مًـآلَـکْ عٌـشُـقُـيَ

آلَبًآرتٌ آلَخِآمًسِ

   باريس ❤

صباح يوم جديد تشرق الشمس على الكوخ وتتسلل لداخل غرفه تلك النائمه بعمق لتوقظها ...تفتح عشق عينيها الرائعه وتبتسم فهذه عادتها كلما استيقظت ... قامت من الفراش بنشاط وتوجهت للحمام واخذت الشاور الصباحى وخرجت مرتديه البورنس لتفتح الدولاب وتبدا باختيار شئ ما لترتديه .. لم تكن الثياب متناسقه فقد كان منها الطويل والواسع عليها والضيق جدا ..( معلش بقا يا شوشو ملحقوش ياخدوكى تختارى لبس على زوقك قبل ما يخطفوكى ههههه ) عشق تحب لبس الجينز والبلوزات المريحه لكنها لم تجد الا بنطلون جينز واحد فقررت تركه للخروج به ( دا على اساس ان مالك جايبها ف جوله سياحيه مثلا ) .. اخرجت عشق فستان بيتى وردى  ضيق من الاعلى بحمالات عريضه وواسع من الاسفل يصل للركبه وارتدته ومشطت  شعرها وتركته منثدلا على ظهرها بتموجاته الخفيفه فكانت مثل سنو وايت لكن الفارق فى طول الشعر .. اتجهت للاسفل لتبحث عن مالك لكنها لم تجده فى اى غرفه واتجهت لتفتح باب الكوخ فوجدته مغلق من الخارج
عشق بغيظ : يابن الجزمه .. طب كان يقولى انا خارج يا شوشو محتاجه حاجه اجيبهالك معايا .. ايه قله الذوق دى هو انا شوال بتاتس .. مااااشى يا مالك مااشى
اتجهت عشق للمطبخ وفتحت البراد لتشهق بصدمه : مستحيل .. نوتيلا مره واحده .. احمدك يارب ... ايه ده  ...لااا كده كتير ايس كريم كمان ..احلى يوم ف عمرى دا ولا ايه هههههه يلا الحق اكل بقا قبل مايجى ويقعد يبحلقلى ...
قامت عشق بفرد النوتيلا على الخبز الساخن وامسكت شطيره النوتيلا بيد وبالاخرى علبه الايس كريم وبدات المعركه حتى اعلنت النوتيلا استسلامها ورفع الايس كريم الرايه البيضاء ههههه  معلنا فوز عشق التى تحول وجهها الى لوحه تسئ للفن اثر التهام الايس كريم والنوتيلا بدون رحمه .. فى هذه الاثناء سمعت عشق صوت فتح الباب فابتسمت بشر وتوعدت لمالك ... دلف مالك للداخل يبحث عنها ويقول فى نفسه ربما مازالت نائمه
مالك : عشق .. انتى لسه نايمه
عشق من خلفه بوجه يشع غضبا ولهجه الزوجه المصريه الاصيله : نعم ياسى مالك .. مانا الخدامه الفلبينيه اللى امك جابتهالك .. عايز ايه ع الصبح
التفت مالك اليها بوجه غاضب لكن ثوانى وتحول الى ضحكات عاليه فور رؤيته لوجهها واللوحه الفنيه النادره المرسومه عليه
مالك : هههههههه انتى كنتى بتخانقى مع مين
عشق نست ان تنظف وجهها ولم الا لتوبيخه : قافل عليا الباب ليه هو انت حابس قطه .. يابنى طب كنت كلف نفسك وقولى انا خارج اجبلك حاجه معايا ... ايه البخل ده
مالك بضحك : هو ده اللى مزعلك .. وانتى فاكرانى خارج اشم هوا ولا اعمل شوبينج .. انا كنت بعمل اتصال مهم للقياده ومش فايق لدلع البنات بتاعكو ده
عشق : متستفزنيش .. متخلينيش اطلع زرابينى عليك
مالك : يامى يامى .. تصدقى خفت وركبى بتخبط ع الجيران .. لا والنبى  بلاش
عشق : صبرنى يارب
مالك : متدعيش على نفسك هتبقى صبار ههههه
عشق : انت بتردهالى .. مش كان الش رخيص برضو
مالك : شكل المحاضره دى مش هتخلص ... تصبحى على خير
عشق : خد هنا رايح فين ... انت هتسيبنى وتنام
مالك : اهو بدانا زن النسوان .. يابنتى انتى ليه محسسانى انك مراتى النكديه
عشق : اهو ساب الفرخه ومسك ف الريش .. انت هتنام دلوقتى ليه
مالك : عشان منمتش طول الليل
عشق : وايه اللى منيمكش
مالك بخبث : اقولك ومتزعليش
عشق : وانا ايه اللى يزعلنى
مالك : بصراحه الشيطان كان عمال يوزنى عليكى امبارح وكنت هسمع كلامه لولا ستر ربنا سبتلك البيت وطلعت بره كان حصل حاجه متعجبكيش ههههه
عشق بغضب وهى تضربه بقبضتها على كتفه : انت قليل الادب وسافل ومش متربى
مالك : اااه حاسبى انا دعيييف هو انا قدك ههههه
عشق : انت بتضحك ... بتغيظنى وتضحك ... ماشى  ماشى اصبر على رزقك ...
مالك : طيب تصبحى على خير انا هنام وياريت متصحينيش عشان مش فايق اخانق فيكى
تركها وذهب لغرفته وهو يضحك عليها فقد نجح فى استفزازها .. لقد سهر الليله الماضيه فى تأمين المكان والمؤن اللازمه للبيت وليس للسبب الذى قاله لها ( الواد ياعينى راح جابلها النوتيلا والايس كريم وبدال ماتشكره هزقته ..ياعينى عليك يابنى )
اما عشق فوقفت امام باب غرفته تستمع اى صوت لتعرف ما ان كان نائما لانها تريد ان ترد له الصفعه وتاخد بتارها ... ابتسمت بشر وهى تسمع لصوت الماء بالحمام فعلمت انه مازال ياخذ شاور فدخلت ببطء وتوجهت لملابسه الملقاه على السرير وسكبت عليها مسحوق بودره شطه  احضرته من المطبخ واحضرت ايضا زجاجه زيت وقامت بسكبها امام باب الحمام و خرجت من الغرفه وهى تضحك بخبث وتقول : عشان تبقى تهزر ما القطه .. نسيت انها بتخربش ههههه
خرج مالك من الحمام عارى الصدر وملتف بمنشفه حول خصره وبمجرد خروجه وقع على الارض اثر تزحلقه على الزيت فغضب بشده وعلم انها احدى مقالب تلك المجنونه فقاوم الالم ونهض يستحم مجددا وخرج بعد ان مسح اثر الزيت وارتدى ملاابسه بسرعه وتوجه للخارج وذهب الى غرفتها ودق الباب بعنف
مالك بغضب : انتى يا متخلفه افتحى الباب
عشق : هههههه روح استحمى الاول وبعدين نتكلم
مالك : افتحى بقولك .. بقا بتكبى الزيت قدام باب الحمام .. عايزانى اقع اتكسر
عشق : مش انت اللى استفزيتنى .. انا مش بسيب حقى .. الحق نفسك بقا وروح استحمى قبل ما الهرش يتحول لجرب هههههه الله عليك وانت شبه الفسيخه ههههه
بدء مالك يهرش بفعل الشطه الموضوعه داخل الثياب وتوجه بسرعه الى غرفته بسرعه ليستحم للمره الثالثه وهو يتوعد لتلك العشق بالكثير