الحرمان بعد العطاء

مشهد من المستقبل

الكاتبة هاجر صباح...
مشهد من المستقبل....

كحلج والسمار البيج كسرن عين المراية

كالو شعرج المنثور هيل وطش بالولاية..

بغداد.........

شهاب: باجر العقد مالتج جهزي نفسج واذا سمعتلج نفس قسم بالله اكتلج واخلص من عارج..

بان:وكعت يم رجلي فدوة خوية لتظلمني والله اني بريئة وممسوية شي والله فدوة لتظلمني وابجي من كل كلبي ما احس اجتي دفرة وشي حار نزل من خشمي غركت بدمي...

سمارة: الله لينطيك ولك شسويتو ببنتي ولكم بريئة ولك هاي اختك هيج تسوي بيها...

بان: شالتني امي وهي تبجي غسلت وجهي واني جثة فاقدة للحياة اني الي محد مد ايدة علية  هيج يصير بية ...ضاعت كل احلامي مستقبلي تدمر جانت احلامي وردية بس واقعي مر
امي واخواتي يبجن وما بيدهن شي ...

نمت واني افكر يا رب رحمتك كون يخرب العقد كون ميقبل بيه نمت ودموعي بعيني ...ثاني يوم دزو فستان العقد جان فستان بسيط ابيض وطويل
يمة فدوة سوي شي ما اريد اتزوج يمة فدوة شنو شفت من عمري كمت ابجي واصرخ حرااااام عليكم والله بريئة يااااا ناااااس بريئة ومضلومة جنت بس اريد ادرس حرمتوووني من كلشي ولكم دمرتوووني  .

سمارة: يمة فدوة لعمرج على كيفج والله ما بيدي شي شسوي يا امي والله توسلت ردت بعد غير العشاير قررت يلا حبيبتي امشي غسلي ولبسي الفستان وخلي يعدي اليوم على خير وبعدين نشوف شنو نسوي...
بان:طبيت سبحت وطلعت لبست الفستان وغزل خلتلي شوي مكياج يخفي اثر الضرب ..اجو اهله وامة جانو كلش فرحانين ...اجو وامه فرحانة تهوس وتبوس بيه وصاحولي للعقد واني بس دموعي تنزل بصمت صرخات بداخلي ترج الكون شي يجرح مثل الشوك بداخلي دخلت وره الباب ..

سمعت الشيخ ..(هل تقبلين بشهاب وكيلا لكِ)
جاوبت بنمس ننعم..سمعته كال شهم هل تقبل ببان بنت رافد زوجه لك ..جاوب بسرعة نعم اوافق...بان هل توافقين بشهم سلمان زوج لكِ.
ضليت ساكته يا رب صبرك اوكف وياي يا رب ..كرر بان...هل توافقين بشهم سلمان زوج لكِ ..جاوبت بتردد والعبرة تجرح بلعومي ودموعي تنزل ننعم..

سمعت هلاهل امه واهله كلهم فرحانين...كالو رح يجي العريس اني هنا كأنو يكولون حيجي عزرائيل يقبض روحج صرت ابجي بصوت مسموع الكل انتبه اسمه وحدة تكول:دلع العرايس ميتات على الزواج ومن يتزوجن عود يذبلهن كم دمعة..
وهاي لتكول يا غير هي ماتت علي وباعت اهلها ..
اجه كعد يمي واني ولا اباوعلة ولا رفعت راسي كلبي احسة وكف من البجي ودكاته مسموعة احسها ..
صبيحة:يمة لبس الذهب لمريتك بعد كلبي وتهوسلة وفرحانه..
لبسني الذهب همسلي هاي اخر مرة تنزل دموعج اني وياج ما اخلي دمعة تنزل من عيونج...
بان:اكرهك حسسس اكرررررهك..
شهم:واني راضي بيج حتى لو تكرهيني...