تسنيم : اناديها ليك؟!!
عزو : لالا
"عمو عمو ، خالو خالو انشغل بالشفع بقي يضحك وشالهم واحد واحد بسلم عليهم".
**من متين متلميين
اسامة : يعني يادوب
—جانب مدثر—
في المكتب براه جا داخل عليه حسام
حسام : يا مان كويس انك قاعد لسه ما طلعته
مدثر : أأمر يا حبيب
حسام : شوف يا معلم دي ملفات مهمة شديد فيها عقودات عايزك تراجعها بالايصالات الفيها ،انا والله ستين ملف مردوم شايفهم انت شغال فيهم ، فا جيتك وعارفك بتساعدني
مدثر : اصلا قاعد فاضي من العين دي قبل دي
حسام : عليك الله خلصهم لي بكرا لازم استلمهم المدير منتظرهم لانهم مهمات.
"العشاء بأذن"
قوم ارح نتوضا نحصل الصلاة ، خته الملفات في تربيزتو وطلعو"
في المغسلة ، حسام اوف تلفوني ياخ والمكتب فاضي يتسرق ما عندي امكانيات ليه ههه دقيقة هسي بجي
"داخل المكتب"
سلمى مالك في حاجة بتفتشي فيها؟!!
سلمى : لا ابدا بفتش في ايصال ضايع مني
حسام : اهاا "شال تلفونو من مكتبو وطلع"
"بعد الصلاة انتهت راجعين "
حسام : اسبقني انا بجيب شاي ظابط وبجيك
مدثر : اي والله ياخ هسي كنت داير اقول ليك "ضربو في كتفو وجا داخل المكتب"
عينو وقعت في التربيزة فاضية
بقي بفتش في الادراج والترابيز التانية
الله فاتو وين الملفات دي بسم الله "بفتش"
حسام جا داخل بصوت عالي : وواحد شاي مظبط ل احلا مدثر فيك يا بلد "مبتسم"
"مدثر شغال يقلب ويفتش ما ردا عليه"
حسام : مدثر هيي بتفتش في شنو الشاي الشاي!!!
مدثر وقف بحيرة
حسام انت مش هسي قبل نطلع للصلاة ختيت لي الملفات هنا قدامي.
حسام : اي اوعي تقول لي ما لقيتهم بس
مدثر : اي والله راسي ضرب زاتي قلبت المكتب كلو ما ليهم اثر "خاتي يدو في راسو متنشن"
حسام : لا لا ياخ ما تقولا يا مدثر مصيبة دي والله العظيم لا حول ولا قوة الا بالله ، كدي فتش تاني الدرج تحت امكن وقت طالعين دخلتهم انا ما انتبهت ليك
مدثر : فتشته والله فتشته ما خليت محل ما عارف ما عارف . كان زهرا ما ممكن من هسي تنضف لسه الزمن وبعدين زاتا ما بتهبش حاجة.
حسام : خاتي يديه في راسو ؛ مدثر فتش تاني كدي دي مصيبة عديل والله
"كرب كرب بفتح في الادراج وبقلب بين الاوراق والملفات في الترابيز تاني"
أنت تقرأ
شارع ال60
Short Story#قصتي ، خلتني اقتنع تماماً ان مافي مرتين حيقبلو يتشاركوا في راجل واحد ! ملوحظه : ما تنحاز لي اي طرف من اشخاص القصة !!! و بعدها قوي قلبك و اقرأ للنهاااية !! ملحوظة تانيه : مواعيد الحلقات كل يوم الساعه 8:00pm بتوقيت السودان + مافي عدد معين للحلقات...
