الحرمان بعد العطاء

البارت 25

البارت 25

بقلم الكاتبة ///هاجر صباح///

سارة...

كال_عندي موضوع وياج
كتلة رجاءا لا موضوع ولا شي اني ما اعرفك اريد اروح
كال بس اني اعرفج
استغربت حيل منة لزم ايدي اني هنا تخبلت كال تعالي كتلج عندي موضوع وياج.... سحبت ايدي بسرعة وضربته راشدي ما اعرف شلون اجتني الجرأة ومنين اجتني القوة اصلا لان اني جبانه كلش

هو انصدم كال:صدك ما عندج تربية تضربيني ؟؟ يا عديمة الاخلاق يا ام الشوارع ..يا ساق....

كتلة :اني اشرف منك ومن الخلفك سمعت رفعت اصبعي واني ارجف من الاعصاب دييير باااالك تندك بيه بعد سمعتتتت مشيت بسرعة طلعت من الجامة مشيت بهدوء جان يجي وراي ويسمعني كلام بحياتي مسامعته ولزم ايدي

اجر بأيدي ما اكدر جانت يمي مرة كالت:عوف ايد البنية يا ما تستحي ..جان يكول هاي حبيبتي واريد اراضيها هي هزت ايدها وكالت:جايات دياحة مو على مود الدراسة واني كمت ابجي بصوت وهو يتوعدلي ويكول اله اشوه سمعتج لا اكدر اصرخ اخاف تجي شرطة او احد عرف انفضح بالزايد

ما احس غير الولد انشمر من ظربه باوعت لكيته حارث اني هنا زدت بالبجي وهو دار علي شبعة بوكسيات وهو يصيح

_لككككك يااا خنيييث ياااا عاااار شلون تتجرأ تلمس ايدهاااااا تفضحها تريد موووو اليوم ازين هلشارب اذا ما اتوبك وضل يظربة والدم يصب وذاك هم كام وجابه ببوكسي واني اتوسل بي يعوفه وهو يدفعني وكمل نزع حزامة وشبعة ضرب حتى هدومه تشككن والناس التمت تحاجزهم والشرطة  اجت حاجزتهم ورادو ياخذونهم اثنينهم بس اني شرحتلهم كلشي وعافو حارث وذاك فقد الوعي   كمت بس ابجي يا ربي دخيلك هو اجه جر ايدي

وصعدني بسيارته واني ابجي واشهك وهو اعصاب ساكت وكل شوي يركع الستيرن بقبضة ايدة كال بصياح

هسةةةةة تحجيييلي الصااار كله بالتفصيل من الالف للياء يلااااا ...

باوعتله واني اشهك عيونه حمر ودمارات وجهة طالعة خفت بالزايد وكمت ابجي هو استغفر ربه وطلع بمكان ما بي ناس ووكف السيارة نزل جاب مي واجه شربني مي وغسل وجهي شوي هدأت

هو حظني لصدرة واني رجعت ابجي وهو حجه بهدوء :اششش لا تبجين اخذلج حكج مربع وحك هو علي ما ارتاح وازين هلشارب اذا ما عفنته بالسجن ...كال وهسة اريدج تحجيلي كلشي ..

بديت احجيله من البداية لحد ما ختمتها بسؤال...

"شلون اجيت وليش" جاوبني بهدوء عض شفته ولزم راسة بألم وكال: البارحة اخذت اجازة على اليوم حتى عود اجي اشوفج دخلت للجامعة ما لكيتج وجاي امشي لبيتكم وشفتج تبجين والحقير لازم ايدج شبيت من الحركة تمنيت اموت ولا اشوفج هيج والشيطان تربع بعقلي اجيت اكتله الا شويه وادخل بخطيته...