البارت 31
بقلم ///هاجر صباح///
(لتنسن التصويت حبايبي🥺💜💔💔
انه الوفي بس الزمن خانه..
انه الما يأذي حتى عدوانه..
انه الما ضاك طعم الفرح..
ولا يعرف حتى وين عنوانه...
انه الينطعن ويصبر ع الجرح...
انه المتعوب من الصغر ...
وبكلبي شكد جروح مليانه...
انه من كد الحزن ذوبت حتى الصخر
انه الجروحي كبل العمر كبرانه
يكلولي تهون وتكضي وانه أنتظر...
وكلما مشيت المسافة الكاها طولانه...
انه البعيونه دموع كد البحر..
تشكي حالته وروحه التعبانه...
مثل الكزاز انكسر...
ما ينسمع بس صوت حسراتي الحزنانه ...
باوعت للسمه وبعيون ذبلانه ....ربي اسقي روحي العطشانة .....بقلمي
سمارة.....
كاعدة بالسيارة وصافنة واسمع الانين والبكاء الي حوالي بس احس نفسي بغير عالم ما اعرف شديصير الكل يبجي ويصرخ الا اني كاعدة وعيوني على الجامة بعدم مبالاة احاول ابجي بس ما اكدر هادئة الى ابعد درجة بس اكو بداخلي غصة مثل الحمم البركانية الي تحرق قلبي وتحولة رماد اسود حياتي صارت جحيم رمادية ما بيها الوان حاطة ايدي على خدي وعبايتي المرمية بأهمال على راسي مع خصلات شعري المتناثرة على وجهي ...
عادت بي الذاكرة الى تلك اللحظات التي تجمعني بمعشوقي....
_صباح الخير حبيبتي...
_صباح النور عمري...
_امم كومي خلي اجيب ريوك وسوي جاي لان عندي طلعة راح اروح وي جماعتي لان عدنه مشكلة ونريد نحلها...
_جاوبته بابتسامة ماشي حبيبي...رمقني ببوسة كلها حب ولهفة باوعتلة بخجل ابتسمت وكمت عدلت الفراش وهو بدل ملابسة وراح كعدت الكل وبديت احظر الريوك كملت وهو اجه الكل غسل وجهة وسمينة بالرحمن وبدينه ناكل حط كوب الجاي بالصينية بلع لكمته وباوعلي وتكلم بجدية
:-شنو رأيج اليوم نطلع لمدينة العاب؟
جاوبته بفرح_صدددك رافد الله عليك صار من رجعت قبل شهرين وان ما مطلعنه ومنا جنه بغيابك اصلا ما نطلع...
كال بابتسامة حزينة:- ماشي ورا الظهر ارجع اخذكم حظرو نفسكم...
الكل فرح وضلو يكمزون من الفرح والكل يكول هيج اصعد وهيج اصعد وراح البس كذا شي ...
حظرتلة الحمام دخل سبح وطلعت غسلت المواعين ورتبت ملابسة وعطرتهن ودعته وطلع ورحت نظفت كملت تنظيف سمعت الاذان اذن توضيت وغزل هم توضت كرومي واسر شافونه نريد نصلي بللو راسهم واجو وبان تلعب بالعابها
لبست احرام الصلاة هستوني بديت بالصلاة وشفت كرم واسر ركضو لبسو الحجاب وخلو التربة وعود يصلون اسر يعلي بصوته ويكول الله اتبر وكرومي يكلا لك لا غبي كول الله اكبر وتعاركو اني لزمتني الضحكة بس تماسكت نفسي وصليت ركعت لزكت التربة بجبيني ومن كمت طاحت هم راحو
ESTÁ A LER
الحرمان بعد العطاء
Literatura femininaقصة حقيقية ومختلفة ...الكثير منا يحلم للمستقبل يرتفع الى السماء باحلامه لكن لا تنسى هناك واقع يوقع بك من سابع السموات الى الارض...
