الحرمان بعد العطاء

البارت 5

(لتنسون التصويت حبايبي)❤💜
///بقلم هاجر صباح///

جميلة تلك الاحلام التي نغوص بها في الخيال فيها نكتب اقدارنا كيف ما نشاء عكس مواجع القلب والظروف البائسة التي تحرمنا من كل ما نحب فعله لتسلب كل تلك الضحكات المرسومة على وجنتينا....
______________________________________
سمية:هسة غير يحجي مو شلعت كلبييي احجي يا عمري ولكل مشكلة حل لتخاف اذا على الاكل نترس الثلاجة واسويلك لحم وكلشي..
شعلان:يابة شكد تلغين هو اني على الاكل بس اااني دمعت عينه ودنك راسة :اني انطردت من الشغل سمية راح نموت من الجوع ..

سمية: صاحت بلا وعي تصخمتي يسمية راح نموت من الجووع نوب وعت على حجيها ااا يلا فدوة الك غير شغل ماكو واحد مات من الجوع بس لييش طردك؟؟؟
شعلان:جر حسرة طويلة ااااه حاجاني هو كال :اخليلكم البيت واسجلة باسمكم ضمان واعدلة الكم بس بشرط تنطوني سمارة بنتكم ...طلع يريد سمارة كتلة: رافضة البنية وتريد تكمل دراستها اكو اخواتها ٢ اكبر منها اختار منهم اذا تريد كال : ما اريد اريد سمارة و خلال شهرين تطلعون من البيت بعد ....انصدمت معقووولة؟!!! شنو من انسان هاذا ؟؟ ما عندة انسانية؟؟ يعرف ما عدنه مصدر رزق غير المعمل الي بابا يشتغل بي وذالنه بهل بيت ياريت جبير افف خرب هيج دنيا كادرة على الفقير صار القوي يسحق الضعيف اووف شوكت نرتاح ...

انقطعت سلسلة افكاري من صياح امي:كله منج يسماااارة راسج ياابس مو كلناااالج اقبلي وانجبي لا تريد تكمل دراسة عساس حتصير دكتورة العوبة ما تعرفين مصلحتج راااح نموت من الجووع ولج صخمااان كمت ورحت بسررعة للغرفة بقت امي تحجي:امدا حظج يسمية ما كاعد حتى وي الخلفة شلون بنات شالعات باب الكلب امداجن اي والله....
زينب:هااي شكوو شصاير
سهاد:وجه البومة كله منج ابوووي شيصير بلة النه لو للعيشة لو لمشاكلج..
زينب:شنو راح تعرسين اهلهل كللللووووش
سمارة:هوووب منين تطفى هاي طفوها يمعودة صدك تحجين دسكتي خليني بحالي...
زينب:ربي دزلي واحد مثل ما دزيت السمارة جا اني شبية اخبل بلكت الله اعرس وافتك منجن...
سمارة:آمين واخلص منج اففف كلعة..
مرن يومين وبابا راح يدور شغل بعد عناء طويل لكة شغل واشتغل بالبناء حمدت ربي بابا لكة شغل وحينسه سالفة الطركاعة ذاك وتنسد واخلص مر اسبوع وفجأة اندك الباب رحت اني فتحت الباب طلعن نسوان اثنين :خالة ام سهاد موجودة
سمارة:اي موجودة تفضلن رحت صحت امي يمة اجو نسوان اثنين عليج
سمية:ها ام المصايب شكو ما كالن شيردن
سمارة:لا ..راحت امي اجن ودخلتهن كعدن بالغرفة اني وزينب طلعنه لان نستحي وهم ما نعرفهم منو سهاد كانت بالمطبخ اكلج سوي جاي ..رحت اتسمع من الباب سمعتهن :والله يا اختي جايين على سهاد ابني شافها بالجامعة ومعجب باخلاقها وهو مستعجل على الزواج.
سمية:نشرف بيكم بس ناخذ رايها للبنية وابوها ونرجعلكم خبر...اجيت ركض ولج سهاااد الحكي
سهاد:ومرض فززتيني شكو زينب ودي الجاي ...
سمارة:انتي ودي جاييج خطابة..
زينب:ربي ذاك اليوم دعيت النفسي مو الها خرب حظي..
سهاد:هو شنو خلي افهم
سمارة:روحي ودي الجاي وتعالي
سهاد :اوك همزين مبدلة لبس حلو رحت وديت الجاي وعيونهم علية ابد ما شالوها منا من رحت...
سمارة:ها شصار
سهاد: ووجع شصار وديت الجاي واجيت بس اعتقد هاي ام أسد صديقي بالجامعة
زينب:امممم صديق؟؟
سهاد:اهوووو عينج علية صار سنة من تعرفت علي بس ابد متوقعت يخطبني لان اني اعتبرة كاصديق
زينب:ايي هو بالبداية اخ ونوب صديق ونوب حبيب لا هنيال حظج يزينب بس اريد اعرف شبيه اني انتن الولد كاتلين روحهم عليجن وخطابة هواي اشو اني ولا واحد...
سمارة:انجبي ما تستحين كاتلة نفسج على الزواج لعبان نفس اووع
طلعن النسوان وركضنا لامي هاا شصار
سمية:ياا شبيجن تتراكضن المهم بعد انتي شدكولين سهاد هم جبيرة وراح تتخرجين تزوجي واستقري..
سهاد:والله بكيفكم..
سمية:جا خوش يجي ابوج ونسال عليهم
اجه بابا وفتحنه الموضوع فرح وكال:الله يكتبلي عمر وأمن عليجن باجر اسأل عليهم وان شاء الله خير اباوع لسهاد فرحانه الله يوفقها
مرت الايام وبابا سأل عليهم طلعو خوش ناس بدينه نجهز الها اشترينه ملابس الها مالت نوم ولطلعة ودخلنه هلكانين تعب قرب العقد رتبنه البيت نضفناه كله حتى الطابوك حكينا وضمينه الغراض بجنطة كبيرة ما نسوي هوسة لان بيتنه صغير بابا بنه استقبال صغير لكن نسه ان بعد شهرين نطلع كتلة :بابا لا تبني بعد شهرين نطلع نسيت حجي الشيخ تنهد وكال:الله كريم اني اتفاهم ويا تداين هواي فلوس حتى يسد احتياجات العقد والبناء ...بنه استقبال شوي ارتاحينه فرشنه ونمنه بعمق بعد هلتعب ومرت الايام اجه يوم العقد كعدنه من وكت نضفنه ورتبنه اجت اخت العريس مكيجت سهاد وجان مكياجها يجنن ولبست فستان بيجي طويل وبي شذرة سودة من الصدر وحزام اسود نازك وبسيط كلش حلوة طلعت وهي بيضة وعيونها صفر على عسلي فاتح اجه العريس وراحت عقدت جان شكل العريس كلش مرتب.. اني لبست فستان وردي قصير ومنفوش من جوه وبي فتحة من الظهر وعدلت شعري جان طويل كلش لجوه ظهري سرحته وبرمته من كدام شوي خليت مكياج جانت اخوات العريس بالاستقبال وهوسة ردت اطلع كالت امي زلم بره لتطلعين اني ردت بس اباوع شوي فتحت الباب شوي جان اشوف الشيخ رافد دشداشته البيجية وسبحته والغتار اسود شافني خزرني حيل ياا هاذ شبي والله يا الله عايش دور الزوج خفت بس ما بينت بقيت اباوع من الباب شوي وما احس اجه باتجاهي اهووو فتح الباب بسرعة وسدة اني انصدمت وخفت كلش شافني بقة صافن وفاتح حلكة ردت اروح لزم ايدي وكال بس احجي وياج تعالي اخذني بزاوية من البيت وكال:بس اريد اعرف شناقصني ليش رافضتني فلوس موجودة وادللج والله بس اقبلي العمر مو مهم.... قاطعته لا مهم انت اربعيني واني كل عمري ١٧ وفوكاها متزوج ٢ وعندك اطفال بطولك رجاءا اريد اروح دا اروح وشفت امي :هااي شدتسوون ...
سمارة:ااا مدا نسوي شي اني رايحة
سمية:اوكفي... وانت عيب عليك عود شيخ وهيبتك هاي عيب تضيعها وتصير مراهق وتختل ببنات الناس..
شيخ رافد:لا ما مرجية منج هاي اني اختل ببنات الناس؟؟ ششايفة عني العالم كلها تعرفني وتعرف اخلاقي اني اجيت لهنا احجي وياها
سمية:تحجي وياها واحنه كاعدين مو تتختل بيها ووحدكم وانتي شلون تقبلين يتختل بيج بلة شافج واحد شتكولين والله احجي ويا دومج غبية وبهاذ لبسج تخلين اكبر واحد يركب براسة ابليس امشي كدامي يلاااا...
رحت واني ارجف وخايفة يا رب همزين محد شافنه غير امي شلون اني غبية ما فكرت متختلة ويا ببيتنه اففف شوكت اخلص طلعت سهاد ودعناها جان هو عقد هو عرس لان مستعجل واعتقد يحبون بعض بس هيه كتومة متكول... زينب كضتها بس تركص منا من طلعو ودعناها وطبينه بدلنه اجت زينب:راح اشتاقلها صح هي ثولة بس تبقى هي ام البيت وتنظف بدالي...
سمارة :بربج لعد ممشتاقتلها انتي هميتي التنظيف حيصير عليج ...
زينب :دنجبي انتي وياي طبعا
دخلنه سويت عشه دخلت امي تصييح.....يتبع