သူ့ရှေ့မှကောင်မလေးက သူ့အကြည့်နောက်လိုက်ရင်း ဖြစ်ပျက်နေတာကို မြင်သွားချိန်တွင် သူမက မထိန်းချုပ်နိုင်ပဲ လှောင်ပြောင်စွာ ရယ်မောလိုက်သည်။ "စီနီယာ၊ ရှင်လည်း သူ့ကို သိတာပဲလား?"
"ဘာလဲ?"
"အဲ့ဒါက ရှုရှန်း လေ! သူ့အမေက ပြည့်တန်ဆာလို့ ကြားခဲ့တယ်" ကောင်မလေးက ချိုသာပြီး ကြည်လင်သည့် အသံဖြင့် အပြစ်တင်စကား ပြောလိုက်ပေမဲ့ သူမ စကားတွေက ဘယ်လောက်တောင် မကျေနပ်စရာ ကောင်းလဲဆိုတာကို သိပုံမရပေ။
ရှောင်ချန်း ကသူ့အကြည့်ကို ရုတ်လိုက်ပြီး သူ့အမူအရာက အေးစက်နေရင်း ပြောလိုက်သည်။ "တခြားသူကို အဲ့လိုမျိုး မပြောနဲ့!"
ကောင်မလေးရဲ့ အမူအရာက ထုံထိုင်းသွားခဲ့သည်။ စီနီယာရဲ့ မတူညီသည့်ပုံစံအား သူမမြင်ရတာ ပထမဆုံး အကြိမ်ဖြစ်သည်။ သူမမှတ်ဉာဏ်ထဲတွင် စီနီယာက အမြဲတမ်း အပြုံးလေးနဲ့ ညင်သာသည့် လူမျိုးဖြစ်သည်။ ဘယ်လိုပဲဖြစ်ဖြစ် လူတိုင်းအပေါ်တွင် စိတ်မရှည် မဖြစ်တက်ပေ။ ကောင်မလေးရဲ့ မျက်လုံးတွေက နီရဲသွားသည်။ "ဟုတ်ကဲ့၊ တောင်းပန်ပါတယ်"
ရှောင်ချန်း ကသက်ပြင်းချကာ အလေးအနက် ပြောလိုက်သည်။ "နောက်ကျရင် တခြားသူတွေကို အဲ့လိုမျိုး မပြောနဲ့!"
ကောင်မလေးက ခေါင်းညိတ်လိုက်ပြီး ရှက်ရွံ့စွာဖြင့် နှုတ်ခမ်းကို ကိုက်လိုက်ပြီး သူမမျက်ရည်တွေကို ထိန်းလိုက်ရင်း လှည့်လိုက်ကာ စာသင်ခန်းမှ ထွက်သွားခဲ့သည်။
ရှောင်ချန်း ကသူမအား လျစ်လျူရှုလိုက်ပြီး အောက်ထပ်ကို ချောင်းကြည့်လိုက်သည်။
ထိုနေရာမှ ကောင်လေးက ထွက်သွားခဲ့ပြီ။
ရှောင်ချန်း ရဲ့အတွေးတွေက တချို့အရာတွေကြောင့် ပျံ့ကျဲသွားသည်။ သူ့လက်ရှိနဲ့ အတိတ်တွင် လူနှစ်ယောက် ဖြစ်လာသလို ခံစားလိုက်ရသည်။ အရာအားလုံးက ရက်အနည်းငယ်က စတင်ခဲ့ပြီး အတိတ်က ရှင်သန်မှုအား သူ မထိန်းညှိနိုင်ပေ။
သူ့အတန်းဖော်တွေ မျက်လုံးထဲတွင် ရှောင်ချန်း ကသိမ်မွေ့သည့် လူဖြစ်ပေမဲ့ သူ့အောက်ခြေတွင်တော့ သူတော်ကောင်း ဟန်ဆောင်နေတာကို သူ့ကိုယ်သူသာ သိသည်။
YOU ARE READING
လျှို့ဝှက်ဆန်းပြားလောက〘Uni+Zaw〙
Horror[တစ်ကမ္ဘာလုံးက မင်းကို အနိုင်ကျင့်ကြတယ်၊ မုန်းတီးကြတယ်၊ နောက်ပြီး မင်းကို ခွဲခြားဆက်ဆံကြတယ်၊ ဒါပေမဲ့ မင်းရဲ့ကမ္ဘာကြီးက သူ့ကြောင့်ပဲ တောက်ပလာခဲ့တယ်။ ငါ ဒီကမ္ဘာကြီးကို မုန်းတီးတယ်! ဒါပေမဲ့ ငါ မင်းကို ချစ်တယ်!] ရှောင်ချန်း ကသာမာန်လူ တစ်ယောက်ဖြစ်ပေမဲ့ သ...
သည်းထိတ်ရင်ဖိုအထက်တန်းေကျာင်း (၁)
Start from the beginning
