Somewhere Down The Road (Published under Pop Fiction/Summit Media)

SDTR: Kabanata 16

SDTR: Kabanata 16

"Napatingin natulala sa iyong kagandahan!!!" Panay ang tawa ko ngayon dahil kanta ng kanta sa back seat si Seb habang ginagawang mic yung maliit niyang kamay! Sinasabayan niya yung tugtog sa speaker ng kotse ni Ethan, kahit bubulo bulol pa siya sa pagkanta ganang gana siya.

Bukas rin ang bintana ng kotse kaya naman humahampas saamin ang malakas na hangin, kasabay pa non ang mabilis na pagmamaneho ni Ethan. Pabalik na kami sa Manila dahil may pasok na rin bukas si Seb, ihahatid nalang muna siya mamaya ni Ethan sa Mommy nito.

"Medyo pangit ka pa noon! Hanggang ngayon!!! Yeaaah!!!" Ang kulit kulit niya, nakasuot siya ng white sando at shorts, suot niya rin yung maliit na neck tie na pinabili niya kanina kay Ethan doon sa isang shop sa may beach, pang porma daw niya. Nakapang geek eye glasses pa siya.

"Iba na ang yong ngiti!! Iba ang yong tingin!! Nagbago nang lahat sayo ohhhhh!!" Panay pa rin ang kanta niya.

"Alright young man!!" Nangingiting sigaw ni Ethan, nagmamaneho siya ngayon. Inayos pa niya ang rear mirror para makita ng maayos ang anak, nilakasan niya pa lalo yung tugtog.

"MAMA CLAIRE!! SING!!" Hiyaw niya, bumaling saakin si Ethan at kinindatan ako.

"Iba na ang 'yong ngiti! Iba na ang 'yong tingin nagbago nang lahat sayo ohhh! Sana'y hindi nakita, sana'y walang problema pagkat kulang ang dala kong pera... pambili, pambili sa mukha mong maganda!!" Sinabayan namin ni Ethan ang pagkanta ni Seb at nangingibabaw ang boses niya!

Panay ang halakhak namin at nang matapos ang tugtog lumipat sa harap ko si Seb, ang ganda ganda ng ngiti niya. Kuhang kuha niya talaga yung magandang mata ni Ethan, yung mahahabang kurba ng pilik mata niya, yung mapupulang labi. Lalo pang naging cute si Seb sa messy hair niya.

"Pawis na pawis ka na." Natatawang sabi ko kay Seb nang mahawakan ko ang likod niya, biglang humila ng tissue si Ethan at inabot saakin. "Thanks." Nakangiting sabi ko sakanya atsaka pinunasan ko na ang likod ni Seb.

"Favorite ko Chicosci!" Hiyaw ni Seb, "Rocker ka ba anak?" Pang aasar ni Ethan sa anak, ngumuso si Seb.

"No Daddy! Diba sila kumanta nung Magasin?" Ang kulit kulit ng boses niya, pilit niyang tinutuwid ang pananalita niya pero hindi niya pa gaanong magawa.

"Original non ang Eraserheads anak, kapanahunan ng Lolo mo!" Humahalakhak na sabi ni Ethan.

"Really Daddy? Rocker ba si Lolo?" Inayos ko ang pawisang buhok ni Seb at hinawakan ko siyang mabuti para hindi siya mahulog.

Ngumiti si Ethan, "Professional photographer." Nangingiting kwento niya.

"Daddy...diba Daddy mo siya? Kailan ko siya makikita?" Hinihingal hingal pa siya sa pagsasalita dahil siguro sa pagkanta kanta, tumingin saakin si Ethan bago muling bumaling sa pagmamaneho.

"Soon anak." Nahihiyang sagot niya kay Seb, ramdam kong nakakaramdam ng hiya si Ethan sa anak niya sa tuwing wala siyang maisagot dito. Umayos nalang ng pagkakatungo si Seb saakin at hindi na nagtanong.

Ilang sandali pa ay nakatulog na si Seb sa bisig ko, hinalikan ko ang ulo niya at niyakap ko siya. Sinara na ni Ethan yung bintana ng kotse at binuksan yung aircon.

"Hindi ka ba nabibigatan?" Pag aalala niya, ngumiti ako at umiling iling.

"Ang kulit ng anak mo." Bulong ko, "Mukhang may pinagmanahan." Panunuya ko sakanya, ngumisi siya at kinuha niya ang kamay ko gamit ang kaliwang kamay ko.

Pinaulanan niya ng maliliit na halik iyon na naghatid ng ngiti saakin. Inayos niya ang kamay ko at inihaplos niya iyon sa pisngi niya, "Sa araw araw na kasama kita mas lalo kitang minamahal." Bulong niya na nagpapula sa pisngi ko.