الحرمان بعد العطاء

البارت 8

الحلقة 8
///بقلم هاجر صباح/// لا تنسون التصويت🤭😍
.
.
.
.
.
.
.
"احيانا نضطر ان نكسر قلوبنا واحلامنا من اجل العيش💔"

___________________________________

صعدنه السيارة تقيدت كلش جان كاعد يمي شوي وحسيت ايدة تخلت على ايدي جمدت وتقيدت كلش صرت خشبة بس قاومت وسكتت...جان السكوت سيد الموقف .. بعدين حب يكسر السكوت كال :ان شاء الله ادللج واكون كد مسؤوليتي واسعدج... دمعت عيوني كتلة بس انت حطمتني بهتت ملامحة تعلن مشاعر القهر الي بداخلة

وجانت السيارات ورانه هلاهل وهوسة وصلنه هو صف سيارته واني نزلت انتظرته ...اجه ومشيت وهو لازم ايدي كلش ضجت منه امشي واجر خيبات الامل والخذلان من الجميع معقولة يطالبني بحقوقة ك زوجة؟؟ زين هو يعرف اني ما اريدة واكرهة ومجبورة علي اكيد ميطالب!!!

لا ليش لا لعد المن متزوج تنهدت بحسرة طويلة وصلنه كان بيت كولش جبير دخلت وودني بالاستقبال النسوان ضلن يهلهلن وماما جانت يمي هي وسهاد والبنات ما كدرن يجن خلصت الهوسة وماما توصيني:يمة لا تفشليني صيري سباعية ورفعي راسي وباجر اجيج بصباحية عرسج ان شاء الله...

تنهدت:متدري بيه نااار تسعر بصدري محد يحس بيه مستحيييل اخلي يتقرب مني يحلم... بدأت الشمس تغيب وتأخذ معها احلامي البائسة والبسيطة وحل محلها الظلام القاسي الناس كلمن راح لبيته اجت

مرة ثلاثينية حلوة كالت:حبيبتي اني مرة حماج حامد شنو تطلبين كوليلي ولتستحين جانت حبابة كلش دلتني على الغرفة دخلت الها انبهرت بكمية الجمال والترتيب والعطر الي بيها سمعت عم الهدوء

بالبيت اعتقد الزلم راحو تنهدت واني خايفة نزعت الفستان المزعج وحليت شعري راسي يوجعني كلش فتحت الكنتور انصدمت بكمية الملابس البي بس كله سيتات نوم فاضحة كلش استحيت يا ربي اريد

شي مستور لكيت واحد شوي ما بي فتحات هواي بس قصير لونه ماروني اخذته احسن من الباقيات دورت جنطتي ماكو يمكن ضلت بسيارته رحت سبحت وطلعت باوعت بالمراية وتنهدت استسلمت لمصيري المجهول فجأة فتح الباب ودخل رفعت راسي بخجل من ملابسي بسرعة غطيت نفسي بالغطه تقرب باتجاهي....

زينب...

من بعد ما راحت ماما وسهاد وسمارة والبيت فرغ خيم على قلبي الحزن بفراقها كلش متعودة عليها بنات خالتي جانن موجودات سمعت وحدة تهمس للثانية :خايبة شفتن غركها بالذهب وما راضية المدام اااخ لو اني جان بسته كدام الكل ولج وين اكو مثلة خرب... الله ينطي الجوز للماعندة سنون العوبة وهي وجها مكدر جنها بومة هي وين شايفة ذهب بنت الفكر...

سمعتها وانعصر كلبي رديت عليهن" شكد مستفزات انتن وما تستحن شنو هل حجي وانتن بنص بيتنه وتحجن عليها"
هي ردت بارتباك"ااا هاا حبي لا دنحجي هيج بسالفة" سكتت عنهن مو بحالهن واجاوبهم صار المغرب والكل راح البيته شكد توسلت بيهن ضحى للعشه بس ما قبلن نظفنه البيت وصبينه وبهل اثناء اندك الباب راح ابن ضحى فتح الباب طلعت ماما اجت وهي فرحانه لسمارة اووف محد يحس بيها مثلي تعشينه واني بس انقش مالي خلق ولا اشتهي فرشت للبنات والي وافكر بيها شلون حالج حبيبتي سمورة الله يوفقج ويهديج ...