مًـآلَـکْ عٌـشُـقُـيَ

آلَبًآرتٌ آلَسِآبًعٌ♥🐰

برلين ❤

عشق بصدمه : عشق ايه ياخويا
مالك : عشقى
عشق بزهول : انت بتقول ايه
مالك بخبث : قولت ايه .. مش انا خطيبك  وكده يعنى .. ولا كنتى بتكدبى على صاحبتك
عشق بغضب : دانت سمعتنى بقا فبتردهالى مش كده
مالك : بس حلو الاسم عجبنى
عشق: انت عارف انت بتقول ايه
مالك وهو ينظر لها بابتسامه جذابه : عشقى .. حلو عشقى مش كده
عشق بخبث : عشق مين
نظر لها مالك بابتسامه ولم يرد
عشق : ممكن افهم بأى حق تسمح لنفسك تنادينى عشقى ..
مالك : ههههه بحكم انى خطيبك زى ماقولتى لصاحبتك
عشق بمرح  : لا دانت اتجننت رسمى بقا .. مين قلك اصلا انى ارضى بيك .. انت مش شايف نفسك يابنى .. طول بعرض تهد الارض عليك عيون تدوخ وشعر يهبل .. دانت شعررك احلى من شعرى .. عارف انت اما بتتعصب بينزل على عيونك وبيبقى شكلك حلو اوى عشان كده بتعمد اعصبك ههههه احيه ايه اللى  انا بقوله ده ههههه انت اكيد شربتنى حاجه .. المهم قولى بقا بعد كل ده ارضى بيك على ايه
مالك : لا دانتى شكلك واقعه خالص
عشق : لا مسمحلكش .. اسكوزمى بقا  يا عم الامور .. انا مقبلش
مالك بضحك : متقبليش ايه بالظبط
عشق : مقبلش اقل من شقه ٧ اوض و٢ رسيبشن و٣حمام و مطبخ  امريكانى وتكون بتطل ع البحر مفيش بحر خليها ترعه المهم انها تطل ع الميه انشالله حتى تكون ترعه صرف صحى  مش مهم هههههه
انفجر مالك ف الضحك على تلك العشق التى سوف تتسبب له بالشلل ههههه : انتى هبله يابت هو انا طلبت ايدك اصلا .. دانتى شويه وتقوليلى معانا عيلين هههههه
عشق : اخس عليك يابو محمد هتتبرى من عيالك يا راجل
مالك بضحك  وهو مازال يحملها بين زراعيه ويسير بها : لا انتى بجد مش طبيعيه هههههه
عشق بمرح : قولى بقا يا عم الامور  هتجيب حد من عيلتك وتيجى تكلم الحاجه  امى امتى
مالك : اكلم الحاجه امك  كمان ههههه
عشق : طبعا يسطا امال هتتجوزنى كده سوليطى موليطى .. ترضاها على بنت خالتك ياكابتشن
مالك بضحك وهو يسايرها ف الكلام : ماشى تمام وبعدين
عشق : بص بقا انا عايزه فستان ابيض يجمع بين فستان ياسمين صبرى  وفستان هنا الزاهد .. يعنى مكس بين الاتنين والا مش هتجوز .. ولا انت فاكرنى اى كلام يعنى لايابا دانا من عيله كبيره اوى  حتى اسأل عنى ف شبرا والطالبيه هرم هههههه
مالك بضحك : خلصتى كده 
عشق : لحد دلوقتى تمام ... هننزل امتى بقا ننقى الدبل
مالك بضحك : ههههه اول ما نرجع للست الحاجه ان شاء الله
عشق : اشطا ... نزلنى بقا
مالك : لا خليكى كده .. احنا خلاص وصلنا اصلا والنهار طلع علينا
عشق : بجد الكوخ هيوحشنى اوى .. انا كنت بدات اتعلق بيه عاطفيا لدرجه انى كنت بفكر نتجوز هناك
مالك : اوعدك نرجع هناك تانى
عشق : هو المكان ده بتاعك
مالك بثقه: ايوه طبعا .. الكوخ اللى ع البحر والمكان اللى رايحين ليه دلوقتى وكذا مكان تانيين ف بلاد مختلفه .. كل الاماكن دى ملكى
عشق بصدمه : هولى شيت ..  دانت غنى بقا
مالك : يعنى .. ترقيات الشغل والمكافئات الماليه اللى كنت باخدها من العمليات الصعبه
عشق بمرح : بايضالى ف القفص اهو .. عريس مز ومليونير الله اكبر عليا متبصوليش بعين رضيه شوفو ايه ادفع فيا اربعه اربعه اربعه على كل جنيا مربعه
مالك : انتى بتقولى ايه
عشق : بخزى العين ياخويا .. اومال نتحسد يعنى ... دا العيون كلها بصاصه خلق .. عايزه ف عينها رصاصه ههههههه
مالك : انا فقدت الامل فيكى
عشق : لا ابوس ايدك اوعى تقولى انك بتهزر ومش ناوى تخطبنى دانا خلاص اخترت اسماء العيال دانا اروح فيها
( ضحك مالك بشده وضحكت عشق ايضا .. دلف مالك الى احد البنايات الفخمه فى مدينه برلين الرائعه الموجوده ف ب المانيا .. دلف المصعد  وتوجه للدور الخامس عشر .. فتح باب المصعد وتوجه لاحد الشقق وهو مازال يحمل عشق .. انزلها فقط ليفتح الباب .. فتح الباب ودلف هو وعشق معا للداخل )
عشق بأعجاب : حلوه اوى يا حظابط .. انا غيرت رايى هنتجوز هنا
مالك : عجبتك
عشق  : دى تعجب السيسى نفسه يسطا انت مش شايف عامله ازاى ... الحيطان  ازاز تقدر تشوف كل حاجه بره والاوض واسعه .. والفيو بتاعها تحفه .. بقولك ايه تعالى نتصور سيلفى جنب الحيطه الازاز دى عشان انزلها على جروب  الفيس هكتب تحت الصوره لما اوصل  برلين مش هلف حتى اعملكو باى ههههه
مالك بضحك : روحى يا عشق ارتاحى شويه عشان انتى تعبانه من السفر
عشق بهيام : هو اللى يسافر معاك يتعب برضو يا لوكا .. دانت شايلنى طول السفر ..الا قولى احنا سافرنا ازاى
مالك : بطياره خاصه
عشق : احيه انت عندك طياره
مالك : لا دى تبع القياده
عشق : هو ايه كل شويه القياده القياده .. انت جاسوس يابنى
مالك بغضب : عشق روحى نامى
عشق : خلاص ياباشا متزعلش .. بس بصراحه مش داخله دماغى .. ازاى مباحث لندن والفيلم اللى بتقوله ده .. مش عارفه ليه حاسه ان فى ان ف الموضوع
مالك :  مش بقولك ذكيه .. ذكائك خارق يا عشق .. اتفضلى نامى
عشق : انام ف انهى اوضه
مالك : اختارى الاوضه اللى تعجبك
عشق : اوك .. انت رايح فين
مالك : هنزل اظبط شويه حاجات وارجعلك ولو حد خبط متفتحيش الباب .. ولا اقولك انا هقفله اصلا ( كادت عشق تتحدث الا انه لم يمهلها  فرصه فخرج واغلق الباب من الخارج كانه يخفى كنزا يخاف عليه )
عشق : يابن الجزمه .. بتقفل عليا الباب بالمفتاح هو انت حابس شوال بطاطس .. ماشى يا مالك اصبر عليا .. ( توجهت عشق لاستكشاف الشقه الرائعه وتفاجئت عندما وجدتها لاينقصها شئ .. الدولاب به بعض الملابس المناسبه لها ووضعت عليهم ايضا الاشياء التى احضرتها من الكوخ والثلاجه مليئه بالايس كريم وبعض الوجبات الخفيفه .. وكأن مالك كان يعلم انه سياتى الى هنا فأمر بتجهيز المكان .. كم انت غامض يا مالك .. توجهت عشق للحمام الملحق بغرفتها واخذت حمام دافئ وخرجت فشعرت بالبرد فضبضت المكيف على درجه حراره مناسبه واخرجت بيجامه بيضاء من الدولاب وارتدتها .. كانت واسعه جدا عليها فكان شكلها مضحك للغايه لكنها لم تهتم فذهبت للنوم ... )