الحرمان بعد العطاء

البارت 30

البارت 30

بقلم //هاجر صباح//

(بارت طوووويل لتنسن التصويت ...راح اغيب فتره بسبب الدراسة ادعولي بنات بالتوفيق)..تحياتي الكم كونو بخير متابعيني❤❤💜

سارة...

بديت اداوم بجامعتي الجديدة سنه ثالثة ما اعرف احد ولا حتى المكان شي جديد وخايفة ما اعرف شنو اتصرف ...

نظفت البيت وسويت غدا لباجر حتى من اجي من الدوام ما ادوخ بالغدا ...

حظرت مواد الدولمة وكعدت الف دولمة اجه حارث ...

يابة السلام عليكم شلونها مرتي الحلوة...

بوسني بخدي وكعد ..جاوبته بأبتسامة"دا الف دولمة  حتى ما اتأخر بالغدا باجر ومن ارجع ما احير واستعجل على الاقل بس احمي الاكل "

بوسني برقة كتلة بابتسامة خجولة:- اشو تأخرت الساعة ب ال11 وين جنت؟؟

جاوبني بحزن:- رجعت من الدوام ب 6 بس وانه راجع بالطريق خابروني صاحبي  مسوي حادث ورحناله وهسة استقرت حالته واجيت تعبااان حيل حظريلي الحمام..

عفت البيدي وحظرتله الحمام والملابس ورجعت كملت لل 12 كملت تنظيف والدولمة خليتها بالمجمدة بس اجي اطبخها طبيت سبحت ولبست ثوب قصير للركبة زيتوني وربع ردن ومشطت شعري ورحت للغرفة لكيته نايم تمددت يمة احس ظهري طك متت الم دا اغفة وحسيت ببوساته الهادئة تركته ومتجاوبت ويا لان صدك تعبانه هو حظني ونام من شافني تعبانة...

كعدت الصبح وهو كعد بدلنه ولبست العباية وقفلنه البيت وطلعنه وصلني للجامعة ودلاني على الاماكن وكال:-ديري بالج على نفسج ...صعد للسيارة واني دخلت للجامعة ضل يباوعلي الى ان دخلت وتلاشت صورتي من امامه...

دخلت للجامعة تفحصت المكان بالبداية جانت بيها ممر يؤدي الى ساحة جبيرة كلش وكلها خظار وورود الوان حبيتها كلش وجان بيها مصطبات او كراسي للكعدة...

كعدت بيهن شوي وشفت هواي بنات كعدن ويسولفن وي الولد ..

جنت كاعدة وحدي وافكر شلون رح اتأقلم لان حتى احد هنا ما اعرف  ..اجت وحدة مبينه بسيطة كالت بتوتر:-ممكن اكعد يمج ؟

كلتلها:-اي تفضلي ..سويت الها مجال وكعدت كالت:-مبينه مو منا
كلتلها:-اي اني من بغداد..
كالت:- شنو اسمج ..باوعت لبطني كالت شنو انتي حامل؟؟

كلتلها:-  اني سارة اي متزوجة وحامل ...
كالت:-هاا ربي يسهلج ويرزقج من جميع ابوابة..
كلتلها بأبتسامة :-شكرا حبيبتي والج بالمثل...
كالت:-اني مروة  مرحلة اولى ف تشوفيني شوي مستغربة من المكان...

كلتلها:-تشرفت بيج اني هم مستغربة لان اول مرة اداوم بهل كلية...

كمنه اني وياها ورحنه لقسمنه شفنه قاعاتنه  كلتلها:- نلتقي ان شاء الله بنفس المكان..جاوبتني بابتسامه :-ان شاء الله ...
دخلت لقاعتي والكل كعد اجه الاستاذ كال:- السلام عليكم ..ردينه السلام واحنه كايمين كال:-تفضلو بالجلوس..