The Deal With A Demon King

Part 18

အဆောင်ထဲသို့ သူတို့ဝင်လိုက်သည်နှင့် မိမိတို့နှင့် သက်ဆိုင်ရာအလုပ်ကိုယ်စီကို လုပ်ကိုင်နေကြသော နတ်သူငယ်တစ်ချို့ကိုတွေ့ရသည်။ သူတို့ဝင်လာသည်ကိုပင် တချက်လှည့်မကြည့်ပါချေ။ နျူးသည်လည်း မျိုးစုံသော စာပေများ စာရွက်များ ပေလိပ်များ ထားသော​ စင်များဆီသို့သွားကာ စတင်ကာရှာဖွေပါလေတော့သည်။

အလွန်ကိုကြီးမားသော စာကြည့်ဆောင်ကြီးဖြစ်သည့်အလျောက် စာအုပ်၊ စာပေများထားသည့် တစ်ချို့နေရာများကတော့ လစ်ဟကာနေပါသည်။ သို့သော်လည်း အဘယ်ကြောင့်ထိုသို့လစ်ဟာနေရသည်ကိုတော့ သက်တမ်းနုနယ်သည့် နတ်သူငယ်အများစုက မသိကြပါချေ။

ယွင်းရန်က သူ့လက်နှစ်ဖက်လုံးကိုနောက်ပစ်ထားလျက်ပင် နျူးဆီသို့လျောက်လာသည်။ တစ်ဆင့်ချင်းကို လှန်လှောရှာဖွေကာ အလုပ်ရှုပ်နေပုံရသော နျူး၏ဘေးတွင် ရပ်လိုက်ပြီး

“ ရှာတွေ့ပြီလား။”

“ ရှာနေတယ်…”

“ ဒါဆို ဆက်ရှာ….”

နျူးက အလုပ်ရှုပ်နေသည့်ကြားမှ သူ့ဘေးတွင် နားလာပူနေသော ယွင်းရန်ကိုတချက်လှမ်းကြည့်လိုက်သည်။ သူ၏ နှဖူးနှင့် မျက်ခုံးနှစ်ခုကြားရှိ နှင်းပွင့်ချပ်သဏ္ဍာန်အမှတ်ကလေးသည် အစိမ်းရောင် ပြောင်း ပြောင်းသွားသည်မှာ အကြိမ်ရေအတော်များနေချေပြီ။ နျူး၏ စိတ်ရှုပ်နေသော ပုံစံကို ယွင်းရန်မြင်တော့ သူ သဘောကျစွာပြုံးမိသည်။ ပြီးနောက် သူ တဖက်သို့လှည့်ရင်း စာကြည့်ဆောင်အတွင်းရှိ တခြားအရာများကို ကြည့်မိသည်။

စာကြည့်ဆောင်တွင် စာရွက် စာတမ်းများ စာအပ်များ ပေလိပ်များကို စီသည့်သူကစီကာ စာကြည့်ဆောင်နှင့် အခြားသော စာအုပ်မှတ်တမ်းများထားသည့် နေရာကို သန့်ရှင်းရေးလုပ်နေသူများက လုပ်နေပြီး အဆောင်ကြီးတစ်ခုလုံးမျက်စိတစ်ဆုံးတွင် သူတို့သာရှိသည်။ လွန်ခဲ့သော နှစ် ၈၀၀က မှတ်တမ်းတွေနှင့်အတူ အခြားသော စာအုပ်များကို သူဤနေရာမှ ယူသွားခဲ့ဖူးသည်။ သူ့ကိုမည်သို့ပင် ထင်ထင် သူစိတ်မဝင်စား။ အစဦးကတည်းကပင် သူက မိစ္ဆာဘုရင်ဟူသော အမည်နာမကိုခံယူလိုက်ချေပြီမို့ သူမည်သိူ့ပင် ပြုမူပြုမူ၊ တခြားသူများကလည်း မည်သိူ့ပင် တုံ့ပြန်တုံ့ပြန် ဘယ်အရာကမှ အရေးမပါတော့ချေ။ ပြီးတော့ သူ့ရဲ့နတ်သားဘဝမှ ဤသို့ပြောင်းလဲရခြင်းကိုလည်း နောက်ဆုံးတွင် သူရင့်ကျက်စွာ လက်ခံလိုက်ပြီး သင်ပုန်းချေလိုက်နိုင်ပြီဖြစ်သည်။ သို့ပေသိ ဤစာကြည့်ဆောင်၏ စာစုမှတ်တမ်းအများစုက သူ၏ကြိုးစားမှုများလည်း ရှိနေခဲ့တာကြောင့် သူ ဤနေရာကိုလွမ်းဆွတ်မိတာအမှန်ပင်။ သူ မှတ်တမ်းစာအုပ်တွေကိုသာ လုယူလာနိုင်ခဲ့ပြီး စာကြည့်ဆောင်ကြီးတစ်ခုလုံးကိုတော့ ရွေ့ရန်က ခက်ခဲခဲ့သည်။