مًـآلَـکْ عٌـشُـقُـيَ

البارت الواحد والعشرون🙃^o^

اوكيه اسمعوا كويس
بما اني بحدث اهو بدون شروط
المفروض يكون فيه تقدير منكم صح
كومنت لطيف زيكم كده +فوت الطف يا نجومي
مش هتخسرو حاجه لو عملتوا فولو 🥰لفيو لفيو 😍♥️

~~~~~~~~~~~~~~~~~~~~~~~~~~~~~~~~~~~~~~~~~

لندن ❤

ليلا فى قصر زين العامرى وداخل غرفه عشق .. تجلس عشقنا امام التلفاز تتابع احد افلام الكرتون ذا ليتل ميرمايد بتاع السمكه إريل ام شعر احمر ههههه  وتأكل الفشار ومندمجه مع الاحداث
عشق : ياعينى عليكى يا إريل .. عايزه تهرب من بيت ابوها الملك عشان حبيبها بس معندهاش رجلين .. متزعليش يا اوختشى حتى اللى عندهم رجلين برضو مش عارفين يهربو ههههه .. بس انا بقى مستنيه حبيبى هيجى ياخدنى اما انتى بقا يا ام نص فسيخه محدش هيعبرك ..  هييه لوكا جاى ياخدنى  .. عليا النعمه انا اتجننت بكلم نفسى ههههه يلا قدر ولطف .. ياترى عامل ايه دلوقتى يا لوكا
زين : اكيد هرب .. مين قلك انه يقدر يدخل هنا
عشق بخضه : بسم الله الرحمان الرحيم .. انت دخلت ازاى يازعيم
زين : من الباب .. دابيتى مش محتاج انط من شبابيك
عشق بمرح : لاحظ انك اخدت عليا بزياده حبتين .. بقيت تدخل من غير احم ولا ضاسطور
زين : انا بقالى ١٠ دقايق بخبط وانتى مش سامعانى
عشق : اه معلش كنت بتفرج ع الكرتون بتاع السمكه اللى عايزه تهرب من بيت ابوها .. واخدبالك انت يازعيم
زين بحزن : انتى عايزه تهربى يا عشق
عشق : بصراحه اه حظابط خطيبى وحشنى
زين : قولتلك دا مش ظابط .. انا بنفسى دورت ف سجلات الظباط ف لندن كلها ملقيتلوش اثر .. انا معرفش دا مين بس بما انه كان بيحميكى وخاطر بحياته عشانك ف انا مش هأزيه .. انما لو فكر يقرب منك همرجحه
عشق بضحك: تعرف انكم شبه بعض اوى .. حتى بتستخدمو نفس طريقه التعبير .. فعلا من شابه حماه فما ظلم
زين بزهول : حماه .. انتى عارفه انى ممكن اقتله لو فكر يقرب منك
عشق بحزن مصطنع : ليه بس كده يازعييم .. يهون عليك تيتم ولاد بنتك
غضب زين بشده وامسكها من ياقه بيجامتها ورفعها لاعلى بينما عشق تضحك ببلاهه
زين بغضب : ولاد مين ياروحمك
عشق بمرح : باعتبار ماسيكون يا زعيم .. اهدى وسيب الشاكيت دا ب ١٥٠ جنيه ههههه
ضحك زين غصب عنه ولكن لم يتركها
زين : اسمعك بتجيبى سيرته تانى هعلقك ف المروحه يا عشق
عشق : ماتحرمنى من المصروف كمان .. جرا ايه يا زين باشا مش ملاحظ انك خدت عليا زياده عن اللزوم .. انا قولت انا واحده موهزئه محدش صدقنى .. يلا قدر ولطف
زين : انسى انك تخرجى من هنا
عشق بتحدى : هخرج يا زعيم .. مالك هياخدنى من هنا وهتشوف
زين : لما يبقى يعرف يلاقيكى .. ولو لقاكى هيموت قبل مايوصلك .. وبعدين انتى بقالك هنا اكتر من اسبوع ومظهرش .. مش يمكن رجع لحياته
عشق بثقه : لو استنيت مليون سنه مش هيأس .. مالك جاى .. عشانى انا .. عشان عشقه يا زعيم .. مالك مش هيتخلى عنى .. 
زين : انتى واثقه من حبه اوى كده
عشق : اكتر من ثقتى بنفسى ... ماتسيب الشاكيت بقا يا محسن الله هههههه سيب يا زعيم احسن برستيجى ضاع وسط الخلق والله