الحلقة 21
بقلم ///هاجر صباح///
بارت لعيونكم الحلوة...
وانت بغيبتك طاريي مامر بيك؟؟
وكلبك مايكلك وين صار فلان؟؟
ظميرك ماكعد ماشبع من النوم ؟؟
ماشافتني عينك من رحت زعلان؟؟
عليك تلفتت لفتة مهفة بأيد
شايب سولة عنده حتى اذا بردان
ومو هسه السهر ذبل سواد العين
من يوم العرفتك وانه ماحلمان
انا سهرانلك من يوم ذاك اليوم
لمن كتلي شسمك وانه كلت فلان
سارة...
جنت كاعدة يم ماما واسولف وي زهراء وماما وسمارة كاعدات يسولفن وي زوجات مصطفى ومرتضى وضحى وهديل يسولفن وحدهن وكل ساعة يغزرن سمارة ف جانت زهراء تسولفلي عن قبل من جانت تداوم ومن بطلت لحد السادس ابتدائي وبعدين عن حياتها الحالية وفجأة سكتت وترخصت مني وراحت يم امها اني درت وجهي على امي وضليت استمع لحديثهن وفجأة
وسمعت ام مصطفى كالت اريد اخطب سارة لحارث ابني اني انصدمت وفتحت عيوني على وسعهن يعني اني ارتاحيت من انسد الموضوع ومرت علي يومين معقووولة !!هسة تذكرن وفتحن هلسيرة ...
وتفاجأت بماما هم من كالتلها او نهت الحديث ب الله كريم ليييش انطتهم امل؟؟! جانت بس سمارة تفهمني من خلال نظراتها الي زين وفراس شلووون ؟؟! معقولة انخطب صدك؟؟! زين شلون وفراس شلون اوصلة والمصيبة تلفون الارضي مالهم عطلان قبل اسبوع ياااا الله شسوي هسة؟؟
الى ان انقطعت سلسلة افكاري ب ماما وهي تكوم وكالتلي اجو الولد كومي كمت واني بس صافنه وثاردة بأفكاري وشنو حيصير؟!! لليل دخلت الغرفة لكيت سمارة بيها تنوم غزولة لان جانت غرفة كبيرة نام بيها اني وسمارة وماما بعدين انتقلت لغرفة هي وعمو بيها وبابا اجه بمكانها بارفتنه وصرنه ننام سوية باوعتلي كعدت نومت غزل واجت يمي ضلت ساكته واني متحملت نزلت دموعي ...
_هاا حبيبتي ليش هلبجي؟؟!
_لج خاايفة سمارة خاف صدك يوافقون!
_لا يمعودة قابل يجبروج؟؟!!
_ما ادري ما ادري وزدت بالبجي..حظنتني واني ابجي ..مسدت على راسي واني شوي هدئت كلتلها زين فراس شلون اتواصل ويا؟؟!
_والله ما ادري صعب تتواصلين ويا لان انتي حتى متعرفين وين انتقلو او ضلو ببيتهم!!
_زين شسوي بالله قبلو؟!
_الصراحة اكولج حارث جوهرة نادرة والله حباااب كلش وحرامات تخسري ..
_مو سالفة حبااب بس القلب شيقنعة مو اني كلبي عند فراس..
_الله كريم كومي يا عيني كومي حيجيبون كيك وعصائر خلي ناكل شوية كومي ...كمت وياها ورحنه للاستقبال كعدنة اكلت وياهن وضلن يسولفن وام حارث عينها علية واني اتجنها وانزل عيوني وما اسولف هواي..
ام حارث_اكلج عيني انتي شكد عمرج؟جاوبتها بأبتسامة مصطنعة_20 عمري
_اهاا البه يبارك بعمرج جبيرة مو صغير
ارتبكت ونزلت عيني منها نوب رجعت كالت
_زين انتي شتصيرين اذا كملتي دراسة؟
جاوبتها ورسمت ابتسامة خفيفة_ادرس طب اسنان يعني طبيبة اسنان..
جاوبتي _ها لعد خوش خوش دغتورة تصيرين جاو عود تسويلي سنيناتي وياج..
ابتسمت وكلتلها _ان شاء الله
ماما ضلت تسولف لل9 الكل راح لغرفته ينام
دخلت للغرفة ودخل بابا وماما وراي كعدو يحجون واني لفيت نفسي بالبطانية وردت انام انشال الغطة مني
_هااا ماما اريد انام
شام_ولج كعدي نريد نحاجيج..
رجف كلبي وبلعت ريكي وكمت عدلت كعدتي كال
بابا_يابة ابو حارث اليوم هم حاجاني عليج ولولد مو شهرين ونص صار معاشرة صدك زلمة وينشد بي الظهر وخوش ولد حباب وما عندة سوالف مكسرة ...
ازدادت ضربات قلبي وجاوبته بتردد_ااي ووشقررتو
كالت ماما_القرار الج بس بنتي انتي بعمر جاهزة للزواج واني هم اكول الولد خوش ولد واهلهم هم زينين وناس طيبين وعلى كد نياتهم مو حيالين وصاحبين فضل علينه عيب منه نردلهم طلب..
_ماما بس اني اريد اكمل دراستي..
_اي نشرط عليهم تكملين عادي هاا شنو كلتي
حرت شجاوبها اختار فراس حبي الاول لو اختار اهلي وقرارهم كلتلها _ماما اريد افكر براحتي
_ماشي امي روحي نامي هسة
بسرعة تغطيت واني افكر وتنزل دموعي الى ان خذلني النعاس ونمت
كعدت الصبح ب 6 لميت شعري ذيل حصان ورتبته تريكنه النسوان بغرفة والزلم طالعين هستوهم للشغل وام حارث كالت يمة _سارة كومي ناوشيني ماي من المطبخ زهراء نايمة بعدها..
كمت رحت للمطبخ اخذت كلاص ترسته مي وانداريت وجان اصتدم وكع الكلاص اتبدة المي بس ما انكسر باوعت لكيته حارث انصدمت
كلتله بلعثمة_اااا اانت ششجابك هنا مو اا شسمة مو رحت للشغل..
باوعتله انتظر جوابة بس هو اكتفة يباوع لوجهي ويتأمل تفاصيلة
تنهد وكال _ارجوج وافقي والله اني احبج وانتي اول حب بحياتي..
باوعتلة بصدمة وفاتحة عيوني بوسعهن كال بصوت اشبه بالهمس وعيونه ذابلة
_واني وكعت بحب شعرج وعيونج الحلوات ..ومد ايدة لشعري نزل خصلة جانت مرفوعة بأهمال طاحت على وجهي واني تجمدت ما اعرف شسوي بسرعة عفت كلشي ودا اركضت وتزحلكت لزمت بفالينته حيل وانشكت شوية وهو لزمني من خصري
وكال:على كيفج يحلوة
اني وخرت بسرعة وطفرت ركض واسمعة يضحك ..
استغفررر الله شلون غثيث رجعت كالت ام حارث:باجة لو مي ياا خالة وينه المي ..
الكل وجه نظرة علية شلون ثوبي مبلل مي وشعري مكفش شوية من البداية
شام_هاي شنو متعاركة وجاية شبيج يا امي دعدلي كفشتج ..
خجلت كلش شلون موقف محرج اترخصت وطلعت..
تجت سمارة وراي كالت ها ولج شكو وجهج ينطي الوان..
سولفتلها الصارلي ضحكت وكلتلها هسة شنو اوافق لو لا وفراس شلون ..
كالت_وافقي حتى اهلج ينحرجون اذا رفضو وهم عيب منهم والله الولد حباب ...
مرن اربعة ايام واني افكر اخر شي كلت خلي اوافق لان امه اني صدك احبها هي وزهراء حبابات وبعد تهلي ما اكدر اكسر كلامهم واخجلهم بالرفض ...
خبرت ماما بس كلتلها من نرجع لبيتنه يلا نخطب ..
مريم كل ساعة تخزرني وبمرة كاعدة وجان تجيني كالتلي بهمس ها البواكه عرفتيني احب حارث وهل اخذتي مني حية على امج
جاوبتها_انجبي انتي الحية اذا ضحى امج لعد شترجة منج بعدين هو حبني خو ما مثلج ...باوعتلي بخزرة وكالت بسيطة وراحت
هزيت ايدي واكتفيت بالسكوت طلعت بالحديقة بالمرجوحة ومريم واكفة عود تغسل الطرمة جان اشوف حارث من بعيد متوجه للحديقة شافته مريم ورفعت ثوبها لحد ركبتها ونزلت شوي من الدشداشة من صدرها وسوت روحها متدري اني هنا شطت من الاعصاب مر منها باوعلها ونزل راسة بسرعة كاللها
_اسف خوية ما ادري بيج بس دخلي جوة واني انظف الطرمة لان اخاف زلم يشوفوج من بعيد ولا توكفين كدام هلباب لان تنشافين من بعيد هي كالت بمياعة _اا لا عيوني اني انظف
كاللها وهو عيونه بالكاع_كلت دخلي خوية دخلي هي عوجت حلكها ودخلت وهو باوع وشافني اني نزلت عيني هو سد المي ومسح الكاع واجه بسرعة ردت ادخل وهو وكفني كال تعالي وين كعدي كعدت
وكعد يمي كال _خلي شويه نحجي نتعرف على بعض لان راح نصير مخطوبين خجلت منه كتلة _اا اي ..
ضحك وكال _اكثر شي بيج احبة خجلج ومن تحمر خدودج ...
كتلة بتعجب_وانت شمدريك تحمر خدودي هو اني كم مرة شايفتك ..
جاوب بضحكة كال :حافظج حفظ من تضحكين وجهج يصير احمر ومن تضوجين تمدين بوزج وتعكدين حواجبج ومن تفرحين تضحكين وتكمزين ومن تخجلين هم يصير وجهج احمر وتبتسمين..
تفاجأت وفتحت عيوني_عزاااا هاي شلون تراقبني؟
كال: هههههه نسيت من تتفاجأين تفتحين عيونج العسلية العسل مثلج لج اروح فدوة لهل شفة الكرز شوكت الخطوبة واضوك هلعسل ...
خجلت وتفاجأت بجرائته كتلة_عفية لتحجي هيج والله اخجل وحجيك جريئ ما تحب هيج اني ..
جاوب بضحكة_صار استاذتي او دكتورتي الحلوة ..
سكتنه بعدين كال:اني من صغري رغم صعبة ظروفنه ما جنه هيج قبل جنه اللكمة كوة نحصلها ومرات ننام بدون عشة ومرات نبجي من الجوع رغم ذلك كملت دراستي وجنت ارجع من الدوام بالمدرسة اروح للمعمل جنت اشتغل بمعمل مال نساتل وامي اشتغلت خياطة وابوي عمالة يشتغل اما مصطفى ومرتضى بطلو من الدراسة وساعدو
ابوي رغم ماكو شغل واني ضليت اجمع واجمع الى ان اشتريت قطعة ارض النه زراعية وابوي عاف العمالة والتهة بيها والحمد لله انرزقنه واشترينه كاع اكبر واني كملت دراستي وتوضفت وهم جمعت اشتريت كاع ومن هلشهر راح ابنيها الج وتكونين ملكة بمملكتي ..جنت استمعلة بتركيز وتمعن اول مرة اشوفة بهل قرب جانت بشرته حنطاوية وعيونة
لون اصفر وعندة شامة بركبته وحاجبة بي طبرة خفيفة ودائما عاكدهن وثخان وعندة لحية خفيفة وشوارب متوسطة الثخن وشامة فوك حلكة انتبهت هو يباوعلي واني صافنه بي نزلت عيني بسرعة ..امداني شعندي اباوع هسة خرب حظي ..كال :اروح فدوة لعيونج يا بنت كلبي تعالي ندخل اخاف عليج خاف بنيتي تبرد
ابتسمت بخجل وكمت ودخلنه للبيت شافتنه مريم مزرتني وراحت :ياا هاي شبيها الحمد لله والشكر
___________________________________
سمارة....
بعد ما وافقت سارة ام حارث ضلت تهلهل وزهراء تركص وتكمز واحنه نضحك عليهن بس سارة ضايجة وكالبة وجها اشترطنه عليهم تكمل دراستها والخطوبة تصير من نرجع ...مرن اسبوعين وبيوم كاعدة
واجاني رافد كال تعالي احاجيج بالغرفة شلت غزولة واجيت للغرقة كعدت كال:صار ثلاث اشهر احنه هنا ولازم نرجع كمزت بفرحة_صددددك رافد بربك الله عليك صدك..
جاوبني بفرح_اي وهسة لمو غراضكم كلها
_يعني خلصت الحرب
اردف بحزن_لا كالو الحرب طويلة ومنطقتنه ابد ما متضررة وما عليها خطر..
وبعد يومين لمينه كولها غراضنه وودعناهم وجاب رافد سيارتين وطلعنا.....نهاية البارت
.....يتبع
(صوتو بنوتاتي)