الحرمان بعد العطاء

البارت 4

الحلقة الرابعة  4

///بقلم هاجر صباح///
(بنات التصويت مهم حتى تصعد القصة حبابات صوتن❤😘)
********************
اميرتي..حبي..
عشقي..همسي..
احساسي...نبضي
الا تدري الى الان من انتي..
انتي قمري الذي يضيئ ليلي..
انتي الهامي واحلامي عند نومي..
انتي نور الصباح الذي تراه عيني..
انتي الحياة التي تتعطر بها انفاس رئتي...
_____________________________
شعلان :وطلعت هية تعارك ابوي وياها كال :وين جنتي حيرتيني وشيبتي راسي كالت كلمة خلتني انصدم صدمة عمري كالت:والله رحت للكاضم وشديت رايتي ودعيت كون ما يصير عندك ولد ما دام ما سمعت كلامتي وكسرتها عساك لا تهنيت بزواجتك وهاي ما اريد اسمع حسها واشوف شلون تتهنون تكسر كلمتي يبننن بطنيي فرحت بالبداية راح ازوج ابني وحيدي وطلبتها منهم وما وافقو بعد ليش تكبر راسها كتلك اخطبلك الاحلى والاحسن منها ما ردي اشوف خلفتك بلة....
رديت:معقووووولة!!!هيج محمل كلبج علية ونوب داعية علية؟؟يعني ما تفرحين من ابنج يتزوج الهواه كلبة والتمناها من زماان ؟؟؟ما تردين تشوفيني فرحان ؟؟ما دام صارت هيج والله لساني بعد ميطخ لسانج انتهت بعد ...
سمييية تعالي خلي نروح لغرفتنه اخذتها ورحت دخلت الغرفة واني بركان ومقهور معقولة هيج كرهتني؟؟واني وحيدها هيج تدعي من كل كلبها معقولة تتحقق دعوتها؟؟وما اخلف ولد يحمل اسمي  انقطعت سلسلة افكاري سمية:اا شعلان بس اريد ابدل طلعت  بدلت واخذتها وصارت مرتي نوب وصرتن انتن بكل حمل يصير الها اتأمل يطلع ولد وخايف دعوتها تتحقق برابع حمل الها لكيت امي تبجي حن كلبي عليها صدك حلفت ما احاجيها ابد بس تبقى امي وصدك ما حاجيتها من زواجي وجانت تتوسل احاجيها بس جنت كلش محمل منها ومقهور وما ناسي دعوتها وهي تدعي علية بكل كلمة ترن براسي وخايف تتحقق اجيت الها بسرعة وخايف :ها يمة صار شي ليش تبجين؟
الحجية:يمةة والله رحت لبو طلبة ودعيتلك كلت كون يصير عندة وليد وافرح بي وهاي رابع حمل المرتك وماكو وليد وخاف هم تطلع بنية
شعلان:وانتي على هاي تبجين؟يمة خوفتيني حسبالي صاير شي كلشي من الله نعمة حتى لو بس بنات هم يحملن اسمي..

الحجية:يمة بس مهم واحد يصير عنه وليد سند اله بكبرته عكازة اله مثل ما هسة انت عكازتي يمةة بعد هم ما تحجي وياي والله يا يمة متندمة دعيت عليك بس جنت مقهورة لين ما اخذت حجايتي وكسرتها واني الاتباهة بيك وانت هلوحيد الي شعندي غيرك يا يمة ومن تزوجت كلها تحجي ياا كسر كلمتها وهي هنا تجي تسوي ملاك الها بس متندمة ونزلت دموعها..

شعلان:دنكت على راسها واديها وبوستهم يمة افاا جا شعندي غيرج اني غير امي وجنتي وبوكتها تصالحنه بس بقت تدعي بالحمل الجاي ولد وحملت وماكو الى ان صرتن 6 وبعد ما حملت امجن امي انقهرت كلش وتمرضت وحالتها تدهورت وصتني كالت:يمة كله من وراي ما صار عنك ولد ابريلي الذمة وضلت ايام معدودة وماتت..
سمارة: اباوع البابا ملامحة بوكت الي يحجي بامي تلمع عيونة ومن حجة بامة دمعت عيونه وضل يجر حسرات رحتله وبسته من راسة كافي بابا فدوة ها هي الصار صار والله يرحم امك وابوك...
شعلان:امي بسببي ماتت اني الموتتها من قهرها عليه..
سمارة:كول يا الله شنو بسببك امر الله هاذ...
شعلان:ونعم بالله سمية تره جوعان اكو اكل...
سمية:ولجن شو كومن سولنه اكل طماطة وبتيته... 
كمت اني وزينب نيوي اكل وسعاد مريضة ونايمة واصلا ما تختلط بينه هواي وعلاقتنه اني وزينب اقوة...
زينب:كلش انقهرت على بابا احسة مجروح ولا تخيلت هيج حزين..
سمارة:اووف جان بس اكل لامي يمة شلون تزوجتي بابا تشرحلة بكلمتين بابا من حجة احسة يشرح وصرت اتخيل ويا حتى وصل المشاعر من فرح وحزن..احسن من امي من حجتلي ابوج شافني وتزوجنه لا بلة علساس ما نعرف شلون اجينه احنه خرب حظي...
زينب:ههههههه اصلا امي من حجتلج عود بصوت ناصي وبكلمتين هاي لو ما كمت اشتغلت جان لكيتي صوتها لسابع جار وتحجي جريدة...جان اجانه صوت
اني فزيت ووكعت الخاشوكة على رجلي وهي حارة
سمية:لكفتجن تحجننن علييي
سمارة:ااااخ يمةةة رجلي ولج لحكيلي يمة رجلي راحت
سمية:شو اشوف ..اشو هاي غمتي :امدااج يلغمة على هاي صوتج جنج وحدة تريد تجيب هايبة شلو اني بالفاهية باجر وراج حبالة ومجيب عود هم ضلي صيحي هيج خلي اروح لا تجيني خلطة من وراج الفاهية...اني ضليت صافنه هاي شبيها استغفر الله
زينب بربج كملي خلي اولي رجلي شاطت متت
زينب:الله يرحمج روحي خية كل يوم مسويتلج حجة واني الضحية..
سمارة:غير انتي اختي الاحبها...
زينب:جا ابتليت صرت اختج خرب حظي الجابني عليج...
سمارة:دنجبي بعد انفتحتلج الساحة كثري بتيته تره جوعانه اني رايحه رحت جبت عصارة ودهنت رجلي الالم يموت نوب متروسة دهن ااااخ يا امي لو اكضج واسحلج هو احد يلومني اففف تعشيت وغسلت المواعين ونمت...مشت الايام وبيوم من الايام اجه بابا من وكت والدمعة بعيونه وعيونه دددم....انصدمت من منظره بسرعة اجيت نزعته حذاءة وتمدد وانتجة على الحايط ومنزل عيونه فرك وجهة كال:صيحيلي سميية بسرعةةةة
اني ركضت بسرعة يمةةة الحكي ابو مدري شبي ويريدج...
سمية:فلشج يم المصايب بس بالكوارث جايتني
راحت امي وركضت وراها شهكت امي وضرب على صدرها :يمةةة اسم الله شصاير بيج ابو سمورة...
شعلان :تنهد شحجي وشكول سميةة راح يكتلنه الجووع ..
انصدمت :بااااباا احجي شنو السالفة
سمية:هسة غير يحجي مو شلعت كلبييي احجي يا عمري ولكل مشكلة حل لتخاف اذا على الاكل نترس الثلاجة واسويلك لحم وكلشي..
شعلان:يابة شكد تلغين هو اني على الاكل بس اااني.....يتبع 
هلووو حبايبي شلونكم قلبي اعتذر عن التأخير بس اني اكتب حسب التفاعل من يزيد التفاعل والله اكتب بواهس وافرح شكرا من القلب على الدعم احبكم❤❤😘