الحلقة
22
بقلم الكاتبة ///هاجر صباح///
متغيرة
كبران وجهج شو احس..
مو جنج الشفتج امس..
الاعرفة كنتي صغيرة..
شذبل عيون الكمر...
عيونج !!
شكد بيهن حسرة وقهر...
يذبن دمع مثل المطر...
وماليهن سواد من السهر...
عيونج!!
اشوف الدمع بيها انحصر...
وسمعت بداخلك شي انكسر...
لونج
منو الغيرة وهيج طفة...
وفيتي بروحج ومحد وفة!!
ياهو يستاهل حزن؟؟
معذبة روحج ابسجن
صدكيني محد يحن؟؟ ......بقلمي ✏✏
سارة......
العصر كاعدة بالغرفة وصافنه فجأة اجت ماما طايرة من الفرح والضحكة شاكة وجهها كالت بلهفة وفرح:لججج سااارة راح نررررجع لبيتنه ..
كمزت بسرعة وجاوبتها:صددك يمة يعني رح نرجع واخيرررراااا ...
_اي ولج يلا لمي الغراض بين ما اخبر ام حارث بطلعتنه ..
انقبض كلبي من جابت اسمة بالسانها وتذكرت ورجعت لواقعي والحقيقتي ان راح اخطب بعد ما نرجع معقووولة؟!! بهل سهولة!!! يعني كولشي انتهى ها هية الى هنا وكلشي انتهى!!! وبعد ماكو شي اسمة فرااس!؟ اجت ماما واردفت بعصبية "انييي شكلت ما اريد اصيح الولد هنا وعيب منهم كرصتني من زندي وكالت يلااا ولج بسرعة حظري غراضنه لتغلين مثل المطي صافنه" واجت ضحى وهديل يباوعلي ويعوجن بحلكهن ومدري شنو يتشاورن تجاهلتهم لان ما الي خلكهن واناقش واجادلهن ..
رحت حظرت الغراضنه وخليتهن بعلاليك كبار طلبتهن من زهراء وهي اجت تساعدني كالت...
_الحمد لله شكد فرحانه لان راح تصيرين جنتنه اللله وكل يوم اسولف وياج يمممة طايرة فرح شوكت الخطوبة حتى ابدي اجهز نفسي واشتري فستان حلو انتي تختاري من نجي نختار اني وياج بدلتج وفستاني ..
_كلتلها الله كريم مو هسة اصلا خلي الخطوبة بعد 6 اشهر او سنه ...
اردفت بصدمة_ياااا شسالفة خليها بعد شهر
ما جاوبتها لان العبرة خانكتها بصدري وما اريد دموعي تنزل كدامها كملت ترتيب الغراض وشديت الاكياس واجت ماما كالت
_يلا جهزي نفسج راحو الولد يجيبون السيارات بدلت ولبست عبايتي ولفيت شالي بعد مرور تقريبا ساعتين اجو الولد شالو الغراض وماما طلعت قبلي واني تأخرت لان دا البس الحذاء دا اطلع وانجرت ايدي درت وجهي لكيته حارث انصدمت وخرت ايدي بسرعة واردفت بعصبية
_منوو سمحلك تجر ايدي ؟؟!!
رد باستغراب_جا هو انه شسويتلج شبيج بس جاي اودعج عفت شغلي من سمعت راح ترحون واجيت قبل الولد علمود الحك عليج واودعج المهم محتاجة فلوس شي؟؟!
اردفت بانزعاج_لااا شكرا اريد اروح دا تطلع مد ايدة على خصري وجرني اتصادمت بصدرة دفعته وكلتلة
_شبيييك دا اكلك اريد اروح وتره احنه ممخطوبين حرام تلمس ايدي فهمتتت،؟!!
YOU ARE READING
الحرمان بعد العطاء
ChickLitقصة حقيقية ومختلفة ...الكثير منا يحلم للمستقبل يرتفع الى السماء باحلامه لكن لا تنسى هناك واقع يوقع بك من سابع السموات الى الارض...
