مًـآلَـکْ عٌـشُـقُـيَ

البارت الرابع والعشرون🥰♥️

باريس ❤

صباح يوم جديد فى باريس .. تستيقظ عشق من نومها لتجد نفسها بأحضان والدتها .. تبتسم عشق وترفع يدها لوجه اميره وتلعب بأنفها 
عشق بضحك : مناخيرك كبرت ف الشويه اللى بعدتهم عنك .. تلاقيكى كنتى بتتعصبى كتير يا اميره ومتلاقيش حد يضحكك ههههه
اميره : كبرتى وهتتجوزى يابنت الهبله ولسه معقلتيش
عشق : هو انا كل مااكلم حد وهو نايم الاقيه بيرد عليا
اميره بانتباه: زى مين
عشق بتسرع : مالك برضو كنت ب..

صمتت عشق بعدما علمت بالمصيبه التى وقعت بها لتنظر لها اميره بغضب
اميره : انتى نمتى ف حضنه يابنت الجزمه
عشق بتوتر : انا .. انا لا طبعا ازاى
اميره : عشق لاخر مره هسألك .. حصل بينكم حاجه
عشق: لا مش اللى ف دماغك والمصحف .. بصى اللى حصل انه خرجنى مره واتفسحنا شويه واخر اليوم انا بغبائى شربت كاس معرفش فيه ايه وسكرت

امسكتها اميره من شعرها بقوه وتحدثت بغضب
اميره : ياقليله الربايه .. مانتى شويه وتشتغلى رقاصه يا تربيه وسخه .. انا معرفتش اربيكى .. لما تشربى حاجه متعرفيش هى ايه وتودى نفسك ف داهيه يا حيوانه 
عشق بضحك : اهدى بس يا اميره خلينا ناخد وندى بشكل ودى هههه .. اولا محصلش حاجه عشان مالك روحنى البيت وطلعنى اوضتى .. بصى الصراحه انا مكنتش ف وعيى وحاولت اقرب منه بس هو رفض يقربلى ويستغلنى .. نيمنى وخرج من الاوضه .. والله العظيم بيحبنى اوى وانا الصراحه بعشق اللى خلفته ..
اميره بضحك :  انتى قليله الحيا عشان تقولى كده قدام امك يا حيوانه .. علفكره بقا مالك كبر ف نظرى اكتر من الاول .. انتى مسألتيش نفسك انا وافقت على جوازك بسرعه ليه
عشق بمرح : عشان انا جبتلك الضغط ولو فضلت معاكى كمان شويه هجيبلك سكر هههههه
اميره بحنان اموى : لا عشان خايفه عليكى .. لو اللى حصل ده اتكرر تانى انا مش هقدر احميكى .. لازم تبقى مع راجل يحميكى ويحافظ عليكى .. انا طول عمرى بدعيلك ربنا يرزقك بابن الحلال واهو ربنا استجاب ليا وبعتلك ظابط مش اى حد .. وبيحبك اوى كمان .. على عينى يا حته من قلبى تبعدى عنى بس امانك اهم بالنسبالى من وجودك جنبى ومقدرش احميكى .. خدى بالك من نفسك يابنتى واعقلى ومتزعليش جوزك منك .. ربنا يكمل فرحتكم على خير

بكت عشق واحتضنت والدتها بشده وبكت اميره ايضا ..
عشق ببكاء : تعالى معايا يا ماما
اميره : حبيبتى انا اتعودت ع العيشه هنا خلاص .. ان شاء الله تبقى تزورينى قريب

الباب خبط ودخلت ميسون وهى تبتسم
ميسون : اخيرا شفناكى يا عشق .. امك حكتلى كتير عنك .. ماشالله كتير حلوه ربنا يحرسك من العين
عشق بمرح : وانتى عسل يا طنط ميسون .. اوعى تكون اميره غلبتك وانا مش موجوده .. معلش انا عارفه امى كويس ..

ضحكت ميسون وضربت اميره عشق على راسها
عشق : جرا ايه يا اميره دانا على ما اتجوز هبقى بواقى عروسه .. خفى ايدك شويه والنبى احسن الواد يفلسع
اميره : قومى يا متخلفه خدى شاور والبسى عشان هنرجع البيت
عشق : حاضر امامى