ကြာဖြူ(ကွာဖွူ)

Part-18

Zawgyi

"ကြာဖြူ"
အပိုင်း(၁၈)
 
     ဦးလုံထန်း....... 
     အသက်(၅၀)ဝန်းကျင် ဆေးမှင်ကြောင်အပြည့်နှင့် ဗလောင်တောင့်တောင့်လူကြီး။ 
    မျက်နှာထားကတည်လွန်းသူမို့ ခက်ထန်သည်ဟုဆိုရသော်လည်း မျက်လုံးတွေက စင်ကြယ်နေသည်။ လူပုံကကြမ်းတမ်းသည့်တိုင်း စိတ်သဘောဖြူစင်သည့်ဟန်က အထင်းသားပင်။
    သူတို့အားလုံးကို တစ်ချက်ဝေ့ကြည့်ပြီး သက်ပြင်းကိုလေးလေးပင်ပင်ချလိုက်ကာ...
    "ကျုပ်သိပြီးသားပါ သက်ဆိုင်ရာလူတွေ ကျုပ်ဆီတစ်နေ့ရောက်လာခဲ့မယ်ဆိုတာ အော်... ဒီနေ့တော့ရောက်လာခဲ့ပြီပေါ့လေ "
   "ကျွန်တော်တို့ရောက်လာမယ်ဆိုတာ ဦးလုံထန်း ဘာကြောင့်ကြိုသိနေရသလဲဗျာ.."
     ကောင်းကင်အမေးကြောင့် ဦးလုံထန်းက ဒုတိယအကြိမ်သက်ပြင်းချလိုက်ပြီး..
    "ကျိန်စာတွေနဲ့ပြည့်နေတဲ့နယ်မြေတစ်ခုမှာ အလွန်ကြီးမားတဲ့အပြစ်တွေ ကျူးလွန်ခဲ့တဲ့သူတွေပဲ ဘယ်လောက်ပဲထွက်ပြေးနေပါစေ ဒီကျိန်စာကနေ လွတ်မြောက်မှာမဟုတ်ပါဘူး နောက်ဆုံးသေခြင်းတရားကပါ သူတို့ကို လွတ်မြောက်စေမှာမဟုတ်ဘူး ဒီလွတ်မြောက်ခြင်းအတွက် သက်ဆိုင်ရာမျိုးဆက်တွေက ဒီနယ်မြေကို မလွဲမသွေလာရမှာပဲ"
   "ကြီးမားတဲ့အပြစ်ဟုတ်လား ကျွန်တော်ကဦးမင်းသန့်ရှိုင်းရဲ့သားပါ ကျွန်တော့်အဖေက ဘာအပြစ်တွေများ ကျူးလွန်ထားခဲ့လို့လဲ"
    နက်ရှိုင်းကအလိုမကျဟန်ဖြင့်ဆိုတော့ ဦးလုံထန်းကဘာမှမတုန့်ပြန်။ နုနယ်ချောမောသော လူငယ်အုပ်စုကိုသာ စူးစိုက်အကဲခတ်ရင်း စိတ်မသက်သာဟန်ဖြင့်
    "ကျုပ်က သူတို့နဲ့သက်ဆိုင်ရာလူတွေလောက်ပဲ လာမယ်ထင်ခဲ့တာ အခုလိုလူအများကြီးမမျှော်လင့်ခဲ့ဘူး ဒါကအပျော်ခရီးမဟုတ်ဘူး အန္တရယ်ခရီးတစ်ခု မသက်ဆိုင်တဲ့လူတွေမလာခဲ့သင့်ဘူး.."
   "ကျွန်တော်တို့ကစွန့်စားလိုစိတ်နဲ့ ဘယ်သူမှမတိုက်တွန်းဘဲ ကိုယ့်သဘောနဲ့ကို လိုက်လာခဲ့ကြတာပါ စိတ်မပူပါနဲ့ သေနေ့စေ့ရင်တော့ အားလုံးသေကြမှာပဲလေ အန္တရယ်ဆိုတာတွေးကြောက်နေရင် နှစ်ခါသေတတ်တယ်"
     စေတန်စကားကြောင့် ဦးလုံထန်းက အဓိပ္ပါယ်ပါသောအပြုံးတို့နှင့်...
    "အသက်ကိုညဏ်စောင့်တယ်ငါ့တူတို့ သေနေ့မစေ့လည်းကံကုန်ရင်သေရမယ် ကံဆိုတာလူကလုပ်တာ မင်းတို့ကံတရားကို မင်းတို့ဖန်တီးခဲ့တာမဟုတ်လား ဟိုးမြို့ကြီးပြကြီးမှာ ပျော်စရာတွေနဲ့ရှင်သန်နေလို့ရပါရဲ့နဲ့ ဒီနေရာထိ ကိုယ့်သေတွင်းကိုလာရှာကြတယ် အန္တရယ်ဆိုတာတွေးကြောက်ဖို့မလိုပေမယ့် မလိုအပ်ဘဲမကစားသင့်ဘူး "
     "ဦးလေးစကားက ကြောက်စရာကောင်းလိုက်တာ ပြီးတော့နမိတ်မရှိဘူးဗျာ ကျွန်တော်တို့က ဘာလို့ကိုယ့်သေတွင်းကိုတူးရမှာလဲ အဓိပ္ပယ်မရှိတာ ကျွန်တ်ာတို့ဒီကိုလာခဲ့တာ ကြာဖြူနဲ့ပတ်သတ်ပြီးအဖြေရှာဖို့တစ်ခုပဲပါ ဘာရည်ရွယ်ချက်မှမရှိဘူး..."
     ကမ္ဘာကမကျေမနပ်ဖြင့် ဝင်ပြောလိုက်သည်။ ဦးလုံထန်းက ခေါင်းတစ်ချက်ညိတ်ရင်း..
     "ကြာဖြူရဲ့နောက်မှာ ကျိန်စာဆိုးကကပ်ပါနေတယ် ကြာဖြူနဲ့ပတ်သတ်ဖို့ကြိုးစားရင် အဲ့ဒီ့ကျိန်စာတွေနဲ့မင်းတို့ကြုံရမှာပဲ မတော်တဆသေသွားခဲ့ရင်တောင် အဆိုးထဲကအကောင်းတစ်ခုလို့ပြောလို့ရတယ် ရှင်ကျန်ခဲ့ပြီး သေဆုံးရတဲ့ဘဝမျိုး ကျိန်စာသင့်ခဲ့ရင်....."
     ဦးလုံးထန်စကားကိုရပ်လိုက်ပြီး ရေနွေးကြမ်းကို ငဲ့သောက်နေသည်။ သူတို့နားစွင့်နေသော်လည်း ဘာမှဆက်မပြောသဖြင့် ဈာန်က...
     "ကျွန်တော်လက်ခံပါတယ် ဒါပေမယ့် ဒါကြုံလာဖို့ဝဋ်ကြွေးရှိခဲ့ရင် ဘယ်လိုပဲရှောင်ရှောင် လွတ်မှာမဟုတ်ပါဘူး ကျွန်တော်တို့အားလုံးကဗုဒ္ဓဘာသာဝင်တွေပါ ကံကံ၏အကျိုးကိုယုံကြည်ပါတယ် ဘာဘဲဖြစ်ဖြစ်ကျွန်တော့်အနေနဲ့ကတော့ အဆုံးထိသွားဖို့စိတ်ကိုမပြင်ပါဘူး အားလုံးလှည့်ပြန်သွားလည်း ကျွန်တော်တစ်ယောက်တည်း ဒီခရီးကို ရအောင်ရှေ့ဆက်မှာပါ.."
    "ကျွန်တော်လည်း ကျွန်တော့်ဦးလေးနဲ့ပတ်သတ်ပြီး အဖြေတစ်ခုရမှပြန်လှည့်မှာပါ ဦးလုံထန်းလုပ်ရမှာက ကြာဖြူနဲ့ပတ်သတ်ပြီး ဘာတွေဖြစ်ခဲ့သလဲဆိုတာ ကျွန်တော်တို့ကိုပြောပြပါ တောင်းဆိုပါတယ်"
     ကောင်းကင်ကစကားကြောင့် နက်ရှိုင်းကပါ...
    "ဟုတ်တယ်...ကျွန်တော်လည်း ကြာဖြူနဲ့တွေ့ကိုတွေ့မှရမယ်..."
     နက်ရှိုင်းက သူ့ခံစားချက်နှင့်သူ လေသံကတင်းသယောင်ဖြစ်သွားသည်။ ဦးလုံထန်းက ဒါကိုသတိထားမိဟန်ပုံရသည်။ နက်ရှိုင်းကိုတစ်ချက်စေ့စေ့ကြည့်ပြီး
    "ငါ့တူက မောင်မင်းသန့်ရဲ့သားနော် ဒါဆိုရင်.."
     ဦးလုံထန်းသည် သူတို့အားလုံး၏ တစ်ယောက်ချင်းစီမျက်နှာကို အကဲခတ်သလို စေ့စေ့လိုက်ကြည့်ရင်း မျက်လုံးကလယ်ကလယ်နှင့် ငြိမ်သက်စွာထိုင်နေသည့် ခရာ့ဆီအရောက်တွင်တော့...
   ရပ်တန့်သွားသလို မျက်ဝန်းတို့လည်းစူးခနဲ့ ဖြစ်သွားပြီး
   "သူက.... မောင်မင်းသန့်ခေါ်သွားခဲ့တဲ့ ကလေးမလေးပါလား ဒီအရွယ်တောင်ရောက်နေခဲ့ပြီး ဘုရား ဘုရား "
    "ဦးဘာကိုဆိုလိုချင်သလဲ... ပြီးတော့ ဒီလောက်နှစ်တွေအကြာကြီး မတွေ့တော့တာ သူမှန်းဘယ်လိုလုပ်တန်းသိသလဲ... သူကဘယ်သူလဲ"
      နက်ရှိုင်းမေးခွန်းတွေကို ဦးလုံထန်း ဘာမှမတုန့်ပြန်။ ခရာ့ကိုသာ တစိုက်မတ်မတ်စိုက်ကြည့်ပြီး....
     "ဒီကလေးမလေးကိုပဒုမ္မာရီမြို့တော်မှာ ကျုပ်တို့တွေ့ခဲ့တယ် အဲဒီတုန်းက သူငယ်ငယ်လေးပဲရှိသေးတယ် အသက်ရှင်လွတ်မြောက်ဖို့အတွက် ဦးမင်းသန့် အဲဒီကနေဆွဲခေါ်သွားပေမယ့် နောက်ဆုံးတော့ မလွတ်မြောက်နိုင်ခဲ့ပါလား ကြောက်စရာကောင်းလိုက်တာ "
     ဦးလုံထန်းစကားကို သူတို့အားလုံး ဘာမှနားမလည်နိုင်ပါ။ ဦးလုံးထန်က ခရာ့ဆီမှာအကြည့်လွဲပြီး သက်ပြင်းချလိုက်ကာ
    "ဒါကြောင့် ကျုပ်အိပ်မက်ဆိုးတွေ ဆက်တိုက်မက်နေခဲ့တာကို..."
     "ဒါနဲ့ကျွန်တော်တို့သိထားသလောက် ဦးလုံထန်းဟာလပြည့်နေ့တိုင်း ပင်လယ်ဒဏ္ဍရီဆိုင်ကို မပျက်မကွက်အမြဲရောက်ခဲ့တယ်နော် ဒါပေမယ့် ကျွန်တော်တို့ရောက်တဲ့အခါမှမလာခဲ့ဘူး ဒါကြောင့်မို့ ဦးလုံထန်းရှိတဲ့နေရာ ကျွန်တော်တို့ အရောက်လာခဲ့ရတယ် ဒါ သာမာန်တိုက်ဆိုင်မူပဲလား ဒါမှမဟုတ် အကြောင်းရှိလို့လားဗျာ.."
     ဈာန်က တွေးလိုက်မိသည့်အတွေးကြောင့် မေးလိုက်တော့ ဦးလုံးထန်ခေါင်းညိတ်ရင်းနှင့်...
   "ကျုပ်အတွက်တော့ ဒါတိုက်ဆိုင်မူပါ လပြည့်မတိုင်ခင်တစ်ရက် ကျုပ် လှေကားပေါ်ကပြုတ်ကျခဲ့တယ် ခြေထောက်တစ်ဖက်ကျိုးသွားတယ် "
     ဦးလုံထန်းက အဝတ်ဖြင့်စည်းထားသော သူ့ခြေထောက်ကိုပြလိုက်တော့ ဈာန်အားနာသွားမိကာ...
     "ဆောရီးဗျာ ... ကျွန်တော်အထင်မှားသွားရင်.."
    "မောင်ရင်အထင်မမှားပါဘူး... ဒါလိုပြုတ်ကျတာလည်းအကြောင်းရှိမှာပါ ကျုပ်အိမ်မှာ တသက်လုံးနေလာခဲ့တာ ဘာမှမဖြစ်ဘူး အဲဒီနေ့ညကမှ ဘယ်လိုဖြစ်မှန်းမသိဘူး လှေကားကနေခြေချော်ပြီး ပြုတ်ကျခဲ့တယ် ပိုဆိုးတာက ကျုပ်ကအကြမ်းပတမ်းလူပါ ဒီအမြင့်လောက်ကဘာမှမဖြစ်သာဘူး ဒါပေမယ်ာ ဘယ်ဘက်ခြေထောက်တော်တော်နာခဲ့တယ်..."
    ဦးလုံးထန်အိမ်က ခြေတံရှည်အိမ်ကြီးပင်။ အပေါ်တွင်လူနေပြီး အောက်တွင်တော့ဘာမှမထား။ ခွေးနှစ်ကောင်မွေးထားသဖြင့် ခွေးနေဖို့လှောင်အိမ်နှင့် အခြားပစ္စည်းပစ္စယတွေ ထားသည်။ လှေကားညာဘက်တွင်တော့ တဲအိမ်တစ်ခုရှိသည်။ မီးဖိုခန်းဖြစ်ဟန်တူသည်..
    လှေကားနားဘယ်ဘက် သစ်ပင်ကြီးအောက်တွင် လူတွေထိုင်ဖို့ ကွပ်ပျစ်ကျယ်ကြီးတစ်ခုရှိသည်။ ကြိမ်ကျောမှီထိုင်ခုံလေးတွေလည်းချထားသည်။
     သူတို့အားလုံး ထိုနေရာမှာရှိနေကြ၏။ ဦးလုံထန်းက ကွပ်ပျစ်တွင်ခြေချထိုင်ကာ ရေနွေးကြမ်းသောက်နေချိန် သူတို့ရောက်လာကြခြင်းပင်။
    ဈာန်က တွေးတွေးဆဆနှင့်...
    "အကျမတော်လို့များလား နိမ့်တာမြင့်တာနဲ့ မဆိုင်ပါဘူး အကျမတော်ရင်လည်း ဖြစ်တတ်ပါတယ်"
    "မဟုတ်ဘူးကောင်လေး အဲ့ဒီညက ကျုပ်အိမ်သာသွားဖို့ လှေကားပေါ်ကအဆင်း လန့်ပြီးခြေချော်ကြသွားတယ် ဘာလို့လဲဆိုတော့ ကျုပ်ကြာဖြူကိုတွေ့လိုက်လို့ပဲ.."
   "ဗျာ....."
     ဦးလုံထန်းစကားကြောင့် သူတို့အားလုံး အံ့သြသွားသည်။ ဦးလုံထန်းက သက်ပြင်းချလိုက်ရင်း..
    "ဆယ်စုနှစ်ကျော်ခဲ့ပြီ ကျုပ်သူ့ကိုမတွေ့ခဲ့တာ အခုလိုပြန်တွေ့တာ ကောင်းတဲ့လက္ခဏာမဟုတ်မှန်း ကျုပ်ကောင်းကောင်းရိပ်မိတယ် အခုတလောလည်း အိပ်မက်တွေမကောင်းဘူး"
    "ကျွန်တော်တို့ရောက်လာတာ ဦးလုံထန်းအတွက် မကောင်းတဲ့အရာဖြစ်သွားခဲ့ရင် တောင်းပန်ပါတယ် ဒါပေမယ့်ကျွန်တော်တို့က ကြာဖြူနဲ့ပတ်သတ်ပြီးသိချင်ရုံသပ်သပ်ပါ..."
     ဈာန်စကားကြောင့် ကောင်းကင်ကပါ ခေါင်းညိတ်ပြီး
   "ဟုတ်ပါတယ် ကျွန်တော့်ဦးလေးကသူမသေခင် ကြာဖြူဆီအရောက်သွားပေးဖို့ စာလေးတစ်စောင် ရေးပေးခဲ့ပါတယ် ဦးလေးဟာကျွန်တော့်ဘဝရဲ့ ကျေးဇူးရှင်မို့ သူမသေခင်ကဖြစ်ချင်တဲ့ဆန္ဒကို ကျွန်တော်ရအောင် ဖြည့်ဆည်းပေးချင်ပါတယ် ဦးဟာ ကျွန်တော့်ဦးလေးတို့နဲ့ ခရီးအတူထွက်ခဲ့သူမို့ သူတို့သွားခဲ့တဲ့ခရီးစဉ်မှာ ဘာတွေဖြစ်ခဲ့လဲဆိုတာ ဦးကောင်းကောင်းသိမှာပါ ဒါကြောင့် ကျွန်တော်တို့ဦးဆီ အရောက်လာခဲ့တာပါ "
     "ကျွန်တော့်သူငယ်ချင်း ဦးလေးဦးဥက္ကာအပါအဝင် ဦးမင်းသန့်ရှိုင်း ဦးမိုးမြင့်တို့ဟာ ထူးဆန်းစွာနဲ့ တစ်နေ့တည်းတစ်ချိန်တည်း သေသွားခဲ့တယ် ဒီသေဆုံးမူဟာ ကြာဖြူနဲ့လုံးဝပတ်သတ်နေခဲ့တယ် ကျွန်တော့်တို့ဆီမှာ ကြာဖြူဆီသွားဖို့ မြေပုံတစ်ချပ်နဲ့ ထူးဆန်းတဲ့အမှာစကားတွေပဲရှိပါတယ် ဒီအကြောင်းအရာတွေဟာ လွန်ခဲ့တဲ့ဆယ်နှစ်ကျော်က ပင်လယ်ခရီးကို ထွက်သွားခဲ့တာကအစပြုခဲ့တာမို့ အဲဒီ့ခရီးစဉ်မှာလမ်းပြဖြစ်ခဲ့တဲ့ဦးက ဘာဖြစ်ခဲ့သလဲဆိုတာအသိဆုံးပါ ကျွန်တော်တို့ကို ဦးဥက္ကာတို့ဘာတွေကြုံခဲ့သလဲဆိုတာ ပြောပြပေးပါ အားလုံးကိုယ်စား တောင်းဆိုပါတယ်..."
     ဈာန်တလေးတစားနှင့် ထပ်တောင်းဆိုတော့ ဦးလုံထန်းသက်ပြင်းအခါခါချရင်း တိတ်ဆိတ်ငြိမ်သက်သွား၏။
    အဝေးတစ်နေရာကို ငေးကြည့်နေသည့်မျက်ဝန်းတို့သည် မကောင်းခဲ့သည့်အတိတ်ခရီးကို မြင်ယောင်လာလျက်နှင့်..
    မသောက်ဘဲထားသည့်ရေနွေးကြမ်းသည် အေးစက်စက် ဖြစ်သွား၏။
   ဦးလုံထန်း၏ စိတ်အဟုန်သည် လွန်ခဲ့သော ဆယ်နှစ်ကျော် ကာလတစ်ခုဆီသို့..............
။...............                     ..........................။