مًـآلَـکْ عٌـشُـقُـيَ

آلَبًآرتٌ آلَثًآنِيَ عٌشُر

كندا ❤🎶

صباحا فى احد مدن  كندا الرائعه المتواجده بالولايات المتحده الامريكيه تستيقظ عشقنا وتبدا بفتح عيونها وتبتسم كعادتها .. تقوم من الفراش وتتوجه للحمام الرائع لتأخذ شاور دافئ ثم تخرج وترتدى احد الملابس الثقيله الموجوده بالخزانه حيث ان الجو هنا بارد جدا  وتتوجه للخارج .. تقف امام غرفه مالك وتتذكر ماحدث هنا ليله امس فتوبخ نفسها مجددا ..تعتقد انه مازال نائما فتتوجه للاسفل لتتفاجأ بمالك يقف بالمطبخ ويعد لها  الفطور كعادته عندما يريد ان يصالحها .. يقف ف المطبخ بكل سعاده يغنى احد الاغانى الاسبانيه بطلاقه مع صوته الرائع وهو يعد الفطور بابتسامه .. تبتسم عشق وتقف خلفه والمفترض انه لايراها ليأتيه صوتها من خلفه
عشق: انسى مش هسامحك المره دى
مالك بفزع مصطنع : يالهوى خضيتينى وانا قلبى دعيف .. طب قولى احم ولا ضاسطور  .. كده تقطعى خلفى
عشق : لا دانت اتعلمت الالش اهو وبقيت تقلدنى
مالك بمرح : لا اسكوزمى مسمحلكيش هههه
عشق : متحاولش .. مش هسامحك المرادى
مالك بتحدى : هنشوف يا عشقى
عشق بتحدى : هنشوف .. خليلك الفطار بقا
مالك : اممم يعنى مش هتلينى بسهوله
عشق : مش هلين اصلا عشان انت كل ما اسامحك بتسوء فيها اكتر
اقترب مالك الى ان اصبح وجهه مقابل وجهها تماما ونظر لعيونها فتوترت جدا فتحدث بثقه : انا لو حسيت انك رافضانى ف اى مره قربت منك فيها كنت بعدت .. امبارح انا اللى كنت متصاب تقدرى تقوليلى ليه كنتى بتبكى .. متقوليش شفقه وشعور بالذنب ..
عشق : قصدك ايه
مالك: اعترفى انى اهمك
عشق : لا
مالك : و امبارح  لما قولتى خلاص متبعدش ..
عشق : محصلش انت بتهلوس  من اثر الدوا
مالك : والبوسه كانت هلوسه  برضو
عشق : مالك انت عايز ايه
مالك : تعترفى انى مهم عندك
عشق : دا ف احلامك
مالك: لا فى الحقيقه .. وقبل ما الاسبوع يخلص اتحداكى انك هتعترفى
عشق : احلم براحتك مش هيحصل
مالك: تمام دا تحدى .. بس افتكرى انى عمرى ماخسرت تحدى قدام اى حد
عشق : بس انا مش اى حد يا حضره الظابط 
مالك بابتسامه : طب يلا افطرى
عشق : انى اكل من الفطار بتاعك معناه انى سامحتك وانا مسامحتكش .. خليهولك انا عامله دايت
مالك : شكلك بدأتى اللعب بدرى
عشق : قولتلك انا مش اى حد ... ( صنعت عشق فطور خاص لها وجلست على المائده بينما جلس مالك مقابلها ينظر لها وقد اعجبته شخصيتها الجديده .. كان دائما  يراها الجميله المرحه لكن لاول مره يتفاجأ بروح التحدى والثقه لديها فزاد اعجابه بها .. ) 
عشق : انت مقولتليش احنا فين بالظبط .. كندا كبيره اوى
مالك:  ولايه مونتريال
عشق بزهول : ياااااه داحنا بعدنا اوى عن باريس .. برلين كانت قريبه شويه بس احنا ازاى سافرنا كل ده
مالك: احنا فضلنا ف الهيليكوبتر مده طويله لحد ماوصلنا لندن .. وبعدين ركبنا طيران عادى من لندن لنيويورك ومن نيويورك لمونتريال
عشق : اه صحيح ولايه  مونتريال قريبه نيويورك  وبوسطن .. بس ازاى انا نمت كل ده
مالك : انتى صحيتى بس كنتى تعبانه ومش حاسه بحاجه حواليكى لانك اول مره تركبى هيليكوبتر  حطيتلك منوم ف العصير ونمتى حوالى ٧ ساعات .. معتقدش هتفتكرى كل ده
عشق : وشلتنى كل ده وانا نايمه
مالك: عادى متعود اشيل حاجات اتقل منك
عشق : طب انا كنت عايزه اكلم ماما
مالك: تمام افطرى وهنطلع نكلمها   ..( انهت عشق فطورها وخرجت مع مالك لتستكشف تلك المدينه الرائعه .. كم هى جميله حقا مونتريال .. كانت تمطر ثلجا ليله امس والان تظهر الشمس بشكل رائع تعطى القليل من الدفء لا بأس به وتذيب بعض الثلوج ويظهر فى السماء قوس قزح رائع للغايه وهناك ايضا بائع ايس كريم يعطى الاطفال الايس كريم مع ابتسامه رائعه وايضا هناك بائع البالونات الملونه بألوان قوس القزح .. لكم تود عشق ان تخرج فى نزهه لكن لايمكنها ان تطلب من مالك .. اما هو فظل ينظر لها ويعلم انها  احبت المكان وفى داخله يعدها ان يأخذها فى نزهه طوال الاسبوع لربما تعفو عنه وتسامحه .. هل حقا هى مستائه منه .. هل يحزنها تقربه منها ام ان هذا مجرد قناع تحاول وضعه ولكنها فشلت امس وتركت قلبها يتحدث مطالبا عدم الابتعاد  .. لكم انتى غامضه ايتها العشق ..)
عشق : مالك انت عارف مين اللى حاولو يخطفونى امبارح
مالك:  اكبر عصابه مافيا فى لندن
عشق: ومتعرفش عايزينى  انا ليه .. انا فاكره ان واحد منهم قالى انه زعيمهم هو اللى عايزنى و منبه عليهم مش  يأزونى او يقربولى ... تفتكر ليه
مالك بتوتر :  مش عارف .. انا اعرف انك مطارده منهم بس ..
عشق : هم برضو اللى كانو هيخطفونى قبل كده
مالك: لا دول مافيا الشيطان فى باريس انما بتوع امبارح دول مافيا اكبر منها .. مافيا روح الظلام ف لندن
عشق: الله يطمنك .. وبتقولها ف وشى انى مطارده من عصابتين مافيا والاتنين اسوأ من بعض الشيطان وروح الظلام .. ودا يطلع مين روح الظلام ده
مالك بدون وعى  : السبب فى مشكلتك
عشق : بتقول ايه .. ازاى يعنى
مالك : لا ابدا مفيش .. بقول يعنى قريب ان شاء الله هنعرف بيطاردوكى ليه
عشق : مالك انا قررت اسلم نفسى
مالك : ياقراراتك اللى هتودينا ف داهيه .. تسلمى نفسك لمين ياما
عشق : للبوليس
مالك: نعم .. دا على اساس انك واقفه مع بنت خالتك .. اومال انا ايه
عشق : انت ظابط اه بس باين الموضوع كبير اوى وفيه مافيا خطيره .. هو ازاى الحكومه تبعتلى ظابط مباحث عادى عشان يحمينى؟ .. مع انك برضو مش عادى .. انت زكى جدا وقوى جدا لدرجه انك هزمت اكتر من عشر رجاله من غير سلاح .. انت ايه بالظبط يا مالك
مالك:  انا ظابط .. ومش بكدب عليكى صدقينى .. اعتقد انتى اكتر واحده عارفه انى قادر احميكى منهم
عشق: بس انا برضو خايفه ..و خايفه على ماما لو جرالى حاجه
مالك :  مش عايزك تخافى طول مانا معاكى .. محدش منهم هيقدر يوصلك طول مانا  عايش .. يوم مايقدرو يوصلولك اعرفى انى ميت
عشق : بعيد الشر عنك
مالك بابتسامه : ايه خايفه عليا
عشق بتحدى : شفقه مش اكتر
مالك : وصلنا .. انا هطلب الرقم وحاولى متطوليش
عشق : ماشى اطمن عليها بس .
عشق : الو .. مامى وحشتينى   
اميره : حبيبتى وانتى كمان وحشتينى اوى اوى عامله ايه
عشق : الحمد لله كويس اوى اوى .. متخافيش عليا ومتبكيش عشان خاطرى ..
اميره : انتى فين طيب
عشق : معلش يامامى مش هقدر اقولك عشان ممكن التليفون يكون متراقب .. بس انا والله مبسوطه اوى ومش ناقصنى غير وجودك .. متخافيش انا باكل كويس وبتفسح كمان .. مش بزمتك احسن من الحبسه وسط العيانين
اميره بضحك من بين دموعها : الظابط اللى معاكى ده بيدايقك وقافل عليكى مش كده
عشق : مالك .. لا ابدا دا كيوت خالص ومش بيدايقنى وبيجيبلى ايس كريم وكل اللى بطلبه .. اقولك على حاجه كمان .. شاب ولسه عازب متجوزش .. انا بفكر ارسم عليه لو طلعت من حرب المافيا دى عايشه هههههه
اميره بضحك : عمرك ماهتعقلى ابدا .. ممكن اكلم الظابط
عشق : ياسيدى ياسيدى .. ايه بقا هتعلقى منى المز ولا ايه .. على فكره ده مصرى
اميره : هههههه طب اديهولى  يا غلباويه
عشق : مالك ممكن تكلم حماتك ااا سورى  قصدى ماما عايزه تكلمك هههه
مالك بضحك : اوكى هاتى السماعه ... الو ..ايوه يا حماتى .. اسف ايوه يا مدام اميره
اميره : ههههه اسمك مالك
مالك: ايوه يا فندم .. الرائد مالك ياسين مباحث لندن
اميره : بس انت مصرى
مالك : عادى .. يمكن ده من حظ بنتك انها لقت واحد مصرى تصدعه ليل نهار بالمهرجانات  
اميره : ههههه شكلها جننتك خالص
مالك: لا ابدا دا بنت حضرتك دى نسمه .. ماشاء الله هدوء مفيش كده
اميره : ارجوك يا بنى خد بالك منها ..  عشق بتحاول تبين انها قويه بس هى والله رقيقه اوى من جواها .. اوعى تسيبها  وحدها باليل ف مكان مقفول .. عشق عندها فوبيا من الاماكن المغلقه باليل .. انا مطمنه عليها عشان هى مع واحد مصرى زينا  .. عشق صحيح اتولدت واتربت ف باريس  بس طول عمرها روحها ف مصر .. واكيد مصر  لسه فيها الخير بدليل انك بتحمى بنتى دلوقتى وبتفديها بحياتك .. خد بالك منها يابنى .. ( مالك من جواه اتبسط اوى لما اميره قالتله يابنى .. دى اول مره يسمعها من فتره طوييله اوى .. ابتسم وحس انه يعرف اميره دى من زمان .. حس انها بتفكره بأمه الله يرحمها )
مالك :  متخافيش حضرتك على عشق .. هى ف امان .. انا هفديها بروحى دا واجبى
اميره : وانا واثقه من كده .. ممكن تديهالى( عشق اخدت السماعه)
عشق : ايوه يا مامى
اميره : الشاب  باين عليه محترم  وابن ناس .. اسمعى كلامه وخدى بالك من نفسك .. فاهمانى
عشق : ايه ده مسألتيهوش بيقبض كام وعنده شقه ولا لأ .. فين شغل الحموات يا اميره
اميره بجديه : عشق انا بتكلم جد .. خدى بالك من نفسك .. هو اه بنى ادم محترم بس برضو وجودك معاه ف مكان واحد غلط عليكى .. خلى بينكم حدود .. فاهمانى ..
عشق : لا يامامى مش فاهمه
اميره : عشق .. انتى قربتى منه .. هو قرب منك او حصل بينكم حاجه
عشق : حاجه بمعنى ايه
اميره : اوضحهالك ازاى دى .. انتى فاهمانى ..( نظرت عشق باتجاه مالك وجدته قد ابتعد فتحدثت بصوت واطى وهى تنظر اليه )
عشق : مامى انتى عارفه انى مش بخبى عنك حاجه .. بصى محصلش بينا حاجه كبيره بس فى مره كان بره البيت وانا كنت خايفه وجريت على حضنه وهو باسنى
اميره : بس كده
عشق: احم .. ومره تانيه بصراحه
اميره : باسك بس
عشق : اه والله بس
اميره : عشق انتى حاسه ناحيته بحاجه
عشق وهى تنظر باتجاه مالك : معرفش
اميره : طيب لو حاسه ان فى حاجه من ناحيتك ومش موجوده ناحيته بلاش تعلقى نفسك بأمل كداب .. ومتسبيهوش يقرب منك بطريقه غلط .. انا ربيتك على العادات الشرقيه مش تربيه بلاد بره زى مابيقولو
عشق : مامى مالك بيحمينى حتى من نفسه وانا بثق فيه .. لو كان عايز يأزينى كان خدرنى وعملها من زمان .. بس هو مش كده
اميره : شكلك معجبه بيه يا عشق
عشق : اوى يا مامى
اميره : هههههه وبتقوليها ف وشى يا قليله الادب
عشق: خلاص بقا يا ميرو متكبريش الموضوع .. يارا فين
اميره : يارا نايمه ف اوضتك .. من يوم ما مشيتى وهى بتبات معايا عشان مبقاش لوحدى .. والله بحس انها بنتى اللى مخلفتهاش
عشق: الله اكبر .. بركاتك يا ست يارا .. جرا ايه يا اميره دانتى شويه وتتبرى منى وتتبنيها هى .. انتو فى بينكم كيميا غريبه بصراحه .. اديهانى طيب
اميره : طب  ثانيه واحده  ...
يارا بلهفه : عشق حبيبتى وحشتينى
عشق : وانتى يا يارا  وحشتينى اوى .. اخبارك ايه ..
يارا : الحمد لله كويسه ناقصنى وجودك بس
عشق: معلش بقا يا اوختى كان على عينى والله
يارا : هو ايه حكايه مالك ومباحث لندن دى .. بصراحه فى حاجه غريبه ف الموضوع
عشق : والله انا بقول كده برضو .. حكايه مباحث لندن دى غريبه شويه مش كده
يارا : المهم خدى بالك من نفسك .. وارجعيلنا بسرعه .. البيت وحش اوى من غيرك يا عشق
عشق : ربنا يسهل .. خلى بالك من مامى يا يارا وخليها تاكل كويس .. انا عارفه انى تعبتك معايا
يارا ؛ متقوليش كده يا عشق دى مامتى برضو .. وقعتى المز ولا لسه
عشق : والله يا يارا شكلى انا اللى هقع .. انا قولتلك انه باسنى ؟
يارا بشهقه : اه يا جاحده .. بوسه مره واحده
عشق بضحك : وياريتها مره .. دول حوالى ٣ او ٤ هههههه
يارا : نهار اسود وامك عرفت
عشق : لسه قايلالها حالا
يارا  : يابنت المحظوظه .. ودا من امتى
عشق : لا كل واحده كانت بمناسبه .. اول واحده كانت عقاب عشان كبيتلو  زيت قدام الحمام وشطه ف الهدوم .. دى كانت اول واحده ههههه  .. وتانى واحده كنت خايفه جريت حضنته وباسنى عشان يهدينى .. وتالت واحده امبارح .. كان متصاب وشايلنى ودراعه نزف وصعب عليا وغيرتله ع الجرح وكنت رايحه انام شدنى ليه وحضنى وباسنى .. مش عارفه بيحصلى ايه وهو قريب منى .. بتوه من الدنيا كلها وبحس بيه هو بس .. ياترى ايه ده
يارا : يالهوى .. ايه كل الرومانسيه دى يابت .. انتى حبيتيه
عشق : معرفش يا يارا .. بس بحب يكون قريب منى
يارا : تبقى وقعتى يا عشق
عشق : لا يا يارا .. مجرد مادوره ينتهى كل واحد هيرجع لحياته .. مش عايزه اعلق نفسى ب امل ويروح منى
يارا : سيبى نفسك يا عشق وشوفى قلبك عايز ايه .. ربنا يكتبلك السعاده
عشق : بحبك يا يارا
يارا : بحبك دى ليا انا برضو ههههههه
عشق : اخرسى يا جزمه .. انا هقفل خدى بالك من نفسك ومن ماما
يارا : ابقى كلمينى
عشق: اوك .. سلام  ...( اغلقت عشق الهاتف وذهبت باتجاه مالك ووقفت بجانبه )
عشق : شكرا ليك
مالك : متشكرينيش .. انا كنت محتاج المكالمه دى اكتر منك
عشق: ليه
مالك : لا متحطيش ف بالك
عشق : طيب هنرجع
مالك : لا هنشم شويه هوا .. يلا تعالى  .. ( فرحت عشق جدا لان هذا ماكانت تفكر فيه .. ذهبت هى ومالك معا وسارت بجانبه تنظر له .. امسك مالك يدها وعبر الجهه الاخرى من الشارع وهى كالمغيبه تماما معه .. تسير خلفه وهو ممسك بيديها بتملك واهتمام  شديد وهى تنظر له بابتسامه .. جلس مالك وعشق على احد الكافيهات وجاء النادل  ليسأل ماذا سيطلبو لينطلق مالك وعشق فى صوت واحد : Black coffee ( قهوه سوداء)
نظر مالك وعشق لبعض وضحكو
النادل : sorry ( معذره )
مالك : two cup of  black coffee ( كوبين من القهوه الساده )
عشق : سمعت ان القهوه هنا حلوه اوى.. تقريبا بتبقى امريكانى بيعملوها بمكينه spresso بتبقى تحفه
مالك :  بتحبى القهوه الاسبريسو
عشق : جددا .. انا مش عشاق القهوه والشيكولاته
مالك : يعنى مبسوطه
عشق : جدا .. بس ده مش معناه انى سامحتك
مالك: انتى مسامحتينيش عشان مفيش حاجه زعلتك اصلا .. عشق انتى مزعلتيش لما بوستك امبارح
عشق: مين قال كده
مالك: عيونك .. انا عارف نظره  عيونك لما بتبقى زعلانه
عشق: دانت بتفهمنى كويس بقا
مالك : بس تصدقى انها خلتنى اعرف انام كويس
عشق : انت عايز ايه يا مالك
مالك : تعترفى انى مهم بالنسبالك
عشق: لما اعرف ليه بتنادينى عشقى
مالك : يعنى لو قولتلك هتعترفى  ...( صمتت عشق ولم ترد بينما اتت القهوه .. تناول كل منهم فنجانه فى صمت حتى انتهو وعادوا الى المنزل )