Zawgyi
~~ကြာဖြူ~~
အပိုင်း(၂၅)
"မှော်ဝင်ကျွန်း"တဲ့...
တကယ်ကိုမှော်ဝင်နေသည့်အလား အင်မတန်သက်ဝင်လှပလွန်းသော အလှတရားတွေနှင့်ပါလား..
စိမ်းစိုနေသော တောတောင်တွေ...
အမျိုးအမည်မသိစုံလင်လှသော ပန်းမျိုးစုံတွေ...
လတ်ဆက်သော လေပြေနုနုလေးတွေ...
ထူးကဲလှသော ရနံ့ပေါင်းစုံတွေ....
သာယာလွန်းသော ကျေးဌက်သီကျူးသံတွေ...
အို.... တကယ်ကို ပြည့်စုံလွန်းသည့် သဘာဝအလှတရားတွေနှင့်။ သူတို့အားလုံး အရှင်လတ်လတ်များ နတ်ပြည်ရောက်သွားကြလေခြင်းလား....
ဤမျှထူးကဲလှပလွန်းသောနေရာမျိုး အိပ်မက်ပင်မမက်ခဲ့မိဖူးပါ။ ဒါဟာသူတို့ရုပ်ရှင်တွေ ဇာတ်ကားတွေထဲသာ မြင်ဖူးရလေ့ရှိတဲ့ သိပ်ကိုစိတ်ကူးယဉ်ဆန်ကာ လှပအေးချမ်းလွန်းသည့် နေရာမျိုးပင်။
"လှလိုက်တာ...."
စိမ်းက... တစ်ခါမှမတွေ့မမြင်ဖူးသည့် ဆန်းကြယ်လှပစွာ နေရာအနှံ့ပွင့်နေသည့် ပန်းလေးတွေကို မှင်သက်စွာငေးကြည့်ရင်း လွတ်ခနဲ့ဆိုလိုက်တော့သည်။
နူးညံ့လတ်ဆက်လွန်းသည့်လေကို မက်မက်မောမောရူလိုက်ရင်းနှင့် ဈာန်သည်လည်း
"ဟုတ်တယ် တကယ်ကိုလှတဲ့နေရာပဲ ငယ်ငယ်ကအမေ့ပုံပြင်ထဲက နတ်သမီးကျွန်းများရောက်သွား သလားထင်ရတယ် ပင်ပန်းခဲ့သမျှခရီးစဉ်တွေမှာ ဒီနေရာမျိုးဘဝမှာရောက်ဖူးတယ်ဆိုတဲ့ အသိနဲ့တင်တကယ်တန်သွားပြီ"
ဈာန်စကားတွေကလည်း အလွန်မဟုတ်ပါ။ သူတို့သည် ပင်လယ်ပုံပြင်ထဲက ဒဏ္ဍာရီကျွန်းတစ်ကျွန်းပေါ် ရောက်နေခဲ့သည် မဟုတ်လား...
တကယ့်ကိုပုံပြင်ဆန်သည့် အလှတရားတွေကနေရာအနှံ့။ ကောင်းကင်ပင်ပတ်ဝန်းကျင်ကို တမေ့တမော ငေးကြည့်ရင်းနှင့်
"တကယ်လှတဲ့တောကြီးပဲကွာ အလှတရားအစစ်အမှန်ဆိုတာ ဒါမျိုးကိုပြောတာထင်ပါရဲ့ ဘယ်လိုတောင်စာဖွဲ့ရမယ်မသိဘူး လှချက်ကွာ.."
"အလှစစ်ကပုလင်းပဲရှိတယ်လို့ပြောတဲ့ မင်းလိုအရက်သမားတောင် သဘာဝကိုခံစားတတ်လာပြီပဲ"
အကြောင်းသိနေသည့် ကမ္ဘာကဝင်နှောက်လိုက်တော့ သူတို့အားလုံးရယ်ဖြစ်သွားသည်။ ဒီတဒင်္ဂအတွင်းမှာ တကယ်ကိုသူတို့အားလုံးခဏတာ လွပ်လပ်ပေါ့ပါးသွားကြတော့သည်။
ဦးလုံထန်းကခေါင်းတညိတ်ညိတ်လုပ်ရင်း
"မှော်ဝင်ကျွန်းကသိပ်လှသလို သိပ်အန္တရယ်များတဲ့ကျွန်းပဲလူလေးတို့ လှသလောက်ပရိယာယ်များတယ် သာယာသလောက် မာယာလည်းကြွယ်တယ် အေးချမ်းသလောက်လည်း ထောက်ချောက်တွေများတယ် မှော်ဆန်တဲ့တောကြီးမှာ ဒီအလှတွေအားလုံးက ဖျားယောင်းသွေးဆောင်ဖို့အတွက်ပဲမို့ အမြင်နဲ့မဆုံးဖြတ်နဲ့ ဒုက္ခရောက်သွားနိုင်တယ် ဆန်းကြယ်သလောက်လည်း အရမ်းကြောက်စရာကောင်းတဲ့တောထဲ ကျုပ်တို့တွေရောက်နေတာဖြစ်တဲ့အတွက် သတိတော့မလွတ်စေနဲ့.."
သူတို့အတွက်တော့ လမ်းပြကြီးစကားက နားထဲဝင်တစ်ချက်မဝင်တစ်ချက်။ ခုချိန်မှာ သူတို့အားလုံး ဤတောကြီး၏အလှတွင် နစ်မျောနေကြပြီဖြစ်သည်။
မို့က ကြီးမားလွန်းသော ခရမ်းရင့်ရောင်တစ်ပွင့်တည်းသာရှိသော ပန်းကိုမြင်တော့ တအံ့တသြဖြစ်သွားကာ..
"အို... လှလိုက်တာ ဒါဘာပန်းပါလိမ့် တစ်ခါမှမမြင်ဖူးဘူး ဘုရားရေ မွှေးလိုက်တာ နည်းတဲ့ပန်းကြီးလား "
ပြောပြောဆိုဆိုနှင့် ပန်းဖူးကြီးရှိရာသို့ မို့ပြေးသွားတော့ ဈာန်အထိတ်တလန့်နှင့်..
"မို့ မသွားနဲ့...ရပ်"
"ဟင်...."
ဈာန်အော်သံကြောင့် မို့ကြောင်ပြီး အလန့်တကြားရပ်လိုက်စဉ်မှာပင်...
"ရှီ..."
"ဟာ..."
အံ့သြစရာကောင်းလောက်အောင် ပန်းသည်မြွေတစ်ကောင်ကဲ့သို့ သက်ဝင်လှုပ်ရှားလာပြီး ပန်းဖူးကြီးက ပွင့်အာလာကာ လှမ်းဟပ်လိုက်တော့သည်။
တကယ့်ကို သီသီလေးမှသီသီလေး။ ဒီထက်နည်းနည်းတိုးမိပါက သေချာပေါက် ပန်းပွင့်ကြီး၏အာခေါင်ထဲ ဝင်သွားမိဖြစ်သည်။ ပန်းပွင့်ကြီးကဟပ်လိုက်စဉ်က အထဲမှာအရည်တွေကချွဲကျိကျိနှင့်။
လူကိုမဟပ်မိတော့ပါးစပ်ပိတ်ကာ ပြန်ငြိမ်သွားတော့သည်။ ထိုအခါမှ မို့ကသတိဝင်လာပြီး
"ဘုရားရေ ပန်း... ပန်းကအသက်ရှိသလား"
"ဟုတ်တယ်မို့ ဒါကိုလူသားစားပန်းလို့ခေါ်တယ် အလှနဲ့အနံ့ထုတ်ပြီး သားကောင်ကိုဖျားယောင်တယ် အနားရောက်လာရင်လှမ်းဟပ်ပြီး တစ်ကောင်လုံးကိုမျိုချတော့တာပဲ ပန်းအခေါင်းထဲကထုတ်လာတဲ့ အရည်တွေကအဆိပ်တွေပဲ... ထိလိုက်တာနဲ့ စက္ကန့်ပိုင်းတွင်း အဆိပ်သင့်ပြီးသေသွားနိုင်တယ် ဒီအရည်တွေနဲ့သားကောင်ကို ငုံထားပြီးစားပစ်လေ့ရှိတယ် ဒါကြောင့်ပန်းလှမ်းဟပ်ခံရပြီဆိုတာနဲ့ အသက်ရှင်ဖို့မဖြစ်နိုင်တော့ဘူး"
"ဘုရား...ဘုရား ကြောက်စရာကောင်းလှချည်လား"
ကမ္ဘာစကားကြောင့် ဈာန်ကခေါင်းညိတ်ပြီး..
"ဟုတ်တယ် သိပ်ကြောက်စရာကောင်းတယ် တကယ်တမ်းကိုယ်လည်း အခုမှလက်တွေ့ကြုံဖူးတာ ဒါတွေကို စာအုပ်ထဲမှာလောက်ပဲဖတ်ဖူးခဲ့တာ "
"ဒါနဲ့ ဒီပန်းကအသားစားပန်းမှန်း ခင်ဗျားဘယ်လိုသိသလဲ ဈာန်.."
စေတန်ဝင်မေးလိုက်တော့ ဈာန်ကပန်း၏အနောက်ဖက်သို့ လက်ညှိုးထိုးပြလိုက်ရင်း
"အဲ့ဒီအရိုးပုံကိုလှမ်းမြင်လိုက်လို့ အသားစားပန်းများဖြစ်မလားလို့ တွေးမိလိုက်လို့ပါ.. "
ဈာန်ညွှန်ပြရာဆီသို့လှမ်းကြည့်တော့ တကယ်ပင်ပန်းပင်၏နောက်တွင် အရိုးစုကြီးတစ်ပုံ။ ကောင်းကင် သက်ပြင်းပင်ချမိပြီး
"တော်ပါသေးရဲ့ ခင်ဗျားသတိပေးလို့သာပဲ မဟုတ်ရင်မတွေးရဲစရာပဲဗျာ... တကယ်ကပ်သီးလေးပဲလိုတယ်"
မို့တစ်ယောက်လည်း အရိုးပုံပြီးကိုမြင်တော့မှ မျက်စိမျက်နှာပျက်သွားရင်း..
"ကျေးဇူးတင်လိုက်တာ ကိုဈာန်ရယ် မို့မှာကိုဈာန်ပေးတဲ့ အသက်ပဲရှိတော့တယ် "
"မလိုပါဘူးဗျာ တစ်ခရီးတည်းသွားနေတဲ့သူတွေပဲ ကျေးဇူးတွေဘာတွေလုပ်မနေပါနဲ့ လိုအပ်ရင် အားလုံးကအချင်းချင်း အပြန်အလှန်ကူညီရမှာပဲလေ.."
မည်သို့ပင်ဆိုစေကာမူ မို့ရင်ထဲတွင်တော့ တသိမ့်သိမ့်နှင့်။ ဈာန့်မျက်နှာချောချောလေးကို ငေးကြည့်ပြီး ရင်ထဲတိုးတိတ်စွာ ဆိုလိုက်မိသည်။
အစ်ကိုပေးတဲ့အသက်နဲ့အတူ အစ်ကို့ကိုချစ်တဲ့နှလုံးသားနဲ့ မို့ရှင်သန်သွားမှာပါ အစ်ကိုရယ်..
နာကျင်ရလည်း စွန့်လွတ်ဖို့မဖြစ်သာလေတော့ မို့ဆက်ပြီးချစ်သွားရဦးမည်မဟုတ်လား....
"ကျုပ်ပြောပါတယ် ဒီတောကလှသလောက် သိပ်မာယာများပြီး အန္တရယ်ကြီးတယ်ဆိုတာ အားလုံးပဲ ဒီနေရာမှာကျန်ပြီးမနေခဲ့ချင်ရင် နောက်ဆိုပိုသတိထားကြပါ"
ဒီတစ်ခါတော့ သူတို့ဦးလုံထန်းစကားကို သေချာလိုက်နာတော့သည်။ မြင်သမျှ အလှအပတွေနောက်မှာ အန္တရယ်ဆိုတဲ့အသိနှင့် ခုနလောက်တော့ မသာယာတော့တာအမှန်။
ဈာန်က လမ်းတစ်လျှောက်မြင်နေရသည့် အမျိုးအမည်မသိများစွာသောသစ်ခွပန်းတို့ကိုသာ တစိုက်မတ်မတ်ငေးကြည့်ရင်း...
"အရမ်းရှားပါးတဲ့သစ်ခွပန်းမျိုးတွေ စုံစုံလင်လင်ကိုတွေ့ရပါလား တချို့ပန်းတွေဆို အမည်တောင်မသိဘူး သိပ်ဆန်းကြယ်တယ် အပြန်ကျရင် မျိုးစိတ်လေးတွေယူသွားဦးမှပဲ"
အပြန်....
ထိုစကားကစိမ်းရင်ထဲဝင်လာပြီး ရုတ်တရက် တွေးလိုက်မိသည်က ...
အပြန်... အပြန်ဆိုတာရှိပါဦးမည်လား
အို...ကြည့်စမ်း စိမ်းမတွေးကောင်းတာတွေ ဘာတွေလျှောက်တွေးနေမိပါလိမ့်။ စိမ်းချက်ချင်းပင် အတွေးကို ဖယ်ထုတ်လိုက်သည်။ သို့သော် ဘာကြောင့်မှန်းမသိ ရင်သည်ဘယ်လိုမှမချမ်းမြေ့နိုင်။
တဖြည်းဖြည်းနှင့်တောထဲတိုးလာသည်မှာ နေပင်စောင်းလာခဲ့ပြီ။ ခုချိန်ထိတော့ ဘာထူးထူးခြားခြားမှ မတွေ့မိသေးသလို တောသည်မသင်္ကာစရာကောင်းအောင် တိတ်ဆိတ်ကာလှပနေဆဲ...
ဦးလုံးထန်က သင့်တော်သည့်တစ်နေရာရောက်တော့ ရပ်လိုက်ပြီး
"အားလုံးပဲ ဒီညဒီမှာစခန်းချရအောင် လိုအပ်တာတွေ မိုးမချုပ်ခင်ပြင်ဆင်ကြပါ..."
သို့နှင့်သူတို့အားလုံး ရွက်ဖျင်းတဲများကို ဝိုင်းဝန်းပြင်ဆင်နေကြစဉ်...
"ဝေါ....."
ရုတ်တရက်လေပွေတစ်ခုကဝေ့တိုက်သွားပြီး ပတ်ဝန်းကျင်တစ်ခုလုံး ရုတ်ချည်းမှောင်ကျသွားရာ
"ဟာ... မိုးရွာတော့မယ်ထင်တယ် အားလုံးလုပ်စရာရှိတာ အမြန်လုပ်ကြ"
ဦးလုံထန်းက စိုးရိမ်တကြီးအသိပေးလိုက်တော့ သူတို့ကမန်းကတမ်း ရွက်ဖျင်းတဲကို အမြန်ပြင်လိုက်ရသည်။ လေကပြင်းလွန်းသဖြင့် ဘာမှသဲသဲကွဲကွဲ မမြင်လိုက်ရ...
ထို့ပြင် မြူခိုးလိုလိုအငွေ့တွေကလည်း လေနှင့်အတူ ထူးဆန်းစွာပင်ဝေ့ဝါနေရာ ပတ်ဝန်းကျင်က ပိုမှောင်သွားတော့သည်။ အမှောင်ကျနေသည့်ပတ်ဝန်းကျင်တွင် ထင်ရှားစွာဝဲပျံသွားသည်က..
"အ.....အ....အ"
ဌက်ဆိုးတွေ။ပြီးတော့ လေပြင်းနှင့်အတူ ဝေ့ခနဲ့ရလိုက်သည့်အနံ့က...
"ဟင်...."
ကြာပန်းရနံ့တွေရောထွေးနေသည့် သွေးညှီနံ့..။ ဦးလုံထန်း ရင်ထဲထိတ်ခနဲ့ဖြစ်ကာ မျက်နှာပျက်သွားရသည်။ ခဏကြာတော့ လေကတဖြည်းဖြည်း ပြန်ငြိမ်သွားသည်။ ပတ်ဝန်းကျင်လည်း နဂိုအတိုင်းပြန်ဖြစ်လာတော့မှ သူတို့အားလုံး သက်ပြင်းချနိုင်တော့သည်။
ရွက်ဖျင်းတဲတွေလည်း အကုန်ဆင်ပြီးသွားရာ ကောင်းကင်က
"တော်ပါသေးရဲ့ မိုးမရွာပေလို့ ဒီလောက်ပြင်းတဲ့လေ လူပါလွင့်မသွားတာ ကံကောင်းလို့.."
"ဟုတ်တယ် လေငြိမ်သွားတာကံကောင်းတယ် ဒီလိုသာဆက်တိုက်ရင် ငါတို့တဲတွေလည်း ခံနိုင်မယ်မထင်ဘူး"
လေနှင့်အတူ ရွက်ဖျင်းတဲတွေ ခက်ခက်ခဲခဲဆင်လိုက်ရသဖြင့် ကမ္ဘာကမောသွားဟန်နှင့် ညည်းညည်းညူညူဆိုလိုက်သည်။ ဦးလုံထန်းက အားလုံးကိုအကဲခတ်ကြည့်ရင်း အံ့သြနေမိ၏။
လေပြင်းတိုက်သွားသဖြင့် ရုတ်ရုတ်သဲသဲဖြစ်သွားရသည်ကလွဲ၍ အားလုံးကပုံမှန်တိုင်းပါလား..
ကြည့်ရတာ... သူကြားလိုက်သော ဌက်ဆိုးထိုးသံနှင့်အတူ ကြာပန်းနံ့တွေရောထွေးထားသည့် သွေးညှီနံ့ကို ဘယ်သူမှမရလိုက်ဘူးထင်ပါ့။ သို့တိုင်အားလုံးထဲ ထူးဆန်းစွာမျက်နှာပျက်နေသူက စိမ်း..။
ထို့ကြောင့် ဦးလုံထန်းစိမ်းရှိရာလျှောက်သွားပြီး
"ငါ့တူမလည်း ဌက်ဆိုးထိုးသံနဲ့ အနံ့ရလိုက်တယ်ထင်တယ်"
စိမ်းကဦးလုံထန်းကိုတအံ့တသြမော့ကြည့်ပြီး မသာမယာဟန်နှင့် ခေါင်းညိတ်ပြရှာသည်။ သူတို့နားထဲ အလိုလိုပြန်ကြားယောင်လာမိသည်က...
"ဌက်တွေကဆာလောင်နေကြတယ် ကြာပန်းရနံ့ကသေမင်းခေါ်သံပဲ သွေးစိမ်းတွေရနေတယ် သင်တို့ထဲကတစ်စုံတစ်ယောက်ကို ခေါ်လိမ့်မယ် သေခြင်းတရားက မကြာခင်မျက်နှာချင်းဆိုင်လာလိမ့်မယ် ဆာလောင်မွတ်သိပ်ခြင်းတွေနဲ့ ခေါ်ဆောင်သွားလိမ့်မယ်"
ဒီနမိတ်နှင့်အတူဇုသေသွားခဲ့ပြီ။ ဒါဆို......
ဦးလုံထန်းရင်ထဲထင့်သွားပြီး မျက်နှာမကောင်းတော့ပေ။ မျက်နှာပျက်ပျက်နှင့်ပင်...
"တခြားသူတွေက ဒါကိုမြင်လိုက်ကြားလိုက်ပုံမရဘူး ဒါကြောင့်သူတို့ကိုအသိပေးမနေနဲ့တော့ အလကားေ စိုးရိမ်ပြီး ကြောက်နေဦးမယ်.."
"ဟုတ်ကဲ့... စိမ်းသိပါတယ်.."
စိမ်းအသာဖြေလိုက်သော်လည်း ရင်ထဲတွေ ဘယ်လိုမှမကောင်းနိုင်ပေ။ စိတ်တွေလည်း လေးလံနေကာ ယောက်ယက်ခတ်နေသဖြင့် စိတ်ပြေလက်ပြေ ဟိုဟိုဒီဒီလမ်းလျှောက်နေရင်း တစ်နေရာသို့အကြည့်အရောက်
"ဟင်...."
ခပ်လှမ်းလှမ်းသစ်ပင်တွေကြားမှ သူမတို့ရှိရာတွေတွေလေး ငေးစိုက်ကြည့်နေသည့် အဖြူရောင်အရိပ်လေးတစ်ခု။ ဘယ်ချိန်ကတည်းကငေးနေမှန်းမသိသော သူမက
"ခရာ...."
စိမ်းအံ့သြသင့်စွာတီးတိုးဆိုလိုက်မိတော့ အနားတွင်ဖြတ်လျှောက်သွားတော့ဈာန်က ကြားဖြစ်အောင်ကြားသွားပြီး စိမ်းကြည့်သည့်နေရာ လှမ်းကြည့်လိုက်တော့
တကယ်ပင်ခရာသည် အံ့သြစရာကောင်းအောင်ပင် ရပ်ငေးကြည့်နေတော့၏။
"ခရာ...."
ဈာန်ကဝမ်းသာအားရ ခရာ့ရှိရာလျှောက်သွားသည်။ ဈာန့်အသံကြောင့် ကျန်တဲ့သူအားလုံး၏အာရုံလည်း ဒီဖက်ရောက်လာတော့သည်။
"ခရာ..."
သူ့ခေါ်သံကြားသည့်တိုင် ခရာကအသိမရှိသကဲ့သို့ မလူပ်မယှက်ရှိနေဆဲ။ သူခရာ့ပုခုံးနှစ်ဖက်ကို အသာဆုပ်ကိုင်ပြီး လူပ်ခေါ်မိတော့သည်။
"ခရာ...."
ထိုအခါမှခရာကိုယ်လေးဆတ်ခနဲ့တုန်သွားပြီး သတိဝင်လာဟန်ဖြင့် အလွန်အားနည်းနေသော မျက်ဝန်းတို့နှင့် သူ့ကိုမော့ကြည့်လာရင်း...
"အစ္ကို.... "
ထို့နောက်သူ့ရင်ခွင်ထဲခွေခေါက်ကာ မေ့မျောသွားတော့လေသည်။ သူဘာမှတွေးမနေတော့ဘဲ ခရာ့ကိုထွေးပွေ့ကာ ရွက်ဖျင်းတဲရှိရာ လျှောက်လာတော့၏။
"သူက...ဘယ်ကနေဘယ်လို ရောက်လာသလဲ"
မို့မတင်မကျမေးလိုက်သံကြားသည့်တိုင် စိမ်းဘာမှမတုန့်ပြန်နိုင်သေး။ သူမရင်ထဲတွင်လည်း ပဟေဋိတို့ဖြင့် ရူပ်ထွေးလို့နေတော့သည်။
ခရာ...ဘယ်ကနေပေါ်လာသလဲ..
လေပြင်းတွေ..... မြူခိုးတွေ ဌက်ဆိုးထိုးသံတွေ ပြီးတော့ သွေးညှီနံ့တွေရောထွေးနေသည့် ကြာပန်းရနံ့။ ဒါတွေဟာ သူမနဲ့များသက်ဆိုင်နေသည်လား...
သူမဘယ်လိုရောက်နေမှန်းမသိသည့်တိုင် ဒီအရာတွေအပြီး ခရာ့ကိုတွေ့လိုက်ရသည့်အဖြစ်က သာမာန်တိုက်ဆိုင်မူမဟုတ်ဘူးဆိုရင်...
စိမ်းရင်ထဲထိတ်သွားစဉ်...
"ခရာ..."
ခရာ့ကိုပြန်တွေ့ပြီဟူသည့်သတင်းကြောင့် ထင်းကောက်ပြီးပြန်လာသည့်စေတန်က ခရာရှိရာ ချက်ချင်းလိုပင် ခြေလှမ်းကျဲနဲ့လှမ်းသွားတော့ စိမ်းရင်ထဲနင့်ခနဲ့။
ခရာကာ အလွန်အားနည်းနေသော ဖြူဆုတ်ဆုတ်မျက်နှာလေးနှင့် မေ့မျောနေဆဲ...
စေတန်က ခရာ့ကိုစိုးရိမ်တကြီးငုံ့ကြည့်ရင်း
"ခရာဘာဖြစ်နေသလဲ.."
"မပြောတတ်ဘူး အားနည်းနေပုံရတယ်"
ဈာန်ပြောနေရင်းမှာပင် ခရာ့မျက်ဝန်းတို့က လေးပင့်စွာဖွင့်လာပြီး မျက်ဝန်းတည့်တည့်တွင်ရှိသော စေတန်ကိုမြင်တော့ နူတ်ခမ်းတွေလူပ်ခတ်သွားသည်က..
"အရှင် သိဒ္ဓနက္ခတ်မင်း."
"ဟင်..."
သူတို့တစ်ယောက်မျက်နှာတစ်ယောက်ကြည့်ပြီး ဘာပြောရမှန်းမသိအောင်ကြောင်သွားစဉ် ကြားလိုက်ရသော စိမ်းမှာအလွန်အံ့သြသွားပြီး
"ခရာ....ဘာပြောလိုက်လိုက်လဲ..."
"ဟင်.....အင်း..."
ထိုအခါမှခရာသည် ကောင်းစွာ သတိဝင်လာပုံရသည်။ သူမဘာပြောလိုက်သည်ကိုလည်း အမှတ်ရဟန်မတူပါ။ မျက်လုံးဝိုင်းဝိုင်းလေးဖြင့် အားလုံးကို ကြောင်တောင်တောင်ကြည့်နေရင်းမှ
"ကိုကို...."
သူမရှိရာသို့လှမ်းကြည့်နေသော နက်ရှိုင်းကိုမြင်တော့ ချက်ချင်းပင် ကုန်းရုန်းထတော့သည်။ နက်ရှိုင်းက ခရာ့ကိုပြန်တွေ့ပြီဟုကြားသော်လည်း အနားရောက်မလာချေ။ ခပ်လှမ်းလှမ်းတွင်သာ ကြည့်နေတော့သည်။
အနားတွင်ရှိနေသည့် ဈာန်နှင့်စေတန်အဖြစ်ကလည်း အရူးလိုပင်....
"ကိုကို..."
သူမခမျှာ ရင်နင့်အောင်လွမ်းနေရသည့် နက်ရိူင်းကိုမြင်တော့ သတိလက်လွတ်ပြေးဖက်ရှာသည်။ ဘာကိုဝမ်းနည်းမှန်းမသိသောမျက်ရည်တို့က သူ့ရင်ခွင်ထဲတွင် ပေါက်ခနဲ့ကြွေခလာရင်း...
"ကိုကို့ကို ခရာအရမ်းလွမ်းနေတာ.."
သို့သော် နက်ရှိုင်းဟူသည်ဘယ်အခါကများ ခရာ့အပေါ်အသိအမှတ်ပြုခဲ့ဖူးလို့လဲ။ သူမကိုအသာတွန်းလွတ်လိုက်ပြီး..
"ဖယ်စမ်းပါ.."
"အ..."
တွန်းလိုက်သည်မဟုတ်သော်လည်း အားပါသွားသဖြင့် ခရာက မြေပေါ်တွင်ဘုန်းခနဲ့လဲကျသွားပြီး
"ကိုကို...."
"မင်း ဘယ်ရောက်နေသလဲ"
"ခရာ.....မသိ.."
"ကြာဖြူနဲ့ မင်းဆုံခဲ့လား.."
"ဟင့်အင်း..."
"သူနဲ့ပတ်သတ်တာ ဘာသိခဲ့လဲ.."
"ဟင့်အင်း....ဒါပေမယ့်"
"အသုံးကိုမကျဘူး.."
ပြောပြီးချာခနဲ့လှည့်ထွက်သွားတော့ ထိန်းထားသည့်မျက်ရည်တို့က ဝေါခနဲ့စီးကျလာသည်။ ပြောသွားသမျှသူမအတွက် စိုးရိမ်ပူပန်သည် တစ်ခွန်းမျှပင်မပါ။
သူမပျောက်နေပြီး ပြန်လာသည့်အဖြစ်ကိုလည်း စိတ်မဝင်စားပုံမပေါ်လေတော့..
"ကိုကို့ခေါင်းထဲမှာ ကြာဖြူပဲရှိခဲ့သလား ကိုကိုရယ် တစ်ခါလောက်ဖြစ်ဖြစ် ခရာနဲ့ကြာဖြူကိုခွဲမြင်ပေးပါလား "
စို့နင့်လာသည့်ဝမ်းနည်းစိတ်တို့က ရင်ထဲတလိူက်လိူက်ဖြစ်လာရင်း ရက်စက်သောဥပေက္ခာတရားတို့အတွက် ခရာနာနာကျင်ကျင်ငိုမိပါသည်။ မနေသာတော့သည့်စေတန်က ဖျတ်ခနဲ့ထရပ်လိုက်ပြီး ခရာ့ကိုပြေးထူကာ ထွေးပွေ့ထားရင်း...
"ခရာမငိုနဲ့တော့ကွာ မင်းပြန်လာတာ ကိုယ်ဝမ်းသာရုံပဲရှိသေးတယ် မင်းခုလိုငိုနေတာ တကယ်စိတ်မချမ်းသာဘူး.."
သို့သော်ခရာက စေတန့်ရင်ခွင်ထဲမှေးအပ်ပြီး မျက်ရည်တွေကျနေဆဲ။ ဈာန်သက်ပြင်းချလိုက်ပြီး နက်ရိူင်းရှိရာ လျှောက်သွားပြီး
"ခင်ဗျားတကယ်ကျေနပ်လား..."
"ဘာကိုလဲ....."
"ခရာအခုလို ငိုနေတာမြင်တော့လေ"
နက်ရှိုင်းမဖြေ။ နူတ်ခမ်းကိုတင်းတင်းစေ့ထားတော့ ဈာန်မချိပြုံးပြုံးလိုက်ရင်း...
"မမျှတတော့ဘူးနက်ရိူင်း တစ်နေ့သူအရူံးပေးပြီး ခင်ဗျားကိုစွန့်ခွာသွားတဲ့တစ်နေ့ရှိလာခဲ့ရင် ခင်ဗျား နောင်တမရဖို့ ကျွန်တော်ဆုတောင်းပေးပါတယ်"
ထိုစကားက ဘာကြောင့်မှန်းမသိ သူရင်ထဲစူးခနဲ့ဝင်လာသည်။ ရုတ်တရက် သူငိုင်ကျသွားမိ၏။
မျက်ဝန်းထဲတွင် ခက်ခဲစွာသေဆုံးသွားသော ဒယ်ဒီနှင့် အဆိပ်သင့်ကာကြွေလွင့်သွားရှာသည့် မာမီပုံရိပ်ကိုမြင်ယောင်မိတော့ သူ့စိတ်တွေတင်းခနဲ့ပြန်ဖြစ်သွားသည်။ ယိုင်နဲ့သွားသည့်စိတ်ကို ချက်ချင်းမောင်းထုတ်ပြီး တစ်စုံတစ်ရာတုန့်ပြန်ဟန်ပြင်တော့ ဈာန်ကသူရှေ့တွင် မရှိတော့ပါ။
"မရှိဘူး... ဘယ်သောမှအာ့လိုနေ့မျိုး နက်ရှိုင်းမြေဘဝမှာ ရှိမလာစေရဘူး.."
သို့သော် ဒီစကားက သူ့အတွက်ရေရွတ်မိသလား။ ဒါမှမဟုတ် မိုးနတ်ခရာအတွက်လည်း သူကိုယ်တိုင် မသဲကွဲတော့ပါ။ ဒီမာနတွေရဲ့နောက်မှာ ခရာဟာ သူ့ကိုဘယ်သောမှစွန့်ခွာမှာ မဟုတ်ဘူးဆိုတာ သူအလိုလိုယုံကြည်နေမိခြင်းဟာ.........
ထိုညက ခရာဘယ်ပုံဘယ်နည်းနှင့်ရောက်လာပြီး တစ်ချိန်လုံးဘယ်မှာရှိနေခဲ့မှန်း သူတို့စိတ်ဝင်စားသည့်တိုင် မမေးမိခဲ့ပါ။ ခရာနှင့်ထူးဆန်းမူဆိုတာ အမြဲယှဉ်တွဲနေသည်မို့ ခရာပြန်ရောက်လာခြင်းအပေါ် သူတို့အရမ်းကြီးတော့ မအံ့သြမိချေ။
သူတို့အားလုံးထဲ ထူးခြားစွာတိတ်ဆိတ်ငြိမ်သက်နေသူက စိမ်း။
ခုချိန်မှာခရာ့နားမခွာနိုင်သည့် စေတန်အပြုအမူတွေကို စိမ်းမခံစားနိုင်သေးပါ။ ခရာသတိရလာချင်းချင်းမှာပင် စေတန်ကိုမြင်တော့ ရွတ်ဆိုလိုက်သည့်နာမည်...
"အရှင်သိဒ္ဓနက္ခတ်မင်း..."
ဒါကိုပဲသူမရူပ်ထွေးလွန်းနေမိသည်။ အခြားလူများက သတိမထားမိသည့်တိုင် စိမ်းအတွက်တော့ တွေးစရာတစ်ပုံတပင် ဖြစ်ခဲ့ရသည်။
စေတန်က အမှန်တကယ် ဘယ်သူဖြစ်ခဲ့သလဲ..
ဘယ်သူမှမသိမမြင်လိုက်ရသည့် နမိတ်ဆိုးတစ်ခုနှင့်အတူ ထူးထူးဆန်းဆန်း ပြန်ရောက်လာသည့် ခရာဆိုသော မိန်းကလေးကရောဘာလဲ....
ပြီးတော့ ဒဏ္ဍာရီစိမ်းဆိုသည့်သူမကရော
အတွေးများစွာဖြင့် ညသည်ရူပ်ထွေးစွာ ရစ်နွယ်ရင်းနှင့်........... ။
………………………………………………………
YOU ARE READING
ကြာဖြူ(ကွာဖွူ)
Fantasy"ကြာဖြူ ငါတို့သေခြင်းတရားမှာ မင်းအငြိုးတွေပြေပါစေတော့" ပင်လယ်ဒဏ္ဍာရီတွင်ကြောက်စရာအကောင်းဆုံးသော ကျိန်စာဆိုးများနှင့်ကြာဖြူပုံပြင်... သို့သော်လွန်ခဲ့သောနှစ်သုံးရာတွင် အမှန်တကယ်ဖြစ်ခဲ့သော ရင့်နင့်စရာကြာဖြူမင်းသမီး၏ ဒဏ္ဍာရီတစ်ပုဒ်။ ဤဒဏ္ဍာရီတွင် သဘောင်စကား...
