Hedgehog And Tiger [Myanmar Translation]

YOU ARE READING

Romance

Title-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!

#chinese #danmei #highschool #novel #switchcouple #translation #youth

|6|

Start from the beginning

by Prunus_Tae

အပြင်မှာရပ်နေရင်း တစ်ခုခုကိုစဉ်းစားမိသွားတယ်။
ဖုန်းကိုကိုင်လျက်ပဲ အောက်ထပ်ဆင်းသွားလိုက်တယ်။

"ကျောင်းသားလေး၊ ရန်ဖြစ်တာကမကောင်းဘူးနော်"

"ကျွန်တော်သိပါတယ်၊ ဒါပေမဲ့ တမင်ကြီးတော့အရိုက်မခံနိုင်ဘူးလေ"
ယန်ထန်က အကျယ်တဝင့်ရှင်းပြဖို့ဆန္ဒမရှိဘူး။
စကားပြောတိုင်း ဒဏ်ရာကပိုနာလာတယ်လေ။

ဆရာဝန်က သူ့နှုတ်ခမ်းထောင့်ရှိဒဏ်ရာကိုကြည့်နေပြီး
"မင်းဒဏ်ရာက နည်းနည်းယောင်နေပြီ၊ အယောင်ကျဆေးပေးလိုက်မယ်။ အခုတလော ဆီကြော်စာတွေ သိပ်မစားနဲ့"

ဆေးထည့်ပြီးနောက်မှာ၊ အတော်လေးနေလို့ကောင်းသွားပြီ။

ယန်ထန်က ကျောင်းဆီပြန်မနေတော့ဘူး၊ စက်ဘီးစီးပြီး အိမ်သို့သာပြန်လာခဲ့လိုက်တယ်။

ယန်ထန်ရဲ့အိမ်...ပိုပြီးတိတိကျကျပြောရမယ်ဆိုရင်တော့ သူ့အဖေနဲ့မိထွေးရဲ့အိမ်။
နာမည်ကြီးဗီလာအိမ်ရာတွေထဲမှာ။
အိမ်လေးပြန်ဖို့ကို နှစ်နာရီနီးပါးစက်ဘီးနင်းရတယ်။

ဂိတ်ဝလုံခြုံရေးက ယန်ထန်ကိုလှမ်းနှုတ်ဆက်တယ်။
ယန်ထန်ကတော့ ခေါင်းတစ်ချက်သာပြန်ငြိမ့်ပြလိုက်ပြီး၊ စက်ဘီးကို ခြံအနောက်ဖက်ထဲပစ်လှဲကာ အိမ်ထဲတန်းဝင်လာခဲ့တယ်။

"Oh! အန်တီ ဆရာဝန်ခေါ်လိုက်မယ်!"

ယန်ထန်က အန်တီယွမ်ကိုအမြန်ဆွဲတားလိုက်ရပြီး
"အဆင်ပြေပါတယ်၊ ဆရာဝန်ဆေးထည့်ပေးပြီးသွားပြီ"

အန်တီယွမ်က သူတို့အိမ်ရဲ့အိမ်အကူဖြစ်ပြီး၊ ယန်ထန်ကိုဂရုစိုက်ပေးလာတာ တစ်နှစ်ကျော်လောက်ရှိပြီ။
ယန်ထန့်အငြင်းစကားကိုကြားချိန်မှာ၊ ထပ်ပြီးတိုက်တွန်းမနေတော့ဘဲ
"ဒါဆိုလည်း ကောင်းကောင်းနားလိုက်ဦး၊ ရေနွေးနွေးလေးတစ်ခွက်ခပ်ပေးဦးမယ်"

ယန်ထန်ကခေါင်းငြိမ့်ပြပြီး သူ့အခန်းဆီသို့သာသွားလိုက်တယ်။

သူ့အခန်းထဲမှာ ပစ္စည်းနည်းနည်းပဲရှိပါတယ်။
ကွန်ပျူတာ၊ iPadနဲ့ Appleရဲ့ထုတ်ကုန်ပစ္စည်းအသစ်တွေအကုန် သူ့စားပွဲပေါ်မှာတန်းစီနေတယ်။
ဒါပေမဲ့ သူတစ်ခါမှမသုံးဖူးဘူး။