مًـآلَـکْ عٌـشُـقُـيَ

آلَبًآرتٌ آلَرآبًعٌ عٌشُر💜✨

مونتريال ❤🎶
صباحا فى ولايه مونتريال القابعه بكندا وداخل منزل المالك تستيقظ عشقنا من النوم بتثاقل على غير عادتها وتفرك رأسها بألم وتحاول النهوض ..
عشق : ايه الصداع اللى ع الصبح ده .. طب هقرف مالك ف عيشته ازاى وانا تعبانه كده هههههه  .. هو انا جيت هنا ازاى هو ايه اللى حصل .. انا لسه بالفستان بتاع امبارح ف اوضتى .. هو حصل ايه .. ااااه يا دماغى  .. ( دلفت عشق لتأخذ حمام دافئ يخفف من الم رأسها وخرجت صففت شعرها وارتدت بيجامه واسعه ولفت شعرها كعكه غير منظمه وتوجهت للاسفل ... لم تجد مالك بالمنزل .. دلفت غرفته فلم تجده ايضا نظرت للساعه فوجدتها ٣ عصرا .. اللعنه هل كانت نائمه ام فى غيبوبه .. ماكل هذا النوم عشق ..
عشق : انا قولت صرماح وبتاع نسوان محدش صدقنى .. اما اروح اتسلى على مايجى .. نهارك مش فايت يا حظابط ...( دلفت عشق المطبخ وكالعاده اخرجت كل مايقابلها ويمكن اكله ووقفت تأكل بشراسه وكأنها تعاقب الطعام وتتخيل انها تقضم ذراع مالك  وتحدث نفسها بغيظ ..
عشق : يابن الدايخه ..  طب كان يصحينى يقولى انا خارج .. مانا لوعرفت اربيه مكانش يخرج  يصيع من غير مايقولى .. مااااشى يا مالك حسابك تقل اووى.. اصبر عليا دانا هوريك النجوم ف عز الليل .. ثانيه هى بتتقال ازاى .. النجوم ف ايه
مالك : اسمها هوريك النجوم ف عز الضهر
التفتت عشق لتجده يقف خلفها مستندا بكتفه على الحائط عاقدا  يديه امام صدره ينظر لها بخبث
عشق بتوتر : استهدى بالله كده وقولى سمعت من اول فين
مالك بخبث : من اول ما اكتشفتى انك معرفتيش تربينى
عشق باندفاع : وسيادتك كنت فين بقا لحد دلوقتى .. انت عارف الساعه كام دلوقتى .. ٣ العصر .. يعنى فاتنى وجبتين وسيادتك داير تتصرمح مع بنات كندا الملزقين مش كده
مالك بخبث : وعرفتى منين بقا انى كنت بتصرمح مع بنات كندا كنتى بتدورى ورايا
عشق بغرور : انا مبدورش ورا حد .. انا ببقا قاعده ف امان الله  قوم تجينى الاخبار لوحدها ليييه .. عشان انا بركه .. انا بركه يابنى
مالك : طب مش هتيجى بالمره تشمشمى ف هدومى وتدورى على شعر حريمى ع الجاكيت .. مانتى  قلبتى المحقق كونان فجأه
عشق : ليه هو انا عبيطه عشان اعمل كده وافهمك انى شاكه فيك .. وبعدين انت اكيد واخد احتياطك برضو .. انت لو بتخونى وملقيتش شعر على هدومك دا ليه معنايين ..
مالك بضحك : بخونك هههههه .. بخونك اه بعدين
عشق : الاول انك ذكى ومبتحضنهاش  بهدومك ودا معناه انك استغفر الله العظيم بتبقى قالع الشاكيت ... والتانى انك تبقى بتخونى مع واحده قرعه ف بالتالى مفيش شعر هيلزق ف الشاكيت .. شوفت بقا انى فاهمه
مالك بضحك شديد يجاهد ليخرج صوته : ههههههه لا ذكيه ماشاء الله ..ههههه يعنى انتى متاكده انى بخونك يا اما مع قرعه او ببقى استغفر الله العظيم قالع الشاكيت هههههه بصى هو بعيدا عن كلمه شاكيت اللى معرفش جبتيها منين .. بس ماشاء الله عليكى .. والله المخابرات المصريه خسرتك  هههههه بجد والله استنتاجك رهيب ههههه
عشق بفخر : طبعا يابنى انا مفيش منى اتنين ع الكره الارضيه .. انا نسخه واحده لاتتكرر
مالك بضحك: ماهى تبقى مصيبه لو اتكررت ههههه العالم مش هيستحمل اتنين منك يا عشق
عشق بغرور : شوف يا مالك باشا .. انا احلى مصيبه ممكن تحصل ف حياتك
مالك : وانا مصدقك .. دانتى بركه ههههه هو فى ست بركه بتكدب ههههه .. يلا يا بركه جهزى الغدا
عشق : بتحب الاكل شايط ولا محروق ياسطا
مالك بضحك: مفيش فايده فيكى .. انا طالع اخد دوش على ماتخلصى
عشق : ومخدتوش ف بيت اللى كنت عندها ليه ... ولا شاطر بس تحضنلى ف القرع
اقترب مالك منها للغايه وهمس بأذنها : انا محضنتش ولا بوست غيرك .. ومفيش واحده مهما كانت حلوه تقدر تغرينى .. انتى حاله خاصه يا عشق..( طبع مالك قبله سريعه على وجنتها وذهب لغرفته تاركا اياها تشتعل خجلا وتتحسس وجنتها بيدها وتضحك ببلاهه ) 
عشق : مجنون يا مالك .. نسيت اساله ايه اللى حصل امبارح
ذهبت عشق تحضر الطعام وبعد ربع ساعه نزل مالك ووجدها بالمطبخ .. نظرت له عشق فوجدته يبتسم لها
عشق : مالك مبسوط كده ليه
مالك : اصل البت القرعه كانت مزه الصراحه
عشق بغيظ : ليه .. من قله البنات اللى عندهم شعر .. ولا هى جمالها ساحرك اوى كده
مالك بخبث وهو ينظر لها من اعلى لاسفل : اوووووى .. حلوه بهبل .. ملبن كده يتاكل اكل
عشق بغيظ : طب ماتروح تكمل السهره عندها .. ايه اللى جابك
مالك : جيت اشوفك صحيتى ولا لسه
عشق : مالك هو ايه اللى حصل امبارح .. انا مش فاكره حاجه ليه
مالك بخبث : خالص .. مش فاكره اى حاجه
عشق : لا انا صحيت لقيت دماغى مصدعه اوى ومش فاكره ايه اللى جابنى ونمت ازاى بهدومى
____________________________________