الحلقة 17
.
.
.بقلم ///هاجر صباح///
.
.
.
كعدت وي الرجال وشفتهم مخبوصين كلتلهم خير شبيكم ... كالو ما دريت الاخبار؟؟!! تعجبت كتله لا مشغول هلفترة خيركم احجو؟؟!!.....
_يابة حسب مسمعنه وكال راح تصير حرب بينه وبين ايران لان متعدين على كاعنه ...
_شنوو حرب زين شوكت تصير ..
_'والله ما نعرف
_اختنكت من سمعت هلكلام ورجعت للبيت مختنك وضايج اول مشافتني بوستني ولاحظت تعابير وجهي ..
_كالت"حبيبي شبيك ضايج صاير شي؟؟!"
_بعدين نسولف دخل للغرفة بسرعة شمرت السويج وبدلت ملابسي واتمددت جابتلي صينية الاكل وهي مبين عليها التوتر والقلق نزلتها وهي تباوعلي عسى ان انطق بكلمة تالي صرفت نظرها للصينية واكلج لكمتين وشالت الصينية وطلعت ....
___________________________
زينب...
بعد ما صرت مرحلة ثالثة تعرفت على زميل وياي بالكلية وصرت دائما اخلي يشرحلي الي ما فاهمته بس جنت مخلية حدود بينه لان بابا جان دائما يوصيني ويوعيني ويحذرني من قرب الشباب وتخطي الحدود ف اتبعت هلشي بحياتي دائما اشوف البنات يتشاقن ويضحكن بصوت عالي الا اني جنت احب نفسي والحدود الي مخليتها احس نفسي مميزة عندي صديقتي سما كولش مرحة ولطيفة ومتحب تدخل بأحد ف جنه ثلاثي اني وسما وزميلي احمد ...
سما_اكولج زينب رح تبدي المحاظرة واني جوعانة امشي نجيب لفات ..
_لا دادة ما اريد امشي روحي انتي..
_يووو شكد معقدة زنوبة هي قريبة
_كتلج لا يعني لا..
_ماشي ماشي تردين شي
_جيبيلي وياج لفة وعصير بعد نص ساعة للمحاضرة
لتنسين تعالي بسرعة حتى نراجع الامتحان ...
_ماشي ماشي..
راحت سما واني كعدت على كرسي بحديقة الكلية اكلب بالاوراق واراجع بهل اثناء شفت احمد ديتقدم بأتجاهي
_يابة السلام عليكم
_وعليكم السلام تفضل
سويتله مجال واجه كعد يمي كال"شعجب سما مو يمج عجل وين راحت؟؟!
_سما راحت تشتري لفات..
_اهاا كاعدة هين تراجعين؟؟!
_اي دا اراجع
_عادي اراجع وياج
_اي عادي بس اا اريدك تفهمني هلموضوع ما فاهمته ؟؟
_اي يابة عادي انطيني ادحك الموضوع..
انطيته اله جنت اعرف بس اسمة وعمرة واعتقد هو بغدادي بس لهجته مو بغدادية ف دائما اسأل نفسي بس متجرأة وسألته عن اصلة او هيج شي..
ضل يشرحلي بكل اتقان واني اركز بكل حواسي وياه..
كملنه نص الموضوع واجت سما ..
_هااا يا خوناء تشرحون موضوع واني مموجودة!!
_ضحكت على الجمع وكال احمد
_انتي دمرتي ام وابو اللغة العربية هم زين قسم كيمياء انتي ..
_ضحكت من كل كلبي ونسيت احمد موجود يمي بعدين انتبهت ان هو صافن عليه بسرعة سكتت..
_ااا اني اروح يلا راح تبدي المحاظرة بسرعة كمت وسما تصيح وراي ولج اللفااات تعالي بسرعة رحت وحدي اراجع موقف محرج كلش ردت بس ندخل للمحاظرة حتى ميجون وراي...
صار وكت المحاظرة ودخلت للمحاظرة وزعو الاسئلة ضليت اتذكر احمد الي شرحلي الموضوع لان اجه سؤال منه حليت الي كدرت عليه وطلعت لكيت سما بنفس المكان رحت يمهم وتصرفت عادي كعدنه ..
وضلينه ناكل وبعدين سما كالت اكلك احمد انت شلون بغدادي ولهجتك مدري شلونها؟؟!!
احمد_شوفي اني ولادتي بغداد بس عشت طفولتي بالانبار بحديثة وكملت مراهقتي وشبابي هين ودراستي هم ببغداد لان امي بغدادية وابوي انباري بس ابوي عايش ببغداد ...
_اهااا عجبتني لهجتك زين اهل حديثة هم شكر مثلك وحلوين؟؟!
كرصتها وهو ضحك وكال
_ادحكي هو احنا او بشكل عام اهل حديثة شكران وحلوين وتغلبنه سمة القبائل اكثر من القانون وحديثتي خضرااء وحلوة كل عطله اكضيها هناك بحديثة عند عمامي خويي ضابط وخويي الثاني هم ضابط بس طالب هلسنه يتخرج احنه ثلاث اخوان واختين وحدة متزوجه بالانبار لابن عمي والثانيية تدرس..
كلتله "الله يحفظكم"
_يحفظ الجميع ..
_يلا اني اترخص لازم اروح بابا يضل يقلق علية..
_يابة بعد وكت
_لا والله ما اكدر
_لعد اوصلكم بطريقي..
_لا مشكور اني اروح
سما_يابة خلي يوصلنه هو بطريقة وبعدين نروح بالباص ...
ماشي طلعنه واني كلمة كوه ارددها خجلانه كلش لو ما سما لحت جان ما مشيت وياه ..وصلنه واني بسرعة فتحت الباب اريد انزل
_يابة ما طاير اني نزلي براحتج ..
نزلت بسرعة وعفت سما وهي لحكتني وصعدنه باص..ووصلت للبيت....
____________________________
سمارة..
بعد ما رجع رافد خفت كلش اخاف صاير شي مبين تعبان وضايج كمل اكل وغسلت المواعين بسرعة وكعدت يمة ضل دقائق ساكت واني احترك حتى بس ينطق كلمة اخر شي متحملت كتلة"رااافد شصاير متت من الفضول والخوف اكوو شي؟؟!!
_شوفي سمعت اليوم اخبار البلد مو زينة..
_اي يعني شنو؟؟!
_يعني راح تصير حرب بينه وبين ايران لان تريد من مناطقنه تاخذها وتصير لبلدهم..
لطمت على صدري يمةة وشراح يصير
_لحد الان ما نعرف للاسف هلبلد هيج يصير بي ...
_دمعت عيوني بس ما حاولت ابينلة لان هو ضايج ونوب ازيدها علي غزولة تلعب بين رجلية وتدغدغني شلتها وبوستها كتلة ما مشتاق لغزولتنه ممشتاقلي؟؟؟!!
_يا يابة شلون ما مشتاااق اني عطشان الكم حظننا ونمنه وبعدين شال غزولة وكطاها على جها واجه تقربلي بكل لهفة وشغف...
_ثاني يوم طلع من الصبح لبيته الثاني صح اضوج من يروحلهن بس حرام عليه احرمهن منه رغم هو بين يومين او ثلاثه يروح وميطول ودائما يجي الفجر واني ابد ما تغفة عيني الا يجي وشتم ريحته واحضنه وانام بحظنه وغزولتنه هم متنام للفجر وياي واضل العبها وادغدغ بيها بعد اسبوع ويصير سنه عمرها ولهسة اني ما حملت ردت اراجع بس الاوضاع متساعد كلت تستقر الاوضاع واشوف بلة
ضليت انتظره للفجر اجه هو بوسته وشميته وهو هم ونومت غزولة واذن الفجر وتوضينه وصليت وراه دائما احب هل فقرة بيومي لان تحسسني بالرضا عن نفسي وبالامان بصوته الدافي والرزن وهدوءة الي يسيطر على الاجواء ويقشعر بدني بصوته العالي والهادئ كملنه صلاة ورجعنه نمنه...
مر اسبوعين ومرة من الصبح اجاني وكل بسرررعة لمي ذهبج وفلوسج وكلشي الي تحتاجي اني رايح ابلغ الكل ...طلع وخلاني صافنه وره ساعتين واني ما لميت شي بس صافنة واوكل غزولة اجه هو كام يصيح
_انييييي شككككلت مووو كلت لمييييي كلشي الي تحتاااجين مااااااا تفهمين يلللااااا عوفي كلشيييي...
(بنات اعتذر البارت قصير بس ب 5 نطلع للامام الكاضم عليه السلام ولازم انام شوي ورح ادعيلكم كلكم💜🦋 صوتو للبارت)
VOCÊ ESTÁ LENDO
الحرمان بعد العطاء
Literatura Femininaقصة حقيقية ومختلفة ...الكثير منا يحلم للمستقبل يرتفع الى السماء باحلامه لكن لا تنسى هناك واقع يوقع بك من سابع السموات الى الارض...
