الحرمان بعد العطاء

البارت 15

الحلقة 15 ///بقلم الكاتبة هاجر صباح///

بارت طويل لعيونكم 😆❤

(بنات اعتذر عن التأخير بس لان زياره وتعرفون انتم وهم حسب التفاعل انزل لتنسون تصوتون😍😘)
.
.
.
.
.
.
.
من بابا اترخص بابا رغم رافد توسل بي يبقى للعشة بس بابا مقبل ابد وراحو.. جابلي رافد صينية العشه ابتسمت وضل يعتني بيه ابد ما عافني...

رافد:حبيبتي اريد احجي وياج بموضوع ..

سمارة:اي حبيبي احجي ...راح سد الباب واجه كال : اني ناوي بس تكومين على حيلج ننتقل لبيتنه الجديد كمزت بسرعة صدددددك عليك الله ...

رافد"اي والله شبيج تره ما ناسي الموضوع بس ما حبيت افتح الموضوع وانتي بهل وضع كلت تولدين بسلامة يلا ".... حضنته بسرعة وبوست خده ..

سمارة"واخيرا راح يصير عندي بيت بس متحمسة اشوووفة كلللش"
رافد:لو ادري هيج تفرحين جان كل يوم اشتريلج بيت" ...ضحكت سمعت بجي غزل بسرعة رافد طفر اخذها لحضنه ويتلمس بشرتها النااااعمة انطاني اياها جانت وجهاا احمممر وعدها شوي خدود بس

جانت ناعمة رضعتها باوعت لرافد ابتسمت كال"كلش تشبهج من تبجي يصير وجها احمر ومن تنام بيييضة عليج وهم ناعمة مثلج اني تمنيتها تطلع تشبهج والحمد لله طلعت تشبهج" ابتسمت لحجية ...اندكت الباب اني بسرعة جريت الشال غطيت صدري وانفتح الباب طلع شهاب كال :يابة حامد يريدك ..

جاوبه رافد"اي يابة جاي" طلع شهاب ورافد بوسني وطلع ورا ضليت صافنه على الملاك الي بايدي ..اجتني شام علمتني شلون اعتني بغزل وشوكت ارضعها وحتى هي تكفلت اذا كبرت شوي تسبحها واجت سارة وعيونها لمعت من شافت غزل

ماما عليج الله خلي اشيلها ..
_لا ماما البنية صغيرة اخاف توكع ..
_فدوة يمممة عليج الله شوفي والله ما اوكعها
_كاافي سارة لا تعااانديين مو طفلة انتي واعلمممج..

_دمعت عينها رادت تروح صحتلها"ساارة تعالي حبيبتي اخذيها بس ديري بالج اجتي تركض هية انطيتها الها وهي كلش حذرة وتباوعلها وعينها تلمع كأن اول مرة تشيل طفل"

شام_ديري بالج سمارة تره الجو باارد كلش صار يعني احنه هسة بشته والجو بارد غطييها لتتمرض لان ما عدها مناعة هسة لان صغيرة "

جاوبتها"ان شاء الله "
ضلينه نسولف لحد ما راحت هي وبعدين اجت بصينية كباب كالت"الشيخ دزها وكال خلي تاكل زين لان عدها فقر دم وكال لتنتظرني اتأخر وخلي تاخذ علاجها " ابتسمت وراحت ..اكلت شوية لان ما

اشتهي واخذت علاجي ونمت ..فزيت على صوت طكطكة بسرعة فتحت الضوه طلع رافد كال:بعدج لهسة ما نايمة؟؟
كتلة"لا نمت بس انته فززتني ..اجه يمي ذب سويجه على ميز التواليت ونزع دشداشته ضل بالشورت وتمدد يمي غزل جانت كللش هااادئة ونادرا ما ينسمع صوتها ..تفحص الصينية الي يمي وكال بنبرة حادة"هاي ليش مماكلة "
كتلة "اا مو اني ما اش..."قطع كلامي كال بنبره عصبية"انييييي شكللللت موووو كلللت لشام خللللي تاااااكل زييين لييييش تكسرييين كلااامي"