Invisible Girl (Reprint under LIB)

Chapter Fifteen: She's Jealous

Chapter Fifteen: She's Jealous

<Muriel POV>

Maaga akong nagising kinabukasan. Parang tinatamad pa nga akong bumangon. Pero nang maalala ko ang oras ng pag-inom ng gamot ni Riley ay tumayo na rin ako. I'm not a morning person. Ngunit ewan ko ba kung bakit pagdating sa lalaking iyon ay nagigising ang dugo ko. Siguro dahil nasanay ako na mayroon nakukulit tuwing umaga.

Paglabas ko ng pinto ay eksakto naman na papasok si Lara sa pintuan ng kuwarto ni Riley. Kasunod nito si Mila na may bitbit na tray ng pagkain. I almost forgot about her. At kinarir na talaga niya ang pag-aasikaso sa binata. Baka naman hanggang sa paliligo ni Riley ay makialam pa siya?

The hell I care! Sabi ng isip ko. Oo nga! Ba't ko ba sila pinoproblema? Dapat nga ay matuwa ako. Dahil nabawasan ang trabaho ko at hindi pa ako mapapagod. At kung anuman ang gawin nilang dalawa, labas na ako dun! In the first place, hindi naman talaga ako si Samantha.

Mag-isa akong kumakain ng almusal. Maya-maya ay dumating si Jared at sinamahan ako sa mesa. Nakakapagtaka ang pananahimik niya. Kung sabagay pabor sa akin iyon. Ayoko ng may kasamang maingay. At ayoko rin sa lahat na may nambubuwisit sa akin lalo na kapag bagong gising ako. Lalo na ngayong wala ako sa mood. Tahimik kaming kumakain at walang kumikibo sa aming dalawa.

Nakita ko ang pagtataka sa mukha ni Nana Tonya habang pinapanood niya kaming kumain. Parang gusto niyang magsalita pero mas pinili niyang huwag na lamang kumibo.

To my surprised, bigla na lang bumulanghit ng tawa si Jared sa pagkamangha ko.

Nasisiraan na yata siya ng ulo! Bahagya kong inilayo ang plato ko sa kanya na para bang anumang oras ay may gagawin siyang masama sa akin.

"You're funny!" He said while still laughing.

Ako pa ngayon ang nakakatawa? Buhusan ko kaya siya ng mainit na kape?

Napailing na lang ako. He's hopeless. He really needs a medical attention.

"Masyado kang obvious, alam mo ba iyon?" He said again. At hindi ako nakaiwas nang idampi nito ang daliri sa tungki ng ilong ko. Pagkatapos ay ipinikita sa akin ang pawis na naroon. "See this." 

"Eh, ano naman kung pinagpapapawisan ang ilong ko?" I snapped. "Ngayon ka lang ba nakakita ng ilong na pinagpapawisan?"

Matutuwa na sana ako sa pananahimik niya. Ngunit hindi talaga nakukumpleto ang araw niya na hindi niya ako naaasar.

Nakakaloko na ngumisi pa si Jared. "You're jealous."

"Me?" Sabay turo sa sarili ko. "Why would I get jealous?" Iniisip ba niya na nagseselos ako kay Lara?

"Why don't you ask yourself?" Sabay tayo at nilayasan akong bigla. Ngunit bago siya tuluyang makalagpas sa pintuan ay muli siyang lumingon sa akin.