Invisible Girl (Reprint under LIB)

Chapter Twenty Seven: Broken Hearts

Chapter Twenty Seven: Broken Heart

<Muriel POV>

"I'll miss you

Kiss you

Give you my coat when you are cold...

Napalingon ako kay Riley nang marinig ko siyang kumakanta. I couldn't help but smile. Walang duda, favorite song talaga niya iyon. 

Naroon pa rin kaming dalawa sa swing. Bagaman kanina pa kami walang kibuan ay patuloy lang naming idinuduyan ang aming mga sarili.

Need you

Feed you

Even let ya hold the remote control

I found myself na sinasabayan siya sa pagkanta. Favorite ko rin kaya iyon. Lumingon sa akin si Riley. Nakangiti siya sa akin habang patuloy pa rin sa pagkanta.

So let me do the dishes in our kitchen sink

Put you to bed when you've had too much to drink

Isa ito sa mga na-miss ko. Ang maka-bonding siya. At least sa pagkakataong iyon ay nagkasundo kaming dalawa. 

I could be the man/girl who grows old with you

I wanna grow old with you..."

Sabay kaming nagtawanan pagkatapos. Parang mga sira lang! Feel na feel kasi namin ang pagkanta kahit medyo wala na kami sa tono.

Ngunit ganon na lamang ang aming pagkamangha ng biglang bumuhos ang malakas na ulan. Nakakapagtaka. Kanina lamang ay maganda pa ang panahon. Kumanta lang kaming dalawa, umulan agad! Pambihira! Tumayo ako. Tatakbo na sana ako para sumilong nang pigilan ako ni Riley.

"Let's make fun?" He said while smiling.

Fun? Ang maligo sa ulan? No way! Kaliligo ko lang kaya!

Pati si Buddy ay parang sinasabihan ako na pumayag. Patuloy ito sa pagtaho.  And to my surprise nang bigla na lang niya akong dambahin dahilan para matumba ako sa damuhan.

Tila nanadya na lalo pang lumakas ang ulan. At basang-basa na ako.

Lumapit sa akin si Riley. Akala ko pa nga ay tutulungan niya akong makatayo. Iyon pala yumuko lang siya sa akin para pagtawanan ako.

"Sige pagtawanan mo ako. Lagot ka sa akin kapag nakatayo ako rito!"

Hindi niya inaasahan nang siya naman ang biglang dambahin ni Buddy. Sa laki ng aso niya ay hindi niya nakaya ang bigat nito. Na-out of balance siya at bumagsak sa damuhan. Ako naman ngayon ang nagtatawa sa kanya.

"Karma!" Pang-aasar ko pa. Pasimple akong dumakot ng putik at binato iyon sa kanya. Sapol siya sa mukha. Bulls eye! Ang lakas tuloy ng tawa ko.