Unicode
Chapter 9 - လူသတ်တဲ့သေနတ်
__________
ချင်ကျုံးယွဲ့က အစောပိုင်းမှတ်ချက်ပြီးနောက် ရပ်တန့်ဖို့ငြင်းဆန်ခဲ့လေသည်
"ဒါက ဘာလို့ဒီလောက်ကြမ်းတမ်းပြီးမာနေရတာလဲ? မင်းဘာတွေလုပ်နေတာလဲ"
သူထိုသို့ပြောရင်းဖြင့် ရှဲ့ကျုံ့ရှင်းလက်အား နောက်တစ်ဖန်ဖျစ်ညစ်ကာ သူ့လက်ဖဝါးကိုစစ်ဆေးရန် လက်ချောင်းတွေကို ကလော်ဖွင့်လိုက်တော့ ရှဲ့ကျုံ့ရှင်း၏လက်ဖဝါးနှင့်လက်ချောင်းထိပ်တို့တွင် ခပ်ဖျော့ဖျော့ထင်ဟပ်နေသည့်အသားမာများစွာကို မြင်လိုက်ရလေသည်။
ကမ္ဘာကြီးအကြောင်း ဘာမှမသိတဲ့ သခင်ငယ်လေးပဲ
ရှဲ့ကျုံ့ရှင်းထိုသို့တွေးလိုက်မိ၏။
သူ့လက်ကို ဆွဲဖယ်ပစ်ဖို့ကြိုးစားလိုက်ပေမဲ့ အချည်းနှီးပင်။ ချင်ကျုံးယွဲ့က ယခင်တုန်းက အသားမာကိုဘယ်တုန်းကမှမမြင်ဖူးသလိုမျိုး လိုက်စမ်း၊ဖျစ်ညစ်ကြည့်နေတာကိုမြင်တော့ သူမတတ်နိုင်ဘဲ အနည်းငယ်ပြောစရာစကားမဲ့သွားသလိုခံစားလိုက်ရသည်။
" ငါ့မှာ ဘာလို့ အသားမာတွေရှိနေတယ်လို့ မင်းထင်လဲ"
ချင်ကျုံးယွဲ့ မျက်လုံးတောက်တောက်ကလေးဖြင့် ချက်ချင်းဆိုသလို မော့ကြည့်လိုက်သည်။ သူ့အသံအား ဖိနှိပ်ကာ မေးလိုက်သည်
"မင်းရဲ့သေနတ်ကို လေ့ကျင့်တာကနေ ရလာတာလား"
ရှဲ့ကျုံ့ရှင်း : "?"
ချင်ကျုံးယွဲ့လှောင်ပြုံးပြုံးလိုက်သည်
"ငါနားလည်ပါတယ်။ မင်းအသက်အရွယ်မှာ သန်မာတဲ့စိတ်ဆန္ဒတွေရှိတာက အရမ်းကိုပုံမှန်ပါပဲ။ ငါတောင်မှ အခြေခံအားဖြင့် နှစ်ရက်တစ်ကြိမ် သုံးရက်တစ်ကြိမ် လုပ်လေ့ရှိတယ်လေ"
သူထိုသို့ပြောရင်း ရုတ်တရက်ကြီး သူတို့၏အိပ်ရာထက်မှကိစ္စရပ်တွေကို ပြန်တွေးမိသွားကာ သူ့နှလုံးသားတုန်ယင်သွားလေသည်။
ရှဲ့ကျုံ့ရှင်းမှာ ဒီလောက်ထိပြင်းထန်တဲ့ကာမဆန္ဒရှိနေတာ အံ့သြစရာမဟုတ်တော့ပါဘူး၊ သူ့ကိုနေ့တိုင်းထိုအရာလုပ်ဖို့ နားပူနားဆာလုပ်တဲ့အထိပေါ့။ လတ်စသတ်တော့ သူငယ်ငယ်ကတည်းက အဲ့လိုဖြစ်နေခဲ့တာပဲ!
YOU ARE READING
ရူးကြောင်ကြောင် အထက်ပုဂ္ဂိုလ်လေး ပြန်မွေးဖွားလာပြီ// Myanmar Translation//
RomanceNovelနှင့်သက်ဆိုင်သည့်အချက်အလက်အားလုံးကို Description တွင် ထည့်ထားပါသည်။ Start Date - 9.12.2022 End date - ~Just Fan translation ~