Zawgyi
~~ကြာဖြူ~~
အပိုင်း(၄၁)
ပဒုမ္မာရီမြို့ဟောင်းမြို့တော်..
အကျဉ်းတန်စေသော ကျိန်စာဆိုးအားလုံးတို့ လွင့်စင်သွား၍ထင်သည်..
ကောင်းကင်သည် ကြည်လင်လှပလွန်းနေလျှက်..
နေခြည်နုနုလေးများ သိမ်မွေ့စွာဖြန်းပက်ထားသည့် မနက်ခင်းသည်လည်း လှချင်တိုင်းလှနေပါလား...
လေပြေလေးများပင် နူးညံ့စွာဆော့ကစားနေ၏။ အဝေးဆီမှ တေးသီသံနှင့်ဆည်းလည်းသံတို့ကလည်း ချိုမြိန်လွန်းနေပြန်သည်။
အို... အင်မတန်လှပတဲ့ပန်းဖူးလေးများပင် အပြိုင်အဆိုင်ပွင့်လန်းနေလို့....
လေအဝှေ့မှာသင်းပျံ့လာသည့်ပန်းရနံ့တို့က စိတ်နှလုံးထိတိုင် ဆွတ်ပျံ့ကြည်နူးစေခဲ့ပါရဲ့...
သို့သော် သူတို့ရင်ထဲတွင်တော့ မအေးမြနိုင်ခဲ့သေးပါ။
နူးညံ့လှပလွန်းသော မနက်ခင်းမှာနိုးထလာသည့် မျက်ဝန်းအစုံက အားဖျော့လွန်းနေ၏။ သွေးရောင်ကင်းမဲ့နေသော နူတ်ခမ်းတို့ကလည်း တဆက်ဆက်တုန်ရီလို့ပါလား..
ဖြူဆုတ်နွမ်းလျနေသော မျက်နှာလှလှလေးကာ မြင်ရင်စရာမရှိအောင်ဝေဒနာတွေ မချိမရိခံစားနေရရှာပါလား..
နေထိပန်းပမာညိုးနွမ်းနေသည့်တိုင် ကော့စင်းလှပနေဆဲ မျက်တောင်လေးတွေလူပ်ခတ်လာသည်နှင့် တုန်ယင်နေသောနူတ်ခမ်းလေးမှ ထွက်ကျလာသည့်စကားက..
"ကိုကို...."
ရင်ထဲနင့်ခနဲ့..။ ဒီလောက်ထိတောင်ပဲလား ခရာရယ်..
ဒီအတွေးကသူမနားရှိနေသည့် စေတန်နှင့်ဈာန်တို့နှစ်ယောက်လုံးထံ စူးခနဲ့ပင်တိုးဝင်လာသည်။ စေတန် သူမအနားတိုးသွားပြီး
"နိုးလာပြီလား ခရာ.."
"ဟုတ်ကဲ့.."
အားယူပြီးကြိုးစားထနေသည့်သူမကို စေတန်အသာဖေးမလိုက်ရင်း
"မထနဲ့ခရာ... ခရာအရမ်းအားနည်းနေတယ် ခရာအနားယူမှဖြစ်မယ်"
"ဟင့်အင်း.."
သူမငြင်းလိုက်သည့်တိုင် တကယ်တမ်းထဖို့ပင် သူမမှာခွန်အားမရှိရှာပါ။ စေတန်၏လက်မောင်းတစ်ဖက်တွင် ခေါင်းကိုမှေးတင်ထားရင်းမှ
"ခရာ..ကိုကိုနဲ့တွေ့ချင်တယ်"
"ခရာ.."
စေတန်သူမစကားကြောင့် မချင့်မရဲဖြစ်သွားသည့်စိတ်ကို မနည်းပင်ချုပ်တီးထားနေရသည်။ ဈာန်က ကြွေတော့မည့်အလား နွမ်းလျလွန်းနေသောပန်းလေးကို ရင်နာစွာပင် ငေးကြည့်ရင်း
"ခရာ...နေမကောင်းဘူးလေနားမှဖြစ်မယ် လိမ်မာပါတယ်နော်"
"ခရာ... အရမ်းမောတာပဲ ခရာမနေရတော့ဘူးထင်တယ်"
"ခရာဘာတွေလျှောက်ပြောနေသလဲ"
စေတန်အလိုမကျစွာဟန့်လိုက်တော့ ခရာကနွမ်းလျသော အပြုံးလေးနှင့်ပင်
"ညကအိပ်မက်ထဲမှာလေ ခရာ့ကိုလာခေါ်တယ် ခရာသူနဲ့လိုက်ခဲ့ရမယ်တဲ့ "
"ဘယ်သူလဲ.."
"ခရာမသိဘူးအစ်ကို သူကလူနဲ့မတူဘူး အရပ်ကအမြင့်ကြီး ပုံစံလည်းတောင့်တောင့်ကြီးထူးဆန်းတယ် ဝတ်ထားတာလည်း ရှေးခေတ်ကနတ်တွေလိုပုံစံမို့ နတ်ရုပ်ထုလို့တောင် အစကခရာထင်လိုက်သေးတယ်"
"နတ်ရုပ်ထု.."
"ဟုတ်တယ်အစ်ကို အချွန်အတက်တွေနဲ့ ဟိုးရှေးရှေးကနတ်ရုပ်ကြီးနဲ့တူတယ် မျက်လုံးတွေက နီရဲနေတာများကြောက်ဖို့ကောင်းလိုက်တာ.. မျက်နှာကလည်းကြမ်းတမ်းလိုက်တာပဲ အဲ့ဒီ့လူလိုလို နတ်လိုလိုရုပ်ထုကြီးက ခရာ့ကိုစကားလာပြောတယ် အသက်ဝင်လွန်းလို့ အိပ်မက်လား တကယ်လားလို့တောင် ခရာမသဲကွဲတော့ဘူး"
"ဟင်..."
သူတို့ တစ်ယောက်မျက်နှာတစ်ယောက်ကြည့်ပြီး ဘာပြောရမှန်းမသိအောင် အံ့သြတုန်လူပ်သွားရသည်။ ဈာန်မျက်နှာကွက်ခနဲ့ပျက်သွားပြီး
"သူခရာ့ကိုဘာလာပြောသလဲ"
"ခရာ့ကိုသူပိုင်တယ်တဲ့ ခရာသူ့နောက်လိုက်ခဲ့ရမယ်တဲ့ ဒီမှာဆက်နေခွင့်မရှိဘူးတဲ့အစ်ကို သူနဲ့လိုက်ခဲ့ဖို့ ခရာ့ကိုလေအမိန့်ပေးပြီးခေါ်နေတယ်"
ဈာန်စေတန်အပြင်အနားမှာရှိနေသည့်စိမ်းပါ မျက်နှာတွေပျက်ကြကုန်၏။ တကယ်ပဲ ခရာ့အိပ်မက်ထဲရောက်လာသည်က ဒဏ္ဍာရီလာနတ်ဘုရားလား..
ဆုတောင်းတစ်ခုအတွက် တစ်ခုပြန်လည်ပေးဆပ်ရလတ္တံ့ဆိုတဲ့ကျိန်စာက အမှန်ပဲလား...
စေတန်မျက်နှာပျက်ပျက်နှင့်ပင်
"ခရာနေမကောင်းလို့ အိပ်မက်တွေကယောင်ကတမ်း လျှောက်မက်နေတာပါ ဒါတွေက တကယ်မဟုတ်ဘူးခရာ ကိုယ့်ကိုယုံပါ ခရာဘာမှမဖြစ်ဘူး "
"ခရာ့ကိုမညာပါနဲ့တော့အစ်ကိုရယ် ခရာ့အခြေအနေကိုခရာသိပါတယ် "
စကားပြောတာများသွား၍ထင်သည် မောပန်းသွားဟန်ဖြင့် သူမခေတ္တာမျှ ငြိမ်သက်သွားရှာ၏။ ဝေဒနာကြောင့် နိမ့်ချည်မြင့်ချည်နှင့် လိူက်ခါနေသည့်ရင်အစုံက သူတို့ရင်ကိုလှံစနှင့်ထိုးချေနေသည့်အလား..
နာကျင်မူကနင့်ခနဲ့နေအောင်ပင် ခံစားလိုက်ရ၏။ တစ်ချက်တချက်မောပန်းလွန်းသဖြင့် မျက်ဝန်းအစုံတို့မှိတ်ချသွားတိုင်း ပြန်ဖွင့်မလာမည်ကိုစိုးရိမ်မိသည့်အခိုက်က ဘဝတွင်အပင်ပန်းဆုံးပင် ဖြစ်ပါလိမ့်မည်။
တဆက်ဆက်တုန်ယင်နေသည့်နူတ်ခမ်းတို့ ရပ်တန့်သွားတိုင်း စိုးထိတ်မူကရင်ဝကို ဆောင့်ဆောင့်ကန်နေတော့၏။ ဝေဒနာတွေကြားမှ သူမလေးကတော့ ကြိုးစားပြုံးနေပါရဲ့
"ခရာ မနေရတော့ပါဘူး အစ်ကို "
"မဟုတ်တာခရာရယ် ခရာဘာမှမဖြစ်စေရဘူး ကိုယ်ခရာ့ကိုပြန်ခေါ်သွားမယ် အကောင်းဆုံးဆေးရုံမှကုပေးမယ် ခရာနေပြန်ကောင်းလာမှာပါ ကိုယ်လက်လျှော့မှာမဟုတ်ဘူး"
ခရာခပ်ယဲ့ယဲ့လေးပြုံးလျှက် ခေါင်းခါလိုက်တော့ မျက်ရည်စက်အချို့ကလွင့်ခနဲ့..
အသည်းထိအောင်လောင်ကျွမ်းနေသည့် ဝေဒနာ၏အတိုင်းအဆကို သူမနားလည်ပါသည်။ တစ်ချိန်လုံး စွမ်းအားကြီးမားသည့်ဝိညာဉ်တစ်ခု ပူးကပ်ချုပ်နှောင်ထားခံရသည့်ဒီခန္ဓာကိုယ်၏ အတွင်းပိုင်းသည် အဘယ်မျှလောင်ကျွမ်းသွားခဲ့ပြီလဲ
ပူလောင်လွန်းခဲ့သောဝိညာဉ်၏ အကျိုးဆက်ကာ သူမအသည်းတွေကလီစာတွေများ လောင်ကျွမ်းသွားစေခဲ့ပြီလား...
သေချာသည်ကအသက်ရူရမှာပင် ပင်ပန်းလာသကဲ့သို့ ခရာခံစားနာကျင်နေရပြီ ဖြစ်သည်။ ပြင်ထန်လွန်းသော ဝိညာဉ်တစ်ခု၏စွမ်းအားက သူမခန္ဓာကိုယ်အား ပျက်ဆီးလောင်ကျွမ်းသွားစေခဲ့ပါပြီ။
ကြာဖြူ၏ဝိညာဉ်အပြီးတိုင် ထွက်ခွာသွားသကဲ့သို့ သူမန္ဓာကိုယ်၏ခံနိုင်ရည်အားတို့သည်လည်း အဆုံးစွန်တိုင်ကင်းမဲ့သွားချေပြီ..။
ဆိုးကျိုးအနေဖြင့် ဒီခန္ဓာကိုယ်လောင်ကျွမ်းပျက်ဆီးလာခဲ့သည်မှာ သူမအားနှင့်ပင်မထနိုင်တော့သည်အထိ ခရာသည်မောပန်းနာကျင်နေခဲ့ရပြီ မဟုတ်လား....
စကားတစ်ခွန်းဆိုလိုက်တိုင်း မောပန်းလာသည်မှာ နှလုံးသားကိုပင် စူးနင့်နာကျင်စေမိသည်အထိပါ။
ရင်ထဲတလှပ်လှပ်ခံစားနေရသလို မျက်ဝန်းထဲတွင်လည်း ရှေ့တွင်ရှိသောပုံရိပ်အချို့ကာ တစ်ခါတလေ မြင်ရလျှက်.. တစ်ခါတလေ ဝေဝါးပျောက်ကွယ်သွားလျှက်...
ဟိုး..အဝေးမှာခေါ်သံအချို့ကာ နားထဲခပ်သဲ့သဲ့...
အို... မျက်လုံးထဲမှာတောင် အစက်အပျောက်တွေ မြင်နေရပြီလား..
ဝေဒနာ၏အဆုံးသတ်တစ်ခုကို ခံစားမိသည်နှင့် ရင်ထဲပြင်းပျစွာသတိရမိသည်က ...
"ကိုကို.."
တမ်းတလွမ်းဆွတ်စွာပင် ဖျော့တော့တော့နူတ်ခမ်းတို့က အလိုလိုလူပ်ခပ်လာ၏။ စေတန်ကာ မချင့်မရဲစိတ်ဖြင့် အံကိုတင်းတင်းကြိတ်ထားပြီး
"ကျွတ်...ခရာရာ"
"တော်ပါတော့စေတန်ရယ် သူဘယ်သူ့ကိုတမ်းတနေလဲဆိုတာ နင်လဲမြင်တာပဲ သူလိုအပ်နေတာနင်မဟုတ်ဘူး ဈာန်လည်းမဟုတ်ဘူး နင်ဒီချိန်ထိတောင် နားမလည်ဘူးလား"
"ငါ..."
"နက်ရိူင်းကို ခေါ်ပေးလိုက်ပါ "
စိမ်းကဒေါသသံနှင့်ပြောလိုက်ပြီးမှ စိတ်မချမ်းမြေ့စွာသက်ပြင်းရိူက်လိုက်မိ၏။ ထို့နောက်အချိန်မရွေးကြွေလွင့်သွားတော့မည့် အဖြူစင်ဆုံးပန်းလေးတစ်ပွင့်ကိုငေးကြည့်ရင်း ဝမ်းနည်းစွာပင်ဆိုလိုက်သည်။
"သူ့နောက်ဆုံးအချိန်မှာ သူချစ်တဲ့လူအနားမှာပဲနေချင်ရှာမှာပဲ နက်ရိူင်းကို နင်တို့သွားခေါ်ပေးသင့်နေပြီ"
"နက်ရိူင်းက ခရာကိုဘယ်လိုဆက်ဆံလဲဆိုတာ နင်လည်းသိနေတာပဲ စိမ်း.. ဒါက သူ့နောက်ဆုံးထွက်သက်ဖြစ်မယ်ဆို နက်ရိူင်းသူ့နားကိုရှိကိုမရှိသင့်ဘူး အဲ့ဒီကောင်ကြောင့် သူထပ်ပြီးနာကျင်သင့်သလား ပြောစမ်း နောက်ဆုံးအချိန်လေး ငါသူ့ကိုအေးချမ်းသွားစေချင်တာ ငါမှားလား"
အံကြိတ်ပြီးဆိုလိုက်သောစေတန့်အသံက တုန်ခါအက်ရှနေသည်မှာ ဘယ်လောက်တောင် နာကျင်နေမှန်း အတိုင်းတာခံစားမိပါရဲ့...
စိမ်းခေါင်းခါယမ်းမိလျက်နှင့်
"နင်မမှားပါဘူးစေတန် ဒါပေမယ့်ခရာက နက်ရိူင်းကိုချစ်ကိုချစ်နေတာ နင်ဘယ်လောက်ပဲ သူ့အတွက်ကြည့်ပြီးခွဲလိုက်ပါစေ ခရာ့အချစ်ကမပြောင်းလဲဘူး နင်မြင်လား ဒီလောက်ဝေဒနာတွေကြားက သူဘယ်သူ့ကိုပဲတမ်းတနေသလဲ သူ့ဆန္ဒကိုနင်ဥပေက္ခာပြုရက်တယ်ပေါ့"
"တောက်..."
"သူ့နောက်ဆုံးအချိန်မှာ သူချစ်တဲ့သူကိုအနားမှာခေါ်ပေးနိုင်ရက်နဲ့ နင်မခေါ်ပေးခဲ့ဘူးဆိုရင် တစ်နေ့နင်ပဲနောင်တရလိမ့်မယ်စေတန် နင်တစ်သက်လုံးကို ယူကြုံးမရခံစားနေရလိမ့်မယ်သိလား "
"ဟုတ်တယ် ခရာ့ရဲ့ပျော်ရွှင်မူကနက်ရိူင်းဆိုရင် သူ့နောက်ဆုံးအချိန်မှာသူနားရှိသင့်တာ နက်ရိူင်းပဲဖြစ်ရမယ် ပျော်ရွှင်အေးချမ်းစွာနဲ့သူ့ကိုထွက်ခွာခွင့်ပေးသင့်တယ်"
ဈာန်က ဝေဒနာအမြှင်တွေတန်းနေသည့် နွမ်းဖက်သောမျက်နှာကို ငေးစိုက်ကြည့်ရင်း အံကြိတ်ဆိုလိုက်၏။ ထိန်းချုပ်ထားသည့်ကြားမှ ယောကျာင်္းတန်မဲ့ မျက်ရည်အချို့ကဝဲလို့...
သူတို့အသံတွေကြောင့်ထင်သည်။ ဝေဒနာကြောင့်မှိန်းမောနေသည့် ခရာလူးလွင့်လာပြီးနောက်..
ဖွင့်ဟလာသည့်မျက်ဝန်းတို့ကလည်း သူတို့ကိုမြင်ဟန်မတူပါ။ စိတ်အစဉ်က ဟိုး...အဝေးဆီသို့ ရောက်ရှိနေဟန်တူသည်။
သွေးရောင်မရှိသည့် နူတ်ခမ်းတို့ကပြုံးလာသည်မှာ တကယ်ကြည်နူးနေသည့်ဟန်..
"ခရာ..မှတ်မိသေးတယ်သိလား ခရာကိုကို့အိမ်ရောက်တုန်းက ခရာသေးသေးလေးပဲရှိဦးမယ်ထင်တယ် ခရာ့ကိုအမြင်မကြည်သလို ဆူပုတ်ပုတ်နဲ့ကြည့်နေတဲ့ ကိုကိုကို့မြင်လိုက်တာနဲ့ ခရာအလိုလိုချစ်မိသွားတယ် ကိုကိုကတော့ခရာကိုမုန်းတယ် မြင်တာနဲ့ကို ဆူလိုက်အော်လိုက်နဲ့ တစ်ခါတလေကျ အရမ်းကိုရိုက်ပစ်တာ ခရာအမြဲတမ်းငိုနေရတာပဲလေ အဟင်း"
"ခရာရယ်.. စကားသိပ်မပြောနဲ့ မောလိမ့်မယ်"
စေတန်စကားက ခရာ့နားထဲရောက်ပုံမရပါ။ အသိစိတ်ကင်းမဲ့နေသကဲ့သို့ သူမတတွတ်တွက် ပြောနေရှာသည်။
"ကိုကို့ခရာကို ဘယ်လောက်နာအောင်လုပ်နေပါစေ ခရာလေကိုကို့ကို မုန်းလို့ကိုမရဘူး ကိုကိုရိုက်မှာထက် ကိုကို့ကိုမမြင်ရမှာဘဲ ခရာကြောက်နေခဲ့မိတယ် ကိုကိုနဲ့ဝေးဝေးနေရမှာကိုပဲ အရမ်းကိုစိုးရိမ်နေခဲ့တယ် ကိုကိုခရာ့ကိုအော်တယ်မောင်းထုတ်တယ် အမြဲရိုက်နေတာတောင် ကိုကိုနားပဲ သွားသွားချင်မိတယ် ခရာကလဲခရာပဲလေ ရိုက်ထားတဲ့အနာတောင်မပျောက်သေးဘူး ကိုကို့နားရစ်သီရစ်သီနဲ့ သွားသွားချောင်းနေလို့ ကြီးကြီးဆိုခရာ့ကိုအမြဲတမ်းဆူတာ အဟင်း "
ပြောရင်းသူမမျက်ဝန်းမှ မျက်ရည်စက်တွေက တလိမ့်လိမ့်စီးကျလာ၏။ သူမမည်မျှနာကျင်နေမည်ကို သူတို့မတွေးဝံ့ပါ..
သူမပြောသမျှကိုနားထောင်သည့် သူတို့ရင်တွေကတော့ တမြေ့မြေ့နှင့်ပင်နာကျင်နေ၏။
သူမကမျက်ရည်အရွဲသားနှင့် သူမကိုပွေ့ဖက်ထားသည့်စေတန်ကို မော့ကြည့်လာရင်း
"ခရာမရူးပါဘူးအစ်ကို ကိုကိုပြုံးနေတဲ့ချိန် စိတ်ဆိုးနေတဲ့ချိန် အော်ဟစ်နေတဲ့ချိန် အိပ်နေတဲ့အချိန် အို.. အချိန်တိုင်းပဲ ခရာကိုကို့ကိုငေးကြည့်ပြီးချစ်ခဲ့တယ် ဒါကိုဝဋ်ကြွေးလို့သတ်မှတ်ရင်လေ ခရာပျော်ပျော်ကြီးနဲ့ပေးဆပ်မှာပါ"
"ခရာရယ် တော်ပါတော့ မင်းစကားတွေက ငါ့ရင်ကိုခွဲနေတယ်"
မျက်ရည်စက်အချို့က စေတန့်ပါးပြင်ပေါ် ပေါက်ခနဲ့ကျလာသည်ကိုမြင်တော့ စိမ်းရင်နာစွာနှင့်ပင်မျက်နှာလွှဲလိုက်မိသည်။
မျက်ရည်တွေကြားမှ တဆက်ဆက်တုန်ရီနေသည့်နူတ်ခမ်းတို့က နာကျင်မူတွေ မဆန့်မပြဲထွက်ကျလာပြန်သည်။
"ဒါပေမယ့် ကိုကိုခရာ့ကိုမုန်းနေခဲ့တာကိုတော့ ခရာအမြဲနာကျင်နေရပါတယ် အခုထိလည်း ခရာနာကျင်နေရတုန်းပါ အစ်ကို ကိုကို့အမုန်းတွေမလိုချင်တော့ဘူး ကိုကို့ဆီကချစ်တယ်ဆိုတဲ့စကားကိုလေ ဟန်ဆောင်လို့ပဲဖြစ်ဖြစ် ခရာကြားချင်လိုက်တာ ခရာသေမယ်ဆိုရင်တောင် သေပျော်ပါတယ်"
ဈာန်ဖျတ်ခနဲ့ထရပ်လိုက်၏။ ခရာပြောနေသမျှကို သူဘယ်လိုမှမခံစားနိုင်တော့သဖြင့်..
"စိမ်း နက်ရိူင်းဘယ်ကိုထွက်သွားသလဲ"
"မနက်ပိုင်းက စေတန်နဲ့စကားများပြီး သူတော်စင်နောက်လိုက်သွားတယ် သိပ်အဝေးကြီးတော့ မရောက်သေးဘူးထင်တယ်"
"ကျွန်တော် သူ့ကိုသွားခေါ်မယ် ခရာ့ကိုတစ်ချက်ဂရုစိုက်ထားပေးပါ"
"ဟုတ်ကဲ့စိတ်ချပါ ကိုဈာန်"
ဈာန်ထိုနေရာမှ အမြန်ထွက်လာခဲ့လိုက်သည်။ မနက်ခင်းက စေတန်နှင့်နက်ရိူင်းခရာကိစ္စနှင့်ပတ်သက်ပြီး အချင်းများနေတာသူမြင်ပါသည်။
ခရာမကျန်းမာ၍ စေတန်ကခရီးမထွက်လိုဘဲ သက်သာဖို့အထိနေဖို့ရည်ရွယ်သည်။ နက်ရိူင်းက လက်မခံ..
သူ့အနေနှင့်ဒီမှာကြာကြာဆက်မနေလို။ ခရာနှင့်ပတ်သတ်ပြီး ထိရှလွယ်လွန်းသည့်စေတန်က မနေချင်ရင်လည်းတစ်ယောက်တည်းပြန်ဟု ဒေါသတကြီးပြောထွက်မိသည်။ မရည်ရွယ်ဘဲပြသာနာတွေ ကြီးမားသွားခြင်းပင်။ ဟိုကလည်းမခံ မာနတွေနှင့် ချက်ချင်းထွက်သွားတော့သည်။
သူတော်စင်နှင့်ပုလဲနတ်ကျွန်းအထိ လမ်းကြုံသည်မို့ အတူလိုက်သွားခြင်းပင်။ တကယ်ကစေတန်နက်ရိူင်းကို ခရာနားကခွာပစ်လိုက်ချင်၍လည်း တမင်ထွက်သွားအောင် ပြောခဲ့သည်။ နက်ရိူင်း ထွက်သွားသည်ကိုမတားမိသည့် သူ့အမှားလည်းမကင်း။
အခုတော့ ခရာ့အတွက်နက်ရိူင်းရှိရာ သေရေးရှင်ရေးပြေးလိုက်ရှာရတော့၏။..
တော်သေးသည်... သိပ်မဝေးကြီးမရောက်ကြသေးပေလို့..
နာရီဝက်လောက် သေရေးရှင်ရေးပြေးလာရ၍ မောဟိုက်ပင်ပန်းနေသည့်တိုင် သူအနားမယူရဲသေး။ အချိန်သည် အလွန်အရေးကြီးနေပြီ မဟုတ်လား..
"နက်ရိူင်း ခင်ဗျားကျွန်တော့်နောက် ပြန်လိုက်ခဲ့ပါ "
နက်ရိူင်းကချွေးတလူလူနှင့် အမောစို့မတက်ဖြစ်နေသည့်ဈာန်ကို မျက်မှောင်ကုပ်ကြည့်လိုက်ရင်း
"ဘာကိစ္စပြန်လိုက်ရမှာလဲ"
"ခရာခင်ဗျားကိုလိုအပ်နေတယ်"
နက်ရိူင်းနူတ်ခမ်းတို့က အလိုလိုမဲ့ကျသွားပြီနောက်..
"သူ့နားမှာသူ့ကိုသဲသဲလူပ်ဂရုစိုက်နေတဲ့ စေတန်ရှိတယ် မင်းလည်းရှိတယ် ငါရှိရင်သူ့အတွက်ပိုပြီးတောင်မကောင်းဘူး"
"ဒါပေမယ့်သူလိုအပ်နေတာ ခင်ဗျားတစ်ယောက်တည်းကိုပါ နက်ရိူင်း"
"ငါပြန်မလိုက်နိုင်ဘူး"
နက်ရိူင်းကပြတ်သားစွာဆိုလိုက်တော့ သူ့ရင်ထဲထောင်းခနဲ့ ဖြစ်သွားသည့်တိုင် စိတ်ကိုပြန်လျှော့ထားလိုက်သည်။ မနက်က ဘယ်လောက်ထိတောင်များ စေတန်နှင့် အချင်းများထားသည်မသိပါ။
နက်ရိူင်းပုံစံက အတော်ချဉ်နေသည့်ပုံဖြစ်နေသလို ပြန်မလိုက်ဖို့လည်း ဆုံးဖြတ်ထားဟန်တူသည်။
လောကီအရေးမို့ဝင်မပါလိုသည့် သူတော်စင်က ခပ်လှမ်းလှမ်းတွင် တရားထိုင်ပြီးစောင့်ပေးနေ၏။ ဈာန် သက်ပြင်းချမိရင်း..
"ခရာသတိရလာပြီ အခြေအနေမကောင်းဘူးနက်ရိူင်း သူခင်ဗျားကိုပဲတမ်းတနေတယ်"
"ငါရှိနေပေးတော့ရောဘာထူးလဲ ငါကသူ့ကိုမုန်းနေတဲ့လူစေတန်ပြောခဲ့သလိုပဲ ငါရှိနေရင်သူ့အတွက်ထိခိုက်တာပဲ အဖတ်တင်လိမ့်မယ် မှန်တယ် ငါကလည်း သူ့ကိုထိခိုက်အောင်လုပ်မှ ပျော်တတ်တဲ့ကောင်လေ ဒါကြောင့်ငါပြန်သွားမှ သူ့ရောဂါတွေပိုတိုးသွားဦးမယ် မင်းလည်းသိပါတယ် ငါဘယ်လောက်ထိ မိုးနတ်ခရာကိုမုန်းခဲ့သလဲဆိုတာ ပြောပြဖို့လိုသေးလို့လား"
အေးစက်စက်ဆိုလိုက်သော နက်ရိူင်းစကားကြောင့် ဈာန့်ဒေါသတွေ ထိန်းမရအောင်ပေါက်ကွဲသွားတော့၏။ နက်ရိူင်းကိုစူးစူးရဲရဲပင်စိုက်ကြည့်မိပြီး
"ခင်ဗျားဘာကိစ္စအကြောင်းမဲ့ ခရာ့အပေါ်မပြီးနိုင်မစီးနိုင်မုန်းနေရသလဲ အတောမသတ်နိုင်တဲ့ လက်စားချေချင်တဲ့ စိတ်ကြောင့်လား အရူံးမပေးချင်တဲ့ ခင်ဗျားမာနတွေကြောင့်လား.."
နက်ရိူင်း..မဖြေ။ တစ်ဖက်သို့ မျက်နှာလွဲထားသည်။ ဈာန် ဒေါသတကြီးပင် ဆက်တိုက် ပြောချမိတော့သည်။
"ကြာဖြူကြောင့် ခင်ဗျားသူ့ကိုမုန်းခဲ့တယ်ဆိုရင် ခင်ဗျားမသိသေးတဲ့အမှန်တရားတစ်ခု ကျုပ်ပြောပြမယ် ခရာကမပြောဖို့တားထားပေမယ့် ခင်ဗျားအတ္တတွေသိပ်လွန်ကဲနေပြီ နက်ရိူင်း ခင်ဗျားသိဖို့ကိုလိုအပ်တယ် ကြာဖြူကိုသတ်ခဲ့တာ ခင်ဗျားအဖေကိုယ်တိုင်ပဲသိလား.."
"ဘာ..."
မျှော်လင့်မထားသောစကားကြောင့် နက်ရိူင်းကသူ့ကို တအံ့တသြလှည့်ကြည့်လာသည်။ သူနက်ရိူင်းမျက်နှာကို စေ့စေ့ကြည့်ရင်းနှင့်ပင်
"ဟုတ်တယ်.. ခင်ဗျားသိရင်ပိုပြီးစိတ်ထိခိုက်ရမှာ ယူကြုံးမရဖြစ်မှာကိုမလိုလားတဲ့ ခရာကသူ့အမေအသတ်ခံရတဲ့ကိစ္စကို ခင်ဗျားအတွက်ဖုံးကွယ်ပေးခဲ့တယ် ခင်ဗျားအဖေရဲ့တဏှာစိတ်ကြောင့် သူ့အမေသေခဲ့ရပေမယ့် ခင်ဗျားအပေါ်သူအပြစ်မတင်ရက်ရှာဘူး ခင်ဗျားကသာကြာဖြူကြောင့် မိသားစုကြီးပျက်ဆီးရပါတယ်ဆိုပြီး အမုန်းတွေနဲ့နှိပ်စက်ချင်တိုင်းနှိပ်စက်ခဲ့တဲ့မိန်းကလေးက ဘာအပြစ်မှမရှိခဲ့ဘူးနက်ရိူင်း ဒီလိုဖြစ်ခဲ့တဲ့တရားခံက ခင်ဗျားအဖေကြောင့်ပဲ ကယ်ခဲ့ပေးတဲ့ကျေးဇူးကိုမှမထောက် ကြာဖြူကို ပစ်မှားပြီးသတ်ခဲ့မိတဲ့အထိ ဖြစ်သွားရတယ်"
အဖြစ်မှန်ကိုသိသွားသော နက်ရိူင်းကာအံ့သြတုန်လူပ်စွာရှိနေဆဲ။ မယုံကြည်ဟန်ဖြင့် မှင်သက်နေသည့်နက်ရိူင်းကို စိုက်ကြည့်ပြီး ဈာန်ခပ်မဲ့မဲ့ပြုံးလိုက်ပြီး
"ဒါတင်မကသေးဘူး ခင်ဗျားသူ့အပေါ်ဒီလောက်နှိပ်စက်နေတာကို ကြာဖြူခင်ဗျားပေါ် ဘာတစ်ခုမှ မတုန့်ပြန်တာမထူးဆန်းဘူးလား တကယ်ကခင်ဗျားကခရာအရမ်းချစ်တဲ့ ယောကျာင်္းတစ်ယောက်ဖြစ်လို့ပဲနက်ရိူင်း ခင်ဗျားကိုတစ်ခုခုလုပ်လိုက်တာနဲ့ ခရာသေတဲ့ထိအောင်ထိခိုက်သွားနိုင်မှန်းသိလို့ ခင်ဗျားကို ကြာဖြူဘေးမဲ့ပေးထားခဲ့တာပါ "
ဈာန်စကားတွေက မြှားတစ်စင်းလိုပင် သူ့ရင်ကိုတည့်တည့်ထိုးစိုက်လာတော့သည်။ သွေးပျက်စွာပင် သူတုန်လူပ်စွာတွေးလိုက်မိသည်က...
ဘုရားရေ... သူ ဘာတွေမှားယွင်းခဲ့ပြီလဲ
"ကဲ အခု ခင်ဗျား သူ့ကိုမုန်းသေးလား.."
ဈာန်ထပ်ပြောလိုက်သည့်စကားက သူ့ရင်ကိုခြွေမွပစ်လိုက်သည့်အလား..
အမြဲတစေအရုပ်လေးတစ်ရုပ်လို သူ့အနားကပ်တွယ်ခဲ့သည့် မိန်းကလေး
ဘယ်လောက်ခါခါသီးသီးရက်စက်ခဲ့ပါစေ သူ့ကိုမြင်တိုင်း ပျော်ရွှင်စွာပြေးလာတတ်သည့် မိန်းကလေး..
"ကိုကို့ကို ချစ်တယ်"
ဘယ်လိုဥပေက္ခာပြုခံရပါစေ ထိုစကားတို့ကို အမြဲပြောတတ်သည့်မိန်းကလေး...
မညှာမတာရိုက်နှက်နှိပ်စက်ခံရသည့်တိုင် မျက်ရည်တွေကြားမှ သူ့အတွက်အမြဲပြုံးနေပေးခဲ့သည့် မိန်းကလေး .....
အဖြူရောင်ဂါဝန်ရှည်လေးအမြဲဝတ်ပြီး ဆံပင်ရှည်ရှည်နှင့်အပြစ်ကင်းစင်လွန်းသော မိန်းကလေး..
ထိုမိန်းကလေးက သူရက်စက်ခဲ့သလောက် နိူင်းဆမရသောချစ်ခြင်းမေတ္တာတွေနှင့် သူ့ကိုအချိန်တိုင်းချစ်နေခဲ့သည်တဲ့လား
ဘုရားရေ... သူအမှားတွေ ဘယ်လောက်တောင် ကျူးလွန်သွားမိပြီလဲ..
နင့်ခနဲ့ရလိုက်သောနောင်တများနှင့်အတူ သူအလိုလိုခေါင်းငိုက်စိုက်သွားရင်း ယူကြုံးမရစွာပင်ဆိုလိုက်မိ၏။
"ငါ သူ့ကိုမမုန်းတော့တာကြာပြီ ဈာန် ငါ...ငါ ဒါကိုဘယ်လိုမှလက်မခံချင်လို့ ခရာ့ကို တမင်မုန်းပြခဲ့တယ်.."
"ဘုရားရေ... ခင်ဗျား ခရာ့ကိုချစ်ခဲ့မိတယ်လို့ ဆိုလိုချင်သလား"
သူဈာန့်ကိုပင် မကြည့်ဝံ့သည်အထိ အပြစ်တစ်ခုလိုခံစားလာသဖြင့် မျက်နှာလွဲမိလျှက်နှင့်..
"ခရာ ငါ့ရင်ထဲကို ဘယ်ချိန်ကတည်းကရှိနေမှန်းတောင် ငါမသိတော့ဘူးဈာန်.. ငါဒီလောက်မုန်းနေတဲ့ကြားက ခရာကဘယ်လိုမှ တွန်းထုတ်လို့မရအောင် ငါရင်ထဲဝင်နေခဲ့တယ် ငါ.. ငါ သူ့ကိုအရူံးမပေးချင်ခဲ့ဘူး သူချစ်နေမှန်းသိလို့အနိုင်ပဲယူချင်ခဲ့တယ် သူ့ကိုလွမ်းနေခဲ့ရင်တောင် အရူံးတစ်ခုလိုခံစားရလို့ မာနတွေကမရမကပြန်တွန်းထုတ်တယ် သူငါ့ရင်ထဲအလိုလိုရှိနေတာကိုလည်း မကျေနပ်လို့တမင်မုန်းပြခဲ့တယ် ခံစားချက်မရှိသလိုနဲ့ ရက်စက်ခဲ့တယ် ဒါကငါ့ကိုဖြေသာစေခဲ့တယ်လေ...."
"ခင်ဗျား...ဗျာ.."
"ကြာဖြူနဲ့ပတ်သတ်ပြီး ငါသူ့ပေါ်အထင်မှားခဲ့တယ် သူ့ကိုချစ်မိတာဟာ အရူံးလို့ခံစားစေခဲ့တဲ့အတွက် ငါအလျော့မပေးခဲ့ဘူး နောက်ဆုံးအချိန်ထိ ငါသူ့ကိုမုန်းတယ်လို့ပဲ ပြောခဲ့မိတယ်.."
ပြောရင်း ယူကြုံးမရဟန်ဖြင့် နက်ရိူင်းက လက်သီးကိုကျစ်ကျစ်ပါအောင်ဆုပ်ရင်း ဆောက်တည်ရာမရဖြစ်နေတော့သည်။ ဈာန်ကတော့ ခရာ့မျက်ရည်နာကျင်မူတွေနဲ့ လဲရက်သောနက်ရိူင်းမာနတွေအတွက် ဒေါသထွက်မိသော်လည်း စိတ်ကိုချုပ်ထိန်းထားလိုက်ရင်း...
"အခု ခင်ဗျား ခရာ့ဆီအချိန်မှီသွားပါ သူစိုးရိမ်ရတဲ့အခြေအနေရောက်နေပြီ"
"ဘာ..."
"ဒဏ္ဍာရီလာနတ်ဘုရားကျိန်စာအရ ငါတို့သူကိုပေးရတော့မယ် နက်ရိူင်း"
မျှော်လင့်မထားသည့်စကားက နက်ရိူင်းကို တုန်လူပ်ခြောက်ခြားသွားစေပုံရသည်။ မျက်နှာပျက်ယွင်းသွားသော နက်ရိူင်းကိုကြည့်ပြီး သူနာနာကျင်ကျင်ပင် ဆက်ပြောမိ၏။
"ဒါ သူ့နောက်ဆုံးအချိန်ဖြစ်သွားနိုင်တယ် နက်ရိူင်း ခရာခင်ဗျားကိုသိပ်တောင့်တနေတယ် သူ့အနားမှာ သူ့ကိုချစ်တဲ့သူဘယ်လောက်ပဲဝန်းရံနေပါစေ သူ ခင်ဗျားတစ်ယောက်တည်းကိုပဲ အနားရှိစေချင်ခဲ့တယ် ခင်ဗျားဆီကသူ့ကိုမမုန်းတော့ဘူးဆိုတဲ့ စကားလေးကို သူမသေခင်မှာကြားချင်တယ်တဲ့ သူအေးအေးချမ်းချမ်းထွက်သွားနိုင်ဖို့အတွက် ကျွန်တော်ခင်ဗျားကိုဒုက္ခခံပြီးလာခေါ်ရတာပဲ"
ဈာန့်စကားအဆုံးသူ့ရင်သည် မီးစနှင့်ထိုးချေခံလိုက်ရသည့်အလား ပူလောင်စွာခံစားလိုက်ရသည်။
ဈာန်ကိုလည်းမစောင့်သလို သူတော်စင်ကိုပင်နူတ်မဆက်နိုင်တော့ဘဲ ထိုနေရာမှသူချက်ချင်းလှည့်ပြေးလာတော့သည်။
မြန်နိုင်သမျှမြန်အောင်ပြေးလာရင်း နောင်တတွေက ရင်တစ်ခုလုံးတဟုန်းဟုန်း တောက်လောင်စေခဲ့သည်။ ယူကြုံးမရသည့်စိတ်များနှင့်သူ့ရင်သည် တမြေ့မြေ့လောင်ကျွမ်းနေလျက်..
ခဏခဏခလုတ်တိုက်ပြီး ပစ်လဲသွားသည်မှာအကြိမ်ကြိမ်။ ဆူးညှောင့်တွေငြိတွယ်ပြီး သွေးတွေ ဆစ်ခနဲ့ထွက်လာသည်ထိ ထိရှမိသည်မှာလည်း အခါခါ...
သို့သော် သူအရှိန်မသတ်ရဲပါ။ မြန်နိုင်သမျှ မြန်အောင်ပြေးလာရင်း သူ့ရင်တစ်ခုလုံး ဗလောင်ဆူနေတော့၏။ မျက်ဝန်းထဲတွင် ထပ်ခါထပ်ခါမြင်ယောင်နေမိသည်က အမြဲတမ်း အပြစ်ကင်းစင်နေခဲ့သောမျက်နှာလှလှလေး..
သူ့ကြောင့်အမြဲမျက်ရည်စိုခဲ့ရသော မျက်ဝန်းလေးတစ်စုံ ....
ဟင့်အင်း..ခရာ မင်းဘာမှမဖြစ်ရဘူး ဘာမှမဖြစ်လိုက်ပါနဲ့ ခရာရယ် မင်းကိုကိုကိုနောက်ဆို ဘယ်သောမှမရိုက်တော့ပါဘူးကလေးရယ် ကိုကို့အမှားတွေအတွက်တောင်းပန်မှာပါ မင်းအပြစ်မယူလည်း မင်းရှေ့ကိုဒူးထောက်ပြီး တောင်းပန်မယ် ..
ကျေးဇူးပြုပြီးဘာမှမဖြစ်လိုက်ပါနဲ့ မင်းကို ကိုကိုမမုန်းပါဘူး သိပ်ချစ်ခဲ့ပါတယ်ခရာရယ်..
ကိုကို့အမှားတွေအတွက် မင်းကိုတသက်လုံး စောင့်ရှောက်သွားပါရစေ ဘယ်သောမှစိတ်ဆင်းရဲအောင် မလုပ်တော့ပါဘူး စိတ်ချပါနော် ကိုကိုမင်းကို ထာဝရထိပျော်အောင်ထားမယ်
ကိုကိုတို့အတူတူနေသွားမယ် ဒါကြောင့်ဘာမှမဖြစ်လိုက်ပါနဲ့ ကိုကိုတောင်းပန်ပါတယ်..
အရူးတစ်ယောက်လို သူတတွတ်တွတ်ဆိုမိရင်း နှလုံးသားအစုံကတော့ ပြာကျသွားလုမတက်ပင် နာကျင်နေမိ၏။ ယူကြုံးမရသောစိတ်နှင့် နောင်တတွေက သူ့ကိုတရစ်ရစ်နှင့် နှိပ်စက်နေလျှက်..
ကံကြမ္မာရယ်... ကျွန်တော့်အမှားတွေအတွက် တစ်ခါလောက်အခွင့်အရေးပေးပါ..
ပူလောင်လွန်းသောနောင်တတွေနှင့်အတူ အကြောက်တရားတွေက ရင်ကိုပြင်းစွာ နှိပ်စက်နေတော့သည်။
ထိုအကြောက်တရားက သူမကိုဆုံးရူံးရတော့မည်ဆိုသော ခံစားချက်....
ဘဝမှာတစ်ခါမှမဖြစ်တည်ဖူးသော စိုးရွံ့ကြောက်ရွံ့ခြင်းတွေနှင့်.....
....................... ...................
YOU ARE READING
ကြာဖြူ(ကွာဖွူ)
Fantasy"ကြာဖြူ ငါတို့သေခြင်းတရားမှာ မင်းအငြိုးတွေပြေပါစေတော့" ပင်လယ်ဒဏ္ဍာရီတွင်ကြောက်စရာအကောင်းဆုံးသော ကျိန်စာဆိုးများနှင့်ကြာဖြူပုံပြင်... သို့သော်လွန်ခဲ့သောနှစ်သုံးရာတွင် အမှန်တကယ်ဖြစ်ခဲ့သော ရင့်နင့်စရာကြာဖြူမင်းသမီး၏ ဒဏ္ဍာရီတစ်ပုဒ်။ ဤဒဏ္ဍာရီတွင် သဘောင်စကား...
