Invisible Girl (Reprint under LIB)

Chapter Twenty Six: Mistaken

Chapter Twenty Six: Mistaken

<Muriel Pov>

Pasado alas diyes na ng gabi nang maihatid ako pauwi ni Jared. Hindi ko na siya pinababa ng kotse. Alam kong kailangan na din niyang magpahinga. And besides maaaga pa niya akong susunduin bukas.

Pagpasok ko ay nakita ko si Nana Tonya na nag-aabang sa akin sa may pintuan.

"Bakit gising pa po kayo?" Tanong ko nang tuluyan akong makalapit sa kanya. 

"Nahihirapan akong matulog sa gabi. Ganito na yata ang tumatanda."

"Nahihirapan na pala kayong matulog eh bakit umiinom pa kayo ng kape?" Napansin ko kasi ang hawak niyang mug.

Ngumiti siya sa akin. "Hindi ito kape, salabat ito. Nakakatulong ito para makatulog ako."

Napakunot-noo ako. "Salabat? Di ba para lang sa lalamunan iyon?" Naalala ko kasi yung Tita ko na frustrated singer. Madalas siyang umiinom noon ng salabat para raw gumanda ang boses niya.

"Hindi lang naman para sa lalamunan ito. Marami rin itong mabuting naidudulot sa katawan. Pumasok ka na nga sa loob at baka mahamugan ka pa dito." Tinulak niya ako papasok ng pintuan.

Ngunit nahagip ng mga mata ko ang nakaparadang sasakyan ni Riley sa may garahe. "Nakauwi na po sila Riley?"

"Sinong sila?" Nagtatakang tanong ni Nana Tonya.

"Sina Riley at Samantha."

"Nandito na si Samantha?"

Tumango ako. "Opo. Nagkita kami kanina sa opisina. Hindi ba ninyo alam?"

"Wala namang binabanggit sa akin si Riley kanina."

Kung ganon ay hindi dito sa bahay mag-i-stay si Samantha! Ganon na lamang ang relief na naramdaman ko.

Pero bigla kong naalala ang naging usapan namin ni Jared kanina. Pumayag na akong mag-stay sa condo niya. Dahil kung talagang gusto kong umiiwas kay Samantha, lalo na kay Riley, kailangan kong lumayo sa kanila. At tama si Jared. Mas safe ako doon. Kaya nga bukas ng umaga ay susunduin niya ako. Siya na raw ang bahalang kumausap kay Riley. At akonaman ang bahala kay Nana Tonya.

"Nana Tonya magpapaalam po sana ako sa inyo?"

Lumingon siya sa akin. "Aalis ka?" Parang nahuhulaan niya ang sasabihin ko.

"Doon po muna ako titira sa condo ni Jared." 

"Magsasama kayong dalawa?"

Napangiti ako sa nakita kong reaksyon niya. "Hindi po. Doon ako sa isang condo niya titira."