الحرمان بعد العطاء

البارت 2

الحلقة 2
///بقلم الكاتبة هاجر صباح///

__لتنسون التصويت حبابين ❤⭐ قراءة ممتعة__

.
.
.
.
لكل منا احلامٌ مختلفة نحلم ان نعيشها ففي صغري كنت اتمنى لعبة جميلة ذات شعر اشقر وملابس جديدة لكن نضطر ان نلعب بلعبة بالية ذات شعر مجعد مقلوعة العيون..نكبر وتكبر احلامنا حينما اصبحت اكبر كبر حلمي واصبح ان ارتدي ذلك الفستان الجميل الابيض مثل ساندريلا وتلك الحذاء الزجاجية الناصعة لكن ننصدم حين نصحى من الخيال ونعود للواقع نجد لا يوجد فية ساندريلا وتتبخر تلك الاحلام لياخذنا القدر ويرسم حياتنا عكس تخيلاتنا الجميلة .....بقلمي
__________________________________

شعلان:والله شكلج بس كتلة انطيني وقت
سمارة:بابا تسد الموضوع نهائياااا ابد ما اريد هلسيرة تجيبوها بالبيت رجاءا اني اريد اكمل دراسة وبعدني صغير وهو بكدك مستحيييل اقبل...
شعلان:يابة ليش متقبلين اشو عندة مال وحلال وحالته زينة يشبعج فلوس ومو بس هيج يحبج وشاريج واني من طلب ايدج ما صدكت اجيت طاير من الفرح تالي متوافقين ..
سمارة:لخاطري سد الموضوع مااا اريييد افهمووو خليت وكمت رحت للغرفة بسرعة واني ارجف دخلت وبجيت من البداية ممرتاحة لنظراته من البداية اني ليييش رحت واستمريت اودي الغدة ليييش شكد غبية لعد المفروض من شفته مو راحة جان كعدت وسكتت بس اااخ من امي كله بسببها اوووف يربي منين طلعتلي هلسالفة اجت امي وزينب
سمية:انتي صدك تخبلتي ولججج الشييخ بنفسة اجه خطبج ولج شتردين بعد تردين تجلطينييي توافقين وغصب عنج وعن الخلفوج متعافية الثولة ولج فلووس وماال ويحبج شتردين بعد مو هاي اخواتج مشلوع كلبي بيهن هاي تزوجها وتزوج عليها وذيج ما ينطيها فلس ولج هاذ يحبج وشاريج ولج الغيرج تتمنه منه الكلمة وانتي متعافية يلغمة..
سمارة: عطت بيها اهوووووو اكلتني وشربتني انطينه عطوة نحجي شبيج اخذتيني حاصل فاصل ما اوافق لو تموتووون يمةةة بكد ابوووي شتحجييييين انتي مااااا علية اكتل روحي وما اتزوج
سمية:ضلي يلطامة غصب عنج تقبلين عافتني وراحت زينب اكتفت بالسكوت اجت سهاد
سهاد:ولج صدك تحجين ولج هاذ الشيخ رافد لو طلبني اني بدالج جان ولا ترددت واوافق شبيج يلعوبة اشو حلو وشخصية وهيبة ووقار وضلت تصبخ بي وتحاول تقنعني اخر شي نترت بيها
سمارة:امشييي ولي مني ما ارييد يعني مااا اريد كافي طلعتي الي ملاك
سهاد:يطبج مرض حتى مرض عود لمصلحتج ضلي عانس احسلج
ضجت منها لفيت راسي ونمت بدون غدة كعدت على  هوسة امي وابوي سمعت خطوات جاية للغرفة زينب:تعالي بسرعة مدري شكو بالمطبخ
ركضت مفزوعة وي البنات سمعت
شعلان:تقبللل وغصب عنها اني اذا رحت شكلةة وشنو راح تكون ردة فعلة استحي اكله رفضت وهو متفضل علية
سمية:كله انطيني وكت وسد السالفة بين ما اقنع هلبلوة هاي هدأت الهوسة رحت بسرعة للغرفة وسديت الباب..يارب شلون لو جبروني لا ما اعتقد بابا يحبني بس خاف اذا ردله خبر بالرفض خاف يبطلة من الشغل لا ما اعتقد هو زين ساعدنه لا ليش لا همة مصلحته يمكن سوه هيج حتى اقبل لان جان مخلي براسة هلغاية من زمان قطعت سلسلة افكاري زينب:سماااارة كومي سوي وياي عشة كمت حظرت وياها وهم نفس الحجي تلبخ بالشيخ وطلعته ملاك من الجنه تعشينه وبابا جان ضايج كلش فرشت ونمنه واني افكر يا رب اكتبلي الي بي خير الي ضليت افكر الى ان نمت ...مرت الايام وطلعت نتيجتي جنت خايفة خاف درجاتي ضعيفة بس الحمد لله جانت قوية فرحت وسويت كيكة واحتفلت وي زينب وسهاد بعد وسالفة الشيخ انسدت نهائيا ارتاحيت وكدرت اتنفس بس بقى هاجس الخوف والقلق بيه.. بقت ماما وسهاد يقنعن بية اني ما قبلت ابدد لان جنت خايفة من الزواج وهم لان هو جبير كلللش بالنسبة لعمري...بعد مرور شهر على سالفة الشيخ فجأة سمعت بابا وماما
شعلان:اكلج الشيخ يريد جواب لان طولت السالفة
سمية :حاولت اقنعها وهي ماكو ابد لعد لو تدري متزوج ٢ نسوان وعندة ولد وبنات بطولة هم خطية جبير عليها..
شعلان:احنه لمصلحتها وهم نخفف الحمل علية البنية مسؤولية وحملها ثكيل اووف بس تمنيت ولد يكون الية سند وعكازة بكبرتي بس الله ما كاتبة من نصيبي كلة من امي المهم مو هاذا موضوعنا هسة الاريدة منج تقنعينها ...
سمية:احاول اقنعها هو احنه شنريد منها تكول صغيرة جا اني مو تزوجت وعمري ١٦ تتذكر يشعلان لو لا؟
شعلان:شلون ما اتذكر لهسة من اتذكر اخذت سلاحي وكسرت بابكم من عرفت اليوم زفتج تخبلت ومدري شصار بية..
جانت زينب يمهم كالتلة: اي بابا كمل اشو ما حجيتلنه قصة حبكم هههه ولا مرة كلما اكلج تكولين ما عندي وقت اليوم لازم تحجين
سمية:ياا ولج وين رجعتيلنه لايام الحب خجلت اني من هسة هههه وغطت وجهها باديها احجيلها يشعلان..
اني صح جنت ضايجة بس حبيت اعرف دخلت وصحت سهاد اجت وراي دخلنه كلتلة :بابا اني هم اريد  اعرف ليش مصار عدنه اخ وليش تكول بسبب بيبي؟؟
تنهد و كال: تعالن كعدن واسولفلجن قصة حب بس ما توفقنه بيها ... يتبع