الحرمان بعد العطاء

البارت 11

الحلقة 11 ///بقلم هاجر صباح///

احببتك وتعلقت بك كالطفل الذي يتعلق بامه اصبحت انت هي انفاسي وكل شيء جميل في حياتي..
_________________________________

يلا اخذي راحتج رحت للمطبخ لكيت سارة مبينه ضايجة وحته باجية....ها سارة حبيبتي شبيج هاي شنو باجية ..مسحت دموعها

سارة:لااا حبي ما بية شي يلا اني اروح...
راحت جان شكلها مو طبيعية رحت شفت مريم بنت ضحى مرت مني دفعتني حيل وكعت على باب المطبخ دخلت اليده مالت الباب بظهري صرخت ااااخ شبيج عوبة اخ يمة ظهري...

مريم:حسبالج من تزوجتي بابا تاخذينه مني ولج انتي زعطوطة وماخذة واحد بكد ابوج متستحين ..

خلت وجرت شعري اني هم جريت شعرها ضربتني على بطني ااااخ عضيتها بايدها شلعتها الها صرخت اااااخ يمةةة ويينج هاي سمااارة موتتني اجت ضحى تركض وكأن ما صدكت ..

لكتلها حجة اجت جرتني هي اضخم مني بهوااي جنها هايشة كعدت علية انكطع نفسي وضربتني راشدي حسيت خدي انشلع مو ايد جفجير ...

صرخت اااااخ يمةة لحكيليي حاولت اكلبها ماكو ولا تنزاح وهاي الزبالة تجر بشعرر تكطع كلة باديها ضليت ارفس اجت سارة صرخت ودفعت مريم

وكطعتها تكطع اجت شام هاي شكو شنو هل..ما كملت وشهكت من شافتني يمةة عزاا ماتت البنية ضربتني ضحى بعيني حسيتها انخلعت صرخ

اااااااخ يمةة واختنكت ضليت ارفس خرمشت وجها طلع دم من وجهها هي تخبلت ضربتني راشدي..

بسرعة اجت شام تركض ولج وخري يلهايشة جرت ضحى ضحى تخبلت شلون تكللها هايشة ضلت تغلط وتسب بشام

شام محجت بس جرتني ودتني لغرفتها وهي تسحل بيه سحل جسمي كله يوجعني غسلتلي تمددت واني

كوه اتحرك اااااه يا ربي شورطني اي هو انييي شبيدي وافقت برضاتي بكل الحالتين اني الخسرانه
انقطعت سلسلة افكاري ...شام:شبيج امي يوجعج شي ليش صافنه ولج احجي ..نزلت دموعي وهيجت جروحي الي بوجهي..

شام:استغفر الله امي اهدي هسة يجي رافد ويسويلج حل هاي اربع اشهر صارلج وهيج سوت بيج لعد لو تبقين سنين شتسوي الله ليوفقها ...

سمارة:احجي واني اشهك ووالله وو الله اله ااخلي يكتلها واذا ماا سوه اكلب الددنيا ععلية ...

شام:بس اهدي امي كافي حبيبتي اني يمج حبيبتي تعالي دخلي سبحي وارتاحي ....كمت بالكوة امشي جسمي دخلت ذبيت هدومي وفتحت وفتحت المي

ضلت دموعي تجري وي المي تهيجت كل الكدمات البجسمي ضليت ابجي على نفسي الضاعت اريد ارجع سمارة الي ما كسرها الزمن اريد ارجع برائتي ولطفولتي ..
اتذكر :من جنت صغير جانت المدرسات يموتن عليه ودائما يشترلي حلويات واني اطير من الفرح بيهن جنت كلش نظيفة ومرتبة انزك وحدة بالصف...اااه يا