مًـآلَـکْ عٌـشُـقُـيَ

البارت السابع والعشرون🥰♥️

مصر ❤🍃

مساء فى منزل مالك وعشق .. تجلس عشق امام التلفاز تتابع احد افلام الكرتون وتأكل طبعا .. عاد مالك من العمل ودلف ببطء من خلف عشق وامسك بزراعيها فجأه ففزعت
عشق : يختااااااااى .. احيه حرامى ياما
مالك بضحك : مين الحرامى ده اللى يتجرا يدخل بيت المقدم مالك ياسين .. دا امه  داعيه عليه
عشق : اخس عليك يا لوكا خضيتنى
مالك : سلامتك من الخضه ياقمر .. فين بوسه الترحيب
عشق : عشان الخضه دى مفيش بوسه
مالك : عشق انتى مبتحرميش .. بقالنا شهر متجوزين وكل مره بتعندى بتتعاقبى اقوى من الاول .. شكلك بتحبى العقاب ياعشق
عشق بدلال وهى تحتضنه : بس بقا يا لوكا
مالك : لا طالما فيها لوكا يبقى نخش ع العقاب علطول
عشق : ايه ده ايه الريحه دى 
مالك : ايه
عشق : دا برفان حريمى جاى منين
مالك : انا مش شامم حاجه غريبه
اقتربت عشق منه وبدات تشتم ملابسه .. رفعت عينيها التى تشع شرار لتواجه عينيه المستغربه
عشق ببكاء : كنت بتخونى ياسافل ياحقير طلقنى
مالك : امم مع مين المرادى .. انا فاكر الاسبوع اللى فات انه كان مع البت الروسيه .. ياترى الاسبوع ده مع مين
عشق ببكاء : انت مبقيتش تحبنى وكل اسبوع تخونى مع واحده .. انا قلبى مجروح منك ومش هسامحك ابدا .. عااااااااا
مالك : عايزه تعرفى بخونك مع مين
عشق : وليك عين تقولى كمان عااااااا
امسك مالك يدها وسحبها لاحضانه .. حملها وصعد بها لغرفتهم واجلسها على الفراش وهى تبكى بشده .. احضر زجاجه البرفيوم من امام المرآه وجلس امامها
مالك : شمى البرفيوم بتاعك
امسكت عشق بالزجاجه وقربتها من انفها
عشق بزهول : دانفس البرفيوم على هدومك
مالك بابتسامه : فهمتى بتاع مين 
عشق ببكاء : انت بتجيبها بيتى كمان ياسافل عاااا
انفجر مالك ف الضحك واخذها بأحضانه وظل يضحك
عشق : اوعى ياخاين طلقنى وروح للقرعه بتاعتك
مالك بضحك : بعشق هبلك دا مجنونه
عشق بحزن : بتحطلها من البرفيوم بتاعى يامالك .. مهانش عليك تشتريلها واحده جديده
مالك بضحك : اصلى بحبها اوى
غضبت عشق وظلت تضربه بيديها على ظهره وهو يحتضنها ويضحك
مالك : يابت اسكتى بقا .. مانتى لو بتبطلى اكل وبتشغلى القلقاسه دى هتعقلى
عشق بحزن : انت بتبصلى ف الاكل
مالك : بصراحه انتى بقيتى غريبه اخر اسبوعين .. بتخانقى كتير وبتاكلى اكتر .. حصلك ايه
عشق: يعنى انا اتجننت
مالك : هههه  انتى طول عمرك مجنونه يا عشقى
عشق ببرائه : انا اسفه يا حبيبى
مالك بحب : طب قومى بقا البسى عشان هنخرج نحضر فرح واحد صاحبى
عشق بفرحه: ايه ده فرح مصرى اخيرا
مالك بضحك : ايوه يلا اجهزى .. والبسى فستان طويل وواسع ومقفول يا عشق وشعرك الجميل ده تلميه .. مش عايز حد غيرى يشوفه مفرود
عشق ببراءه : حاضر يا حبيبى
مالك باستغراب : مش بقولك فى حاجه غريبه .. ايه الادب ده
عشق : هقوم البس واجي علطول ..

ابدلت عشق ملابسها البيتى بفستان وردى روز طويل وواسع ومقفول ووقفت امام المرآه تمشط شعرها وترفعه لاعلى على شكل كعكه مرتبه وجميله فكان شكلها رقيق وجميل للغايه ولم تضع مساحيق تجميل .. التفتت لتجد مالك قد ارتدى بدلته الرماديه وكان وسيم وساحر لابعد حد بخصلات شعره السوداء التى نزلت بعضها على وجهه وعيونه الخضراء الساحره ..
مالك : قمر يا عشقى
ابتسمت عشق بحب واقتربت منه ووقفت امامهو ببطء ولفت يديها حول رقبته وقبلته بحب وشغف لاول مره .. اتسعت اعين مالك من فعلتها فهذه اول مره تكون لديها الجرأه وتفعل هذا وهى بوعيها .. التفت يده حول خصره والاخرى خلف رأسها يقربها منه بشده ويقبلها ايضا بحب وشغف .. ابتعد بعد دقائق ليدعها تتنفس وهو مازال ينظر لها بحب وابتسامه
عشق : انا بحبك
مالك : وانا بعشقك
عشق : طب يلا نمشى
ابتسم مالك وامسك بيدها بحب وخرج من المنزل واستقل السياره وبجانبه عشق التى تغير مزاجها مجددا
عشق : ما تشغل الكاسيت دا ياعم القمور
مالك : عايزه تسمعى ايه
عشق بحماس : شغل لنا مهرجان  .. مش احنا رايحين فرح
مالك بضحك : اه رايحين فرح 
عشق بحماس : اخيرا ياربى .. هحضر فرح مصرى .. قولى يامالك هو شبه بتاعه الافلام بكل التفاصيل كده زى مانا متخيلاها
مالك : وايه تخيلاتك بقا
عشق بحماس ومرح : يعنى قاعات الافراح الشعبيه بتبقى زحمه اوى ومليانه ناس كتيير .. الناس مش بتعرف تتحرك من الزحمه وبيحصل فيها بقا بلاوى .. سرقه وتحرش وخناقات ولم علينا عبيدك يارب ..  ماهى هيصه بقا .. والعريس والعروسه دول غالبا مش بتشوفهم من الزحمه حواليهم .. يعنى تبقى راجل صح لو لمحت فستان العروسه من بعيد  هههههه .. بس المخاطره الحقيقيه بقا انك تحاول تطلع ع المسرح عشان تسلم ع العريس .. دى محتاجه قلب جامد وتكون شايل سنجه معاك ف الشاكيته لانك لو قررت تدخل وسط الزحمه اللى حواليهم دى ووصلت بالسلامه وطلعت عايش هتطلع  يا من غير هدومك يا من غير كرامتك لانك هتتعرض للتحرش وانت بتعبر من الزحمه هههههه 
مالك بضحك : انتى بتجيبى الكلام ده منين
عشق : من الافلام ياروحى
مالك : الله يخرب بيت الافلام المصرى اللى واكله عقلك ..  ادينا رايحين فرح اهو يمكن يغير معتقداتك الهبله دى