شارع ال60

١٣

سلوان ورُقية رجعو الخرطوم وفتحو باب إفتكروه مجرد حل وقتي علي أمل ان دي هوشة زعل من أهلهم وخلاص بمشية الجامعة حا يتسدا بس يا ترا حا يحصل كدا؟!! ..

#في_القرية

"لمة بين أحمد والصديق أخوه قاعدين في سرير بره "

*اها يا احمد اخوي "ماسك عصاية وبشخت بيها في التراب " الكلام دا روح هسي ات مش اتفقت مع امها هي وينو التفاق دا..

 البنات ديل من مشن الخرطوم الليلة ليهن كم

 اااازول ها انت ما نجضت الموضوع دا ...

-"احمد بضيق" الصديق اسكت اسكت مني

*هي نان اسكت كيف من الاول قلت ليك ماف حروم بتفقو معاهن وهدا ات شايف .. 

نحن نمش رجال لي رجال ونتمم الموضوع دا وننتهي ولا شنو؟!!

*الصديق لعب هو وينا شنطتك وينا شيلتك وينو بيتك دا كلو انت ما جاهز حا تسكن في الشارع..

"الساعة دي سهام وامها ملصوقات جمب باب برندة المطبخ جادعات اضانهم يسمعو "

*هيء هيء والله ود ابوي دا عوير خلاص يايمة الدلاهة الخليقة 

-دلاهة وخليقة انتي واخوك احمد،،

 والله هو اشد منكم وتشوفي كلامي دا امو وهو جلوووود بكرا كان ودو شي اضحكي علي،،

 مازيي احمد يخمخم ليها بيت شنو وشنطة شنو البخسرا في سلوان واهلا بليلة وموية ونبقي مارقين..

"دفرت بتها" كدي زحي كدي امشي وقولي لي الكلام دا..

*يمة"بزعلة" ما دافريني بري انتي مالك ماولدك بري يايمة عارفة احمد صعب يقوم فيني هسي 

-خلاص زحي من وشي كدا

"جات عليهم"

العرس بالبسيط يتم هو الصديق بيت امو حدادي مدادي بسكنو فيه يمش يخلي امو لمنو اجي يخواني..

*يمة دا كلام شنو هسي في زمتك وينو المحل الفاضي والله الا يقعد بيها في التُكل ..

-خلاص عرسو وتعالو اقعدو معاي هدا البيت كبير وفاضي اكان ياهم اخواتك ديل عندي منو تاني لا ذيد لا عبيد..

*"ردا الصديق"

والله يا عمتي كلامك صاح بيتكم كبير انا ادوني الاوضة الناصية ديك وببني لي برندة مخلوفة عليها والمتبخ خلي مشترك رقية قالو شديدة بتعرف تتبخ "تهو تهو بضحك بهبل"

"من جواها عما كباسة ليك ولي امك شاحدة ربي يا المعولق".

"احمد بضيق قام طالع"

-ماش وين ياولدي متين جيت انت؟!

*جاي يمة عندي موضوع كدا وبجي

-"جات سهام" هي حالتنا دايرين نتكلم معاك في الحاجات نكتب ليك تجيبو شنو

*جاي يا سهام انا طاير وين 

"طلع بزهجة وإستعجال"

"ارح ارح علي الصديق بسمع الكلام مازي اب راس قوي دا"

*اوووف "طلع تلفونو ضغط علي رقم سلوان"

#جانب_سلوان

جايين علي البيت بعد طلعنا من الدكتور..

"زنننن زننننن ززززننننن"

عاينت للتلفون وكنسلت عليه

"ومدثر يعاين ليها ساي"

"ساعة زمن ووصلنا"

*براحة براحة يا مروة علي مهلك

-"عاينت لي بضحكة" سلوان شوفي اخوك بسوي في شنو هههههههه

*اتدلعي يا مرا احمدي الله عندك راجل زي دا هو اخوي الزيووو منو حنيييين اريت كان كل الرجال كدا..

-اي والله نعمة وبحمدالله عليها يا سلوان ربنا رزقني بالبصوني وبقدرني يشهد الله لا زعلني يوم لا رفع صوتو علي يوم لا حوجني وحرمني من شي..يخلي لي ابوولدي

*احم احم "بضحك" ابو ولدك ولا بتك!!

-"سلوان بضحكة"خلاص صدق وراسو كبر شوفي شوفي يا مروة بقي عامل كيف ههههههه اتنفش فينا..

"بقينا نضحك ودخلنا جوه ونحن في حالة هظار"

*يلا يلا انت دخل مرتك يا مدثر وانا خلوني ادخل المطبخ اظبط ليكم ملاح بامية فرك عمركم ما ضقتو زيووو

-وااااي انا يا سلوان تقول حسيتي بي خلاص بساعدك بعوس ليك ال....

"قبل تتم هجنا فيها بصوت واحد"

مروووة ادخلي جوه

-ولا شي كلو بسويه براااي يلا يلا يا مدثر لم مرتك وامشو جوه هووووني ما بريد زول يزحم لي المطبخ 

"دفرتهم الاتنين ودخلته"

#جانب_احمد

سمح يا سلوي

ما تردي اصلو ما تردي وطوالي خليك شايفة روحك وسافهاني بس حدو قريب قريب يابت العم انا بعرف اكسر ليك نخرتك الرافعاها اعلا مني دي يابت الجامعة..

#رقُية

ما بين حب و العادات !

ايهما ستختار رُقيه ! 

رُقية : محمود !! انا موافقه انه نتزوج عُرفي..

*ايوة كدا تعجبيني لازم نختهم قدام الامر الواقع بس عاوز اقول ليك شي ااا!!

-"بتوتر وخوف" عاوز تقول شنو يا محمود؟!

*ما تكلمي سلوان!!!

-بس يا محمود ااا لكن ولا اقول ليك لالا خلاص ااا انا ما بقدر اسوي حاجة زي دي خلاص مع السلامة انا ماشة الداخلية..

*رُقية افتكرت انك بتحبيني ما كنت قايل ان خوفك من سلوان وشخصيتها طاغية علي رايك بالشكل دا ، كنت قايلك حا تقيفي جمبي ونثبت للكل ان حبنا حا يتوج بالزواج رغم اختلاف اي شي افتكرتك حا تكوني زولتي ونبني مستقبلنا سوا ونعيشو ل روحنا ما بالناس وتخطيطهم لينا..

- يا محمود!!!

 "بإنكسار وحزن" وقفت محلها

*راجعي كلامي يارقية دا قرارنا نحن سلوان ما عندها دخل فيه ،، شايفاها بتسوي ال في راسها هي ومصلحتها..

 حصل شاورتك في شي بخصها؟!!

 ردي علي!!

 حتي لو كلمتك بتكلمك تحصيل حاصل وبس !!!

كلامي دا صاح ولا غلط؟!!

-صاح يا محمود!!!

*لمتين انتي حا تكوني تابع ل سلوان تحرك فيك زي الدمية وبعدين سلوان امورها ظابطة عشان

كدا نايمة علي الجهة البتريحها لا متعذبة لاحاسة بعذابنا..

 اليدو في النار ما زي اليدو في الموية..

ها ؟!!

-"بخوف"لكن ما لكن يا مح...

*"قبل تكمل كلامها "خلاص ما عاوز اسمع يارقية ردك وصل خلي سلوان تنفعك وبكرا حا تعرس هي وتكون مبسوطة ومرتاحة وخلينا نحن المعذبين حياتنا كلها عدم راحة وندم..

يلا سلام وانا اسف جدا لاني قلت ليك كدا افتكرت حبنا اقوي لكن لقيتك جب...

"قاطعتو"

-خلاص يا محمود انا ما جبانة ولا شي وعشان تعرف اني بحبك موافقة ومليون في المية حا اسوي الانت عايزو بس عشان حبنا لكن لازم سلوان تعرف.

-حا تعرف بس ما هسي لانها ما بتوافق وانتي عارفة سلوان كويس خلاص يلا نمش..

"طلعو من الجامعة سوا ورقية في حالة ضغط نفسي وتشتت حاسة نفسها بس انها مسيرة من الكل".

#سلوان

زي ما قلت ليكم ان شخصية رُقية مهزوزة بس عمري ما اتوقعت انها تسوي شي من وراي لاني واثقة فيها اكتر من روحي استغفلتني و افتكرتني ما بعرف ..

عارفة

في الفترة الاخيرة المشاكل مع الجامعة واخر سنة كانت ضاغطة علينا من كل الجهات حتي انا زاتي كتير بقرب استسلم ليها وارضي بالواقع الاتفرض علي بس بتقوي بمدثر لما اشوفو مع مروة بالذات هي

زولة اتخلت عن اهلها وعرست البتحبو رغم العنصرية الواجهتهم بتزكر يوم جابا لينا قبل عرسهم كان اول يوم اشوفا..

"يمممة مدثر جا من الجامعة ايووووووي اخوي خريج يوووووي يووووي زغردته قدرتي وقتها من الفرح" كان معاه شلة طلبة بس من بينهم عرفني ب بت

*سلوااان "بعد سلم علي" دي مروة "اتنحنح كدا ..

فهمت طوالي ان بينهم شي"

 عشان ما حا تقدر تمش وتجي للتخريج انا جبتها تقعد اليومين ديل وبالمرة تتعرفو عليها..

-صراحة في ساعتها كضبته روحي ومن جواي"

مدثر دا مستحيل يكون جادي اذا عاوز دي لالا كدي ما استعجل هي جات زيها وزي باقي ضيوفو البجو معاه طوالي كل مرة بعزمهم ..

لكن يا سلوي اشمعني عرفني بيها من دون التلاتة بنات والاولاد المعاه .. اصلو الموضوع ما مطمن

 وفعلا...

بالمساء جانا جوه انا وامي بنعوس

 "في طرق قمح" وانا بغلي في اللبن للعشاء.. 

وقف ودنقر قطع لي حتة من طرف الطرقة اكلها وحكه راسو وكحه كدا

 قال:

*يمة انا عاوز اعرس البت القبيل السلمت عليك اول واحدة. مروة

"الساعة امي تجدع التملة والقرقريبة من يدها هناك وتقوم..

-انت جنيت يا مدثر تخلي بنات اهلك سماح شكل ولون وتمش تجيب لينا****

"وانا زاتي ما قصرته هرجته مع امي فيه زيين ما خلينا ليه جهة يرقد عليها اليوم داك"

#فجأة 

واااي احي النار تشتني في اصبعي صحتني من السرحان الكنت فيه قعدت اضحك

*يا سبحان الله الله يغفر لي حقك يا مروة والله طلعتي احسن مننا كلنا اريتكم يا يمة ويا يابا تشوفوها طيبة كيف احسن من الف من بنات حلتنا كان بقت ليكم اكتر من بت تشيلك في عيونا يا يمة تونسك وتتقلك ..

الله يقطع عقدة الجنس الخلتنا بالفهم العقيم دا.

"رجعت اقطع في البامية"

#في_جانب_تاني 

"نرجع للاحداث شوية للتضويح"

*ببخرو في حاجات الشنطة من سكات

-يعني يا هاجر ما دايرة تقولي لي لشنو العملتي دا ؟!!

*عملت شنو يا توته قلت ليك عزالدين ما قسمتي وبس انا زولة مؤمنة بصلي وبقرا قران ووردي يومي وبحفظ في القران في الخلوة ف الحصل مجرد نزوة وربنا يغفرها لي..

-طيب اخر كلامك لي ما كان كدا جيتي مبسوطة وفرحانة انو جا وواثقة حا اعرسك وكدا..

*قلت ليك نزوة يا توته بس انا زاتي ما عارفة وقتها سويت كدا لشنو ..

علي العموم عشان ترتاحي انا من يوم البكي بعد اتلاقيت مع عزالدين ما حسيتو شغال بي بعد رجعت البيت صليت الاستخارة مرة واتنين وتلاتة ..

"سكتت"

-اها واصلي!!

قبلها ياهو محمد بتعرفي اصلا دايرني من زمان وفتح الموضوع تاني ووعدتو اصلي الاستخارة وارد عليه وفعلا قبل الوفاة بزمن صليتا لكن كنت بعاند في روحي لان بالي مع عزالدين..

-اها وطيب الغير رايك شنو؟!!

حلمت بكلاب بتكورك شديد وقلبي بتقبض بقي كل ما افكر فيه وصليتا تاني وتاني.. ونفس الشي 

-طيب ومع محمد؟!!

*ما كان بحصل كدا بالعكس كنت مرتاحة لكن زي ما قلت ليك

"بضحكة " المهم

عزالدين ما مكتوب لي يا توته والحمدلله رب العالمين الخير فيما اختاره الله .

-يازولة مبروك ربنا يسعدك يارب اهم شي انتي تكوني مرتاحة يلا يلا يابت خلينا ننتهي انتي علي سفر .

#رقية اخ منك يارُقية

*يعني خلاص كدا؟!!

-ايوة

*طيب انا خايفة كان قلت ل اهلي حا يقتلوني ويقتلوك الفايدة شنو؟!! 

خلينا نعرس عديل مش انا حكيت ليك عن اخو سلوان..

-عشان كدا الخطوة التانية تعالي معاي "مسكها من يدها"

*محمود انت مجنون بتسوي في شنو "جرت يدها بقوة"

-زي اي اتنين معرسين لازم نسوي 

*"نطتت عيونا بخلعة ودفرتو من جمبها" انت حيوان نسوي شنو اوعي الفهمتو من نظراتك وحركاتك دي..

-رقية انتي بقيتي مرتي فيها شنو لو هبشتك ومشينا شقة ما عندنا حل غير كدا 

*طيب مدثر و...

-"بجوطة" مدثر مدثر كل مرة جايبة سيرتو يلا مدثر دا انا زاتي متأكد انو مع * مروة دي لانو ماف واحدة اهلها

بتخلو عنها الا اذا كانت ما تمام..

*"اتنفضت من اخر جملة ليه" محمود؟!!!

بس الموضوع ما زي انت فاهم

 "العبرة خنقتني شديد وبكيت في ساعتها" اصلي ما اتخيلتك انك خاتيني بالمكانة دي اصلو ما اتخيلت كدا!!!

"مسكت شنطتي ومشيت من قدامو طوالي من سكات وقبل ابعد منو"

-كان ما جيتيني برضاك حا افضحك بالورقة دي...

"اتجمدت في محلي وانا شايفاه بلولح لي بيها رافعها فوق"

#ملحوظة

القرقريبة: عواسة من السعف بفرقو بيها العجين على سطح الصاج.

التملة: قطعة من القماش بنضفو بيها الصاج بعد كل طرقة من الطرقات.

#دمتم_سالمين☕

#سحر_سمير🎻

#فاطمة_قسم_الله🌼