Always is Enough [Editing & Revising]

Chapter 3 (Revised)

~

Kinabukasan ay nag-impake na ng kanilang mga gamit sina Gail at Milee at maagang pumunta sa harap ng Restaurant para antayin si Mr. Yuh. Si Mr. Yuh ang maghahatid sa kanila sa Resort na bago nilang pagtatrabahuhan.

Samantala, habang nag-aantay sina Gail at Min Lee kay Mr. Yuh ay sandaling tinititigan ni Gail ang kabuuan ng Restaurant. Napabuntong-hininga siya saka umupo sa upuang-kahoy sa labas.

"Hindi ko akalain na hanggang dito na lang pala ang lahat? Allis din pala ako sa Restaurant na ito? Hay, mami-miss ko talaga ang lugar na ito." Sabi ni Gail sa kanyang isipan.

Ganun na lang ang kalungkutang nararamdaman ni Gail dahil sa tagal na niyang nagtatrabaho sa Restaurant ni Mr. Yuh ay marami na siyang naging alaala dito. Hanggang sa nakarinig na sila ng busina ng sasakyan. Nakita nila si Mr Yuh na dumating na.

"Gail, nandyan na si Mr. Yuh." Yaya sa kanya ni Milee.

"Oh mukhang ang aga niyo ah. Excited ba kayo?" Bungad na tanong agad sa kanila ni Mr. Yuh saka sila nito tinulungan magbuhat ng mga gamit.

"Ah, hindi naman po masyado Mr. Yuh. Inagahan lang po talaga namin para po hindi na po kayo maghintay samin." Paliwanag ni Milee.

"Ah ganun ba? Oh sige tara na! Malayo-layo ang biyahe natin ngayon." At sumakay na sila sa sasakyan at bumiyahe na paalis.

Makalipas ang ilang oras ay nakarating na din sila sa Resort ng pamangkin ni Mr. Yuh. Agad namang bumaba ang excited na si Milee at tumanaw sa malayo. Mula sa malaking gate ng Resort ay kitang-kita na agad ang ganda ng dagat kaya hindi mapigilan ni Milee ang mamangha. Sumunod naman sa kanya si Gail at namangha din ito sa ganda ng paligid.

"Grabe! Ang ganda-ganda naman pala dito sa lugar na ito Mr. Yuh! Mukhang mag-eenjoy din tayo dito Gail!" Masayang sabi ni Milee habang nakahawak sa braso ni Gail.

Tipid na ngiti lang ang binigay ni Gail. Kinakabahan siya dahil iyon ang unang pagkakataon na magtatrabaho siya sa isang Resort.

"Sabi na nga ba at magugustuhan ninyo dito eh. tara na, ipapakilala ko na kayo sa bagong boss niyo." Nag-parking na si Mr. Yuh at tinulungan naman ng mga guards si Mr. Yuh na buhatin ang mga bagahe nina Gail at Milee. Samantalang may isang babaeng employee naman ang nag-assist kina Mr. Yuh papunta sa main door ng office ng pamangkin ni Mr. Yuh.

Habang naglalakad sila papunta sa office ay huminga ng malalim si Gail para mabawasan ang kabang nararamdaman niya. Napansin ni Milee ang ginawa niya.

"Relax ka lang." Cheer-up ni Milee kay Gail, tumango lang ng oo si Gail.

Mayamaya pa ay nakarating na din sila sa main door ng office. Binuksan ng babae yung pinto at pinatuloy sila sa loob. Nagpasalamat naman si Mr. Yuh sa babae at umalis na ito.

At sa loob ay sumalubong sa kanila ang secretary.

"Good morning sir, mam. Kayo po ba si Mr. Yuh?" Tanong ng babae sa kanila.

"Ah, ako nga ho. Nandyan ho ba siya sa loob?"

"Yes sir. This way sir." Sumunod naman sina Mr. Yuh sa babae at nakita nila ang isang malawak na opisina. Lalong namangha sina Gail at Milee sa ganda ng opisina.

"Grabe ang yaman pala talaga niya no?" Bulong ni Milee kay Gail. Umo-oo na lang si Gail.

Pagkadating nila sa pina-main door ng office ay binuksan na ng babae ang pintuan at pinapasok sila sa loob. Pagkapasok nila sa loob ay may nakita silang isang lalaki na nakadungaw sa glasswall habang may hawak ng isang baso ng wine. Hindi nila makita ang itsura nito dahil ito ay nakatalikod sa kanila.

"Yohan?" Tawag sa kanya ni Mr. Yuh.

Dahan-dahan namang lumingon sa kanila ang lalaki. Napanganga ng konti sina Gail at Milee sa pagkamangha sa pangatlong beses. Medyo singkit ang mga mapupungay na mata, soft and kissable lips, merong dimple, maputi, matangkad, at ang katawan ay halatang alaga dahil maganda ang pagkaka-build ng katawan nito. Ngumiti agad sa kanila ito ng makita sila.

"Buti naman po dumating na kayo Uncle." Saka ito lumapit sa kanila at yumakap kay Mr. Yuh matapos ay tumingin ito kina Milee. Ngumiti si Milee pero napayuko bigla si Gail. Medyo nagtaka tuloy sa kanya si Yohan.

"Gail, ano ka ba naman? Wag kang kabahan. Relax ka lang." Sabi ni Gail sa kanyang isipan.

Lumingon kay Gail si Milee at lumapit siya ng pasimple at saka binangga ng kanyang siko si Gail. Napatingin si Gail sa kanya. Pinandilatan siya ni Milee at para bang may nginunguso sa harapan. Dahan-dahan naman umangat ang ulo ni Gail at lumingon sa unahan.

"Hi. Its nice to meet you." Bati sa kanya ni Yohan at inabot nito ang kamay niya kay Gail. Medyo parang natameme dun si Gail pero inabot niya ang kamay nito at nakipag-shake hands dito.

Hindi maintindihan ni Gail ang mararamdaman pero parang mas naging triple pa tuloy ang nararamdaman niyang kaba ngayon kesa sa kanina.

"Ah, so uncle? Sila po pala ang waitress na sinasabi niyong ipapahiram niyo sakin." Pag-iiba ni Yohan ng topic dahil napansin niya ang pagkailang sa kanya ni Gail.

"Oo sila nga. Siya si Milee Kim Santos." Bumati naman si Milee. "At siya naman si Ellana Gail Yuvinco." Tipid na ngiti naman ang ibinigay ni Gail sa kanya at tumingin sa ibang direksyon.

"Aalagaan mo sila ah." Paalala ni Mr. Yuh kay Yohan.

"Makakaasa ka diyan uncle. By the way, I'm Kiel Yohan Lee at ako ang magiging bagong boss niyo."

"Its nice to meet you sir." Bati ni Milee.

Lumingon si Yohan kay Gail.

"Its nice to meet you." Biglang tingin naman ni Yohan kay Gail.

"Ang lambing ng boses niya.." Ang nasabi ni Gail sa isip niya.

~~~

REVISED & EDITED!