سولفلي على روحك يابعد هالروح

البارت السابع عشر

               (((بقلم الكاتبة رفل )))

          ( سولفلي على روحك يابعد هالروح )

أمل : رجعنه للبيت رحت رئسا لغرفتي طايره من الفرح ممصدكه حب حياتي حيكون من نصيبي ذبيت روحي لجربايه وكعدت اتخيله شون جان يحجي ويبتسم وكفته وطوله وشون مكتف ايده ومرتجي ع درج ويباوع بعيوني صوته بعده باذني من يكول انتظر منج جواب جاني صوت رحمه الفكر دائما تكطع عليه اللحظات الحلوه ،،

رحمه : هااا خير شو عايشة اللحظه ونايمه ع جربايتي شووو كوومي هييوو ،،

أمل : وجع حته وجعع موو انتي تكعدين على جربايتي شو ما احجي فحمه حقيره ،،،.

رحمه : دكومي يلا المطبخ ينتضرج هو اكوو فحمه غيرج صدك شو صايره زركه فد نوب ،،

أمل : جطيت بسرعه للمرايه باوعت ياا صدك والله مسمره من زمان ما اهتميت بشرتي ،،

رحمه : خايبه هي مال مسمره كولي مزركه وفضيهاا

أمل : طايحت الحظ احترمي اني اكبر منج احجي واني افتح بكنتورها حته اطلع غسول وجه ومرطب ،

رحمه: امل كافي تخمطين مني روحي اشتري شنوو هاي حته بالغسول مشاركتني شوكت تزوجين واخلص منج ولو ما اتوقع اخلص منج هم راح ترجعين تاخذين غراضي،

أمل : دولي عود بحالج اصلا ولا اشوفج بس خل ازوج وهاا عن قريب حجيت واني ارسم اابتسامه خبث على وجهي ،،
رحمه : شووو تععاي تعاي واني اكوول عبيس مايغسل ويدهن وجها ااذا ماكو شي شعندج ولج ،،

امل : ماكو شي شكو يعني طلعت وسديت الباب
هفف هسه شيخلصني من لسان رحمه رحمه بيها عاده ماتخبي عن امي شي مستحيل اي شي ابسط شغلات تحجيها لامي ،وامي الله يسلمها ماتضم شي عن مهيوب  تخيل مهيوب يعرف غير يشوي على اذني بصل عاد رحت خليت لبن وعسل ومي ورد سويت ماسك لوجهي وايدي خليتها ربع ساعه وغسلت صدك طلعلي وجه ،،

مهيوب : ليش متردين مساعدتي فوك ماحاركه ايدي هاي،،

رزان: درت وجهي عنه وماحجيت ،،
حجه اشبيج ماتحجين انتي ليش هيج تعامليني شنو اني عدوج وما ادري .

رديت  مهيوب عفيه مالي خلك احجي اذا حجيت راح اضوجك .

مهيوب : هوا وجودج كله يضوجني اصلا ،،

باوعتله هسه انت شرايد وليش لحكتني لهنا اذا اضوجك . رد

بس حبيت اطمن على ايدج يلا دهني لا تتلوث ..

راح وعافني صافنه مافهمت يضوج مني ويهتم بيه شنو من بشر هذا ،، بعدها اجت فرح حجيت هو هذا الجان ناقص،

فرح : شعنده مهيوب واكف وياج ،،

رزان : باوعتلها بضوجه وحجيت هذااك هوا مهيوب وروحيله اسألي شعنده وياي،