه وانتضرك .

مهيوب : زلمه وغصبا عنك ولي سمم ماكدر اجي تعبان حطلع بوجهي للبيت ..

لؤي : ولي يلا

سديته من لؤي وتوجهت للبيت .
بعد نص ساعه وصلت صفيت السياره بالكراج وفتت

اجاني صوت امي ومرت اخوي يتعاركون طبعا اني متعلم لأن كل يوم على هل رنه..

بس طبيت عالبيت اجاني صوت هدى بنت اخوي عمرها ٦ سنين

عمو ماما وبيببي تعاركن باوعت ع امل جاي تغسل مواعين حجيت شكو خير ان شاء الله شنو جديد .

امل: كوثر نايمه لل 11 وامي عاركتها كالعاده .

مهيوب : يصير خير راح اصعد اسبح وأشوف امي وانام لاصبين غدا ما أشتهي بس ماريد صوت .

امل : صار

مهيوب : ماعرفت عن نفسي اني مهيوب المحمد

عمري 27 طولي 180 جسمي رياضي بشره حنطاويه خريج هندسة واشتغل بشركة حاليا

توجهت لغرفتي وامل تمشي وراي فتت وهي فاتت طلعت ملابس وهي بعدها فتحت بابا الحمام وزمخت بيها

مهيوب: شتردين امل راح أكفر بيج ،

امل : هاا طكطكت أصابعي وكتله اريد اروح لبيت عمو نجم ؛

مهيوب : شعندج بيت عمو صخام ؛

امل : مو رحمن ابن عمو نجم اجا ولد وراح تروح امي تتباركلهم كلت خل اروح وياها لانو صار هواي ماطلعت،

مهيوب : روحي بس ممنوع تختلطين ويا بناتهم اياج اطيح حضج والله ،

امل : لايمعود صدك جذب قابل ماعرفهن اني اروح وارجع ويا امي فات وسد الباب بوجهي ياااا هذا شوون حيزوج شنو هالعقده افف هسه شعليه خلي اروح اتحظر حته اروح طكت روحي من كوثر ومشاكلها ،

رزان: ددرت وجهي وجان اشوف من بعيدد ثور
يركض بتجاهي كللش جبير اول مره اشوف هيج ثور
بس هوا كل اسمه ثور لابس هاي هدية مرت خالو محمد مادري شتوكله صاير هيج لو ادري شتوكله جان وكلت شهد حته تسمن ،