Zawgyi
~~ကြာဖြူ~~
အပိုင်း(၁၀)
"စေတန်.. နက်ရိူင်းမြေဆိုတာ ငါထင်ထားတဲ့အတိုင်း ငါ့ဦးလေး သူငယ်ချင်းနှစ်ယောက်ထဲက ဦးမင်းသန့်ရိူင်းရဲ့ တစ်ဦးတည်းသောသားပဲ"
အိမ်ထဲဝင်ဝင်ချင်းဆိုလိုက်သော ကောင်းကင်စကားကြောင့် စေတန်ခြေလှမ်းတွေ တုန့်ခနဲ့ရပ်သွားပြီး အကြည့်ကကောင်းကင်ထံ စူးခနဲ့ရောက်သွားတော့သည်။
ကောင်းကင်က ခေါင်းတစ်ချက်ညိတ်ရင်း
"ငါ့အသိသတင်းထောက်တစ်ယောက်ကို စုံစမ်းခိုင်းလိုက်တာ သိပ်အချိန်ပေးစရာ မလိုလိုက်ဘူး ငါ့သတင်းထောက်က နက်ရိူင်းမြေကို အရင်ကတည်းကသိနေတယ် နာမည်ကြီးစီးပွားရေးလုပ်ငန်းရှင်ရဲ့ တစ်ဦးတည်းသောသားမို့လေ ဟိုကလေးမရဲ့ နက်ရှိုင်းမြေနဲ့ လူမမှားလောက်ပါဘူး ဘာလို့လဲဆိုတော့ သူ့အဖေက ဒီဇာတ်လမ်းရဲ့ဇာတ်ဆောင်တစ်ယောက် ဖြစ်ခဲ့တဲ့ ဦးမင်းသန့်ရှိုင်း ဖြစ်နေလို့ပဲ"
"အဲဒီတော့..............."
"သူတို့လည်း ကြာဖြူကိစ္စနဲ့ ဒီရောက်လာတယ်ထင်တယ် မိုးနတ်ခရာ ပါးစပ်ကထွက်လာတဲ့ ကြာဖြူဆိုတဲ့နာမည်က သာမာန်တိုက်ဆိုင်မှု မဖြစ်နိုင်ဘူးလေ"
စေတန်ကဘာမှမတုန့်ပြန်ဘဲ မျက်မှောင်ကုပ်ပြီး ငြိမ်နေသည်။ ကောင်းကင်က စေတန်ကို စေ့စေ့ကြည့်ပြီး
"တစ်ခုထူးဆန်းတာက ဦးမင်းသန့်ရှိုင်းရဲ့မျိုးဆက်က နက်ရှိုင်းမြေတစ်ယောက်တည်းရှိတာတဲ့ မိုးနတ်ခရာဆိုတဲ့နာမည်ကို သူတို့အသိုင်းအဝိုင်းမှာ မကြားမိဘူးတဲ့ အဲ့ဒီကလေးမနဲ့နက်ရိူင်းမြေ မောင်နှမမဟုတ်တာတော့ သေချာတယ်"
စေတန်မျက်နှာပေါ်တွင် အလိုမကျသော အရိပ်အယောင်တို့က အထင်းသားပေါ်လာပြီးနောက်
"မင်းသတင်းထောက်ကို ဆက်ပြီးစုံစမ်းခိုင်းလိုက်ပါ မိုးနတ်ခရာက အဲ့ဒီကောင်အိမ်နဲ့ဘယ်လိုပတ်သတ်လဲဆိုတာ အသေးစိတ်ငါသိချင်တယ် ငွေဘယ်လောက်ကုန်ကုန် သူတောင်းတာထက် ဆယ်ဆငါပေးမယ် ၂ရက်အတွင်း အဖြေငါသိချင်တယ်"
ပြောပြီးဘာတုန့်ပြန်မှုမှမစောင့်ဘဲ ချာခနဲ့ထွက်သွားတော့ သူတို့အားလုံး သက်ပြင်းကိုယ်စီချမိတော့သည်။
အရာရာကိုငွေတစ်ခုတည်းနှင့် ဖြေရှင်းနိုင်မည်ဟု ပုံသေထင်မှတ်ထားသည်။ တကယ်လည်း စေတန်ဘဝမှာ ဖြစ်ချင်သည်မှန်သမျှ ငွေနှင့်လမ်းခင်းခဲ့သည်ကို..
သို့သော်ငွေနှင့်လမ်းခင်းယူ၍မရသည့် အရာသည် တစ်ခုမဟုတ်တစ်ခုရှိနေသည်ကို တစ်နေ့စေတန်သိပါစေတော့...
"စုံစမ်းပေးလိုက်ပါ သူ့အတွက်အရေးကြီးနေပုံပဲလေ"
ငြိမ်သက်နေရင်မှအေးစက်စွာ ဆိုလိုက်သူက စိမ်း။ မို့ကစိမ်းကိုကြည့်ပြီး ခေါင်းရမ်းလိုက်ရင်းနှင့်
"နင့်ကိုငါနားမလည်တော့ဘူး စိမ်း"
စိမ်းတစ်ချက်ပြုံးလိုက်ပြီး ဘာမှမတုန့်ပြန်ဘဲ အပြင်ထွက်သွားတော့သည်။ ကမ္ဘာက စိမ်းနောက်ကနေလိုက်လာပြီး
"စိမ်း...."
"......."
"နင်ဘယ်သွားမလို့လဲ"
"ဟိုနားဒီနားလမ်းလျှောက်မလို့ပါ အခန်းထဲပဲနေရတာ ငြီးငွေ့လာလို့လေ"
"နင်တကယ်ဘာမှမဖြစ်ဘူးလား"
စိမ်းပြုံးမိပြန်ပြီထင်သည်။ ကမ္ဘာကို လှည့်မကြည့်ဘဲ
"သူစိတ်ချမ်းသာနေတာမြင်ရရင်ကိုက ငါ့အတွက် ပျော်ရွှင်ခြင်းအစစ်အမှန်ပဲကမ္ဘာ မစိုးရိမ်နဲ့..."
"ဒါပေမယ့်..."
"ငါတစ်ယောက်တည်းနေချင်တယ်"
ကမ္ဘာသက်ပြင်းချလိုက်မိသည်။ စိမ်းကျောပြင်လေးကို ငေးစိုက်ကြည့်မိလျက်နှင့်
"ဟုတ်ပါပြီ အဝေးကြီးမသွားနဲ့ဦး ပြီးတော့ သိပ်မမှောင်စေနဲ့နော်"
ခေါင်းလေးညိတ်ပြရင်း စိမ်းထွက်သွားတော့ သူတွေတွေလေးရပ်ပြီးကျန်ခဲ့သည်။ ရင်ထဲတွင်တော့ အက်ရာအချို့နှင့်....
မင်းရဲ့မပျော်ရွှင်ခြင်းတွေကရော ငါ့ကိုစိတ်မချမ်းသာစေတဲ့ အရာတစ်ခုဆိုတာ ဘာလို့များမသိနိုင်ခဲ့သလဲ စိမ်းရယ်
သူ့ရင်ထဲကဆွေးမြည့်သံကိုတော့ စိမ်းကြားနိုင်မည် မထင်ပါ။ ဘယ်သောမှလည်း ကြားမည်မဟုတ်ဘူး ထင်ပါရဲ့.....
ကမ္ဘာကိုချန်ထားပြီး စိမ်းတစ်ယောက်တည်း ကမ်းခြေဘက်ခြေဦးတည့်ရာ လျှောက်နေမိသည်။
ပင်လယ်သည်နေရောင်လက်လက်အောက်တွင် လှပနေဆဲ...
ကောင်းကင်သည်လည်း မိုးသားကင်းစင်လျက် လှပနေဆဲ...
ခပ်ပါးပါးတိုက်ခတ်နေသည့် လေပြေတွင်ပင် နူးညံ့ခြင်းတွေနှင့်...
သို့သော် သူမရင်ထဲတွင် ထိုအလှတရားတို့ ရှိမနေနိုင်ခဲ့ပါ။ ထိုအလှတရားတို့က သူမ၏မွန်းကျပ်ခြင်းတို့ကို ဖြေမချနိုင်ခဲ့ပါ။
ရင်တစ်ခုလုံးဟာနေခဲ့ပြီး သူမသည် စိတ်နှင့်ကိုယ်ပင် မကပ်နိုင်တော့ပါ။ သူမမျက်ဝန်းထဲတွင် စေတန်။ ပြီးတော့ ဘယ်ကမှန်းမသိရောက်လာသည့် မိုးနတ်ခရာ...
ဒါတွေနှင့်ရူပ်ထွေးနေရင်း ရင်ထဲဘာဖြစ်လို့ဖြစ်မှန်း မသိအောင်ပင် တင်းကြပ်နေမိသည်။
ရင်းနှီးသလိုဖြစ်နေမိသည့် ကောင်မလေး၏ မျက်နှာကြောင့်လား ဒါမှမဟုတ် ထိုကောင်မလေးနှင့်မျှ ထူးဆန်းစွာနူးညံ့နေသည့် စေတန့်အပြုအမူကြောင့်လား...
တစ်ယောက်တည်း ဘယ်လောက်ထိ မွန်းကျပ်ရူပ်ထွေး နေမိသည်မသိ။ သူမအတော်လေး စိတ်လွတ်သွားသည်မှာ အမှန်။ တစ်စုံတရာကိုဝင်တိုက်မိသည်အထိ...
"ဟာ ဟိတ်... တိုက်မိတော့မယ်"
"အမေ့...."
အလန့်တကြား တားမြစ်သံနှင့်အတူ လှဲပြိုကျသံတွေပါ တပြိုင်နက်ကြားလိုက်ရမှ စိမ်းဖျတ်ခနဲ့ အသိဝင်လာပြီး
"အို.... ဒုက္ခပါပဲ..."
ကြည့်လိုက်မိတော့ အတော်လေး အားနာသွားမိသည်။ ပန်းချီစုတ်တံကိုင်ပြီး သူမကိုဒေါသထွက်ဟန်ဖြင့် စိုက်ကြည့်နေသည့် လူတစ်ယောက်...
ပြီးနောက် သူမရှေ့တွင်လှဲပြိုကျသွားသည်က ထောက်စင်တွေနှင့်ပန်းချီကားတစ်ချက်....
သွားပြီ.... စိမ်းဟာ တွေဝေမိန်းမောပြီး ဘာမှသတိမထားမိဘဲ ပန်းချီဆွဲနေသည့်လူတစ်ယောက်ကို ဘလိုင်းကြီး ဝင်တိုက်လိုက်မိပါလား ....
ပိုဆိုးသည်က လူကိုတိုက်တာမဟုတ်။ ပန်းချီကားတည့်တည့်ကိုတိုက်ချလိုက်ခြင်းဖြစ်ရာ
ဆွဲလက်စဖြစ်ဟန်တူသည့် ပန်းချီကားက သဲသောင်ပြင်ပေါ်တွင် မှောက်လျက်သားနှင့်..။
"မင်းကွာ ဒီလောက်အရှင်းကြီးကို မမြင်ရအောင်ကန်းနေသလား "
"ဟို... စိမ်းတောင်းပန်ပါတယ် တကယ်တောင်းပန်ပါတယ် တမင်တိုက်တာမဟုတ်ပါဘူး"
"မင်းဟာက တမင်တိုက်နေသလိုပဲကွာ ငါပန်ချီးဆွဲနေတာကို တိုက်ချသွားတာ မမြင်တာလုံးဝမဖြစ်နိုင်တာ"
သူကအလိုမကျစွာအပြစ်တင်စကားဆိုတော့ စိမ်းတကယ်ပင်အားနာစွာဖြင့်...
"တမင်လုပ်သလို ဖြစ်သွားတာ စိမ်းထပ်တောင်းပန်ပါတယ် ဒါပေမယ့် စိမ်းတကယ်ဘာမှမမြင်မိတာပါ အရမ်းစိတ်ရူပ်နေမိလို့ ပတ်ဝန်းကျင်ကို သတိလက်လွတ်ဖြစ်သွားတာပါ"
သူသည် အမှန်တကယ်ပင် အားနာစွာ တောင်းပန်နေသော ကောင်မလေးကိုကြည့်ပြီး စိတ်ဆိုးရခက်ခက် ရယ်ရခက်ခက် ဖြစ်မိသည်။
သူဒေါသထွက်ခဲပါသည်။ အခုဟာက အတော်လေး စိတ်တိုဖို့ကောင်းသည့် အခြေနေဖြစ်နေ၍ပင်။
ဘယ်နှယ့်.... သောင်ပြင်အကျယ်ကြီး လူရှင်းရှင်းနေရာတွင် စိတ်လိုလက်ရ ပန်းချီဆွဲနေသည်ကိုမှမမြင်ဘဲ သူ့ပန်းချီကား တည့်တည့်တိုက်ချပစ်သည်...။
တမင်တိုက်လိုက်လိုဟန်တော့ ရှိပုံမရ။ တမင်လုပ်လိုက်ရအောင်လည်း သူနှင့်သူမက အခုမှဆုံဖူးသည်။
သူမဆိုသလို အတွေးလွန်နေပုံရသည်။ သို့သော် ဘယ်လောက်တောင် အတွေးလွန်နေသည်မသိ... သေစရာကိစ္စဆိုမျိုးဆို မတွေးဝံ့စရာပင်။
တောင်းတောင်းပန်ပန်နှင့်ဆိုရှာသော သူမကြောင့် သူစိတ်လျှော့ချလိုက်ပြီး...
"မင်းအတွေးလွန်နေတာကလည်း အန္တာရယ်ကြီးလိုက်တာ အခုတော့ဈာန်ဝင်တုန်း တစ်ညနေခင်းလုံး ပန်းချီဆွဲထားတာတွေတော့ သွားရှာပြီထင်တယ် ဆေးကခြောက်သေးမှာ မဟုတ်ဘူး"
သူ့စကားကြောင့် စိမ်း မှောက်လျက်ကျသွားသည် ပန်းချီကားကို သတိထားမိလိုက်ပြီး အလွန်ပဲအားနာသွားမိကာ
"အို... ဟုတ်ပါရဲ့ တကယ်အားနာဖို့ကောင်းလိုက်တာ"
အားနာစိတ်ဖြင့် ယောင်ယောင်မှားမှားနဲ့ သူမထိုင်ချလိုက်ပြီး ပန်းချီကားကို ကောက်ယူပေးဖို့ပြင်လိုက်သည်။ သို့သော် ပန်းချီကားကို သူမဖက်လှည့်ကြည့်မိလိုက်စဉ်...
"ဟင်...."
သူမလက်တွေအကြောသေသွားသကဲ့သို့ တုန့်ခနဲ့ရပ်သွားသည်။ ဒီပန်းချီကားက သူမမျှော်လင့်သလို ပင်လယ်နေဝင်အလှကို ရေးဆွဲထားသည့် ပန်းချီကားမဟုတ်..။
အရှေ့ကရူးခင်းနှင့် ဘာမှမသက်ဆိုင်စွာ ရေးဆွဲထားသည့် ပန်ချီကားတစ်ချပ်။
စိမ်းလဲ့လဲ့ ကန်ရေပြင်ကျယ်ကြီးနှင့် အဖြူရောင်ကြာပန်းတစ်ပွင့်....
ထိုကန်ရေပြင်ကို ငေးမောနေသည့် အဖြူရောင်မိန်းကလေးတစ်ယောက်၏ ကျောပြင်ကဆွဲလက်စ....
လှပသောကောက်ကြောင်းတို့က ပန်းချီကားထဲမှပင် အထင်သားပေါ်နေသည်။ လက်ရာဝင်လွန်းသော ဆွဲချက်များကြောင့် ပန်ချီးဆွဲထားသည်ဟုပင် မထင်ရအောင် ရုန်းကြွနေတော့ရာ....
"ဒါ.....ဒါက..."
ရုတ်ချဉ်းပင် အလွန်ထိတ်လန့်အံ့သြသွားဟန်ရှိသော သူမမျက်နှာကြောင့် သူနားမလည်စွာဖြင့်...
"ဘာဖြစ်လို့လဲ..."
"ကြာဖြူ..."
"ဘယ်လို...."
ဒီတစ်ခါ အံ့သြသွားရသူက သူပင်။ ပြောင်းလဲသွားသည့် သူမမျက်နှာအရိပ်တွေကို နားမလည်စွာရှိနေတုန်း သူမနူတ်ဖျားမှ ထွက်ကျလာသော နာမည်တစ်ခုကြောင့် ပို၍အံ့သြသင့်သွားရကာ
"မင်းဘာပြောလိုက်သလဲ..."
သူမ မဖြေပါ။ ပန်းချီကားကို ရုတ်တရက်မြင်လိုက်တော့ အံ့သြစွာ ငေးစိုက်ကြည့်နေရင်းမှ သတိဝင်လာတော့ ကပျာကယာထရပ်လိုက်ပြီး သူလက်ထဲ အတင်းထိုးပေးလိုက်ပုံက ကြောက်အားလန့်အားဟန်နှင့်။
"ပန်းချီကားနဲ့ရှေ့ကရူးခင်းနဲ့ တစ်ခြားစီပါလား ရှင်ဘာကိုတွေးပြီးဆွဲနေသလဲဟင်"
"အင်း ကိုယ့်စိတ်ထဲပေါ်နေတဲ့ အရာတစ်ခုကိုပေါ့ ဒါနဲ့ ဒီပုံက ဘာပြသာနာရှိလို့လဲ...."
"ဟင့်အင်း...."
သူမခေါင်းခါလိုက်သည့်တိုင် တဆက်ဆက်တုန်ရီနေသည့် သူမနူတ်ခမ်းတွေက ပုံမှန်မဟုတ်သည်ကို သူသတိပြုလိုက်မိသည်။
မူမမှန်သော မျက်ဝန်းတို့နှင့် သူမကသူ့ကို ဖျတ်ခနဲ့မော့ကြည့်ရင်း
"ရှင်က...ဘယ်သူလဲ.."
"ကိုယ်ဘယ်သူလဲဆိုတာ မင်းသိဖို့လိုအပ်နေလို့လား"
သာမာန်ဆို သူ့စကားတွေကစိမ်းအတွက် ရင့်ကောင်းရင့်နေပါလိမ့်မည်။ သို့သော် ခုချိန်က သူမအတွက်စိတ်အလွန်လူပ်ရှားနေချိန်မို့ ခေါင်းသာခါရမ်းလိုက်ပြီး
"ဟင့်အင်းအဆင်ပြေပါတယ် ကိစ္စမရှိပါဘူး ကျွန်မသွားလိုက်ပါဦးမယ်.."
ပြောပြောဆိုဆိုနှင့် လှည့်ထွက်သွားဖို့ပြင်ပြီးမှ သူမချာခနဲ့ ပြန်လှည့်လာပြန်ပြီး...
"ပန်းချီကားအတွက် တောင်းပန်ပါတယ်နော် ဒါပေမယ့်အပန်းမကြီးရင် ရှင့်ကိုကျွန်မသိလို့ရမလား တစ်ခြားဘာကိစ္စမှ မဟုတ်ပါဘူး ဒီပန်းချီကားက ပုံပြင်တစ်ပုဒ်နဲ့တူနေလို့ပါ"
"ပုံပြင်တစ်ပုဒ်..."
"ကျွန်မ မရှင်းပြတတ်ဖူး ရှင်ဒါနဲ့ရင်းနှီးနေရင် ရှင့်ကိုနားမလည်အောင် ရူပ်ထွေးစေမယ့် ပုံပြင်ဆန်ဆန်အရာတွေကို တစ်ခြားသူကို ရှင်ရှင်းပြဖို့ခဲယဉ်းနေလိမ့်မယ်ဆိုတာ ရှင်သိမှာပါ ဘာဖြစ်ဖြစ် ရှင့်ပုံစံအရဒီကမဟုတ်တာတော့ သေချာတယ် အပန်းမကြီးရင် ရှင့်နာမည်လေးပြောပြပါလား..."
သူသည်ဘာပြောလို့ပြောမှန်း နားမလည်အောင် ရူပ်ထွေးစေသည့် မိန်းကလေးကို တစ်ချက်စိုက်ကြည့်ပြီး ပုခုံးတွန့်မိသည်။ သူမဘာကိုပြောနေမှန်း သူမသိပါ..
သို့သော်နာမည်တစ်လုံး ပြောပြလိုက်ဖို့ သိပ်ခက်ခဲပင်ပန်းသည့် ကိစ္စမဟုတ်သည်မို့...
"ကိုယ့်နာမည် ဈာန်ည ရန်ကုန်မှာနေတယ် ဒီကိုကိစ္စတစ်ခုကြောင့်ရောက်လာတယ် ကဲဘာထူးခြားသွားလဲ ကိုယ့်ကိုသိနေလို့လား"
"ဟင့်အင်း... ကျွန်မက ဒဏ္ဍာရီစိမ်းပါ ကျေးဇူးတင်ပါတယ် ခွင့်ပြုပါဦးနော်..."
ရော်.... ပြောပြောဆိုဆိုနှင့် လှစ်ခနဲ့ထွက်သွားသည့် ကောင်မလေးကြောင့် သူခပ်ကြောင်ကြောင် ဖြစ်ကျန်ခဲ့ရပြန်သည်။
ဒဏ္ဍာရီစိမ်း.....တဲ့
နာမည်လှလွန်းသကဲ့သို့ လူလည်းလှလွန်းသည်။ ပုံပန်းသွင်ပြင်အရ ဒီကတော့ လုံးဝမဖြစ်နိုင်ပါ။ ရင်းနှီးနေပြီဖြစ်သည့် ရွာခံအသိတစ်ယောက် ပြောစကားအရတော့ ရွာမှာမြို့ကတစ်ခြားဧည့်သည်အဖွဲ့တွေ ရောက်နေသေးသည်တဲ့....
သူမလည်းပဲ ဖြစ်နိုင်ချေရှိသည်။ သို့သော် ပန်းချီကားတစ်ခုအပေါ် သာမာန်ထက် လွန်ကဲသောစိတ်လှုပ်ရှားလွန်းခဲ့သည့် အပြုအမူအရ သူသည်တစ်စုံတစ်ခုကို တွေးလိုက်မိသည်။
သူမဟာ ကြာဖြူ၏ခရီးသည်ပဲလား...
ဈာန်သည် သူမ၏ရူပ်ထွေးသောစကားတို့ကို သေချာနားမလည်သည့်တိုင် သူမနူတ်မှ ကြာဖြူဆိုသည့်နာမည်ကိုတော့ သေချာကြားခဲ့သည် မဟုတ်လား...
ညဏ်ပြေးသူပီပီ ချက်ဆို မီးကအလိုလိုတောက်လာတော့ ပြုံးမိလိုက်သည်။
ကြာဖြူအတွက် တစ်ခြားသော တစ်စုံတစ်ယောက်ကပါ ဒီကိုရောက်နေခဲ့မည်ဆိုပါက ကြာဖြူသည် ပုံပြင်သပ်သပ်ဟုတ်ဟန်မတူတော့ပါ။
ပုံပြင်မဟုတ်သော အမှန်တရားက ရှာဖွေရပိုလွယ်သည် မဟုတ်လား...
အတွေးဖြင့် သူပစ္စည်းတွေပြန်ကောက်သိမ်းပြီး အခန်းရှိရာသို့ ပြန်လာလိုက်သည်။ နေဝင်လုဖြစ်နေချိန်မို့ ဝန်းကျင်က လှပလွန်းနေဆဲဖြစ်ရာ အခန်းမအောင်းချင်သေးသဖြင့် ပစ္စည်းတွေပြန်ထားပြီး ရွာဖက်သို့ ထွက်လာလိုက်သည်။
ရက်ပိုင်းမျှသာရှိသေးသော်လည်း သူနှင့်အတော်ရင်းနှီးနေပြီဖြစ်သည့် ဦးနေဇင်အိမ်သို့ခြေဦးလှည့်လာလိုက်သည်။ ဦးနေဇင်အိမ်က ရွာအစွန်တွင်မို့ သူနေသည့်နေရာနှင့် သိပ်မဝေးလှပါ။ သူပျင်းတဲ့အခါတိုင်း အလာပသွားပြောနေကျပင်။
ဦးနေဇင်ကရွာ၏ကျန်းမာရေးမှူးတစ်ယောက် ဖြစ်သည့်ပြင် ပရဆေးဖက်တွင်လည်း အတော်ကျွမ်းကျင်သည်။ သူနှင့်တွေ့သည့်အခါတိုင်း ထူးဆန်းသည့်ကိစ္စနှင့် သိပ္ပံနည်းမကျသော အခြားဆန်းကြယ်သည့် ဆေးပညာတွေပါသိခွင့်ရသဖြင့် သူ့အတွက် စိတ်ဝင်စားစရာကောင်းစေသည့်ပြင် ဗဟုသုတပါ တိုးစေသည်။
ဦးနေဇင်အိမ်ရောက်တော့ ဦးနေဇင်ကို အိမ်ပြင်ကွတ်ပျစ်ပေါ်တွင် ငူငူကြီးထိုင်နေသည်ကို တွေ့လိုက်ရသဖြင့်..
"ဗျို့... ဦးလေး ဘာတွေတွေးပြီးမိူင်နေရသလဲ"
သူ့အသံကြားမှ သူရောက်နေသည်ကို သတိပြုမိဟန် ရှိသည့် ဦးနေဇင်က..
"ဆေားရီးဗျာ မောင်ရင်ရောက်နေတာ မမြင်လိုက်ဘူး ကျုပ်မှာ အတော်လေး စိတ်ရူပ်နေရလို့..."
"ဘာတွေဖြစ်နေလို့လဲဗျာ ကျွန်တော်လည်း ကူဖြေရှင်းပေးလို့ရရင် ဖြေရှင်းပေးချင်တယ်..."
သူဦးနေဇင်ဘေးတွင် ဝင်ထိုင်ပြီးဆိုတော့ ဦးနေဇင်က ခေါင်းတစ်ချက်ခါရမ်းလိုက်ရင်း
"မောင်ရင့်စေတနာကို သိပါတယ် ဒါပေမယ့် ဒီကိစ္စက မောင်ရင်မပြောနဲ့ ကျုပ်တောင်စဉ်းစားမရတာ အတော်စိတ်ရူပ်ရတယ် မောင်ရင်သိချင်ရင် လာအထဲလိုက်ခဲ့..."
ပြောရင်းထပြီးအိမ်ထဲဝင်လိုက်တော့ သူပါလိုက်ဝင်လိုက်သည်။ ဘာမှန်းမသိသေးသည့်တိုင် အိမ်ထဲဝင်ဝင်ချင်း ဘုရားစင်ရှေ့တွင် မေ့မျောနေသလား အိပ်နေသလားမသိသည့် မိန်းကလေးငယ်တစ်ယောက်ကို မြင်လိုက်ရတော့ သူအံ့သြသွားမိသည်။ ထိုထက်ပို၍ အံ့သြစေသည်က...
"ဟင်.... ခရာ "
နုနယ်လှပလွန်းသော ဒီမျက်နှာလေး။ သူလုံးဝမမှားနိုင်ပါ။ မျက်နှာလေးညှိုးနွမ်းကာ အိပ်မောကျနေသည့်တိုင် ဒီအလှတရားတို့က ဆုတ်ယုတ်မသွား။ သူအံ့သြလွန်းစွာဖြင့်...
"ဦး...သူ သူက ဘယ်လိုဖြစ်ပြီး..."
ဦးနေဇင်က သူ့မျက်နှာကို တစ်ချက်အကဲခတ်လိုက်ရင်းမှ
"မောင်ရင် သူနဲ့သိနေသလား"
"သိတယ် ဒါပေမယ့် အရမ်းသိတာလည်းမဟုတ်ဘူး သိရုံသိတာ ကဲပါ ဒါကအရေးမကြီးဘူး သူသတိလစ်နေပုံရတယ် ဘာဖြစ်လို့လဲဗျာ"
"မြွေပေါက်ခံရလို့ပဲ မောင်ရင်.."
"ဗျာ..."
"ဟုတ်တယ် သူ့အတွက် ညစာသွားပို့ပေးနေရတဲ့ ကောင်လေးတစ်ယောက်က အိမ်ပြင်မှာသတိလစ်နေတာမြင်တော့ ဦးကိုပြေးလာခေါ်တာပဲ ကြည့်ရတာ သူနာရီဝက်အတွင်း မြွေပေါက်ခံထားပုံရတယ်"
ဦးနေဇင်စကားကြောင့် သူစိုးရိမ်စိတ်ဖြင့် သူမအနားတွင် မုဆိုးဒူးထောက်ထိုင်ချလိုက်ပြီး
"နာရီဝက်အတွင်းတောင် သူဘာဖြစ်သွားသေးလဲ"
"အဲ့ဒါထူးဆန်းတာပဲ မောင်ရင်..."
ဦးနေဇင်က ပကတိအိပ်မောကျနေသည့်အလား သွေးရောင်လွှမ်းခြုံနေသည့် ခရာ့မျက်နှာကို စိုက်ကြည့်နေရင်းနှင့်
"မြွေပေါက်ခံရပေမယ့် သူ့မှာမြေပေါက်ခံရရင် ဖြစ်တတ်တဲ့လက္ခာဏာတွေမပြဘူး ဥပမာ တစ်ကိုယ်လုံး ပြာနှမ်းလာတာတို့ပေါ့ ပုံမှန်လူအတိုင်းပဲ ပြီးတော့ ဒီကလေးမလေးကို ဒီမနက်မှာတင် ကျုပ်ဆေးကုပေးခဲ့သေးတယ်"
"ဆေးကုတယ်.."
"ဟုတ်တယ် သူမြင်းနဲ့တိုက်မိလို့ ဒဏ်ရာရသွားတယ် ခြေထောက်တွေယောင်နေသေးတယ် ဒါပေမယ့် အခုအဲ့ဒီ့ဒဏ်ရာကို လုံးဝမတွေ့တော့ဘူး ခဏလေးနဲ့ ပျောက်သွားစရာအကြောင်းမရှိဘူး ထူးဆန်းတယ်"
"ကျွန်တော် သိပ်နားမလည်ဘူးဦး သူ့ကိုမြွေပေါက်တာရော ဟုတ်ရဲ့လားဗျာ သူကြည့်ရတာအိပ်နေတဲ့အတိုင်းပဲ..."
"သိပ်ဟုတ်တာပေါ့ ဒီမှာ မြွေပေါက်ခံရတဲ့ဒဏ်ရာ"
ဦးနေဇင်က ပြောပြောဆိုဆိုနှင့် သူမဂါဝန်စလေးကို အသာဖယ်လိုက်ပြီး ခြေသလုံးရင်းမှာ အပေါက်နှစ်ပေါက်နှင့်အတူ ညှိုမည်းနေသည့်ဒဏ်ရာကို သူမြင်အောင်ပြလိုက်သည်။ တကယ်လည်း မြွေပေါက်ခံရသည့် ဒဏ်ရာပင်။ သူစာရေးဆရာ တစ်ယောက်အနေနှင့် ဒီလောက်တော့ ဗဟုသုတရှိပါသေးသည်။ သူဘာပြောရမှန်းမသိအောင် မှင်သက်နေရင်းမှ
"မြွေက အဆိပ်မရှိတဲ့မြွေဖြစ်နေရင်ရော..."
သူစကားကြောင့် ဦးနေဇင်က အဓိပ္ပါယ်ပါပါပြုံးလိုက်ပြီး
"မောင်ရင်မသိလို့ပါ ဒီမြွေမျိုးက အဆိပ်ဖြေဆေးမရှိတဲ့ထိ အဆိပ်ပြင်းတဲ့မြွေပဲ ပေါက်ခံလိုက်ရရင် အလွန်ဆုံး၁၅မိနစ်ပဲ ဘာနဲ့မှကုမရဘူး ဒီ၁၅မိနစ်ကလည်း မချိမရိခံစားပြီး သေသွားဖို့ပေးသလိုပဲ ချက်ချင်းမသေဘူး အပေါက်ခံရပြီဆို မင်းလုပ်ရမှာက သူသေတာကို စိတ်ခိုင်ခိုင်နဲ့ ထိုင်ကြည့်ရုံပဲ"
"ဒါဆိုရင်...."
"ဒီကလေးမလေးက ခုထိဘာမှမဖြစ်ဘဲ အိပ်နေသလိုဖြစ်နေတာ ကျုပ်အတွက်ထူးဆန်းနေလို့ အတွေးရကျပ်နေတာပေါ့ မောင်ရင်ရယ် ဒီမှာ သူအပေါက်ခံလိုက်ရတဲ့ ဒဏ်ရာကို သေချာ ကြည့်လိုက်စမ်း.."
ဦးနေဇင်စကားကြောင့် သူ သူမမြွေပေါက်ခံရသည့်ဒဏ်ရာကို သေချာစိုက်ကြည့်လိုက်မိသည်။ ဖြူနုနေသော အသားအရည်ပေါ်တွင် ဒဏ်ရာအညှိုကွက်ကြီးက အထင်းသားပင်။ သို့သော်သေချာကြည့်မှ ထူးဆန်းစွာမြင်လိုက်ရသည်က...
မြွေပေါက်ခံရသည့် ဒဏ်ရာဝန်းကျင်တွင်ပေါ်နေသည့် ခရမ်းပုပ်ရောင်အကွက်တို့က သာမာန်ပုံမဟုတ်ပါ။ တစ်စုံတစ်ခုသောအရာနှင့် ခပ်ဆင်ဆင်တူနေသည်။ ထိုအရာကား....
"ဒါက...ဒါကကြာရွက်ပုံနဲ့ တူလိုက်တာဗျာ "
သူအံ့သြသင့်စွာလွတ်ခနဲ့ဆိုမိတော့ ဦးနေဇင်က ခေါင်းတညိတ်ညိတ်နှင့်....
"ကျုပ်တစ်သက်မှာ ဒီလိုဒဏ်ရာမျိုးနဲ့ မြွေပေါက်ခံရတဲ့သူကို တစ်ယောက်ပဲတွေ့ဖူးတယ် လွန်ခဲ့တဲ့၁၅နှစ်ကျော်ကျော်လောက်ဖြစ်မယ်ထင်တယ် အဲ့ဒီ့တုန်းကကျုပ်ကိုဆေးပညာသင်ပေးခဲ့တဲ့ ဆရာကြီးပြောခဲ့ဖူးတယ် ဒီမြွေမျိုးနဲ့ ပတ်သတ်တဲ့ အကြောင်းအရာတစ်ခုပေါ့ "
ဦးနေဇင်ကရုတ်တရက်စကားကို ရပ်လိုက်ပြီး..
"ဒါက မောင်ရင့်လို မြို့ကြီးသားတစ်ယောက်အတွက် ရယ်စရာပုံပြင်များ ဖြစ်မနေလားဘဲ မောင်ရင် ယုံရခက်မှာအမှန်ပဲ"
"ကျွန်တော်ခေတ်ပညာတတ် တစ်ယောက်ဖြစ်ပေမယ့် ရှေးထုံးတွေ မပယ်ထားပါဘူး တစ်ချို့သိပ္ပံပညာနဲ့ ဖြေရှင်းမရတဲ့ သဘာဝလွန်ဖြစ်ရပ်တွေကို အတိုင်းအတာတစ်ခုထိ လက်ခံယုံကြည်ထားပါတယ် "
သူစကားကြောင့် ဦးနေဇင်ကခေါင်းညိတ်ပြီး စကားပြန်ဆက်တော့သည်။
"ဒီမြွေမျိုးက ဘာအမျိုးအမည်ရယ်လို့တော့ တပ်လို့မရဘူးတဲ့ အဆိပ်သိပ်ပြင်းတယ် ဒဏ္ဍာရီအဖြစ်တစ်ခုကနေ ဖြစ်တည်လာတယ် ကျိန်စာတွေနဲ့ဆက်စပ်နေတယ်"
"ဗျာ...."
"ဟုတ်တယ် သူ့ကိုဘယ်နေရာမှ ရှာမတွေ့ဘူး ဒါပေမယ့်သူနဲ့သက်ဆိုင်တဲ့လူ ဒါမှမဟုတ် အကြောင်းကံစပ်တဲ့လူဆို ဒီမြွေမျိုးကို ကြုံတွေ့ရတတ်တယ် ဒီဒေသကလူတွေကတော့ ဒီမြွေကိုသိပ်ကြောက်ကြတယ် ဒီမြွေထွက်လာပြီဆို ကျိန်စာဆိုးတစ်ခု နိုးထလာပြီလို့ ယုံကြည်ကြတယ် မကောင်းတဲ့အရာတစ်ခုခု ဆိုက်ကပ်လာတတ်တယ် ပြောကြတယ်"
"ဒါနဲ့ ဦးကြုံတွေ့ခဲ့ရတဲ့လူနာ ဘာဖြစ်သွားလဲ "
သူစိတ်ဝင်တစားမေးလိုက်တော့ ဦးနေဇင်သည်အတိတ်ပုံရိပ်တို့ကို မြင်ယောင်လာမိဟန်ဖြင့် စိတ်မကောင်းသွားပုံရသည်။ အတန်ကြာငြိမ်နေပြီးမှ လေးလေးပင်ပင်ဖြင့်
"ထူးဆန်းသလို ကြောက်စရာလည်းကောင်းတယ် မြွေပေါက်ခံရပေမယ့် မီးလောင်တဲ့ဒဏ်ရာကွက်တွေပေါ်ပြီး အာ့ဒီလူကပူတယ်လို့ ထပ်ခါထပ်ခါအော်ပြီး မချိမရိသေသွားခဲ့တယ် သူသေသွားတော့လည်း သူ့ကိုယ်မှာ မီးလောင်ကွက်တွေ စွန်းကျန်ခဲ့တယ် အတော်ခံစားပြီး သေသွားရရှာတယ်"
"စိတ်မကောင်းစရာပဲဗျာ"
"နောက်ပြီး ထူးဆန်းတာတစ်ခုက သေသွားတဲ့ညမှာပဲ သူ့အလောင်း ပျောက်ချင်းမလှပျောက်သွားတယ် "
"ဗျာ..."
"ဟုတ်တယ် တစ်ချို့လူတွေမြင်လိုက်တာတော့ မြွေအကြီးကြီးတစ်ကောင်ပတ်ပြီး အလောင်းကိုယူသွားတယ်တဲ့ ဟုတ်မဟုတ်တော့မသေချာဘူး အကြောက်တရားတွေကြောင့် ချဲ့ကားပြီး ပြောတာလည်း ဖြစ်နိုင်ပါတယ်"
"အတော်ထူးဆန်းတဲ့အဖြစ်တွေပဲ တော်ရုံလူဆို ယုံနိုင်မယ်မထင်ဘူး ပုံပြင်ပြောတယ်ထင်နေမှာ"
"သိပ်မှန်တာပေါ့ငါ့တူ ဒီဒေသမှာဖြစ်တည်နေတဲ့ ထူးဆန်းမူတွေက မင်းတို့တွေသင်ယူခဲ့တဲ့ စာအုပ်ကြီးတွေနဲ့တိုင်းတာပြီး အမှန်တရား ဟုတ်မဟုတ်သတ်မှတ်လို့မရဘူးကွယ် သဘာဝလွန်ဖြစ်ရပ်တွေဆိုတာ ခေတ်မှီတိုးတက်နေပါတယ်ဆိုတဲ့ နိုင်ငံကြီးတွေမှာတောင် ရှိနေသေးတယ်"
"ကျွန်တော် ဒါကိုလက်ခံထားပါတယ်"
"နောက်ထူးဆန်းတာတစ်ခုက တိုက်ဆိုင်သလား ဒါမှမဟုတ် ဒဏ္ဍာရီအရ ကျိန်စာကြောင့်ပဲလားမသိဘူး အဲ့ဒီလူသေသွားပြီးနောက်ပိုင်းမှာ မကြာလိုက်ဘူး သူ့ရွာတစ်ရွာလုံး ကပ်ဆိုးတွေကျပြီး ပျက်ဆီးသွားခဲ့တယ်"
"ဗျာ... တစ်ရွာလုံးပျက်ဆီးခဲ့တယ်"
"အခြားအကြောင်း ကိစ္စတစ်စုံတရာရှိမယ် ထင်တယ် အဲ့တုန်းက ဦးကဧည့်သည်ပဲဖြစ်သေးတယ် ဘာမှသေချာမသိဘူး တကယ်တော့ ဦးကဒီဒေသခံမဟုတ်ဘူးကွဲ့ ရန်ကုန်သားတစ်ယောက်ပဲ "
"အော်... ကျွန်တော်တွေးမိပါတယ် ဦးကဒေသခံနဲ့မတူဘူးဆိုတာ အကြောင်းတစ်ခုကြောင့် ဒီမှာဇာတ်မြှပ်နေတာဖြစ်မယ်လို့ တွေးခဲ့သေးတယ် အကြောင်းမတိုက်ဆိုင်လို့ မမေးဖြစ်သေးတာ ဒါပေမယ့် ဒီမှာနေခဲ့တဲ့နှစ်တွေတော့ မနည်းတော့ဘူးထင်တယ်"
"ဟုတ်တာပေါ့မောင်ရင်ရယ် ဆယ့်ငါးနှစ်ကျော် နှစ်နှစ်ဆယ်နီးပါးလောက်ကြာခဲ့ပြီ ဦးကရန်ကုန်မှာ ဆွေမရှိမျိုးမရှိတစ်ကောင်ကြွက်ပါ မိဘမဲ့ဂေဟာကနေလူဖြစ်လာတယ် အရွယ်ရောက်တော့ ဝါသနာပါတဲ့ဆေးပညာကို သင်ယူနေရင်း အသိုင်အဝန်းကြီးတဲ့ ကောင်မလေးတစ်ယောက်နဲ့ ချစ်ခဲ့တယ်ဆိုပါတော့ သိတဲ့တိုင်းပဲ သဘောမတူဘူးလေ ဒါနဲ့ဦးတို့ခိုးပြေးတော့ သူဆွေမျိုးသိပြီးလိုက်လာတယ် နှစ်ယောက်သား ကြောက်ကြောက်နဲ့ပြေးရင် ဦးတို့ကားတိုက်ခဲ့တယ် သူကပွဲချင်းပြီးသေသွားတယ် ကံဆိုးသလား ကံကောင်းသလားမသိဘူး ကျုပ်အသက်ရှင်ခဲ့တယ်"
"ဟာဗျာ.. ကျွန်တော့်ကြောင့် စိတ်မကောင်းစရာဖြစ်မိပြန်ပြီထင်တယ်"
သူ့စကားကြောင့် ဦးနေဇင်ကတစ်ချက်ပြုံးလိုက်ပြီး
"ကိစ္စမရှိပါဘူး ဒါတွေကကြာခဲ့ပါပြီ ကျုပ်လည်းစိတ်လေပြီး လေလွင့်နေတုန်း ဆရာကြီးနဲ့တွေ့ပြီး ဆေးပညာဆက်သင်ယူပြီး ဒီဒေသကိုရောက်လာတယ် ဆရာကြီးဆုံးသွားပေမယ့် ပြန်ရမယ့်အိမ်လည်းမရှိတော့ ဒီမှာပဲ အခြေချဖြစ်တယ်ဆိုပါတော့..."
ဦးနေဇင်မှာလည်း အတိတ်နဲ့ပါလား။ သူစိတ်ဝင်စားစွာ နားစွင့်နေပြီးနောက်...
"ကျွန်တော်သိချင်တာတစ်ခုရှိတယ် ဦးပြောတဲ့ အဲ့ဒီ့လူနာရဲ့ရွာတစ်ရွာလုံး ပျက်ဆီးသွားခဲ့တယ်ဆိုတာ အမှန်ပဲလား ရွာခံလူတွေကရော"
"အဲ့ဒါကအမှန်ပဲငါ့တူ အာ့ဒီ့ဒီရွာပျက်က ခုထိရှိသေးတယ်"
"ဗျာ....."
" ဒီကျွန်းနဲ့တော့ အတော်လှမ်းတယ် ဒီကနေ မြောက်အရပ်တည့်တည့်မှာပဲ ရွာပျက်ရှိနေတဲ့ကျွန်းရှိတယ် ဒီနားတစ်ဝိုက်က လူတွေဘယ်သူမှအနားမကပ်ရဲကြဘူး အာ့ဒီ့ကျွန်းက ခုဆို လူသူအရောက်အပေါက်မရှိတာ ဆယ်စုနှစ်ကြာသွားခဲ့ပြီ အာ့ဒီ့နားတဝိုက်က ငါးပေါသလို ပုလဲတို့ငှက်သိုက်တို့လည်း တအားပေါတော့ တစ်ချို့အရဲစွန့်ပြီးသွားတဲ့လူတိုင်း အသက်လုပြီးပြေးလာရတယ်"
"ဘာတွေကြုံတွေ့ရလို့ပါလိမ့်...."
"သူတို့ပြောတာတော့ ကျွန်းပေါ်မှာ တစ်ခါတလေ လူတွေအများကြီးသွားနေတာ တွေ့တယ်တဲ့ တစ်ခါတလေကျ အပုပ်နံ့ရသလို ငိုသံအော်သံခေါ်သံတွေကြားရတယ်တဲ့.."
"ကြောက်စရာကြီးပါလား"
"ရွာပျက်ဖြစ်သွားတဲ့ ကျွန်းပျက်တစ်ခုဆိုတော့ ဘာမှမရှိရင်တောင် အလိုလိုနေရင်း သွေးလန့်ဖို့ကောင်းနေပြီလေ ပြီးတော့ ကျုပ်သိရသလောက် သေသွားခဲ့တာလည်း ရွာလုံးကျွတ်နီးပါးပဲတဲ့ တစ်ချို့အနည်းအကျဉ်းလောက်သာ ထွက်ပြေးလွတ်မြောက်လာခဲ့တယ် ဒီတော့ မကျွတ်မလွတ် ဖြစ်နေတာတွေက သိပ်တော့မထူးဆန်းပါဘူး"
ဦးနေဇင်ကစကားကိုရပ်လိုက်ပြီး ငြိမ်သက်နေဆဲဖြစ်သည့်ခရာကို တစ်ချက်ကြည့်လိုက်ပြီး...
"မြွေနဲ့ပတ်သတ်ပြီး ကျုပ်သိထားတာတွေက ဒီကလေးမနဲ့ကျမှမဟုတ်ပြန်တော့ ကျုပ်အတော်စိတ်ရူပ်ထွေးနေရတယ် သူ့မှာဒဏ်ရာရှိနေပေမယ့် ဘာလက္ခာဏာမှ မပြဘူး အသက်ရူနူန်းလည်းပုံမှန်ပဲ သတိမေ့နေတာပဲရှိတယ် သူ့ကိုဆေးကုဖို့သာ ဒီကိုခေါ်လာတာ တကယ်တော့ဒီအတွက် ကျုပ်မှာဆေးမရှိဘူး ဒါပေမယ့်သူကလည်း ဘာမှဖြစ်မနေဘူး အတော်တွေးရကျပ်တယ်"
"အဖြေတစ်ခုတော့ရှိမှာပါ သူဘာမှမဖြစ်တာကိုပဲ ကျွန်တော်တို့ ကျေးဇူးတင်ရမှာပါ."
"ဒါလည်းဟုတ်ပါတယ် သူ့ကံတရားပေါ့"
ဈာန်သည်ငြိမ်သက်သွားရင်းမှ တစ်စုံတရာကို အမှတ်ရမိတော့....
"ဒီထူးဆန်းတဲ့မြွေမျိုးအပေါက်ခံရတဲ့လူနဲ့ ဦးကြုံခဲ့ဖူးတယ် ပြောတယ်နော် သူသေပြီးမှ ရွာပျက်သွားတယ် တိုက်ဆိုင်မှုတစ်ခုကြောင့်မဟုတ်ရင် အကြောင်းတရားရှိမှ အကျိုးတရားဖြစ်လာတာပါ သူ့ကိုရောဦးသိလာ..."
"လူတော့မရင်းနှီးပေမယ့် တဆင့်စကားအရ.. ကြားသိရတာကို မှတ်မိသလောက်ပြောရရင်..."
"ဗျို့... ဆရာကြီးရှိလား..."
အပြင်ကခေါ်သံတစ်ခုဖြတ်ဝင်လာတော့ ဦးနေဇင် ပြောလက်စရပ်သွားပြီး...
"အေးရှိတယ်...ဘယ်သူလဲကွဲ့..."
"ကျုပ်ထီဖန်တို့ပါ ဆရာကြီးမှာထားတဲ့ ဆေးမြစ်တွေလာပို့ပေးတာပါ..."
"ထီဖန် လား အေးအေး အထဲဝင်ခဲ့.."
ခွင့်ပြုချက်ရတော့ ခန္ဓာကိုယ်တုတ်တုတ်နှင့် အသက်၃၀ကျော်ဝန်းကျင်လူနှစ်ယောက် ဆေးမြစ်တွေပိုက်ပြီး ဝင်လာရင်း
"ကံကောင်းတယ်ဆရာရေ ဒီတစ်ခါပစ္စည်းစုံတယ်"
"အေးကွာ ကျေးဇူးတင်တယ် တလက်စတည်း ပစ္စည်းတွေကို မီးဖိုချောင်မှာချပေးခဲ့ဦး ကဲ မောင်ရင် ကျုပ်ပစ္စည်းချမယ့်နေရာလိုက်ပြပြီး ပစ္စည်းဖိုးချေလိုက်ဦးမယ် ဒီမှာခဏစောင့်ဦး..."
"ရပါတယ်ဗျာ လုပ်စရာရှိတာလုပ်ပါ..."
ဦးနေဇင်တို့ နောက်ဖေးဘက်ထွက်သွားတော့ သူခရာ့ဘေးတွင် ငြိမ်သက်စွာပင် ထိုင်စောင့်နေမိသည်။ ခရာ့မျက်နှာလှလှလေးကို ငေးကြည့်နေမိရင်း ရင်ထဲမချိဖြစ်ရသည်။
သူမဘာလို့ သတိမရသေးပါလိမ့်။ ပြီးတော့ ဒီနေရာကို ဘာအကြောင်းကြောင့် ရောက်လာခဲ့ရပြန်ပါလိမ့်။ မဟုတ်မှလွဲ၍ သူမဟာလည်း.....
"ရှပ်.... ရှပ်"
ခြေသံကြောင့် သူအတွေးရပ်ပြီး လှည့်ကြည့်လိုက်တော့ ခုနကထီဖန်ဆိုလား သူနဲ့အတူပါလာသည့်သူ...
သူ့ကိုတစ်ချက်မှ မကြည့်။ အိပ်စက်နေသည့် ခရာနားလျှောက်သွားပြီး ပြူးကျယ်သော မျက်ဝန်းတို့ဖြင့်...
"ကြာပန်းကြာပန်းရနံ့တွေရနေတယ် "
ပြောပြောဆိုဆိုနှင့် ခရာ့နားတွင်တစ်ရူံ့ရူံ့နှင့် အနံ့ခံနေသဖြင့် သူမနေသာတော့ဘဲ...
"ဟေ့လူ. .. ဒါဘာလုပ်သလဲ.."
ထိုသူက သူ့ကိုဂရုမစိုက်။ တရူံ့ရူံ့နှင့်အနံ့ခံနေရင်းမှ တုန်လူပ်နေဟန်နှင့် သူ့ကိုမကြည့်ဘဲ...
"သူက... သူကဘယ်သူလဲ"
"မြွေပေါက်ခံထားရတဲ့လူနာပါ..."
"မြွေပေါက်ခံထားရတယ်... ဘုရားရေ"
ထိုသူ၏အကြည့်တို့က ခရာခြေသလုံးက ဒဏ်ရာဆီရောက်တော့ အလွန်တုန်လှုပ်သွားပုံမှာ ဖုံးဖိမရအောင်ပင်..
မျက်လုံးတစ်ခုလုံးပျက်ယွင်းလာပြီး
"မြွေဆိုး.... မြွေဆိုးရဲ့လက္ခဏာ"
"ခင်ဗျား ဘာပြောနေသလဲ...."
"ဒါတွေမပြီးသေးဘူးလား သူပြန်လာနေပြီလား မဖြစ်နိုင်ဘူး မဖြစ်နိုင်ဘူး ဘုရား ဘုရား မဖြစ်နိုင်ဘူး"
ထိုလူ၏ထူးဆန်းသောစကားနှင့် အပြုအမှုတို့ကြောင့် သူအံ့သြလို့မှမဆုံးခင် ထိုသူကားခရာကိုကြည့်ပြီး ဘာကြောင့်မှန်းမသိ ချောက်ချားတုန်လူပ်ဟန်ဖြင့် သွေးရူးသွေးတန်း ထွက်ပြေးသွားတော့သည်။ သူကြောင်နေမိစဉ် ဦးနေဇင်နှင့်ထီဖန်ဆိုသူ ပြန်ထွက်လာပြီး ဦးနေဇင်က...
"ခွင်းဖီဘယ်ရောက်သွားပြန်လဲ လက်ဆေးပြီး အရှေ့မှာစောင့်နေမယ်ဆိုပြီး..."
"ခုနကဘာတွေပြောမှန်းမသိဘူး ပြီးတော့ အရူးတစ်ယောက်လို ထွက်ပြေးသွားတယ်"
သူ့စကားကြောင့် ထီဖန်ကသဘောကျစွာပင် ရယ်လိုက်ပြီး
"ဒီလူအရက်ကြောင်နေတာနေမယ် ဟဟ ထားလိုက်ပါဆရာရေ အရက်ဆိုင်မှာ သူ့ကိုတွေ့ရပါလိမ့်မယ် ကဲ ကျုပ်လည်းပြန်လိုက်ဦးမယ် လိုအပ်ရင်ခေါ်ခိုင်းနော် ဆရာကြီး"
"အေးပါ..ကွာ သိပ်လည်းသောက်မနေကြနဲ့ဦး"
အရက်ကြောင်နေတယ်တဲ့...
ဘာကြောင့်မှန်းမသိ သူ့စိတ်ကသိနေသည်။ ထိုသူအရက်ကြောင်တာ မဖြစ်နိုင်။ တစ်ခုခုတော့ ထူးခြားနေမည်...
ထို့ကြောင့် ထီဖန်ထွက်သွားသည်နှင့် သူဦးနေဇင်ကို မေးလိုက်မိသည်။
"ဦး ခုနလူကအရက်ကြောင်တာ မဖြစ်နိုင်ဘူးထင်တယ် သူ ခရာ အော် ခရာဆိုတာသူ့နာမည်ပါ ခရာရဲ့ခြေထောက်က ဒဏ်ရာကိုတွေ့ပြီး ကြောက်လန့်တကြား ထွက်ပြေးသွားတာ"
"ဟုတ်လား...."
သူ့စကားကြောင့် ဦးနေဇင်က အလေးအနက် စဉ်းစားဟန်ဖြင့်
"အင်း... ကျုပ်ကြားသိရသလောက်တော့ သူကဒီရွာသားတော့ မဟုတ်ဘူး ဟိုးရွာပျက်ကနေ ထွက်ပြေးလွတ်မြောက်လာတဲ့ သူပဲ "
"ဗျာ.... "
"ဟုတ်တယ် သူနဲ့သူ့အမေနှစ်ယောက်တည်း ရွာစွန်မှာတဲထိုးနေတယ် ကြာပြီဆိုတော့ ရွာခံလိုဖြစ်နေပါပြီ ဒီမြွေအကြောင်းသိထားလို့ သူလန့်သွားတာနေမှာပါ"
ဦးနေဇင်စကားကြောင့် သူထရပ်လိုက်ပြီး...
"ဦးခဏနော်... ကျွန်တော်ပြန်လာခဲ့မယ်"
ဦးနေဇင်တုန့်ပြန်စကားကို မစောင့်ဘဲ သူအပြင်ဖက်ဆီသို့ ပြေးထွက်လာလိုက်သည်။ ထို့နောက်ခွင်းဖီဆိုသည့်လူကို အနီးအနားတွင် အသဲအသန်လိုက်ရှာမိတော့သည်...
သိပ်ဝေးဝေးတော့ရောက်သေးမည် မဟုတ်။ ခွင်းဖီကနေပျောက်ဆုံးနေသည့်ကွင်းဆက်တွေကို ရကောင်းရနိုင်မည် မဟုတ်လား....
အပြင်ဘက်တွင် နေဝင်သွားပြီဖြစ်သွားသည့်တိုင် နေမင်း၏ အလင်းရောင်အချို့ ထင်ကျန်နေသေးသဖြင့် သိပ်တော့မမှောင်လှသေးပေ။
သူသိပ်မရှာလိုက်ရပါ။ ကျောက်ဆောင်တစ်ခုပေါ်ကနေ မြောက်အရပ်တည့်တည့်ကို ငေးစိုက်ကြည့်နေသည့် ခွင်းဖီကို တွေ့လိုက်ရသည်။ သူခွင်းဖီရှိရာ လျှောက်လာပြီး
"ခင်ဗျားရွာကို လွမ်းနေသလား."
သူ့အသံကြောင့် ခွင်းဖီဖျတ်ခနဲ့လှည့်လာပြီး
"မင်း.... ဘာပြောသလဲ"
"ကျွန်တော် ခင်ဗျားနဲ့စကားပြောချင်လို့ လိုက်လာတာပါ ခုနခင်ဗျားဘာဖြစ်သွားသလဲ ထူးဆန်းလွန်းလို့ စိတ်ထဲမရှင်းဖြစ်နေတာ "
"ကျုပ်မင်းနဲ့ပြောစရာစကားမရှိဘူး "
"မြွေဆိုးရဲ့လက္ခဏာနဲ့ ကြာပန်းရနံ့ဆိုတာ ဘာကိုပြောသလဲ "
သူရုတ်တရက်မေးလိုက်တော့ ခွင်းဖီရဲ့ မျက်နှာကွက်ခနဲ့ပျက်သွားပြီး...
"မင်းဘာတွေသိချင်လို့လာမေးနေသလဲ.."
"သူပြန်လာနေပြီလားဆိုတာ ဘာကို ရည်ရွယ်သလဲ ကြာပန်းနဲ့ သက်ဆိုင်နေတယ်ဆိုတော့ ကြာဖြူများလား..."
"ဘာ...."
မထင်မှတ်ဘဲသူ့နူတ်ကထွက်လာသည့် စကားကြောင့် ခွင်းဖီမျက်နှာ ဟန်မဆောင်နိုင်အောင် ပျက်ယွင်းသွားပြီး
"ကြာဖြူ...."
"ဟုတ်တယ်... ကြာဖြူကိုခင်ဗျားသိလား"
"ဘုရားရေ အဲ့ဒီ့နာမည်ကို မခေါ်နဲ့ မခေါ်နဲ့ သူရောက်လာလိမ့်မယ် သူ့နာမည်ကို ဒီချိန်မခေါ်နဲ့"
တကယ်ကို လူကောင်နှင့်မလိုက်အောင် ကြောက်ရွံ့တုန်လူပ်စွာဆိုနေတော့ သူအံ့သြသင့်သွားပြီး
"ခင်ဗျား ဘာလို့ဒီလောက်တောင်ကြောက်နေရသလဲ."
"ကျုပ်မှမဟုတ်ဘူး ဒီနားက လူတွေအကုန်ကြောက်ကြတယ် သူ့နာမည် သူ့အကြောင်း ညချိန်ဘယ်သူမှမပြောရဲဘူး သူရောက်လာတတ်တယ်သိလား ညမှမဟုတ်ဘူး နေ့တောင်မပြောကြဘူး "
"တကယ်ရော သူရောက်လာလို့လား..."
သူ့စကားကြောင့် ခွင်းဖီဒေါသထွက်သွားဟန်ဖြင့် တစ်နေရာသို့ လက်ညှိုးထိုးပြီး...
"ဒီတည့်တည့်မှာ ဘယ်သောမှအကောင်းတိုင်း ပြန်မရမယ့်ရွာပျက်တစ်ခုရှိတယ် ကျုပ်ရဲ့ရွာ ကျုပ်ရဲ့မွေးရပ် ပြီးတော့ကျုပ်မိသားစုရှိတယ်"
"........"
"သူလုပ်ခဲ့တာသိလား ဒါတွေပြီးသွားပြီထင်နေတာ သူ့အနံ့ကို ငါရလိုက်တုန်းက ယုံတောင်မယုံနိုင်ဘူး"
"သူအနံ့... ဘာကိုဆိုလိုချင်သလဲ..."
"ဟိုမိန်းကဆီကနေ သူအနံ့တွေငါရနေတယ်"
"မဖြစ်နိုင်တာ သူကကျွန်တော့်မိတ်ဆွေပါ"
ခွင်းဖီသည် သူ့ကိုစူးစူးဝါးဝါးစိုက်ကြည့်ပြီး
"သူဆီကရနံ့က မိစ္ဆာမရဲ့ရနံ့နဲ့အတူတူပဲ မင်းဒုက္ခရောက်မယ် သူနဲ့မပတ်သတ်နဲ့ "
"ခင်ဗျားဆိုလိုချင်တာက သူကကြာဖြူနဲ့ ပတ်သတ်နေမယ်ပေါ့"
"ကြာဖြူ...ဘုရားရေ ဒီအမည်မခေါ်ပါနဲ့လား ကျုပ်သွားတော့မယ် မနက်ဖြန်ကျုပ်ဆီလာခဲ့ပါ ကျုပ်မင်းသိချင်တာပြောပေးမယ် အခုကျုပ်တအားကြောက်နေပြီ ပြန်တော့မယ်..."
ယောကျာင်္းရင့်မာကြီးတစ်ယောက်ဆီက အကြောက်တရားတို့ကသူ့ကိုနားမလည်နိုင်အောင် ရူပ်ထွေးသွားစေခဲ့သည်။ အပြေးတစ်ပိုင်းထွက်သွားသော ထိုသူ၏ကျောပြင်ကိုကြည့်ပြီး သက်ပြင်းသာ အခါခါချလိုက်မိသည်။
ကြာဖြူသည် အင်မတန်ရူပ်ထွေးလှသော ပုံပြင်တစ်ပုဒ်ပင် ဖြစ်နေပါလား.....
အတွေးတို့ကိုရပ်တန့်ထားပြီး သူဦးနေဇင်ရှိရာ ပြန်လာလိုက်သည်။ ဦးနေဇင်ကသူ့ကိုမြင်တော့...
"ကောင်လေး ရုတ်တရက်ကြီး မင်းဘယ်ထွက်သွားရသလဲ "
"ဆောရီးပါဗျာ ကျွန်တော်ကိစ္စတစ်ခုပေါ် .. ဒါနဲ့ခရာဘယ်ရောက်သွားသလဲ ဦး"
သူသည် ဘုရားစင်ရှေ့မှခရာကို မမြင်တော့သဖြင့် အထိတ်တလန့်နှင့် မေးလိုက်သည်။ ဦးနေဇင်က ခေါင်းညိတ်ပြီး
"မောင်ရင်ထွက်သွားပြီး မကြာလိုက်ဘူး သူသတိရလာတယ် ပြီးတော့ ပြန်မယ်ဆိုပြီး အတင်းထွက်သွားတော့တာပဲ"
"ဦးကလဲဗျာ သူကလူမမာလေ မရမက တားသင့်တယ်"
သူမချိတင်ကဲစွာအပြစ်တင်မိတော့ ဦးနေဇင်က သူ့စိတ်ကိုနားလည်ဟန်ဖြင့် သက်ပြင်းချလိုက်ပြီး
"ငါတားပါတယ် ဒါပေမယ့်သူက သူ့အကိုပြန်ရောက်လာတဲ့ခါ သူရှိမနေရင် အရမ်းစိတ်ဆိုးလိမ့်မယ်ဆိုပြီး အတင်းတောင်းပန်ပြီး ထွက်သွားခဲ့တယ်"
ဦးနေဇင်စကားကြောင့် ကမ်းခြေတွင်ဖြစ်ခဲ့သည့်အဖြစ်တစ်ခုကို သတိရမိရင်း ရင်ထဲနင့်ခနဲ့ ဖြစ်သွားရသည်။ တစိမ်းတစ်ယောက်ရှေ့မှာပင် ရက်ရက်စက်စက် အရိုက်ခံရသည့် သနားစရာကောင်မလေး...
သူသည်ခရာ၏အစ်ကိုဆိုသူနှင့် ကြုံဖူးသဖြင့် ဦးနေဇင်ကို ဆက်မပြောတော့ပေ။ ထို့နောက် စကားအနည်းငယ်ပြောရင်း အခန်းရှိရာ ပြန်လာလိုက်သည်။
ခရာအဆင်မှပြေပါ့မလား ဆိုသည့်အတွေးက အိပ်တဲ့ချိန်ထိ သူ့ကိုနှိပ်စက်လွန်းနေပြန်သည်။ သူမကိုသွားတွေ့ချင်လှသော်လည်း သူ့ကြောင့်သူမအရိုက်ခံရမှာ စိုးရိမ်သဖြင့် မျိုသိပ်ထားရသည်မှာ ပင်ပန်းလှသည်။
ဟိုပုဂ္ဂိုလ်က အင်မတန်မိုက်ရိုင်းလွန်းလှသည်။ ထိုသူနှင့်တော့သူမဆုံချင်ပါ။
အတွေးများစွာဖြင့် အိပ်ယာပေါ်လူးလိမ့်နေရင်း ကြာဖြူအကြောင်းက ခေါင်းထဲဝင်လာပြန်သည်။ မနက်ဖြန်တွင် ကြာဖြူနှင့်ပတ်သတ်သည့် အကြောင်းအရာတစ်ခုခုကို သူသိနိုင်တော့မည်...
မည်သို့ပင်ဖြစ်စေ ကြာဖြူသည် အိပ်ရာဝင်ပုံပြင်တစ်ပုဒ်မဟုတ်ခဲ့တာတော့ အမှန်ပင်။ ထိုအချက်ကပင် စာရေးဆရာတစ်ယောက်ဖြစ်သည့်သူ့ကို များစွာကျေနပ်စေခဲ့သည်မှာ အမှန်ပင်....,
ထို့နောက်အတွေးတွေထဲ ကြာဖြူနှင့်ခရာ တစ်လှည့်စီလုံးပန်းရင်း သူမှေးခနဲ့ အိပ်ပျော်သွားသည်။ ရုတ်တရက်ရလိုက်သည်က သင်းပျံ့သော ကြာပန်းရနံ့နှင့်အတူ သီချင်းညည်းသံသဲ့သဲ့ကြောင့် ဈာန်လန့်နိုးလာသည်။
အိပ်မူန်စုံဝါးဖြင့် နိုးတစ်ဝက် မနိုးတစ်ဝက်ဖြစ်နေစဉ် ကြာပန်းရနံ့က စူးခနဲ့ ထွက်လာပြန်သည်။ ပြီးတော့ သီချင်းညည်းသံသဲ့သဲ့လေး...
မီးရောင်မရှိသည့်အခန်းတွင် ဒီအခြေအနေက ခြောက်ခြားဖွယ်ကောင်းလှသည်။ လပြည့်ရက်နီးနေပြီမို့ လရောင်က ပြတင်းပေါက်မှတဆင့် သူအခန်းထဲတွင် ဖြာကျနေသည်။
ဒီလရောင်အားကိုးဖြင့် အသံထွက်ပေါ်ရာရှိ သူကြည့်လိုက်တော့ အံ့သြသင့်သွားမိသည်။ အသံကအခန်းတောင့်က သူထောင်ထားသည့်ပန်းချီကားထံမှ ထွက်လာခြင်းပင်...
ဝိုးတဝါးအမြင်တွေဖြင့် ဆွဲမပြီးခဲ့သည့် ပန်းချီကားကို ကြည့်နေမိစဉ်မှာပင် ပန်းချီကားထဲမှာ သူ့ဆွဲချက်အတိုင်းရှိနေသည့် အဖြူရောင်ဂါဝန်နှင့်ကောင်မလေးက အသက်ဝင်လာသည့်တိုင်း လူပ်ရှားလာရာ..
"ဘုရားရေ...ဘာတွေလဲ..."
သူတုန်လှုပ်စွာကြည့်နေစဉ် ထိုမိန်းကလေးက ပန်းချီကားထဲရုန်းထွက်လာပြီး အခန်းတံခါးကိုဖြတ်ကျော်ကာ အပြင်သို့ထွက်သွားသည်။
ထို့နောက် သူလည်းဖျတ်ခနဲ့အသိဝင်လာပြီး နိူးထလာတော့သည်။ ခုနကဘာလို့ကိုယ့်လက်တွေ လူပ်ရှားမရဖြစ်ရသလဲဆိုတာ သူစဉ်းစားမရဖြစ်မိသည်။
ဒါက... အိပ်မက်လား တကယ်လားပင် ဝေခွဲမရတော့ပေ။ အတွေးရကျပ်စွာဖြင့် ပန်းချီကားရှိရာလျှောက်သွားမိတော့ မြင်လိုက်ရသည့်မြင်ကွင်းက သူ့ကိုပို၍ တုန်လူပ်စေသည်။
ပန်းချီကားထဲတွင် သူညနေကရေးဆွဲခဲ့သည့် မိန်းကလေးပုံလုံးဝမရှိတော့ပါလား...
သူ့ဆွဲချက်တွေမပြီးသေးသည့်တိုင် မိန်းကလေးတစ်ယောက် ကျောခိုင်းနေပုံကို သူတကယ်ဆွဲခဲ့ပါသည်။
သူမဘယ်ရောက်သွားသလဲ... တကယ်ပဲ ခုနသူမထွက်သွားခဲ့သလား ဒါပေမယ့် ဒါကပန်းချီကားတစ်ချပ်ပဲ မဟုတ်လား ...
စဉ်းစားရကျပ်လွန်းသကဲ့သို့ ဒီအဖြစ်က မကြောက်တတ်သည့်သူ့ကိုပင် ကြက်သီးထသွားစေခဲ့သည်။ သူသည် ပန်းချီကားကိုငေးကြည့်နေရင်းမှ တီးတိုးရေရွတ် လိုက်မိသည်။
"ကြာဖြူ မင်းဟာ သိပ်ပဟေဋိဆန်လွန်းတယ် ငါ့ဘဝမှာအခမ်းနားဆုံး ပုံပြင်တစ်ပုဒ်က မင်းဖြစ်ဖို့သေချာတယ်"
ထို့နောက်သူပြုံးလိုက်မိရင်းနှင့်.....
မနက်ဖြန်တော့ပုံပြင်ရဲ့ ပထမဆုံးစာမျက်နှာကို ငါစတင်ဖတ်ရတော့မှာပါ ကြာဖြူ.......
JE LEEST
ကြာဖြူ(ကွာဖွူ)
Fantasy"ကြာဖြူ ငါတို့သေခြင်းတရားမှာ မင်းအငြိုးတွေပြေပါစေတော့" ပင်လယ်ဒဏ္ဍာရီတွင်ကြောက်စရာအကောင်းဆုံးသော ကျိန်စာဆိုးများနှင့်ကြာဖြူပုံပြင်... သို့သော်လွန်ခဲ့သောနှစ်သုံးရာတွင် အမှန်တကယ်ဖြစ်ခဲ့သော ရင့်နင့်စရာကြာဖြူမင်းသမီး၏ ဒဏ္ဍာရီတစ်ပုဒ်။ ဤဒဏ္ဍာရီတွင် သဘောင်စကား...
