مًـآلَـکْ عٌـشُـقُـيَ

آلَبًآرتٌ آلَسِآدٍسِ عٌشُر ✨🐰

كندا ❤

فى احد مطارات كندا الشهيره تهبط طائره على ارض مونتريال تحمل على متنها زعيم مافيا الشيطان ومساعديه بهويات غير حقيقيه .. يخرج الزعيم من المطار ويستقل السياره وينطلق الى احد الفنادق لحين انتهاء مهمته .. وفى هذه الاثناء يتحدث على الهاتف مع احدهم .. ( الحوار مترجم)
جيمس : الليله سوف نهجم .. لا اريد التأخر حتى لا يعلم روح الظلام ويسبقنا اليها .. نعم سوف يفعل انه حاد الذكاء .. يجب ان اصل اليها قبله وإلا لن نتمكن من تحقيق هدفنا .. ( اغلق هذا الشرير الهاتف وضحك بصوت عالى ضحكه الاشرار ولمعت عيونه بشر .. ترى هل سيتمكن من ايذاء عشق ام لمالك رأى اخر )

♡♡♡♡♡♡♡♡♡♡♡♡♡♡♡♡♡♡♡

اما عند مالك وعشق فقد كان الوضع مختلف .. كانت عشق تقف بالمطبخ تحضر الغداء وترتدى المريول الخاص بالمطبخ على فستانها الازرق الذى يصل للركبه وكالعاده ضيق من الاعلى بحمالات عريضه ويتسع من الخصر الى الركبه .. وترفع شعرها بشكل غير مرتب وتغنى احدى المهرجانات بحماس .. بينما كان مالك بالخارج وعاد الى المنزل وعلى وجهه نظره غريبه .. يتذكر انه ذهب ليستطلع ويحضر بعض المستلزمات فلاحظ ان احد ما يراقبه .. بحكم عمله وذكائه الحاد لا يفوته شئ كهذا لذا فقد لاحظ بسرعه .. عاد الى المنزل على الفور وهو يفكر بشئ .. ان كان هذا مايخطر بباله صحيح فلن تمر الليله بسلام .. شئ ما سوف يحدث اليوم .. دلف الى المطبخ ليجد تلك المرحه المجنونه تغنى لتتبدل نظرته الى ابتسامه واسعه ويقف ليحدق بها تغنى وتشير بيديها
عشق بغناء : اشرب حشيش لو يوم متكلمنيش .. حابب معاكى اعيش .. غيرك ماتغرينيش .. قلبى داب والعقل باظ وخاب مفيش ياخويا اصحاب دا الحب حبل وداب والنيه بايظه .. هقطع وتر ودموعى كالمطر .. هكون انسان خطر هههههه .. قال مافيا قال .. طب شحط محط خد فوق وتحت لو جيت ورحت مش هتجيبنى .. يالهوى مكنتش اعرف ان الهروب حلو كده .. لا دانا لازم اشكر المافيا دى بقا .. ابقى اقول لمالك ونعزمهم ع العشا هههههه ياترى اعمل محشى ورق عنب ولا كيرونب .. اما يجى مالك اسأله
مالك بسخريه وضحك: اعملى الاتنين يا عشق .. شكلهم ف الطريق
عشق بخضه : ياما انت جيت
مالك: ايه جيت عشان نتفق هنغدى المافيا ايه .. قولى الاوبشن تانى كده ..
عشق بمرح : كنت محتاره نأكلهم ورق عنب ولا كيرونب
مالك بضحك: كيرونب ههههه مش عارفه اسمه وعايزه تطبخيه ههههه ..
عشق : سألت عن الاسم العلمى بتاعه طلع اسمه ملفوف بس ف مصر اسمع انهم بيسموه كيرونب .. سمعتها ف فيلم لقيتها احسن من ملفوف قولت على بركه الله ههههه
مالك : وتعرفى بقا تطبخيه
عشق : لا هجيب الطريقه من ع النت ..
مالك: تمام شهلى بقا عشان المافيا على وصول .. ( صعد مالك لغرفته وهو يضحك بشده على تلك المجنونه .. الظاهر فعلا ان عندنا زياره النهارده يا عشق .. امسك مالك الهاتف واتصل على احد
مالك : ايوه يا سياده العميد .. احنا متراقبين .. ولو اللى ف بالى صح يبقى الليله دى مش هتعدى على خير .. انت بتقول ايه ازاى متبلغنيش .. يعنى هو اكيد هنا .. القوات مش هتلحق توصلنا هم اصلا هنا ف مونتريال .. لازم الحق اتصرف بسرعه .. متخافش ربنا يستر المهم هى تبقى كويسه .. لا اله الا الله ...
اغلق مالك الهاتف واتجه للدولاب واخرج الاسلحه وملأ المسدسات بالرصاص ووضعها حول خصره فى حزام المسدسات ووضع اسلحه بيضاء صغيره ( مطوه قرن غزال وسكينه صغيره ههههه) فى قدمه واخذ حقيبه ظهر واسرع لاسفل .. كانت عشق قد انتهت من تحضير الطعام ووضعته على الطاوله وتفاجئت من هيئه مالك الذى كان يبدو وكأنه ذاهب لمعركه .. كان يرتدى تيشرت ابيض نص كم يبرز عضلاته وبنطلون اسود ويضع حزام المسدسات حول خصره ويشبه ضباط القوات الخاصه فى الافلام .. وقفت مكانها تحدق به بابتسامه حالمه بينما وقف هو بجانب النافذه يراقف الطريق ثم التفت لها
مالك : خلصتى الغدا يا عشق
عشق : ايوه يا سى مالك .. ممكن اعرف سيادتك متشيك ورايح على فين
مالك : قصدك رايحين فين .. الظاهر انك فعلا بركه .. بركاتك يا حجه عشق هنتمرجح النهارده .. مش كانت وحشاكى المافيا وعايزه تعزميهم ع الغدا ..اهم جايين يتغدو بينا النهارده انبسطى يابركه
عشق : ياراجل قول كلام غير ده .. مافيا ايه دلوقتى .. يلا ناكل لقمه عشان انا واقعه من الجوع
مالك : طب كلى بسرعه عشان شكلنا هنمشى .. يلا والبسى غير الفستان ده عشان خارجين
عشق : حلو جو البس علشان خارجين ده .. طب يلا كل معايا انت مكلتش من الصبح ...( جلس مالك وتناول الطعام بسرعه حتى يتخلص من زن تلك المزعجه )
عشق : طب على مهلك الاكل مش هيطير
مالك : لا احنا اللى هنطير .. يلا يا عشق البسى عشان هنروح مكان تانى لحد ما الهيليكوبتر توصل ونسيب البلد
عشق : انا مش فاهمه حاجه هنسيب المكان ليه
مالك : بسرعه يا عشق مفيش وقت المافيا عرفت مكاننا .. البسى وانزلى بسرعه عشان هنمشى من هنا
دب الرعب بقلب عشق وانطلقت لاعلى حتى تبدل هذا الفستان الواسع وارتدت بنطلون قماش حرير واسع للغايه حر الحركه باللون الموف وبلوزه ورديه ايضا من الحرير وكوتشى رياضى ورفعت شعرها للاعلى بطريقه غير منظمه ونزلت على الفور .. كان مالك يضع علبه الاسعافات ف الحقيبه .. نظر لها قليلا ثم يدها وخرجوا من المنزل .. كان الوقت ليلا عندما خرج مالك وعشق ..وكانت عشق تسير بخوف وتمسك بيده به وشعر مالك بأحد يتتبعه فدخل احد الشوارع الجانبيه ودخل الرجل خلفه فلم يجده .. ثوانى والتف الرجل ليجد مالك امامه وقام بثنى رقبته ليقع على الفور وتصرخ عشق ..
مالك : هشش متخافيش دا فرد من المافيا .. يلا نمشى ...( امسك يدها وخرج مجددا من الشارع الجانبى .. وقف مكانه يدرس المكان وعينيه تجول يمينا ويسارا ثم لمح شخص سكران ينزل من سياره ويتحدث الى فتاه .. فاقترب منهم وسحب مفتاح السياره من جيبه الخلفى بخفه شديده وانتظر الى ان يغادر الشخص والتفت لعشق وهويفتح باب السياره
مالك : يلا اركبى مفيش وقت
عشق : احنا كده سرقنا الراجل
مالك : ربنا يسامحنا يلا يا عشق قبل ما المافيا توصل ويبعتونا نتحاسب دلوقتى
ركبت عشق بسرعه وانطلقت السياره .
عشق : هنروح فين
مالك : مش عارف بس هنتخبى لحد ما الدعم يوصل ونمشى من هنا .. احنا بعيد اوى عن لندن والقوه هتاخد وقت عشان توصل ..
عشق : هم ممكن يمسكونا
مالك : متخافيش محدش هيقدر يأذيكى .. لو حد فينا هيجراله حاجه هيبقى انا ..
عشق بدموع : انت مجنون .. والمفروض انا هقدر اعيش من غيرك
مالك ينظر لها ويبتسم : ولا انا اقدر اعيش من غيرك .. بس مش بإيدى .. دا واجبى انى افديكى بحياتى
عشق : مش هيجرالك حاجه هتفضل معايا ...( ابتسم مالك بحزن ولم يرد .. بعد حوالى ربع ساعه وصل مالك امام احد الاوتيلات ونزل من السياره .. دلف بسرعه هو وعشق واخرج كارت من جيبه واعطاه لموظف الاستقبال .. ثوانى واشار له الرجل واعطاه مفتاح فسحب يد عشق ودلف المصعد .. وضغط على الدور الخامس والثلاثين ..
عشق ببكاء : مالك انا خايفه
امسك مالك وجهها بين يديه : متخافيش ومتبكيش خليكى قويه .. محدش هيقدر يأزيكى او يقرب منك .. انا عايزك تنسى انك ف الموقف ده وترجعى عشق اللى اعرفها .. استخدمى ذكائك وفكرى معايا .. مش هى دى عشق اللى كانت بتهدد المافيا بمدفع صواريخ .. انا عايز عشق دى دلوقتى .. يلا ...( اخذها وخرج ثم دلف الى احدى الغرف بعد ان فتحها بالكارت الالكترونى .. دلف بسرعه واغلق الباب )
عشق : هنعمل ايه دلوقتى
مالك : هنستنى اتصال من القياده
عشق : هم ممكن يوصلولنا هنا
مالك : اكيد بس اتمنى ان الدعم يوصل الاول ..
عشق : يارب
بعد حوالى ربع ساعه من التوتر يدق باب الغرفه
مالك : who is there من هناك
الشخص : house keeping خدمه الغرف
فكر مالك للحظه ثم خلع التيشرت بسرعه وفك حزام بنطاله وعشق مصدومه من تصرفه ولا تفهم ما يفعل .. خلع مالك ملابسه كنوع من التمويه وابعد اسلحته وبقى بالملابس الداخليه وعارى الصدر واتجه لفتح الباب .. فتح الباب ليجد امامه رجل ينظر له باستغراب
مالك : sorry .. back later the we are enjoying now
الشخص بإحرج : sorry sir .. enjoy your time
اغلق مالك الباب بسرعه وعاد للداخل
عشق وهى تنظر بعيدا عنه : البس حاجه يا محترم احسن تستهوى .. وبعدين قلعت ليه اصلا فرحان بعضلاتك اوى
مالك : لا مش فرحان بيهم .. دا تمويه عشان ميدخلش ويشوفك .. لو المافيا مسكوه ووصفلهم شكلك هيعرفو ان احنا هنا
عشق : طب البس هدومك
مالك: لا انا مبسوط كده
عشق : البس يا مالك
ضحك مالك واخذ ملابسه ودلف للحمام وخرج بعد دقائق .. وضع الاسلحه بمكانها مجددا .. ومرت ساعه من التوتر حتى اتاه اتصال
مالك : ايوه يا سياده العميد .. الهيليكوبتر .. بس المكان ده بعيد اوى .. ايوه معايا الجهاز .. تمام هنخرج دلوقتى
عشق : ايه يا مالك
مالك : يلا يا عشق هنمشى
عشق: هنروح فين
مالك : هنروح المكان اللى الهيليكوبتر هتزل فيه .. متخافيش خليكى معايا بس .. يلا
خرج مالك اولا ونظر حوله ثم خرجت عشق .. سارو بحزر حتى وصلوا للاصانصير وركبوا وضغط مالك ع الدور الارضى .. ثوانى وفتح المصعد وقبل ان يخطو مالك للخارج لمح احد الرجال المسلحين بالخارج ويقف بجانب الشخص بتاع الروم سيرفس .. التفت سريعا دخل مجددا وضغط على الزر ليصعد مجددا
عشق : فى ايه
مالك : موجودين برا
عشق : طب هنعمل ايه دلوقتى
توقف المصعد وخرج مالك وعشق فورا ووجد فتاه الهاوس كيبنج تخرج من احدى الغرف وتضع بجيبها المفتاح .. همس لعشق بأن تقف بعيدا ففعلت واقترب مالك من الفتاه وكأنه يغازلها .. عمل نفسه هيخبط فيها وقرب منها اوى وبص لعنيها فسرحت فيه واستغل انشغالها وببطء شديد وضع يده بجيبها ويخرج المفتاه بخفه ثم يبتعد ويذهب .. ذهب لعشق فوجد وجهها احمر من الغضب وكأنه اناء ضغط بيصفر ..
عشق : شكلك عايز تاخد كمان غرزتين
مالك : مش وقته يلا
امسك يدها وفتح الغرفه ودخل على الفور
مالك وهو ينظر حوله : دورى على اى حاجه ف الدولاب تغير شكلك شويه لحد مانخرج من هنا
فتحت عشق الدولاب ولحسن حظها كان به ثياب لامرأه ولكن زوقها بالملابس سئ جدا جدا
عشق : ياى الهدوم وحشه اوى
مالك : يلا يا عشق احنا مش رايحين نخطب لاخوكى .. حطى اى حاجه فوق اللى لابساه ده
اختارت عشق ملابس عشوائيه الوانها مبتذله ووضعتها فوق ثيابها وكانت عباره عن فستان بألوان مستفزه واسع ويصل للركبه على بنطلون عشق الواسع فكان شكلها مضحك وغطت وجهها وشعرها ببورنيته واسعه فكان شكلها كالمهرجين .. ضحك مالك بشده عليها وغضبت عشق
عشق : عاجبك منظرى دا بإطلاله فوزيه رأفت من امام محكمه الاسره .. والله شكلى شبه اللى رايحه ترقص ف كباريه .. معكش لبانه دكر والنبى هيهيهيهي
مالك : يلا يا هبله كده هنتمسك آداب ههههه
امسك يدها وقبل ان يخرج سمع اصوات بالخارج فعاد على الفور وخرج البلكونه .. نظر حوله فوجد سلم الطوارئ الخاص بكل دور بجانب صور البلكونه ..
مالك : عشق هيدخلو هنا .. بسرعه لازم ننط ع السلم ده
عشق : ننط من البلكونه للسلم .. انت مجنون .. طب انت ماشى انا ممكن اقع
مالك: متخافيش انا معاكى .. السلم مش بعيد اوى يلا
عشق : طب امسكنى كويس
امسك مالك يدها وصعد على سور البلكونه .. قفذ مالك بخفه للسلم وتمسك جيدا ومد يده لعشق ..
عشق بخوف : ياصغيره ع الموت يا لوزه .. استعنا ع الشقا بالله .. اغمضت عشق عيونها وقفزت عشوائيا لتلتقطها يد مالك ... فتحت عيونها ونظرت لمالك
عشق : احنا لسه مموتناش .. هنتجوز يا حظابط
مالك : اوعدك يا عشق لو فضلنا عايشين هنتجوز
عشق : متخافش يا مالك انا معاك
مالك : الله يطمنك يا بركه .. انزلى بشويش ومتبطيش تحت
نظرت عشق لاسفل وشهقت : احيييه احنا ف الدور الكام
مالك : انا مش قولت متبصيش تحت .. احنا ف الدور ٤٦ ..
عشق : انا خايفه
مالك : بصيلى انا متبصيش تحت .. انزلى بشويش ..
نزلت عشق بالراحه وامامها مالك الى ان انتهى السلم بجانب سور صغير .. قفز مالك بسهوله من السلم للسور ومد يده لعشق
عشق وهى تتمسك بالسلم : لا بص هو انا اه عايزه اهرب بس العمر مش بعزقه .. انا لو وقعت من هنا هسلم نمر واطلع اتحاسب فوق
مالك : متخافيش امسكى ايدى ونطى
اغمضت عشق عيونها وقفزت مجددا لكن انزلقت قدمها من على السور ولحقتها يد مالك قبل ان تقع واصبحت معلقه ف الهواء ومالك ممسك بيدها
عشق ببكاء : هقع .. هقع يامالك
مالك: هشش متخافيش مش هتقعى .. غمضى عيونك متبصيش تحت
اغمضت عشق عيونها بخوف وثوانى ووجدت نفسها بأحضان مالك
مالك: انتى كويسه .. اتعورتى
عشق : لا .. انا قطعت الخلف بس
مالك: اسندى بضهرك ف الحيط وامشى بالراحه ...