The Devil's Son

CHAPTER FIFTY-THREE

[STHEP'S POV]

"Tao po! Damon!"

Sa sobrang laki ng bahay di man lang sila naglagay ng doorbell. Maririnig kaya nila ang katok ko?

"May tao! Kanina pa nakatok! Tao po!" Muli kong sigaw.

Nang bumukas ang pintuan ay bumungad sa akin ang mukha ng babaeng matagal ko ng kinalimutan. Kung ipagpapalit lang din naman ni Damon si Kathy sa ibang babae, edi sana ako na lang.

"Pasok ka."

"Kasama ko na yung doktor, special delivery."

Tumango lang siya.

Nang makapasok kami sa loob ay dumiretso kami sa sala. Doon namin natagpuan ang natutulog na Damonyo.

"Hoy Damon. Andito na yung doktor mo." Sabi ko sabay tapik sa balikat niya.

"Doktor ba yan?" Tanong ni Julia sakin.

"Eh wala akong mahilang doktor eh. Busy sila sa totoong taong may sakit ... kaya albularyo na lang dinala ko dito." Katwiran ko.

"Just as what I've expected." Sabad naman ni Damon. "Salamat Sthep."

"Oh kitam." Sabi ko kay Julia sabay ismid dito.

"Anong masakit sa'yo, iho?" Tanong ng albularyo. "Ang sabi sakin nitong si Sthep ay naparalisa ka raw."

"Magaling na manggagamot yan si Mang Gusting. Kilalang-kilala yan sa Quiapo."

Lumapit ang albularyo kay Damon. Hinawakan nito ang noo niya saka ito pumikit.

"A-Alam ba niya ang ginagawa niya?" Tanong ni Julia sakin.

Tinaasan ko agad siya ng kilay. "Ba't di mo i-try? Baka sakaling mawala ang sanib mo?"

Tinapunan lamang niya ako ng tingin.

Inilabas ni Mang Gusting ang mga parapernalya niya sa panggagamot. May inilabas siyang mga dahon, langis at buntot-pagi.

"Ikuha niyo ako ng batya na may tubig saka kandila. Pati na rin posporo, baso at itlog." Utos nito.

Tumingin sa akin si Julia na para bang sinasabi niyang tulungan ko siyang kunin ang mga iyon.

"Excuse me, hindi ako taga-rito." Sabi ko.

Pero hindi niya iyon pinansin. Bagkus ay hinila niya ako patungo sa kusina. Actually, hindi nga hila ang ginawa niya e. Halos kaladkarin niya ako.

"Ano ba!" Sabay hila ko sa kamay ko na hawak niya.

"Kung anuman ang galit mo sakin, pwedeng mamaya na?" Pakiusap niya sakin.

"Sa dami ng kasalanan mo sa kaibigan ko, baka hindi ako makapaghintay ng hanggang mamaya. Ngayon pa lang gusto na kitang sakalin!" Pinandilatan ko siya ng mata.

Walang anu ano'y iniabot niya sa akin ang kutsilyo. "Oh eto, saksakin mo ako!"

Tinignan ko saglit ang kutsilyo sa kamay ko. "Hindi lang masama ang ugali mo ano? Bingi ka pa! Sabi ko sakalin, hindi saksakin. Tanga!" Saka ko iyon padabog na ibinalik sa kanya.

Hindi ko alam kung bakit siya tumawa sa sinabi ko. Samantalang galit ako. Galit na galit ako. Hindi ako nagbibiro. Sasakalin ko talaga siya, bigyan lang talaga niya ako ng pagkakataon.

Iniabot ni Julia sa akin ang posporo, itlog, kandila saka baso.

"Oh dalhin mo do'n." Utos niya.

"Ang kapal rin talaga ng mukha mong utusan ako, ano?!"

"Gusto mo bang gumaling si Damon?"

Hindi ako nagsalita. Inirapan ko na lamang siya saka ako lumabas ng kusina at muling bumalik sa sala.