"ខ្ញុំបម្រុងដាស់លោកតែលោកបែរជាទាញខ្ញុំមកគងដូចខ្នើយអោបទៅវិញ"
"យើងប្រាប់ហើយថាឯងគ្មានសិទ្ធដាស់យើងទេ ចង់ងាប់ណាស់ហ្អេស?"ជុងហ្គុកសម្លក់ថេយ៉ុងថ្លែហើយដើរទៅបើកទ្វារមើលអ្នកនៅខាងក្រៅដែលក្នុងដៃមានកាន់កាំភ្លើងខ្លីពណ៌ទឹកប្រាក់ទំនងជាចង់ទៅទីណាមួយ។
"វាថីឯង?"គេស្រែកដាក់ជីហ៊ុន អាប្អូនប្រុសក្រៅខោកំពូលរំខាន។
"ពេលចាហ្វាយសម្លាប់ពួកមិនសងបំណុលនៅកាសុីណូមានមនុស្សលួចថតបាន..."
"ឯងគិតថាវាអាចធ្វើអីយើងបានហ្អេស៎?"
"មិនមែនទេចាហ្វាយស្តាប់ខ្ញុំអោយចប់សិនមើស៎ មែនហើយគឺវាមិនអាចធ្វើអីចាហ្វាយបានទេតែបើ Videoនោះផ្សព្វផ្សាយទៅចាហ្វាយច្បាស់ជាមានបញ្ហាត្រូវដោះស្រាយរឿងរញ៉េរញ៉ៃអស់ទាំងនេះ ខ្ញុំចង់ទៅដោះស្រាយអោយរួច"
"សម្លាប់បំបិទមាត់?"
"បាទ"
"តាមពិតការងារនេះឯងមិនចាំបាច់ធ្វើដោយផ្ទាល់ក៏បាន"
"ខ្ញុំខ្លាចថាបើបណ្តោយអ្នកផ្សេងធ្វើវាអាចថ្លោះធ្លោយ"ជីហ៊ុនអោនគំនាប់អធិប្បាយតាមដំណើរប្រាប់ជុងហ្គុកតែក៏លួចអើតមើលអ្នកនៅខាងក្នុងចង់ដឹងស្លាប់ហើយឬនៅ។
"តាមចិត្ត ទៅៗកុំមករំខានតើងទៀតហើយរឿងកាមេរ៉ាប្រាប់តែទីតាំងមកយើងអោយមនុស្សរបស់យើងចាត់ការ"
"នេះចាហ្វាយ"ជីហ៊ុនហុចទូរសព្ទ័ដៃបង្ហាញទៅតាំងទើបអោនគំនាប់ហើយដើរចេញទៅយ៉ាងលឿន ពួកប្រមាញ់អស់នេះមិនងាប់បិទភ្នែកដេកលក់មិនស្រួលសុីមិនឆ្ងាញ់ហើយមើលទៅ។
"រំខាន"ជុងហ្គុកបិទទ្វារគ្រាំងដើរចូលមកខាងក្នុងវិញឃើញថាថេយ៉ុងនៅតែដេកលើពូកគេនៅឡើយព្រោះក្រោកមិនរួច។
"រឿងកាមេរ៉ាអោយខ្ញុំចាត់ការក៏បាន គឺមានន័យថាខ្ញុំចេះតិចតួច"ថេយ៉ុងព្យាយាមងើបមុខមកនិយាយជាមួយជុងហ្គុក មិនហៅថាតិចតួចទេកាមេរ៉ានេះជាជំនាញតែម្តង។
"ប្រាកដទេ?"ជុងហ្គុកចាប់ទាញថេយ៉ុងអោយអង្គុយហើយច្របាច់មាត់គេមួយទំហឹង។
YOU ARE READING
កូនបំណុលស្នេហ៍
Actionត្រូវចាំថាទឹកភ្នែកឯងជាក្តីសុខរបស់យើង... ក៏ត្រូវចាំដូចគ្នាថាខ្ញុំគ្មានថ្ងៃសម្រក់ទឹកភ្នែកអោយលោកឃើញជាដាច់ខាតជុងហ្គុក ឡេវីហ្គា !!!
Ep3 : HACKER
Start from the beginning
