Hedgehog And Tiger [Myanmar Translation]

YOU ARE READING

Romance

Title-刺猬与虎 Original Author-游目 Type-Web Novel 129 Chapters + 9 Extras Available in Both Unicode & Zawgyi I don't own the Story. I translate this from Google translate.So pls forgive me if I have any mistakes!

#chinese #danmei #highschool #novel #switchcouple #translation #youth

|1|

Start from the beginning

by Prunus_Tae

ယွဲ့အာနာမည်က ဝူယွဲ့၊ သူတို့နဲ့အတူကြီးပြင်းလာခဲ့တာ။

ဝူယွဲ့က အမှတ်သုံးအထက်တန်းကျောင်းကိုမဝင်ခဲ့ဘူး၊ သူ့အိမ်ကလည်းငွေကြေးမချမ်းသာလှဘူးလေ။
အဲ့တော့ အနီးအနားကကျောင်းကိုပဲတက်လိုက်တယ်။
အဲ့ကျောင်းမှာက လူပေါင်းမျိုးစုံရှိတယ်၊ ပစ်မှတ်ဖြစ်သွားနိုင်ဖို့ကလည်း လွယ်လွယ်လေးရယ်။
ဝူယွဲ့ကောင်မလေးက ဟိုဟာဒီဟာပူဆာနေတာကိုတွေ့ကတည်းက၊ ဒီကောင်မလေးကို ယန်ထန်သိပ်သဘောမကျခဲ့ဘူး။
ဝူယွဲ့ကတော့အချစ်ရူးကာ အခုတော့ပြဿနာရှာခံနေရပြီ။

"အဲ့ဒါတွေက ဝူယွဲ့ကိုယ်တိုင်ဖန်တီးတာမဟုတ်လို့လား?"

ယန်ထန်က စကားဆုံးပြီးတဲ့နောက်မှာ၊ ဖက်တီးဘယ်လိုတွေးလဲဆိုတာကို ဂရုစိုက်မနေတော့ဘူး။အတန်းဆီသို့သာ လျှောက်လာလိုက်တယ်။

ဖက်တီးကြောင့်အချိန်ဆွဲခံရပြီးနောက်မှာ၊ အတန်းကတော်တော်လူပြည့်နေပြီ။
ယန်ထန်က အရှေ့တန်းမှာထိုင်ဖို့စိတ်ကူးမရှိဘူး၊ အဲ့တော့နောက်ဆုံးအတန်းဆီပဲ တည့်မတ်စွာလျှောက်သွားလိုက်တယ်။

ဒီအထက်တန်းကျောင်းရှိလူအတော်များများက အလယ်တန်းတူတူပဲဖြစ်ခဲ့ကျတာ။ အချင်းချင်းကောင်းစွာသိကျပြီး၊ မျက်နှာသစ်ကိုမြင်ချိန်မှာတော့ ပေါ်ပေါ်တင်တင်ပဲဆွေးနွေးနေကျတယ်။

ယန်ထန်ကအရပ်ရှည်ပြီး ချောတယ်။
ဒါပေမဲ့ စကားမပြောတဲ့အချိန်မျိုးဆို၊ သူ့ပုံစံကအေးတိအေးစက်ဟန်ပန်မျိုး။
သူ့ကို တော်ရုံစကားလာမပြောရဲကျဘူး။

Yo! တိုက်ဆိုင်ချက်ပဲ

နောက်ဆုံးအတန်းတွေရဲ့ တစ်ခုတည်းသောလွတ်နေရာက ကော်ရစ်ဒါနဲ့နီးတဲ့အခြမ်းပဲ။
အနောက်ဘက်တံခါးနဲ့လည်းနီးတော့ လူအဝင်အထွက်တွေကြောင့် အဆင်မပြေလှဘူး။
အဲ့တော့ သူ့အတွက်နေရာက ဒီမှာပဲရှိတော့တယ်။

သူ့ဘေးရှိလူက ယန်ထန်ကိုမော့ကြည့်လာတယ်။
ထို့နောက် မျက်မှန်ထူထူကြီးတွေနဲ့ဖုံးကွယ်ထားတဲ့ မျက်လုံးတွေဟာ အောက်ပြန်ငုံ့သွားတယ်။

ယန်ထန်က သူ့လွယ်အိတ်ကိုစားပွဲပေါ်ပစ်တင်လိုက်ပြီး၊ ဆရာမဝင်ခင်မှာပဲ မှောက်အိပ်လိုက်တယ်။
ခဏအကြာမှာတော့ တကယ်အိပ်ပျော်သွားလေရဲ့။