مًـآلَـکْ عٌـشُـقُـيَ

آلَبًآرتٌ آلَحًآدٍيَ عٌشُر🦁🧚‍♀️

برلين ❤

خرج مالك وعشق من مخزن الاسلحه  التابع لروح الظلام بمدينه برلين
عشق : احنا هنروح فين دلوقتى يا عم الامور
مالك: هنسيب البلد كلها .. هنروح مكان تانى لحد ما الامور  تستقر
عشق بمرح : طب براحه انا مش قادره امشى اصلا .. ركبى سابت من كتر الرعب اللى شفته هههه
مالك بضحك: هههه انتى كنتى مرعوبه .. دانتى طلعتى مافيا لوحدك ..( حملها مالك بين زراعيه وسار بها )
مالك :  انا اول مره اشوف بنت تبقى مخطوفه وهى اللى بتهدد و  مش خايفه .. وبعدين ازاى قدرتى تمسكى المدفع كده
عشق : هو ايه اللى انا كنت مسكاه ده  صحيح
مالك بضحك  : ده مدفع صواريخ ياعشق .. انتى مش قولتى للراجل ده مدفع عائلى ياروح امك هههه
عشق بزهول  : والله ماكنت اعرف انا كنت بألش بس معرفش انه مدفع بجد .. انا افتكرته رشاش كبير بس مدفع صواريخ مره واحده ..  ده انا طلعت جامده اوى
مالك بضحك  : اوى .. بس ايه حكايه خطيبى دى
عشق وهى تضربه بكتفه : استعبط بقا وزلنى بيها .. انت تطول اصلا دانا دكتوره وزى القمر
مالك : هو من ناحيه قمر فأنتى احلى من القمر
عشق بكسوف : يوه  بقا ياسى مالك بتكسف هههه
مالك : بس ايه رايك ف فسحه النهارده ..  حاجه مختلفه وتغيير
عشق : بص يا كابتن عشان نبقى واضحين .. انا واحده منحوسه ..يوم ما تتكتبلى فسحه حلوه الف فيها العالم تبقى عشان هربانه من عصابه مافيا معرفش بتطاردنى ليه .. بص الهروب حاجه  جديده  بالنسبالى  لانى هغير روتينى ومش هروح المستشفى ولا هتصبح بوش نايل المعفن ولا دانيال الجزار اللى ليل نهار بيقطع ف العيانين فاهمنى ..  هربانه مع ظابط مز وكل اسبوع ف مكان شكل مقولناش حاجه .. انما بقا وجود مسدسات وقتل وابقى قاعده ف امان الله وفجأه ملاقيش راسى مكانها دا مش حلو .. فاهمنى يا كابتشن
مالك بضحك: يعنى هو انتى بتخافى من مسدسات ولا قتل .. دانتى لو كنتى عملتى اى حركه غلط بالمدفع كان زمانا  بنتحاسب عند ربنا دلوقتى
عشق بمرح : خلاص بقا يالوكا متكبرش الموضوع مكانش مدفع صواريخ يعنى .. ايه خساره فيا
مالك : اعملى اللى انتى عايزاه بس بلاش لوكا دى .. بتضيعى هيبتى والله ههههه
عشق : انا علطانه انى بصالحك .. انا اصلا مهزئه عشان بتكلم معاك انا مخاصماك .. انت لقيتنى ازاى يالوكا
مالك :  هههههه عندك حول ف مشاعرك ..
عشق : لا بجد لقيتنى ازاى.... ( نظر مالك للسلسله برقبتها واشار بعينيه وابتسم )
عشق بزهول : انت بتراقبنى .. حاططلى جهاز تعقب ف السلسله يامالك .. نهار اللى جابوك مش فايت .. بتعلقلى جرز ف رقبتى زى الجموسه
مالك بضحك شديد : انا قولت كده ؟ .. عموما اللى بتسميه جرز جموسه ده هو اللى انقذك النهارده .. لو مكنتش عملت حسابى وحطيتلك GBS مكنتش هعرف الاقيكى
عشق  بحزن: يعنى انت مش جايبلى السلسله دى عشانى
مالك وهو ينظر لعيونها : امال عشان مين .. انتى فهمتى حروف السلسله
عشق :  حرف M & i
مالك : يعنى ايه
عشق : Maalik & ishq
مالك : فهمتى
عشق :  ليه مجبتهاش i بس
مالك : مزاجى كده ..
عشق : اعترف انك معجب بقا
مالك بغرور : لا طبعا مش معجب .. هتعجبينى على ايه ماتبصى لنفسك .. حلوه وبيضا وزى القمر وعيونك تسحر  وشعرك يجنن ورشيقه ومزه .. ارضى بيكى على ايه هههههه
عشق: يااااه كل ده ومش عاجبااك يا عم الامور
مالك : وهتعجبينى على ايه ..
عشق : طب نزلنى بقا
مالك: بس يا اوزعه بطلى فرك .. ( وبعد سير حوالى ربع ساعه انزل مالك عشق وكان امامه موتور لانه قد ترك السياره بمخزن الاسلحه .. ركب مالك وخلفه عشق وانطلق بها الى حيث لاتعلم  .. بعد نصف ساعه وصل الى ساحه واسعه وفارغه ثوانى واتت هيليكوبتر هبطت امامهم وسحب  مالك يد عشق وصعدوا الهليكوبتر وانطلقت ..
عشق بخوف : مالك احنا هنروح فين
مالك بتعب : خليها مفاجاه
عشق: مالك انت تعبان .. ( وضعت يدها على كتفه لتجده ينزف )
عشق بفزع: مالك دراعك متصاب .. انت واخد رصاصه ازاى تشيلنى كل ده انت مجنون .. ( نظر لها مالك بتعب وابتسامه ومسح دموعها )
مالك : هششش متخافيش انا كويس .. داجرح سطحى انا متعود على كده
عشق بدموع : انا غلطانه ..انا اللى قولتلك شيلنى .. انا اسفه
مالك بابتسامه : بس متعيطيش داجرح بسيط ... ( اخرج مالك علبه اسعافات  اوليه من شنطه موجوده ف الهليكوبتر  وحاول فتحها )
مالك : ممكن حضره الدكتوره تساعدنى .. ( امسكت عشق علبه الاسعافات بيد مرتجفه وبكاء .. لاتعلم لماذا تبكى.. هذه ليست اول مره ترى جروح او شخص مصاب  .. لكن مالك ليس اى شخص .. ساعدت مالك على خلع واقى الرصاصو اخرجت القطن ومسحت الدماء وهى تبكى وعقمت الجرح ولفته بالشاش الطبى واعطته دواء مسكن حتى تخفف الالم ودواء لوقف النزيف البسيط .. ظلت تنظر له وتبكى فشعرت انها لاتبكى شفقه عليه بل كانت تبكى وكأنها هى المصابه .. تبكى وكأنها تشعر بألمه .. اسند مالك راسه للخلف وظل ينظر لعيون عشق بابتسامه وهى تبكى لاجله .. بعد دقائق كان مالك قد نام من اثر الدواء وشعرت عشق به فوجدت رأسه تميل علي كتفها وبدون شعور منها وجدت نفسها تريح رأسه على كتفها وتضمه هى لاول مره .. دائما ماكانت هى ترتمى بأحضانه لكن اليوم هو من يحتاج لاحضانها  .. احتضنته عشق ونام لاول مره بين زراعيها .. ظلت عشق تملس  على شعره حتى غفت هى ايضا من كثره البكاء ..