Hedgehog And Tiger [Myanmar Translation]

YOU ARE READING

Romance

Title-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!

#chinese #danmei #highschool #novel #switchcouple #translation #youth

|19|

Start from the beginning

by Prunus_Tae

ဟယ်ရှင်းချွမ်က ယန်ထန့်အမူအရာကိုနားမလည်ဘူး။
ခေါင်းသုတ်ရင်းပဲ ဘေးနားဝင်ထိုင်လိုက်တယ်။
သူ့အိမ်မှမဟုတ်တာ၊ အဲ့တော့ လှုပ်ရှားမှုတွေဟာလည်း တောင့်တင်းလို့။
မထင်မှတ်ထားစွာပဲ၊ ယန်ထန်က သူ့ပုခုံးကိုအနောက်ဆွဲယူလိုက်ကာ ဟယ်ရှင်းချွမ်ကတော့ ယန်ထန့်ပေါင်ပေါ်ရောက်လုလုပင်။

ရှပ်အင်္ကျီဟာ မတင်ခံလိုက်ရတယ်။
ကျောအောက်နားကဒဏ်ရာတွေကို တွေးမိချိန်မှာ၊ ဟယ်ရှင်းချွမ်ဟာ မျက်နှာပူသွားရတယ်။
"ထန်ကော...ဆေး ငါ့ဘာသာပဲလိမ်းလိုက်မယ်..."

ယန်ထန်က ကျောပြင်အောက်နားရှိမီးလောင်ရာတွေကို စိုက်ကြည့်နေခဲ့တာ။
မေးရိုးကြွက်သားတွေဟာ တစ်ခဏတော့တောင့်တင်းသွားခဲ့တယ်။

လူငယ်လေးဟာ ကြည့်ကောင်းတဲ့နောက်ကျောပြင်ကိုပိုင်ဆိုင်ထားတယ်။
ကျောပြင်ထက်မှာတော့ မည်သည့်အမာရွတ်မှရှိမနေခဲ့ဘူး၊ ခါးအနီးနားတစ်ဝိုက်မှာတော့ ဆေးလိပ်မီးရာတွေအများအပြားရှိနေတယ်။
အထူးသဖြင့် ဘယ်ဘက်ခြမ်းမှာ။
လောလောလတ်လတ်တစ်ခုဟာဖြင့် သွေးတောင်ထွက်နေတုန်းပဲ၊ အခြားဟာတွေကတော့ အနာကျက်သွားပြီး အဝါရောင်ဖျော့ဖျော့အရာတွေသာကျန်ခဲ့တယ်။

ယန်ထန့်အသံကိုမကြားရတာကြောင့်၊ ဟယ်ရှင်းချွမ်ဟာ ကျောလေးမတ်ရင်း အင်္ကျီစကိုပြန်ဆွဲယူဖို့ကြိုးစားတယ်။

ယန်ထန်က သူ့လက်ကိုဖမ်းဆွဲတယ်၊ ခဏအကြာမှ ပြောလာတယ်
"အနာမကျက်သေးဘူးဆိုရင် ဒီဆေးလိမ်းလို့မရသေးဘူး။ အရင်နားလိုက်ဦး၊ ငါခဏနေမှ ပြန်လာခဲ့မယ်"

ယန်ထန်ဟာ ဆေးဗူးကိုင်လျက် အခန်းထဲမှပြန်ထွက်လာခဲ့တယ်။

ဖက်တီးက အခုလေးတင်ပဲ ဟယ်ရှင်းလျန်ကိုသိပ်နိုင်ခဲ့တာ။
ချွေးအပြည့်နဲ့ အခန်းထဲကတိတ်တိတ်လေးထွက်လာချိန်မှာ၊ ဝရန်တာမှာ ဆေးလိပ်သောက်နေသူကိုမြင်လိုက်ရတယ်။

ရေခဲသေတ္တာထဲက ဘီယာနှစ်ဗူးထုတ်ယူလိုက်ရင်း၊ ဝရန်တာဆီထွက်လာခဲ့လိုက်တယ်။
ယန်ထန့်ဆီတစ်ဗူးကမ်းပေးကာ
"ဘာဖြစ်လို့လဲ? ဆေးလိပ်ဖြတ်လိုက်ပြီထင်နေတာ"